Në këtë temë do të flasim për alkoolin dhe dëmet e tij, për
qëndrimin e Islamit ndaj alkoolit dhe për shtetet më të civilizuara se si harxhojnë pasuri të mëdha, vetëm e vetëm ta ndalojnë konsumimin e alkoolit.
Allahu xh.sh. në Kur’anin Famëlartë thotë: “O ju që besuat,
s’ka dyshim se vera, bixhozi, idhujaria dhe hedhja e shigjetës (për fall) janë vepra të ndyta nga shejtani. Pra largohuni prej tyre që të jeni të shpëtuar”. Alkooli në Islam është haram. Ai që e pi alkoolin ka bërë gjynah të madh, sepse e ka thyer urdhërin e Allahut xh.sh. Kur Allahu e ndaloi alkoolin, atë e ndaloi në përgjithesi d.m.th, edhe pirjen, edhe blerjen, edhe shitjen, etj, pra e ndaloi edhe tregtinë me alkool, ai që meret me tregëtin e alkoolit, ai merret me haram, kurse ne Islam nuk lejohet tregëtia me haram.
Dëmet nga alkooli
Njeriu i cili e konsumon alkoolin, ai e helmon dhe e rrezikon
jetën e tij, sepse alkooli ndikon negativisht ndaj organizmit te njeriut dhe ndaj sistemit nervor, poashtu demtohet edhe psikikisht. Mjekët nëpër spitale, kur japin informata rreth të sëmurëve, ata thane:”Më tepër se gjysma e të smurëve janë të sëmurë prej alkoolit dhe narkomanisë”. Jeta dhe shëndeti janë dhuratë nga Allahu xh.sh. Me përdorimin e alkoolit njeriu e shkatëron jeten dhe shëndetin e tij, e për këtë do të jap përgjegjesi para Allahut xh.sh. Me përdorimin e alkoolit njeriu bëhet i varur nga ai dhe dëmtohet edhe ekonomikisht, sepse për blerjen e kësaj pije të duhen para, e në vend që me ata para të rregullojë jetën familjare ose ti përdorë në rrugë të Allahut xh.sh, me ato blehet alkool dhe harxhohen në haram. Allahu xh.sh. kërkon nga njeriu që të jetë i moralshëm, të jetë i ndershëm, të sillet mirë me të tjerët, të kujdeset për familjen e tij, ..... E si mund të jetë i këtill njeriu i cili është në ndikim të alkoolit. Një nga shumë arsyet pse është i ndaluar alkooli është edhe ajo se krahas shumë dëmeve që sjell në shëndet, pasuri, kjo pije sjell edhe dëme të shumta morale. Përdorimi i alkoolit e ndryshon sjelljen e njeriut dhe e humb vetëdijen e tij. Njeriu i ndershëm që e provon alkoolin qoftë edhe një herë, kalon në grupin e të pandershmëve dhe mëkatarëve, sepse njeriu i atillë nuk mund të mbajë shoqëri të ndershëme me moral islam, sepse njerzitë me moral islam të atillët nuk i pranojnë në shoqërinë islame, nuk mund të durojnë fjalët e tyre që i flasin pa kontroll, pa turp, .... Që të kesh shokë, vllezër, miqë... duhet t’i respektosh, kurse njeriu i dehur nga alkooli nuk mund të nderoj veten e tij e për nderin dhe respektin që do t’ua bënte të tjerëve mos të bëjmë fjalë.
Prindërit në Islam kanë përgjegjësi të madhe ndaj fëmijëve
dhe familjes së tyre. Muhamedi a.s.thotë:” Të gjithë ju jeni barinj dhe të gjithë do të përgjigjeni për tufat e juaja, udhëheqësit e popullit janë barinj, dhe ato do të përgjigjen pë to; burri është bari i familjes së tij, dhe ai do të përgjigjet për të, kurse gruaja poashtu është bareshë e shtëpisë së saj dhe ajo do të përgjigjet për të”. Njeriu i cili pi alkool nuk është i aftë të kujdeset për vetveten e tij, e lere më për familjen dhe fëmijët e tij. Ai në vend që të zgjedhë problemet familjare, bëhet vetë problem i familjes së tij. Allahu xh.sh. njeriun e dalloi dhe e respektoi mbi të gjitha krijesat tjera, Ai njeriun e bëri zavendës të Tij në tokë. E njeriu me përdorimin e alkoolit bie në shkallë më të ulët edhe se kafsha.
Dy shkaqe pse përdoret alkooli.
Njerëzitë që e përdorin alkoolin, e përdorin atë për dhumë
shkaqe, por më kryesor janë dy, edhe atë: 1.Shkaku i parë, është kur kanë probleme dhe ato mendojnë se me pirjen e alkoolit pasi të dehen do t’i harrojnë problemet. A thua zgjidhen problemet me pirjen e alkoolit? Problemi jo që nuk zgjidhet me pirje por ai sjell edhe më tepër probleme, përveç kësaj ia shton afatin problemit edhe më tepër, sepse kur të kalojë dehja përsëri ballafaqohesh me të njejtin problem. Shihni sa bukur Allahu xh.sh. në Kur’an tregon për problemet dhe zgjidhjen e tyre. “Ne do t’ju sprovojmë me ndonjë frigë, me uri, me ndonjë humbje nga pasuria e nga jeta edhe nga frytet. Po ti jepju myzhde durimtarëve”.
Pra në bazë të këtij ajeti kuptohet se problemet janë vetëm
sprova nga ana e Allahut xh.sh. për besimtarin dhe ai duhet të ketë durim, se durimi është i vetmi mjet për zgjidhjen e problemeve.
Shkaku i dytë, për pirjen e alkoolit është shoqëria.
Ka raste kur dikush konsumon alkool se nuk mund t’ua prishi shokëve. Duhet ta dimë fare mirë se ata në rradhë të parë ia prishin vetëvetes, sepse i sjellin vetes dëme shëndetsore, e rrezikojnë shëndetin e tyre për hatër të disa njerëzve të prishur, rrugaç, e të çmendur. Poashtu ai i cili pi alkool për hatër të shokëve të tij, e thyen urdhërin-rregullin e Krijuesit të tij.
Alkooli përdoret edhe si mburje, ai që pin më tepër
konsiderohet si njeri i civilizuar dhe i përparuar, kurse ai që nuk pin vetëm për hirë të Allahut xh.sh., se e ka ndaluar këtë pirje, llogaritet i prapambetur. Sa fatkeqësi e madhe, sa mendim i keq dhe i çuditshëm ësht ky mendim! A shkohet përpara dhe a bëhemi të civilizuar me alkool? A bëhet ngritja e një kombi me alkool? Është fatkeqësi e madhe për ne muslimanët që kemi mendime të këtilla dhe bëjmë gara në mes veti se kush do të hap apo çel më shumë kafe ose kafene dhe cili do të përdor më shumë alkool, edhe atë më të shtrenjtë, do të jetë më i civilizuar dhe më i kulturuar. Në një konferencë që u mbajtë në SHBA, në të cilën qëllim kryesor ishte si të largohen dukurit negative, e ndër ata dukuri u përmend edhe alkooli që i ka kaplu popuj të ndryshëm. Në atë konferencë si dëme nga alkooli përmendën: prishjen e moralit, smundjet shëndetësore, dëmet ekonomike, fatkeqësitë e komunikacionit, etj. Në atë konferencë kishte prezentë shumë musliman. Njeri prej muslimanëve u ngrit dhe u tha se muslimanët ilaqin për këtë smundje dhe dukuri negative e kanë gjetur para 1400 viteve, e ky është që mos të pihet alkooli.
Shtete e perëndimit në krye me SHBA-të harxhojnë me
miliona dollar që ti largojnë dukuritë dhe smundjet e shumta që janë si pasojë nga alkooli, kurse siç theksuam më lartë muslimanët e kanë ilaqin që para 14 shekujve, e ky është edhe argument i pa mohueshëm për mrekullin e Kur’anit.
Shërimi me alkool
Ka njerëz që mendojnë se shërimi me alkool dhe pirja e tij
për shërim lejohet. Ky është mendim i gabuar sepse kur Allahu xh.sh. një gjë e ndalon, prej saj nuk ka as dobi e as shërim. Nuk mund të ketë dobi prej një harami dhe askush nuk mund të shërohet nga harami. Allahu xh.sh. është krijues i njeriut dhe e njeh njeriun ma mirë se njeriu vetveten e tij. Në këtë kontekst Allahu xh.sh. e di se çka është e mirë për robin e TIJ dhe çka është e dëmshme. Besimtarët e vërtetë alkoolin nuk e përdorin për shërim. Në lidhje me këtë Muhamedi a.s. thotë:”vërtetë Allahu nuk la ilaqin e juaj në atë që ua ndaloi”.
Dhurata nga alkooli
Besimtarët përveç që nuk e përdorin alkoolin për shërim ,
gjithashtu nuk pranojnë dhe nuk dhurojnë dhurata alkooli. Nuk e përdorin se është e ndaluar. Dr. Jusuf el-Kardavi thotë:”Nuk duhet prej besimtarit të jet alkooli dhuratë nga ai e as dhuratë për të, sepse ai është i mirë e nuk dhuron pos të mirës dhe nuk pranon pos të mirës”.
Nga gjithë kjo që u tha del se alkooli është armik i njeriut.
Allahu xh.sh. njeriut i dha logjikën me të cilën duhet të jet i aftë të kuptoj se çka është e dobishme e çka është e dëmshme dhe përveç kësaj përmes shpalljes e mësoi, ia tërhoqi vrejtjen që mos të shoqërohet me armikun dhe ia tregoi pasojat që e godasin nga armiku. Për fund le t’na mjaftojë fjala e pejgamberit të Allahut, Muhamedit a.s, në të cilën thotë:”alkooli është nëna e të gjitha të këqijave”.