25

27

12.7.2015

Y M A ch u ta np u i n g a i t e t a n p u i t u a ni

: K. Lalremruata
: C. Lalmuanpuia
: Lallawmkima
: H.Remsanga
NewsEd. : Biaknunmawia
: Isaac Lalhruaitluanga
Cir.Man. : Lalruatsanga, K.Sec
: Hmangaihzuala, V.Sec
: Zothlamuana, T.Sec
: Lalrosiama, N.Sec
: All Section O.B
Manager : R.Lalchhuanliana
Editor
Jt. Ed.

9862385971
8014125196
8575710867
8014225294
8974745971
9856548635
8729916274
8414048900
8014225293
8014883605
Ch.Sec
9862418894

CHAMPHAI VENGSANG BRANCH Y.M.A CHANCHINBU KARTIN CHHUAK ( Chawlhni a piangin ) Hall Ph. 234336

YOUNG MIZO ASSOCIATION

VENGSANG BRANCH : CHAMPHAI
INKAIHHRUAINA DAN 2015 (Revised)
The Vengsang 12th July 2015.
XV. HALLHNUAI
1) Hall hnuai luahman leh hall luahtu chungchang hi Branch Executive Committee in a rel
thin ang.
XVI. CHANCHINBU
1) Vengsang YMA Chanchinbu VENGSANG kartin chhuak hi chawlhni apiangin
semchhuah thin tur a ni ang.
2) Chanchinbu hi amaha intodelh ngei tura ngaih a ni.
3) A enkawltu Editorial Board hian Chanchinbu buatsaih kawngah thuneihna sang tak an
nei ang.
4) Editorial Board hi kum khat term a ni anga, Executive Committee in tul atih chuan eng
hunah pawh a thlak thei ang.
5) Cyclostyle/Typewriter/Computer/ Printer leh hmanraw dangte hi YMA thilah lo chuan
hman phal ani lo.
6) YMA Chanchinbu ah hian party thu leh mimal insawichhiatna chhuah phal a ni lo.
7) Chanchinbu sum hi Branch sum Audit rualin audit thin a ni ang.
8) Chanchinbu enkawlna dan hi Executive Committee in a a ruahman thin ang.
XVII. SUM CHUNGCHANG
Central YMA in Financial Rules a siam angin Branch sum te hi vawn thin tur a ni.
XVIII. BUNGRAW CHUNGCHANG.
YMA bungrua athlawna hman theihna te:1) Mitthi Inah
2) Inneih/Mo lawmna ah
3) Lungphun naah
4) Lawmthu sawina ah
5) Thlan thutna ah
Heng bakah hian hawh duh an awm chuan Property Sub-Committee ten an rel chawp thin
ang.
XVIII. YMABUNGRUAHMANTHEIH LEH HIRE RATE
1) Bel khap kua
Rs. 100
2) Bel Khap sarih
Rs. 50
3) Bel khap ruk
Rs. 50
4) Chawhtawlh
Rs. 10
5) Fianpui a awng leh awng lo
Rs. 10
6) Gas Stove
Rs. 100
7) Thleng
Re. 1
8) Thuk
Rs. 20
9) Tea Urn
Rs. 100
10) Hall
Rs. 1500
11) Tea Tray
Rs. 10
12) Thuthleng
Rs. 5
13) Arm Chair
Rs. 10
14) Dekchi lian
Rs. 100
15) Dekchi te
Rs. 50
Bungrua te hi Darkar 24 chhung atan ani a, hei aia rei hawh a nih chuan aman let in a pung
ang.
Heng bungrua te hi a hawhtu in a tichhia/tibo a nih chuan an siamtha/rul tur a ni. Tin,
Mitthi ina bungraw hman te hi Ni 7 chhung hman theih a ni a, dilna awm lo a hei aia rei
kawl an awm chuan hire rate a chawitir an ni ang.

Branch / Section / Tualchhung

Branch News:
Ruang chhuak : Pi Rit a Lal
malsawmi Kum 25 chu Dt
06.07.2015 (Thawhtanni) zing dar
6:00 khan an chena in Neuva Section(
Hospital Road) ah a boral. Vengsang
Branch YMA te chuan kuang siam
sakin a ruang hi District Hospital-a
Postmortem a nih hnuah, A Pasal Pu
C. Lalruatkima te khua Tlangsam ah
vui liam a ni.
Boral : Pi Lalsangzuali Kum 64 W/o
PC. Biakkunga Vanapa Section (Police Lane) a mi chu Ashma natna
avangin Dt 07.07.2015 (Thawlehni)
Zan Dar 10:15 khan District Hospital-ah a boral.
Pi ChalmawiiKum 60 Taitesena
Section chu BP sang natna avangin District Hospital-ah Dt.10.07.2015 tlai dar
03:20 khan a boral.
Veng chhunga chhiattawkte
kan tawrhpuiin Khawhar chhungte kan
lainat tak meuh meuh a ni.
Pass thar : Heng a hnuaia mite hi kan
hriat theih a kan veng chhunga BA pass
thar te an ni.
1. Fredy Lalrinpuia s/o Rohnuna V.
Sec (Top 10 in Zoology)
2. Laldinpuii d/o Ngursailova T. Sec
3. Lalbiakhluni d/o R. Lalhmingthanga
T. Sec
4. Lalawmpuii d/o C.V.L. Thanga
V. Sec
Heng pass tharte hi kan
lawmpuiin an kal leh zelna turah
duhsakna sangber Vengsang Branch
YMA chuan kan hlan e.
Y.M.A bungrua : Chhiatni thatni a
YMA bungrua kan hmante khawtlang
ta a ni tih hria a dimdawi thar leh turin
kan in ngen a. Tin, kan hman zawhah
fai tha taka dahin a hmuna rem fel tlap
thin tuin kan in ngen a ni

AGENTS : Lalramchuana Chawngbawla Sec, NeuvaSec.: Peka, Ramhluni, Pep-a,

Lalbawiha, Rindika.Taitesena Sec.:Bawihsena, Awm awm-a, Hriatpuia,
HminghluaVanapa Sec.: Sawma, Moses-a, Pui-a,Muanawmi,Thafela,
Hmingsangi,Hriatpuii Khuangchera Sec. : Zaia,Muanpuii, Rammawii, Tete-i

Editorial
ZU ZAWRH
Kan hriat theuh angin
Mizoram sawrkar chuan Kum 17 vel
zet zu khap burna dan(MLTP Act) a
hman hnuah tunah chuan he dan hi ti
dang lamin MLPC ( Mizoram Liquar
Prohibition and Control Act 2014) chu
kan ram roelna khawl ah ngei Passed
a lo ni ta.
Kohhranin doin Veng tam takin an
veng Area ah zawrh phalo mahsela
Mizoram District tinah chuan zawrh
a lo tan a ni ta!
MLPC Act hi January ni 15.2015
ah chuan kan khawpui ber Aizawlah
chuan hman tan a lo ni ta. Langsar
leh ualau tak leh veng tam takin an
dona karah chuan zu zawrh chu dan
phalna ang thlapin zawrh a lo ni ta a.
He dan hi eng vanga hman nge a
nih a House ah ngei Passed a nih chhan
hi ngaihtuah tham tak chu a ni. A bulpui
berah chuan Mizoram kan retheih em
avang leh Zu atanga chhiah (Tax) kan
it vang a nih hmel ber. Kan ram ngei
pawn kum khatah zu atang hian Chhiah
tlingkhawm chu Rs.Vaibelchhe 30 zet
mai chu kan beisei chu a ni sia, a awh
awm ve em a ni.
Kan sawi tak ang khan Aizawlah
chuan january thla ah zawrh tan a nih
laiin kan khuaah chuan July ni 4 (Inrinni)
Khan Champhai Winery hmalakna in
zu zawrh a lo ni ta a.Kan veng Area ah
ngei zu zawrh a lo ni ta leh kan veng
thenawmte chuan kan vengah zu zuar
an awmlo an tih sak sak mai laia, do
dalna awm miahlo leh ual au takin kan
vengah ngei zu an zuar ta a.
Eng kan ti ta nge ni le! veng pui
zia tih takah kan phal zau em em mai
bawk sia, chuvang pawh chu a ni
mahna DDK News ah te,Daily News
Paper ah te chuan dodalna awm miah
loa Champhai ah zu zawrh a ni ta tia
puan leh ziah chuah a ni ta hian
ngaihtuahna a ti thui mang e.
Engpawh nisela, kan vengah hian
zuarlo pawh ni sela khawi maw laiah
chuan zawrh a nih tho hmel a, hetiang
hun tak hi a ni lawmni Kristian nundan
tha pawl zawm tute kan hriat hran hun
tur chu. Kan veng dam reng rawh se.

I CHANGKANG TAK MEUH EM?

Thufing pakhat Fai hi changkanna a ni tih kan hre nual tawh
awm e. A dik khawp mai. Chumi let chiah chuan, Changkan hi faina
kawng pawimawh tak a ni ve bawk, khawvel hmun tin hi han thlir ila,
ram changkan leh hmasawn a piang an fai tih chu kan hre thei awm e.
A bikin India ram, Mizo te pawh tel in kan hmasawnna leh kan
changkanna te hi faina nen hian kan inzawm tir hlei thei lo fo niin a
lang. In ti changkang tak si hian kan in leh lo kan enkawl dan te, kan in
bul kawngkam kan enkawl dan te hi hmasawnna tur kan la ngah khawp
mai. Kan changkanna leh hmasawnna hi a kairual tawk lova, faina lamah
hma min ti sawn lova, changkanna tak aiin changkanna khingbai / lem
kan la awn zawk em aw tih theih a ni.
Mizo hruaitu lar tak pakhat chuan Kawng sir a zung tawk a in
ngai chu lo zung mai rawh se, a ti e an ti a. Mizo thalai inti nikhua tak
tak zingah pawh hian kawngsir a zung tawk lek ni a in ngai kan tam lutuk
hi kan la changkan tawk loh zia ti lang tu a ni awm e. Fai hi in tihhmih
theih a ni a. Fai tura inzirtir theih a ni bawk tih kan hriat a tha awm e.
Changkanna dikah chuan kan neih that aiin kan neih chhun kan
hlut in kan humhalh in kan enkawl tha em tih hi a pawimawh zawk thin.
Khawvel hmasawnna thang zel mila kal kan duh a, thawmhnaw te pawh a
chhuak thar thar neih kan duh a. Electrinics bungrua te pawh a chhuak
thar thar hman ve zel kan duh a, mahse kan thil neih leh thawmhnaw mil a
fai leh thinghlimerawh kan tum lo fo thin. Tin, kan mithiam leh lehkha zir
sang zawk te pawhin fai leh thinghlim lamah zir tur kan ngah khawp mai.
Kan inti changkang a, hma kan sawn kan ti a nih chuan faina leh
thinghlimna lamah pawh hma kan sawn tel tur a ni ang. Kan lakluh mila
khawsak thiam tur kan tih mek lai hian, kan in leh lo neih mil te, kan
thawmhnaw neih mawi leh bungraw neih that mil a kan fai leh thianghlim
te, kan nungchang thleng a kan hawihhawm hi a va tultawh tak em. Chuti
anih chuan ngun takin han ngaihtuah vang vang la, i changkang tak tak
meuh em le? In chhungkua kha in changkang famkim tak meuh a maw?
KA RIMCHHIA LEH ENKAWL DAN
A hmasa berin ka rimchhia (Halitosis) lo awm theih dan han sawi ila :1) Ka chhung enkawl ngun loh vang : Kan ka chhung enkawl that hi mi tin te
tih makmawh a ni a. Ka rimchhia a lo awm theih vang chauh pawh ni lovin, ha
leh hahni te an lo hrisel that theih nan a awimawh hle a ni. Kan thil ei te ha leh ha
karah te a kai/tang fo thin, heng kan thil ei hi rei tak tihfai lohva an awm chuan ha
nget, hahni puam leh kan thupui ka rimchhia kha a lo awm thin a ni.
2) Intih palh or pem : Ha leh hahniah te intih palh emaw, hliam emaw kan tuar
thei. Heng kan pemte hi uluk taka enkawl an nih loh chuan an lo huaisual (septic)
ve thin a, hnai te a lo lain ka rimchhia a lo siam ta thin a ni.
3) Natna hrik vang : Kan ka chhungah hian natna hrik te tak te te tam tak an
awm reng a ni. Mahse taksa tan a hlauhawm lo tawkin, a Sap tawng takin a in
'BALANCE' tawkin an awm a ni. Antibiotic eng ber emawa tul aia rei kan lo ei
hian chung kan la, leh hahni chaklo hrim hrim entir nan, Vitamin C tlakchham
vangte hian ka rimtui lo thei bawk.Tul aia rei kan lo ei hian chung kan ka chhung
(column leh lamah chhunzawmna)

CHAMPHAI VENGSANG CHANCHINBU KARTIN CHHUAK. A MAN THLAKHATAH Rs 15/

President
: Hmingthansanga ( 9862713079) - Vice Pre
:
C. Zohmingliana ( 9862533342)
Secretary
:
J.C Lalrammawia (9862598936)
Asst. Secy : C. Lalmuanpuia (8014125196)
Treasurer
: F. Lalthanmawia (9862506254)
Fin.Secy : R. Lalrindika (8974408379)

VC / TUAL CHHUNG NEWS

Ration sem :
Kar kalta ni lai ni atang khan
Atta a duh apiang tan bialtu Retailer atanga sem chhuah a ni. Tin
buhfai pawh APL chhungkaw tan
pawh sem a ni.
Tin Nilaithawhtanni atang
khan Khawnvartui Pu Daithanga
Project veng chuan Card Khata
Littre thum (3) zelin a sem bawk.
Social Audit :
kar kalta thawhlehni zing khan
Vengsang YMA Hall ah Social
Audit neih a ni. Ni za inhlawhna
hman dan t ur ngaihtuahin
bawlhlawh paih Motor Hire dan
tur leh bawlhlawh paihtu tur
hlawhfa rawih chungchang leh tul
dang pawimawhte rel a ni. Tin, VC
in Social Audit a koh hian
ngaipawimawh ila, heng hunah
hian hnathawh tur thlan chawp thin
a nih avangin Job Card nei
chhungkua atangin kal thei zel
tawh ila a duhawm khawp mai.
Arm License :
Arm License diltu zawng
zawngte tunkar chung ngeiin mahni
dilan lehkha pawimawh kimchang
kengin DC Office ah thehluh vek
tur a ni e.
UI BO : Dt. 9.7.2015 (Ningani)
khan kan ui apa tuai a dum leh a
var a in tial, a bawp kual lampang
chu kan thlunna atangin a chain nen
alo chhuak daih mai a, hetiang ang
ui lo hmu kan awm chuan
khawngaih taka a hnuaia mi hnenah
hian min pe kir tur leh min hrilh turin
kan ngen tak meuh a che u. Mit
var man tha tawk tak kan lo pe
ang che u.
V. Lalduhzuala, Vanapa Section
YMA Hall hnuai
Ph.: 9612194370
Suangtuahna ringawt chuan
suangtuahna neitu thinlung
chauh a nghawng thin. (J.B.
Eleazar)

a natna hrik te zinga damdawi (Antibiotic) haw ve lo te chu an lo pung tual tual thin
a, tichuan ka chhung natna leh rimchhia hi a lo awm phah thin a ni.
4) Hrawk, Tonsils,sinusleh chilbawm te an lo hrisel loh hian ka rimchhia a lo
awm thei bawk a ni.
5) Pumpui leh chuap lam tha lo abikin a benvawn chi te hian ka a ti rimtui lo thei
fo a ni. Tin, natna benvawn dang leh taksa chak lohna dang te pawh hian ka rimchhia
an nei hma bik bawk.
6) Ka chhung, hrawk leh chaw dawt pan leh cancer vang te hian a lo awm thei.
7) Ha hni puam leh hnai la, leh hahni chaklo hrim hrim entir nan, Vitamin C
tlakchham vangte hian ka rimtui lo thei bawk.
8) A hmasa ber kan sawi enkawl \hat loh vang a ngaih theih lar tak pahnih an
awm thei a, (i) Ha lem vuah a tihfai that loh emaw a thlawn theih loh chi a siam a lo
thawl leh deuh site hian nasa takin ka a ti rimchhe thei a. (ii) Kan thil ei duhzawng
a zirin kan ka kan vawng thianghlim leh si lohvang te an ni thin.
A ENKAWL DAN
1. Kan sawi tak ka rimtui lo thei te kha kan hriat chian chuanthui tak chu mahni
kan inveng thei a ni. Ka chhung enkawl faihrim hrim te hi naupang kum 2 - 3 a
tangin kan inzirtir tan a pawimawh hle. Naupang ha hi a nget duh bik kan tih pawh
hi eng dang vang a ni lo a, an la enkawl fai thiam tawk loh vang a ni ber. Zan mut
hma leh zing chaw ei kham a fai taka nawt ziah chu puitling leh naupang pawh ha
nget leh ka rimchhia an nei lo nge nge thin a ni.
2. Ha nget leh hahni hrisel lo te chuan a hma thei ang berin ha lam Doctor entir
vat zel tur a ni. A nat emaw, hnai a lak kher pawh nghah tur a ni lo va, tin, a na mek
a nih pawhin a nat reh nghak kher lovin Doctor entir vat kha a \ha ber a ni.
3. Dam dawi chi hrang hrang mahni thu thua ei hian ka chhunga natna hrik te,
inbuk tawk (balance) kha a tibuai a, a bikin natna hrik thattu damdawi antibiotic ei
chungchangah Doctor te thu chauh a ei tur a ni.
4. Kan sawi tak hrawk leh pumpui leh chuap lam that lohna pawh uluk taka
Doctor te rawna in enkawl a tha ber, tuar hrehawm khawpa na la ni
lo mah se.
5. Ha lem vuah te hian kan ha lemte hi chaw ei kham apiangin uluk taka nawhfai
tur a ni a, tin, zanah mutpui mai lovin tuiah chiah a, zingah vuah leh chauh nise, ka
chhunglam a lo hrisel zawk dawn a ni. Tin, ha lem thlawn theih loh chi, ha taka ha
pawh a rimchhiat phah thin a ni. amaherawhchu Doctor ten ha lem nghet chi 'Bridge'
an tih te, 'Implant' an tih te hi chu enkawl dan dik taka enkawl chuan ha tak nen
danglamna a awm chuang lo a ni.
6. Ha kar awng zau leh thil ei tang thin te chu fai taka brush emaw damdawi
dental floss a tihfai thin tur a ni. Tin, ha lam Doctor te rawn a, chung ha kua leh ha
nget te chu hnawhtir vat zel tur a ni.
7. Ka chhung rimchhia chu ha nget leh hahni puam vang a nih loh chuan kam
thuahna damdawi hman tur a ni a. Mizorama kan hriat lar deuh deuh te chu Rexidine,
Listerine,Betadine orWakadine leh AMPM te hi an ni a. Heng kam\huahna te hi tui
pawlh loh a hman mai theih an ni a, mahse a chang chuan lei leh hahni te a thip thin
avangin tui thianghlim nen pawlh dalin a hman theih bawk. Zing chaw eikham leh zan
mut dawnin kam thuahna damdawi hman hun tha ber chu a ni. Pa fel leh nu fel tak tak
te, mi zahawm tak te zingah pawh hian a rimchhia an awm thin a, an bula awmte tan
leh an mi biakte tan a nuam lo duh hle a ni. Chuvangin kan sawi tak ang hian kan ka
chhung i vawng thianghlim thin ang u.
Nangmah i in hmangaih angin i vengte hmangaih rawh

VENGSANG BRANCH YMA DIN TAN KUM: 13th OCTOBER 1946

Inbiatsaih mek :
Champhai District Football Association in 6th Aug
2015 atanga Independence Day Football Tournament an buatsaih turah
Vengsang Football Team
te chuan tunlai hian ngawrh
takin an inbuatsaih a, Tournament hi 1st Division leh
Zone Champion tan a tih
a ni. 1st Division ah hian
Team 6 an awm a
amaherawhchu Zion Veng
ten registration an tih loh
avangin an tel thei dawn lo
a ni. 1st Division Team te :
Vengsang, Kanan, Venglai,
Zotlang, Ruantlang te an ni.
CDFA hnuaiah hian Zone
10 an awm a zone tin a
Champion te an tel thei
dawn bawk a ni. Kan
Veng te hi Chhangphut
Field ah leh Govt. Field ah
an practice thin a Pu MS.
D a w n g l i a n a
(Sawmdawnga) an Training a pe thin a ni. Naupang
zawk te pawn Training hi
an chhim thin a hlawkthlak
an ti hle a ni. Kan veng
Football team te champion
turin duhsakna sang ber
kan hlan in theihtawp a
tawiawm turin veng
mipuite kan ngen nghal
bawk a ni..
Central YMA News
7.7.2015 :
EE PHE RuralWatsan
DivisionPisa-ah Chalfilh
tlanga Tuihna leh tuikuang
humhalh zel dan t ur
chungchang meeting neih a
ni a. Pu JH. Vanlalhuma
CEC a tel.
10.7.2015 :
Mo ck Drill neih t ur
chungchang sawihoin Special Secretary, DM&R
Department Pisa-ah meeting neih a ni a, Pu J.
Lalsailova Treasurer leh
Pu Lalhruaitluanga CEC
an tel.

YMA CHANCHINBU CHHUAH TAN KUM : 1991

WHOLE SALE.......WHOLE SALE

Vengsang Presbyterian Biak In bul, Hospital
Road-ah heng a hnuaia mite hi Whole Sale in kan pe
thei reng a, veng chhung mipuite min duhsaka min
lo pan ve turin kan sawm che u a ni. Vengthlang pan
buai kher ngai tawh lovin kan dawrah ngei hian i
duhzawng kan kawl a awm chuan lo kal la i inchhir
kan ring lo.........
Prop :
K. Vanlalmawia
Vengsang
VAWKPUI VULH TUTE TAN
Vawkpa tuai, a zakrang chi thlah thei kan nei ta e.
A mamawh tan koh theih reng kan ni e.
Contact :
9862812863 / 8575303536

J.C. Vanlallawma
Hospital Road

CHESS, CARROM BOARD, DRAUGHT

BOARD & CHINESE CHECKER LOCAL TOURNAMENT
Vengsang Sporting Club Committee chuan
vengchhung mite tan Chess, Carrom Board, Draught Board
leh Hmeichhe tan Chinese Checker tournament siam nise a
ti a vengchhung mi hetiang lama tuimi te chu tel vek turin
kan insawm a ni. Tel tum te tan a hnuaia mite hi hriattur tul te
an ni.
1) Tournament tan hun : Ni 28.7.2015 (Tue) 7:30 pm
2) Last date of entry : Ni 26.7.2015 (Sun) 5:00 pm
3) Entry Fee
: Rs. 50/head
4) Carrom Board ah hian Single leh Double (open) a awm
ang. Tin, Kum 45 chunglam tan Double a awm bawk ang.
5) Chess, Carrom Board, Draught Board te hi mipa tan a
ni.
6) Chinese Checker hi hmeichhe tan a ni.
7) Entry Fee pekna tur te :
i) Pu C. Vanlaltluanga (Hospital)
- 9862615474
ii) Pu C. Zohmingliana (Liana Veng) - 8014739512
iii) Pu K. Lalremruata (K. Sec)
- 9862385971
iv) Pu Zodinpuia (T. Sec)
- 9862409370
v) Pu David Rualthankhuma (Mualbawk)
- 9436363146
vi) Tv. MC. Zohmangaiha (Ch. Sec) - 9612577198
vii) Pu H. Remsanga (V. Sec)
- 8014225294
Keimahni :
Hun rem chang hmasaberah Chanchinbu man kan lo
khawn leh dawn a, tlawmngaia chanchinbu min lak sak tu te
zawng zawng chanchinbu man hi lo pe hram hram turin kan
ngen a che u. Tin, a khawn tu te pawn kan khawn ang angte a
rang thei ang bera thehlut zel turin kan in ngen nawn leh a ni.

Englo huang....
* Ka nuin min tur na nasa
tawh mai sia. Kumin chu nupui
neih ngei tumin kan khua ah
leh hmun dangah zawng char
char teh ang.
Michaela V. Sec.
* Kelkang kal an awm leh
hun hun chu ka kal ve ngei
ngei tawh ang.
Nghakte-a N. Sec.
* Keipawh kumin chu ka nu
chet chhawk turin biakin
hawng ngeia nupui neih
kumah ka puang e.
Hriatrenga T. Sec.
* Ka lung hi a va leng tak
em!! Khua hmun loh D han
neih meuh chu.
Zovi K. Sec.
* Lunleng of the year chu ka
ni ngei ang le, ka savate hi a
lo haw khat si. Aizawl zinna
hun remchang awm se aw...
Lal Bi-a T. Sec.
* Tu emaw BIKE a han
chuan hi chu avan nuam tak
em ve o...chuan reng hi ka
chak ngawih ngawih a ni.
Etheri T. Sec
* Wine Shop an hawng hi chu
tha viau turah han ngai phawt
mai teh ang.
Robert-a V. Sec
* Kam ding ka ni leh ta e...
Micky K. Sec
* Zan lam han duty zakzak hi
chuan nupuite an tumbur zel
mai.
Rinsanga K. Sec
Silver Jubilee News :
Vengsang Chanchinbu
Silver Jubilee ten Name Plate
la nei lote tunlai hian an tar mek
a, Name Plate la nei lo te chuan
Vengsang Branch YMA
hruaitute hnenah emaw Jubilee
hruaitute hnenah emaw engtik
lai pawhin a in report theih reng
a ni. Tin, YMA Inkaihhruaina
Dan zuar te khan a rang lama
Tv. R. Lalchhuanliana hnena
thehlut turin kan in ngen nawn
leh a ni.