24

25

28.6.2015

Y M A ch u ta np u i n g a i t e t a n p u i t u a ni

: K. Lalremruata
: C. Lalmuanpuia
: Lallawmkima
: H.Remsanga
NewsEd. : Biaknunmawia
: Isaac Lalhruaitluanga
Cir.Man. : Lalruatsanga, K.Sec
: Hmangaihzuala, V.Sec
: Zothlamuana, T.Sec
: Lalrosiama, N.Sec
: All Section O.B
Manager : R.Lalchhuanliana
Editor
Jt. Ed.

9862385971
8014125196
8575710867
8014225294
8974745971
9856548635
8729916274
8414048900
8014225293
8014883605
Ch.Sec
9862418894

CHAMPHAI VENGSANG BRANCH Y.M.A CHANCHINBU KARTIN CHHUAK ( Chawlhni a piangin ) Hall Ph. 234336

VENGSANG BRANCH YMA CHHIATNI

THATNI INKAIHHRUAINA DAN.
th

The Vengsang 28 June 2015.

XIII. INFORMATION MIKE
1) YMA Information Mike hi YMA bungrua a nih angin YMA thilah
hman tur a ni.
2) Vengsang huam chhunga Voluntary Organisation heng, MUP, MHIP,
Sporting Club, ten hman an dil chuan hmantir theih an ni ang. Heng
bakah hial tul bik thilah hman min dil anih chuan hruaitute leh Information Sub-Committee ten rem an tih chuan hmantir theih an ni ang.
3) Political Party thilah hman phal a ni lo.
4) Information Centre-a PA Set hman lai hi lakchhuah phal a ni lo.

XIV. YMA HALL

Vengsang YMA Hall a thlawna hmang thei te:1) MUP Vengsang Unit.
2) MHIP Vengsang Branch
3) Vengsang Sporting Club
4) Vengsang huam bik VC koh Public Meeting-ah te.
5) Hall hman man hi Executive Committee in a ruahman thin ang.
6) YMA Hall Committee Room hi Branch Committee nan leh YMA
thila Meeting pawimawh bik koh nan chauh hman thin tur a ni a. (Hei
hian Section Committee a huam ang). Tul bik thil ah chuan Branch OB
ten an rel chawp thei thin ang.
XV. HALL HNUAI
1) Hall hnuai luahman leh hall luahtu chungchang hi Branch Executive
Committee in a rel thin ang.
XVI. CHANCHINBU
1) Vengsang YMA Chanchinbu VENGSANG kartin chhuak hi
chawlhni apiangin semchhuah thin tur a ni ang.
2) Chanchinbu hi amaha intodelh ngei tura ngaih a ni.
3) A enkawltu Editorial Board hian Chanchinbu buatsaih kawngah
thuneihna sang tak an nei ang.
4) Editorial Board hi kum khat term a ni anga, Executive Committee
in tul atih chuan eng hunah pawh a thlak thei ang.
5) Cyclostyle/Typewriter/Computer/ Printer leh hmanraw dangte hi
YMA thilah lo chuan hman phal ani lo.
6) YMA Chanchinbu ah hian party thu leh mimal insawichhiatna chhuah
phal a ni lo.
7) Chanchinbu sum hi Branch sum Audit rualin audit thin a ni ang.
8) Chanchinbu enkawlna dan hi Executive Committee in a a ruahman
thin ang.
(phek hnihnaah chhunzawmna)

Branch / Section / Tualchhung

Branch News:
Boral :
Pu Lalchhuana kum 38, Vanapa
Section (Mualbawk) a mi chu Dt.
24.6.2015 (Nilaini) zing dar 6:00 khan
Lungphuchawl in an mahni chenna Inah
a boral a, hemi ni vek hian Zamadar
thlanmualah vui nghal a ni. Pu
Lalchhuana hi YMA member a ni a,
Vengsang Branch YMA chuan kan uiin
a kalsan tak a chhungkhat laina zawng
zawngte kan tawrhpui tak zet a ni.
Thisen pe:
Ni 21.6.2015 (sunday) zan
khan Pi Vanlalhruaii (Hruaipuii)
Keifangtlang chu Champhai District
Hospital-ah thisen pek a ni a,
tlawmngaia thisen petu te :
1) Pu C. Lalmuanpuia, Branch Asst.
Secy
2) Tv. Biaknunmawia, Neuva Section
3) Pu Thangkima (Tka), Vanapa Section
Tlawmngaia thisen hlu tak mai
pe tu te zawng zawng chungah Branch
YMA chuan thinlung takin lawmthu a
sawi mawlh mawlh a ni.
Lo haw :
Pu C. Zohmingliana, Vice
President Vengsang Branch YMA chu
hun engemaw chen chhungkaw chhiat
tawh na avanga a zin chu dam takin a
lo haw leh ta e.
Pem lehkha:
Vengsang huam chhunga pem
thar (rawn awm thar) zawng zawng te
YMA Pem lehkha neih ngei tur a ni a,
Pem lehkha hi YMA hruaitu te hnenah
a rang lama thehlut vat thin turin kan
inhriattir a ni.
Rawn awm thar :
Pi K. Lalsiamliani, DPC SSA
Champhai, te chhungkua chu Champhai
Vengthlang atangin an rawn pem a, tunah
hian Vanapa Section (Pastor veng) Pu
K. Malsawma in an luah a ni.

AGENTS : Lalramchuana Chawngbawla Sec, NeuvaSec.: Peka, Ramhluni, Pep-a,

Lalbawiha, Rindika.Taitesena Sec.:Bawihsena, Awm awm-a, Hriatpuia,
HminghluaVanapa Sec.: Sawma, Moses-a, Pui-a,Muanawmi,Thafela,
Hmingsangi,Hriatpuii Khuangchera Sec. : Zaia,Muanpuii, Rammawii, Thanpuia

Editorial
CHHIATTAWH
Chhiattawh kan tih hian
vanduaina kan chunga lo thleng kan
hriat lawk leh hriatlawk loh thil kan
chunga lo thleng thin hi a ni e ti i la
kan sawi sual awm lo e.
Chhittawh hi tuman kan duh
lo a, kan chunga thleng atan pawh
kan duh hek lo, amaherawh chu,
tupawh hian chhiatna leh vanduaina
hi kan chunga lo thleng ve thei tho a
ni tih hi chu kan hre tlanga nain kan
chan a tan dah tumna leh lo inbuatsaih
lawkna em em pawh kan nei
chuanglo a ni.
Chhittawk kan awm hian kan
intawiawm na leh kan chet chhuahna hi
chhiattawk chhungte hian min beiseiang
kan pha ang em tih pawh chhut thiam a
harsa khawp mai. Mawihawihah nge
chhittawh chunga lawmthu sawi an tih
pawh hi hriatthiam harsa tak leh a
dawngsawngtu tan pawh lo dawnsawn
dan thiam harsa tak a ni.
A hma lama kan sawi tawh ang
khan eng tinge chhiat/vanduaina tawk
ve thei tho kan ni sia kan inbuatsaih ang
tih hi a pawimawh ta chu a ni. A hmasa
ber leh pawimawh ber chu nun phung
pangaia hun kan hman theih lai hian
midang tana malsawmna nih hi a ni.
Chhiattawk an awm a tlaivar
te, khawharin len puite, thlanlaihte,
mithi buhfai khawn leh kian rem chan
dan ang anga midangte tanpui hi
midang tana malsawmna nih dan awl
sam tak chu a ni. a dawt lehah chuan
kan neih sum leh thildang hmanga mi
dangte kan tanpui hi ani. chhittawk
leh tanpui ngai an awm a, tlawmngaia
lirthei nei ten an thawh thin te, sum
leh pai leh thil dang hmanga
chhittawkte an tan puihi in buaitsaihna
tha tak chu a ni.
A tawp berah chuan mahni in
hmangaih anga midangte hmangih hi
chhiattawk ve thei tho tan chuan
inbuatsaihana tha ber chu a ni e.

XVII. SUM CHUNGCHANG

Central YMA in Financial Rules a siam angin Branch sum te hi vawn thin tur a ni.
XVIII. BUNGRAW CHUNGCHANG.
YMA bungrua athlawna hman theihna te:1) Mitthi Inah
2) Inneih/Mo lawmna ah
3) Lungphun naah
4) Lawmthu sawina ah
5) Thlan thutna ah
Heng bakah hian hawh duh an awm chuan Property Sub-Committee ten an rel
chawp thin ang.

XVIII. YMA BUNGRUA HMAN THEIH LEH HIRE RATE

1) Bel khap kua

Rs. 100
2) Bel Khap sarih
Rs. 50
3) Bel khap ruk
Rs. 50
4) Chawhtawlh
Rs. 10
5) Fianpui a awng leh awng lo Rs. 10
6) Gas Stove
Rs. 100
7) Thleng
Re. 1
8) Thuk
Rs. 20
9) Tea Urn
Rs. 100
10) Hall
Rs. 1500
11) Tea Tray
Rs. 10
12) Thuthleng
Rs. 5
13) Arm Chair
Rs. 10
14) Dekchi lian
Rs. 100
15) Dekchi te
Rs. 50
Bungrua te hi Darkar 24 chhung atan ani a, hei aia rei hawh a nih chuan
aman let in a pung ang.
Heng bungrua te hi a hawhtu in a tichhia/tibo a nih chuan an siamtha/rul
tur a ni. Tin, Mitthi ina bungraw hman te hi Ni 7 chhung hman theih a ni a, dilna
awm lo a hei aia rei kawl an awm chuan hire rate a chawitir an ni ang.

CHHIAT TAWH CHUNGA LAWMTHU SAWINA

Kan Pa Lalchhuana (Lcha) Kum 38 in Ni 24.6.2015 (Wed)
zingkara min boralsan chungchang ah khawtlang mipui, YMA,
Nu leh pa, Nula leh Tlangval te chungah lawmthu sawi tur tam
tak kan nei a, Kohhran leh khawtlang a thahnem lo tak kan
phuloh a min chawimawina leh min buaipui naah kan lawm em
em a, sum leh pai, tha leh zung senga min tanpuitute leh kan
Khawhar hlaua min tuarpuitu zawng zawng te chungah lawmthu
kan sawi tak meuh meuh a ni.
Kan chunga in thatna zozai te hi keini chuan kan rul thei
lo che u a, Lalpa kan Pathian chuan a let engemawnizatin
malsawm in vur che u rawh se.
In khawngaihna dawngtu
Chhanhimi leh a fate
Vanapa Section
Champhai Vengsang.

CHAMPHAI VENGSANG CHANCHINBU KARTIN CHHUAK. A MAN THLAKHATAH Rs 15/

President
: Hmingthansanga ( 9862713079) - Vice Pre
:
C. Zohmingliana ( 9862533342)
Secretary
:
J.C Lalrammawia (9862598936)
Asst. Secy : C. Lalmuanpuia (8014125196)
Treasurer
: F. Lalthanmawia (9862506254)
Fin.Secy : R. Lalrindika (8974408379)

VC / TUAL CHHUNG NEWS

*
Heng a hnuaia mite hian a
rang thei ang berin LPG MIZOFED
ah in card lam vat turin hriattir in ni
e.
1) Zathangpuii d/o Haubuanga
2) Lalhriatpuia s/o Thanzama
3) H. Lalmalsawmi d/o H.
Lalhmuaka
4) PC. Thankhuma s/o Aikima
5) Lalrinhlui d/o Vanlalnghaka
*
Tunlaiin kan veng huam
chhunga mahni ta ni lo Rawtuai
khawrh ruk ching kan awm tih hriat
a ni a, nangmahni hriat in ni tawh
in kut man fuh la awm awm loh
avangin in la him mai mai a, in tih
mual pho kher ngai lova sim hrm
turin ngen in ni a. In la ti lui zel a
man in nih chuan a mualpho thei
ang bera siam in nih pawhin engmah
in sawi buai thei lovang. Tin, mi
huan thlai ruk chingte pawh khan
sim turin hriattir in ni bawk e.
Hetiang a kan in hriattir chung
pawha in la sim duh lo a man in nih
in, in chungah engpawh thleng se
nangmahni cho chhuah a ni ang,
*
Khua alo fur chho tan ta
a, Vengsang huam chhunga
chhungkaw tin te mahni in leh a vel
vawng fai turin kan in ngen thar leh
a, chhungkaw tin ten kan in ngen
na hi ngaipawimawh hram hram
turin kan ngen tak meuh meuh che
u a ni.
*
Kan veng chhunga Damlo
kan hriat thei te :
1. Pi Chalmawii, T. Sec.
2. Pi Lalhmunmawii, V. Sec.
3. Pu Lalremliana, V. Sec.
4. Pi Vanlalhruaii, Ch. Sec.
Heng kan hriat theih chin
damlo te hi an dam leh thuai theih
nan duhsakna sang ber kan hlan e.
*
Tunlai hian kan veng
chhungah zan rei tak tak thlenga
bengchheng siam thin kan awm thin
a, thenawm khawveng leh zirlai
lehkha zir duh te tan bengchheng
leh ninawm kan siam nasa hle a,
hetiang hi ti tawh lo turin kan ngen
tak meuh meuh che u a ni.

EIRAWNGBAWLNA GAS (LPG) CHUNGCHANGA MIPUITE

HRIATTUR PAWIMAWHTE
1. Transfer/Hmingthlak chungchang :
a) Chhungkaw chenghoah subscriber hmingthlakah fee chawi a awm lo.
b) Chhungkaw member ni lo, midang hnen atanga lei, hmingthlakah fee chawi
tur a awm a, connection neihna rei leh rei loh a zirin a inang lo.
c) A neitu hmasa phalna lehkha a awm loh chuan transfer ah fee chawi a
ngaia, connection neihna rei leh rei loh a zirin a in ang lo.
d) Subscriber a boralin an chhungkaw zinga mi tupawhin Death Certificate
nen hming a thlak in fee chawi a awm lova, affidavits leh document dang a ngai lo.
e) Consumer ten declaration form an hman in affidavits hran a ngai lo.
f) Hming ziah sual palh siamthat ah pawisa chawi a awm lo.
g) Distributor ten uchuak tak leh dan phal bakin pawisa an chawi tir tur a ni
lo a, hetiang ti thin an awm chuan consumer te hnen ah pek kir leh an ni ang.
h) Consumer ten pawisa an chawi reng reng in Distributor te hnen atangin
cash memo fel tak an dawng zel tur a ni.
2. IOC Ltd. in fee chawi ngaihna a sawi leh chawi tur zat :
a) Connection thar ah thuk (Hotplate) inspection neih a nihin - Rs. 250/b) Gas put (leakage) a mechanic koh man
- Rs. 75/c) Connection thar fit tirna (Installation) man
- Rs. 50/d) Gas double-na lakin administrative charge
- Rs. 50/e) Gas connection fit (Installation) a mechanic koh man
- Rs. 75/f) Gas bu thar (DGCC) man leh asministrative charge
- Rs. 50/g) TV/CTA/TTV neih tawh leh tawhloh zawn tirna man (administrative charge) - Nil
Heng a chunga tarlan bakah consumer te chawi tir (charge) an nih
chuan, Marketing Discipline Guideliness, 2014 Para 2.2.8 bawhchhiatna (Major Irregularity) a ni a, Para 3.2 hmangin Distributor te hrem theih an ni.
Hemi chungchanga thu zawhfiah tur nei chuan a hnuaia Toll Free
number-ah te hian office hun chhungin zawhfiah theih a ni.
Toll Free
1800-3453891
1800-2310377
Issued by the Directorate of Food, Civil Supplies and Consumer Affairs
Department, Mizoram, Aizawl, Pin - 796001.
Phone - 0389-2325261(EPABX)

DAWNGTE-I PUANTHUINA DAWR

VENGTHLANG AWMPUI PHEI
Hmeichhe thawmhnaw chikim kan thu thei a, chu mai ni loin mipa
Thawmhnaw Jersey, T-shirt ban bul leh ban tlawn, awmhmuna leh incheinaa
hak chi kan thui thei reng e.
Tin, hmeichhia puan thui zir duh tan pawh biak pawh theih reng kan ni e.
Veng chhung mipuite min duhsaka min dawr tu te hnenah lawmthu
ka sawi ruualin min dawr leh zel turin ka ngen a che u.

Prop : Dawngte-i
Ph no : 9612062192

VENGSANG BRANCH YMA DIN TAN KUM: 13th OCTOBER 1946

Ngaihdan huang :
8258097556
* Kan veng hi kan lo
changkang ve ta
khawp mai, heng FB
leh Whatsapp ah te
veng bil in Group te kan
nei a, a tha ka ti khawp
mai. Heng kan group
siam ah te hian thil
tangkai tak tak leh
bengvar thlak tak tak
mai te pawh kan hriain
kan chhiar thin. Mahse
kan ti teh ang : Hetiang
a mi thenkhat in thu tha
tak tak kan tarlan laia
thu ho pui pui kan han
tarlang ve thin hi chu
sim a van tha tak em!!!
Kan veng min hmuh
dan hi a dang lam zo
vek ang tih hi a van
hlauhawm tak em ?
Hmun danga awm ho
ten heng te hi kan veng
chanchin an lo hriat ve
na awlsam a nih avang
hian hawh u kan thu
chhuah ah te hian i
fimkhur tlang ang u.
- Vuana Pa
* Kan veng chhungah
chhiat tawk an awm
hian kan veng chhunga
lirthei nei ten phal taka
thuthleng leh thildang
mamawh lakkhawm
nan a an han thawh
chhuak thin leh ruang
phurh a ngaih pawh a
an han thawh chhuak
thin hi a van lawmawm
thin t ak em. Tin
bungraw dah leh hunah
pawh phal taka lirthei
nei thawh chhuak thin
kan veng chhunga mi
tam tak an awm hi a
lawmawm leh zel mang
e, mi dangtanan
malsawmna ni zel turin
duh sakna ka hlan e.
Hrechianga

YMA CHANCHINBU CHHUAH TAN KUM : 1991

Englo huang....

SUNNA
Vengsang Branch YMA a kan member pui duhtak,
Pu Lalchhuana, kum 38 hun lo taka Dt. 24.6.2015
(Wed.) a min boral san hi hun lo kan tiin kan ui tak zet che
a ni. I kal san tak i nupui fanau, i chhungkhat zawng zawng
te Lalpan vengin awmpuiin zel rawh se tih hi kan tawngtai
na a ni.

Van hmun nuam ah khian hlim taka in tawh

khawm leh kan beisei

Vengsang Branch YMA 2015

WHOLE SALE.......WHOLE SALE
Vengsang Presbyterian Biak In bul, Hospital
Road-ah heng a hnuaia mite hi Whole Sale in kan
pe thei reng a, veng chhung mipuite min duhsaka
min lo pan ve turin kan sawm che u a ni.
Vengthlang pan buai kher ngai tawh lovin kan
dawrah ngei hian i duhzawng kan kawl a awm chuan
lo kal la i inchhir kan ring lo.........
1. Tel :
2. Wai Wai
3. Mimi
4. Mama
5. Chini
6. Dal
7. Chi
8. Lichi
9. Squash
Prop :
K. Vanlalmawia
Vengsang
Dawn ti sei :
* Nangmah bumtu che chu hmusit la, a bum nawn che chuan
nangmah in hmusit tawh rawh. Ngaihtuah thma kan ruat lohte
hi kan sahimna an ni fo zawk thin.
* Ngaihtuahna hman hma a, chiang leh fiah taka hmuh i tum
chuan, ngaihtuahna i hmang tak tak ngai lovang.
* Ostrich hian a taksa hrechang lova a lu chauh a thukru thin
ang deuh hian mi khawlohna tihtu chuan dinhmun hlauhawmah
a indin tir fo thin.
* Pwnlm lndn ringawt hi bumtu tha tak a ni thin.
* Phurna tel lo chuan eng thil ropui mah a thlen theih ngai lo.
* Ropuina hi khelh chhuah chi a ni a, zahawmna erawh chu a
thawh a thawhchhuah chi a ni.

* Vawkin sak leh a enkawlah

na na hi chuan ka Cial ve tawk
a ni. Ka duh leh kil thum neiin
ka siam a, a chang leh ka
vawkchaw te chu a al leh al loh
ka test kual vel a..!!!
Pu Thangmawia T. Sec.
* keni thian dun hi zai thiam
vang liau liau a, Walfare in
lehkha mawi min pek ngat kan
ni.
Thiltitheia & Muanlala Hosp.
* ka fanu Mizoram Governor in
thla a lak pui kha chu!A insawi theih
phah ve ngawt ang.
Mathana ( John Terry) Hosp.
* Eng ni lo mah i la, lam lamah hi
chuan chhun tur ka nei tha bawka,
min sawmtu an kat nuk reng mai.
Emily V. Sec
* Tunah chuan ka dam tha ta bawk
a. Sintex hralh chur chur mai teng.
Tete-i N. Sec.
* Kohhran hminga ruaitheh a nih
tawh phawt chuan Best Dress nen
hian han chhuak ve pawp mai i la,
tuman min hnar ngai chuang hlei nem.
Hnunte-a T. Sec.
* Circuit House khu tul mang hleilo
ah pawh kal hi a van nuam tak em!
insawn mai pawh ka hrehlo khawp
mai.
Zohma-a Ch. Sec.
* Ka hming ka thlak dawn X- Nero
ka in ti dawn.
Luahte-a K. Sec.
* kei zawng lian viau mah i la,
nupui ngamlo an tih ang zawng
zawnghi ka nei zoin ka in hria. ka
chhuak hlei thei tlat lo.
Lalhlima Vawmbal bul.
* In sak ka zo thawkhat tawh
bawk a, kumin chu ka hming bulah
Pu dah ve ngei tawh teng.
Rinte-a V. Sec.
* Kei pawh ka lian viau na in,
hmeichhe hma ah hi chuan ka tim dui
zel.
Zoramthara N. Sec.
* Ka nupui aiin ka Motor thar hi
ka tuai hnum peih zawk tlat, vela..
Lalrinsanga VC.
* Kumin chu pasal neih kumah ka
puang e.
Angtaw-i T. Sec.
* Ka lung hi a va leng tak em, sikul
naupang hruai ringawt hian min hnem
zolo chu a ni e. Aizawla han cham
vang vang na tur awm se aw...
Fakte- a K. Sec.
* College kal hi chu a nuam a
ni.Mahni nen chauha han kal phei
chuan.
Sente-i N. Sec.
* Cement work ah hi chuan ka tha
ve tawk a ni. kan thlek vang vang
tawh hi chuan a fuh viau zel.
Valpuia H/o Machhani V. Sec.
* Ka chawei a la tui tluang zel e.
Thanmawia Tres.