Allah Taala Jis Ke Sath Bhalai Ka Irada ..

Hadees : Nabi-e-Kareem ( Sallallahu Alaihay Wasallam) Ne Irshad Farmaya Ke,

Allah Taala Jis Ke Sath Bhalai Ka Irada Farmata Hai Uss Ko Deen Ki Samajh De Deta
Hai, Aur Allah Dene Wala Hai Aur Mai Taqseem Karne Wala Hoon. Aur Yeh Ummat
Hamesha Apne Mukhalfeen Par Ghalib Rahegi, Yahan Tak Ke Allah Taala Ka Hukam
Aa Jayega (Yani Qayamat) Aur Wo Ghalib Hi Hongi.
-: (Sahih Bukhari, Ilm Ka Bayan,71)
Sallallahu Alaihay Wasallam) Ne Farmaya, Har Nasha Wali Cheez Haraam Hai, Kyon
Ke Allah Taala Ka Uss Aadmi Ke Liye Waada Hai Ke Jo Aadmi Nasha Waali Cheez
Peeyega Ussey Allah Taala Tinatah-Al-Khabaal Peelayega,
Sahaba-e-Kiraam (Radhi Allahu Taala Anhu) Ne Arz Kiya, Aye Allah Ke Rasool
(Sallallahu Alaihay Wasallam)! Tinatah-Al-Khabaal Kya Cheez Hai?
Aap ( Sallallahu Alaihay Wasallam) Ne Farmaya, Dozakhiyon Ka Pasina Hai.
-: (Sahih-Muslim, Vol-No: 05, Hadees-No: 5217
Jumma Ke Din Jab Imaam Khutba De Raha Ho ..
Hadees : Khutba-e-Jumma Ka Adab
Hazrate Maaz Bin Anas (Radhi Allahu Taala Anhu) Se Rivayat Hai Ke, RasoolAllah
(Sallallahu Taala Alaihi WaSallam) Ne Fermaya,
Jumma Ke Din Jab Imaam Khutba De Raha Ho Toh, Ghutno Ko Pait Ke Saath MilaKer
Baithney Se Manaa Fermaya.
-: (Abu Dawood, Kitabul Salaat, H #1110/ Termizi, Kitabul Salaat, H #514)
Aurat Ka 3 Din Se Jyada Tanha Safar Karna Jayaz Nahi
Hadees : Nabi-e-Kareem ( Sallallahu Alaihay Wasallam) Ne Farmaya Ke,
Jo Aurat Allah Aur Qayamat Ke Din Par Emaan Rakhti Hai Uss Ke Liye Yeh Halaal
Nahi Ke Wo Apne Baap, Bhai, Shohar, Bete, Ya Kisi Mahram (Rishtedar) Ke Bagair 3
Din Ya Iss Se Ziyada Ka Safar Kare
-: (Sahee Muslim, Hadis-3270)
Her Ek Se Uske Jimmedariyo Ke Baare Me Pucha Jayega .
Hadees : Hazrat Abdullah Ibne Umar (Razi Allahu Taala Anhu) Se Mairvi Hai Ke,
Huzur (Sallallahu Taala Alaihi Wa Aalihi Wa Sallam) Ne Farmaya,
Tum Sab Nigran (Responsible) Ho, Tum Me Se Her Ek Se Iske Matahat Afrad Ke
Baare Me Pucha Jayega.
Baadshah Nigran (Jimmedar) Hai, Iss Se Iss Ki Riaaya (Kingdom) Ke Baare Me Pucha
Jayega.
Aadmi Apne Ahl-O-Ayaal (Family) Ka Nigran Hai Iss Se Iss Ke Ahl-O-Ayal Ke Baare Me
Pucha Jayega.
Aurat Apne Khawind (Shohar) Ke Ghar Aur Aulaad Ki Nigran Hai Iss Se Inke Baare Me
Pucha Jaega.
-: Sahih Bukhari Volume 007, Book 062, Hadith Number 116 (English Translation)

 Har Shakhs Khataa Karne Wala Hai ..

Hadees : Rasool-e-Paak (Sallallahu Taala Alaihi Wa Aalihi Wa Sallam) Ne Irshad Farmaya,
Har Shakhs Khataa Karne Wala Hai Aur Behtar Khata Karne Wala Woh Hai Jo Tauba Karle.
- (Tirmizi : Hadees No-389)
Uss Shaks Ke Liye Khush Khabri Hai Jo Apne Naam-e-Amaal Me Bohat Ziyada Astagfar
Paaye.
(Ibn~E~Majah, Hadees No:3818)
Yatimo Ke Maal Par NaaHaq Kabza Na Karo ..
Al-Quraan : Bismillah-Hirrahman-Nirrahim !!!
Jo Log Yateemo Ka Maal NaaHaq Jaaya (Waste) Karte Hai, Woh Apne Pait Me Bus
Angaare Bharte Hai Aur An-Karib Jahannum Me Wasil Honge.
- (An-Nisa : Ayat-10)
Kiski Toubah Kabool Hogi Aur Kiski Nahi ?
Al-Quraan : Bismillah-Hirrahman-Nirrahim !!!
Allah Ki Baargaah Me Toubah Toh Sirf Unhi Logon Ki Kabool Hoti Hai, Jo Nadanista
Buri Harkat Kar Baithe Aur Fir Jaldi Se Toubah Kar Le, Toh Allah Bhi Aise Logon Ki
Toubah Kabool Kar Leta Hai. Aur Allah Toh Bada Janne Wala Haakim Hai.
Aur Toubah Unn Logon Ke Liye (Mufid) Nahi Hai Jo Umr Bhar Toh Bure Kaam Karte
Rahe Yaha Tak Ki Jab Unme Se Kisi Ke Sir Par Mout Aa Khadi Hui Toh Kahne Lage Ab
Maine Toubah Ki Aur (Isi Tarha) Unn Logon Ke Liye (Bhi Toubah) Mufid Nahi Hai Jo
Kufr Ki Halat Me Mar Gaye Aise Hi Logon Ke Waste Hamne(Allah Ne) Dardnaak
Azaab Taiyar Kar Rakha Hai.
-: (An-Nisa, Ayar 17,18)
Jo Kisi Muslman Ko Aisi Jagah Zaleel Kare Jahan
Hadees : Nabi-e-Kareem ( Sallallahu Alaihay Wasallam) Ne Farmaya..
Jo Kisi Muslman Ko Aisi Jagah Zaleel Kare Jahan Uss Ki Izzat Ki Jati Ho Toh, Allah Uss
Ko Uss Jagah Zaleel Karega Jahan Uss Ko Allah Ki Madad Ki Zaroorat Hogi.
-: (Abu Dawood, Jild 3, Hadis No-1455)
Hadees : RasoolAllah (Sallallahu Alaihi Wasallam) Ne Farmaya,
Khairaat Ko Mat Roko Warna Tumhara Rizq Bhi Rok Diya Jaye Ga.
- (Sahi Bukhari, Kitab-Uz-Zakat, Hadees:1433)
Ilm Ki Fazilat..!
Hadees : RasoolAllah (Sallallahu Taala Alaihi Wa Aalihi Wa Sallam) Ne Farmaya
Ke,
Jo Ilm (Ilm-e-Deen) Ki Talaash Me Kisi Raste Par Chalta Hai, Allah Uske Liye Jannat
Ka Rasta Aasaan Farma Deta Hai.
- (Ibne Maja, Jild : 1, Page : 145)

Museebat Pohnchne Par Honi Ko Dosh Na Do

Hadees : Hazrat Abu Hurairah (Radi Allahu Anhu) Se Rivayat Hai Ki, RasoolAallah
( Sallallahu Alaihay Wasallam) Ne Farmaya,
Ek Tandurast Momeen Allah Taala Ke Nazdeek Kamzor Momeen Se Ziyada
Pasandeeda Aur Bhehtar Hai, Har Cheez Me Bhalayi Talab Kar, Jo Tujhe Nafaa De
Usme Raghbat Kar (Yani Uskey Kareeb Ja) Aur Allah Se Madad Maang Aur Dil Na
Haar Agar Tujhe Koi Museebat Pahuncche Toh Yu Na Keh Ki Agar Mai Iss Iss Tarah
Kar Leta, Bulki Ye Keh Ki Jo Allah Ne Muqaddar Kar Diya Aur Jo Usney Chaha Kiya,
Kyunki Lafz Agar Shaitan Ka Kaam Shuru Kara Deta Hai.
- (Sunan Ibn Majah, Vol 1 , # 79 Sahih)
Jo shakhs"NABI(SAW)ki MUKHALIFAT kare"iske BAAD ke is par Rah-e-Hidayat waazeh
ho gayi aur TaMaaM MOMINO ki RaahCHHOD kar,(GuMrahi)ki taraf chale. HuM usey
USI Raah ki tarafpherenge, jidhar wo phir gaya aur DOZAKH Me daal denge.
(Nisa(4):115)
Munafiqo Ki Pehchan ..
Hadees : Abdullah Bin Umar(Razi Allahu Taala Anhu) Bayan Karte Hai Ki Nabi-eKareem ( Sallallahu Alaihay Wasallam) Ne Farmaya Ki,
Chaar Aadate Aesi Hai Ki, Jinke Andar Bhi Wo Hongi Wo Munafiq Hoga. Un Chaar Me
Se Agar Koi Ek Paayi Jaayegi Toh Uske Andar Nifaaq Ki Ek Aadat Hogi, Yahan Tak Ki
Use Chhor De.
(1). Jab Bole Toh Jhoot Bole.
(2). Waada Kare Toh Poora Na Kare.
(3). Lade-Jhagde Toh Gaali Bake.
(4). Muaahida(Deal) Kare Toh Dhoka De.
- (Sahih Al-Bukhari, Hadees No.2459)
Suraj(Sun) Doobta Hai Toh Kaha Jata Hai? .
Hadees : Hazrat Abuzar (Razi Allahu Anhu) Kahte Hai Ke Rasool-e-Kareem
(Sallallahu Alaihay Wasallam) Ne Farmaya,Suran Doobta Hai Toh Kaha Jata Hai?
Aye Abuzar ! Tum Ko Maloom Hai Hai Ke Jab Suraj(Sun) Doobta Hai Toh Kaha Jata
Hai?
Hazrat Abuzar Ne Arz Kiya, Ya RasoolAllah!! Allah Aur Uska Rasool Behtar Jante
Hai..
Sarakar ( Sallallahu Alaihay Wasallam) Ne Farmaya, Suraj (Arsh Aazam) Ke
Qareeb Jakar Sajdah Karta Hai, Aur Fir Nikalne Ki Ijazat Mangta Hai, Aur Usko Ijazat
Di Jaati Hai
Lekin Anqareeb Aisa Waqt Bhi Aane Wala Hai Ke Suraj Sajdah Kare Aur Sajdah
Qubool Naa Ho, Aur Tuloo (Nikalne) Ki Ijazat Naa Di Jaay, Bulke Allah Tabarak Wa
Taala Ka Hukm Hoga Ke Jaa Tu Jaha Se Aaya Hai Wahi Ko Palat Jaa.
Lihaza! Magrib Ki Janib Se (Tuloo) Nikle Ga.
Isi Ke Mutaalliq Se Allah Taala Ne (Sureh Yasin-Ayat-No-38) Me Farmaya,

Washshamsu Tajri Limus Taqarril Laha { } Tarjuma : Suraj Ka Istaqrar

Arsh Aazam Ke Neeche Hai.
- (Sahih Bukhari Volume 004, Book 054, Hadith Number 421) English Reference
Uqba Bin Aamir Al-Zuharni Radi Allahu Anhu se riwayat hai ki Allah ke rasool
Sallallahu Alaihi Wa Sallam ke paas logo ka ek samooh aaya, to aap ne 9 logo se
ba'it kiya aur ek se ruk gaye, to unhone kaha aye Allah ke Rasool Sallallahu Alaihi
wa sallam ! aap ne 9 logo se ba'it kiya aur ek ko chhod diya ! aap Sallallahu Alaihi
wa sallam ! ne farmaya : "wah tabeez pahne huye hai." is par us ne apna haath
andar daal kar use kaat diya to aap Sallallahu Alaihi wa sallam ne us se ba'it kar liya
aur farmaya : " jis ne tabeez latkaya us ne shirq kiya." (Musnad Ahmed : Hadees No.
16969)
Insan Ka Imtehan Emaan Aur Taqway Ke Mutabiq ..
Hadees : RasoolAllah ( Sallallahu Alaihay Wasallam) Ne Farmaya,
Insan Ka Imtehan Iss Ke Emaan Aur Taqway Ke Mutabiq Hota Hai, Agar Wo Apne
Taqway Me Mazboot Hota Hai, Toh Uski Aazmayish Bhi Sakhti Hoti Hai, Yehi Wajah
Hai Ke Sab Se Ziyadah Sakht Aazmayish Aur Imtihaan Nabiyon Ke Huwey, Phir Nek
Logon Ke, Phir Inn Se Kum Darjay Walon Ke.
- (Ibne_Majah,H:4023)
Hadees : Hazrat Abu Hurairah (Razi Allahu Anhu) Ne Kaha Ki, Huzoor (Sallallahu
Taala Alaihi Wasallam) Ne Farmaya Ke,
Logo Par Ek Zamana Aisa Bhi Aayega Jab Ke Koi Iss Baat Ki Parwaah Na Karega Ki
Usne Jo Maal Kamaya Wo Halaal Hai Ya Haraam.
-: (Bukhari Vol-1 Page-276)
Mafhum-e-Hadith: Khaney mein Aib na nikalo
----------------------Urdu Translation:
Abu Hurairah Radi allahu anhu se rivayat hai ki Rasoollallah Sallallahu Alaihi
wasallam ne kabhi kisi khaney mein koi Aib nahi nikala agar pasand hota to kha
letey aur na pasand hota to chor detey.
{Sahih Bukhari, Vol7, 5409}
Zakaat Diya Karo Apne Maal Ki
Hadees : Ek Mertaba RasoolAllah (Sallallahu Alaihi Wasallam) Ki Khidmat Me 2
Aurtain Aayi, Inkey Hatho Me Sone(Gold) Ke Kangan The. Aap Ne Inse Pucha, Kya
Tumne Inki Zakaat Di Hai?
Inhon Ne Kaha: Jee Nahi!
Huzoor Ne Farmaya, Kya Tumko Ye Pasand Hai Ke Inke Badle Allah Taala Tumhe Aag
Ke Kangan Pehanae?

Woh Bolin, Nahi!!!.

Aap (Sallallahu Alaihi Wasallam) Ne Farmaya, Phir Inki Zakaat Dia Karo.
-: (Jamia Termizi, H# 637)
Behtarin Ikhlaq Wala Sab Se Kamil Momin Hai
Hadees : Nabi-e-Kareem (Sallallahu Alaihi Wasallam) Ne Farmaya,
Behtarin Ikhlaq Wala Sab Se Kamil Momin Hai, Aur Tum Me Behtar Woh Hai Jo Apni
Aurto Ke Haq Me Acche(Narm Dil) Hai.
- (Tirmizi, Jild : 1, Page : 595)
Hadees : Ummul Momeneen Aayesha (Radi Allaho Anha) Se Rivayat Hai Ki
RasoolAllah(Sallallaho Alaihey Wasallam) Ne Farmaya,
Mardo Me Sabse Bura Allah Ke Nazdeek Wo Mard Hai Jo Sabse Jiyada Jhagadalu
Ho.
-: (Sahih Bukhari, Vol 8, 7188)

Hadees : Abu Hurairah (Radi Allahu Anhu) Se Rivayat Hai Ki, RasoolAllah (Sallallahu
Alaihi Wasallam) Ne Farmaya,
Uss Shaksh Ko Dekho Jo Tum Me Se Kum Ho (Maal Aur Daulat Me, Aur Husn Wa
Jamaal Me Aur Aulaad Me) Aur Usko Mat Dekho Jo Tumse Ziyada Hai Aur Aisa
Karoge(Yaani Duniyayi Bade Aur Buland Martaba Ke Logon Ko Dekhoge) Toh Allah
Taala Ki Neymat Ko Apne Upar Haqeer (Yani Kam) Samjhoge.
-: (Sahih Muslim, Vol 6, Hadith No:7430)
Zulm Ki Pairvi Na Karo ..
Hadees : Abu Bakr Siddiq (Radi Allahu Anhu) Se Rivayat Hai Ki RasoolAallah
(Sallallahu Alaihay Wasallam) Ne Farmaya,
Agar Log Zalim Ko Zulm Karte Huye Dekhe Aur Usey Na Roke Toh Qareeb Hai Ki
Allah Taala Un Sabko Azaab Me Mubtala Kar De.
- (Jamia Tirmidhi, Vol2, 40 Sahih)
Karzdar Ko Mohlat Do Ya Karz Muaf Kardo ..
Tangdast Ko Muaf Kardo !!!
Hadees : Abu Hurairah (Radiyallahu Anhu) Se Riwayat Hai Ki Huzoor (Sallallahu
Alaihi Wasallam) Ne Farmaya,
Ek Shakhs (Zamane-e-Guzistah Me) Logo Ko Udhaar(Karz) Diya Karta Tha, Woh
Apne Ghulam Ko Kaha Karta Kisi Tangdast Madiun(Karz Lene Wale) Ke Paas Jana,
Usko Muaf Kar Dena, Uss Ummid Par Ki Khuda Humko Muaf Karde, Jab Uska Inteqal
Ho Gaya Allah Taala Ne Usko Muaf Kar Diya.
-: (Sahih Bukhari, Kitab Ul Ahadeesul Ambiya, Jild 2, Page No. 470, Hadees No. 3480)
Hadees : Abu Hurairah (Razi Allahu Taala Anhu) Se Rivayat Hai Ki RasoolAllah
(Sallallahu Alaihay Wasallam) Ne Farmaya,
3 Tarah Ke Log Wo Honge Jinki Taraf Qayamat Ke Din Allah Taala Nazar (Nazar-e-

Rehmat) Bhi Nahi Uthayega Aur Na Unhe Paak Karega Bulki Unkey Liye Dardnaak
Azaab Hoga.
(1). Wo Shaksh Jiske Paas Raaste Me Zarurat Se Jiyada Paani Ho Aur Usne Kisi
Musaafir Ko Uske Istemaal Se Rok Diya.
(2). Wo Shaksh Jo Kisi Haakim Se Bait Sirf Duniya Ke Liye Kare Ki Agar Wo Haakim
Usey Kuch De Toh Wo Raazi Rahe Warna Khafa Ho Jaye.
(3). Wo Shakhs Jo Apna (Bechne Ka Tijarti) Saaman Asar Ke Baad Lekar Khada Hua
Aur Kehney Laga Ki Uss Allah Ki Qasam Jiske Siwa Koi Sachcha Maabud Nahi, Mujhe
Iss Saaman Ki Qeemat Itni Itni Mil Rahi Thi Uss Par Ek Shakhsh Ne Usey Sahi Samjha
(Aur Uss Saman Ko Kharid Liya)(Yaani Jhooth Ko Ikhtiyar Karke Tijarat Karnewala).
- (Sahih Bukhari, Vol 3, 2358)
Hazrat Abu Huraira Se Bayan Hai Nabi e Karim Sallallahu Alahi Wasallam Ne
Farmaya
Muslmano Ke Gharo Me Se Wo Ghar Behtar Hai Jisme Yateem Ki Parwarish Pata Hai
Aur Uske Sath Neki Ki Jati Hai
Aur Sbse Bura Wo Ghar Hai Jis Ghar Me Yateem Ke Sath Acha Suluk Na Ki Kia Jata Ho
[Ibne Majah Hadith 3769]
Hadees : Ibn Abbas (Razi Allahu Anhu) Se Riwayat Hai Ki Unhoney Nabi-e-Kareem
( Sallallahu Alaihay Wasallam) Se Suna Ki,
Koi Mard Kisi (Gair Mahram) Aurat Ke Saath Tanhayi Me Na Baithey Aur Koi Aurat
Uss Waqt Tak Safar Na Karey Jab Tak Uskey Saath Uska Mahram(Shohar) Na Ho.
Itney Me Ek Sahabi Khadey Huye Aur Farmaya, Ya RasoolAallah ( Sallallahu
Alaihay Wasallam) ! Mai Ne Falah Jihaad Me Apna Naam Likhwa Diya Hai Aur Meri
Biwi Hajj Ke Liye Ja Rahi Hai
Toh Aap ( Sallallahu Alaihay Wasallam) Ne Farmaya, Tu Bhi Uskey Saath Hajj Ke
Liye Ja.
- (Sahih Bukhari, Vol 4, 3006)
Hadith: jisne Asr ki namaz chorh di uska neik amal zaya ho gaya
Abu Al-Malih Radi allahu se rivayat hai ki Rasoollallah Sallallahu Alaihi Wasallam ne
farmaya jisne Asr ki namaz chorh di uska neik Amal zaya ho gaya
Sahih Bukhari, , vol 1, 553
Hadees : Abdullah Bin Masud (Razi Allahu Taala Anhu) Se Riwayat Hai Ki,
RasoolAallahu ( Sallallahu Alaihay Wasallam) Ne Farmaya,
Hasad Sirf Do Baato Me Jayaz Hai,
(1). (Ek) Toh Uss Shaksh Ke Baare Me Jise Allah Taala Ne Daulat Di Ho Aur Wo Uss
Daulat Ko Raah-e-Haq Me Kharch Kare Aur,
(2). (Dusra) Uss Shaksh Ke Baare Me Jise Allah Taala Ne Hikmat Di Ho Aur Wo
Uskey Jariye Faisley Karta Ho Aur Logo Ko Uski Taalim Deta Ho.
--------------------------------------------------------------------------------

Narrated By 'Abdullah bin Mas'ud : The Prophet said, "Do not wish to be like anyone
except in two cases. (The first is) A person, whom Allah has given wealth and he
spends it righteously; (the second is) the one whom Allah has given wisdom (the
Holy Qur'an) and he acts according to it and teaches it to others."
- (Sahih Bukhari, Ilm Ka Bayan, 73)
Dunia Me 4 Qisam Ke Logo Ki Niyato Ka Silaah ..
Hadees : Hazrat Abu Kabshah Anmaari (Razi Allahu Taala Anhu) Se Hai,
RasoolAllah ( Sallallahu Alaihay Wasallam) Ne Farmaya,
Mai 3 Baato Ki Qasam Khata Hoon Aur Tum Se Ek Hadees Bayan Karta Hoon Use
Yaad Rakhna
1). Sadqa Karne Se Kisi Ke Maal Me Kami Waqai Nahi Hoti,
2). Jis Kisi Par Zulm Ho Aur Woh Sabr Kare Tou Allah Uski Izzat Me Iazafa Farmata
Hai,
3). Jo Shaks (Logon Se) Mangna Shuru Kar De Tou Allah Uss Par Fikr Aur Tangi Ka
Darwaza Khool Deta Hai (Aur Woh Har Qisam Ke Maal-O-Dolat Hone Ke Bawajood
Mangta Phirta Hai)
Phir Farmaya, Ek Aur Baat Bayan Karta Hoon Use Bhi Yaad Rakhna. Yeh Dunia Me 4
Qisam Ke Logo Ke Liye Hai,
1). Ek Woh Jise Allah Maal-O-Dolat Aur Ilm Se Nawazta Hai Aur Woh Inn Dono Ke
Baare Me Allah Se Darta Rehta Hai, Suleh Rehmi Karta Hai Aur Allah Ke Haq Ko Janta
Hai (Aur Ada Karta) Hai. Aisa Aadmi Afzal Hai.
2). Dusra Woh Jise Allah Ilm Ata Farmae Aur Dolat Na De Magar Woh Sidiq-OKhaloos Se Kahe Ke, Agar Mere Paas Maal Hota Tou Mai Falah Ki Tarah Nek Amal
Karta, Hala Ke Uss Ki Sirf Niyat Hai Aur Dusre Ka Amal Hai Tou Dono Ko Sawaab
Barabar Milega.
3). Teesra Woh Hai Jise Allah Maal Ata Farmata Hai Aur Woh Ilm Se Mehroom Hota
Hai Woh Maal Ko Be-Intehaa Bagair Soche-Samze Aur Bagair Ilm Ke Kharch Karta
Hai. Na Allah Se Darta Hai Na Sila Rehmi Karta Hai Aur Na Allah Ke Huqooq Janta Hai
Aur Na Ada Karta Hai Yeh Sahks Sab Se Bura Hai.
4). Choutha Woh Jise Allah Ne Na Ilm Dia Na Maal Lakin Woh Keheta Hai Ke, Agar
Mere Paas Maal Hota Tou Mai Falah Ki Tarah (Bure) Kaam Karta, Hala Ke Uski Sirf
Niyat Hai Aur Dusre Ka Amal Hai Tou Dono Ko Gunnah Barabar Hai.
- (Tirmizi, Al Zuhd, Baab Maja Misal Al Dunia Misal Arba Nafar:2335)
Deen Me Nayee Nayee Baate Laana Gumrahi Hai ..
Hadees : Jabir Bin Abdullah (Radi Allahu Anhu) Se Rivayat Hai Ki, RasoolAllah
(Sallallhu Alaihi Wasallam) Ne Farmaya Ke,
Sabse Behtar Amr (Amal Ke Liye) Allah Ki Qitaab Hai Aur Sabse Behtar Tareeqa
Muhammad (Sallallahu Alaihi Wasallam) Ke Tareeqa (Tareeqa-e-Zindagi) Hai. Sabse

Badtareen(Bura) Kaam Deen Me Nayee Nayee Baaton Ka Paida Karna Hai Aur Har
Nayee Baat Gumrahi Hai.
-: (Sunan Ibn Majah, Vol 1, # 45)
Mafhum e hadith: Logo ne pucha Ya Rasoollallah Sallallahu Alaihi Wasallam hum Aap
par kis tarah durud bheja karein
Abu Humaid As-Sa'idi Radiallahu anhu se rivayat hai ki logo ne pucha Ya
Rasoollallah Sallallahu Alaihi Wasallam hum Aap par kis tarah durud bheja karein
Rasoollallah Sallallahu Alaihi Wasallam ne farmaya kaho

Allahumma salli ala muhammad wa ala aali muhammad kamaa sallaita ala ibrahima
wa ala aali ibrahima innaka hamidum majid. Allahumma baarik ala muhammad wa
ala aali muhammad kamaa baarakta ala ibrahima wa ala aali ibrahima innaka
hamidum majid.(Sahih Bukhari, 3369)
Hadith: Har bachcha fitrat (sirf ek Allah ki ibadat) par paida hota hai
Abu Hurairah Radi allahu anhu se rivayat hai ki Rasoollallah Sallallahu alaihi
wasallam ne farmaya har bachcha fitrat (sirf ek Allah ki ibadat) par paida hota hai
aur uskey maan baap usey yahudi , nasrani ya majusi bana detey hain
Sahih Bukhari, Vol 2, 1359