Rev.C. Rothuama L.Th, B.

Rev. C. Rothuama hi Chawngthu hnam a ni a, Buarpui khuaah 10.5.1944-ah a

lo piang a, ft 5’, 2½ a sâng a ni. A pa chu Dîngaihthanga a ni a, a nu chu Thangkhûmi
a ni. An unau hi 7 an ni a, mipa 5 leh hmeichhe 2 an ni. Kum 1958, April ni 10-ah
khân Buarpui-a Châltui luiah Rev. Rokunga’n Baptisma a chantîr a. Dt.5.1.1966 khân
Hmingthanzauvi nên Buarpui Baptist Biak inah an innei a, Pastor Rokûngan a
vawntîr a, fapa 3 leh fanu 2 an vaiin panga an nei.

Pathian thu a zirna leh lehkha a zirna (Secular) chu hetiang hi a ni.
Primary - Sêrte Primary School 1953-1956
Middle A - Buarpui Middle School 1957-1959
High School - Lunglei Govt High School 1960-1964
L.Th (Licentiat in Theology) – 1968-1972. Eastern Theological
College (Jorhat)
B.D - 1976-1978 Serampore College,
Serampore
Pathian thu a zir hmain 1965-1966 khân Sabual-ah Private Middle School-ah
leh Private High School-ah zirtîrtu hna a thawk a. Sabual-ah chuan Presbyterian
Kohhran-ah rawngbâwltu a ni a. Kum 1966-1967-ah Sunday School Secretary-ah
Sêrte khuaah a \ang a. Kum 1967-1968-ah Buarpui khuaah |KP Secretary a ni bawk.

Kum 1972-ah Probationary Pastor-a lâk a ni a, Kum 1974-ah Minister-ah

Lawngtlai Bazar Vêng Baptist Biak ina Assembly-ah Rev. C. Lalhmingan a nemnghet
a. Pastor hna a thawh chhûnga a awmna bial leh a hna vawnte chu hetiang hi a ni.
1. Lungsen Bial - 1972 June – 1974 March, Lungsen-ah (Pro.Pastor nih
laiin)
2. Lungsen Bial - 1974-1976 June Lungsen-ah
3. B.D zirin - 1976-1978 Serampore College
4. Lawngtlai Bial - 1978-1983 April Lawngtlai
5. Buarpui Bial - 1983 – 1984 April. Buarpui-ah
6. Tripura Field Director - 1984 April Agartala Tripura
7. Executive Secretary (Aizawl) – 1997-2001 Aizâwl
8. Director, Communication Dept – 2001-2004 Sêrkâwn
9. Lunglei Chandmary Bial - 2004-till date. Chandmary

Rev. C. Ro\huama hian a hna pangngai bâk-ah hêng hnâte hi a vuan.

1. Lawngtlai biala a awm laiin Lawngtlai ABC Secretary a ni. Kum 1978-1983 kum 5
chhûng
2. Kum 2004-2005-ah BCM President a ni.

Infiamna lamah chuan Hockey leh Volley Ball a khel ve \hin a. Khawtlâng
tâna inhmannaah chuan a hrana han sawi fak theih tûr a nei lo na a, V.C te leh YMA
hnatlângah te chuan a awmna apiangah a remchân angin a thawk ve \hîn.

Pastor hnain a huam hrang hrangte hi a tuipui vek thei a. Mission hna lam hi
a tuipui lehzual a ni. Nupui a neih hnuin fa nei lovin kum 7 an awm a, chumi hnuin
fapa 3 leh fanu 2 an nei ta a. An fate hi sual kawng zawh lovin an vaiin an awm a, an
lâwmna ber pakhat a ni. An fate hi zirna lamah an hmuingîl a, an chhûngkua an
hlawhtling hle tih theih a ni. Pathianin hriselna a pe a, vanduaina leh lungngaihna
nasa lutuk tâwk lovin pension hun thlengin an thawk thei a, an lâwm hle a ni. Tin,
Pastor hna a thawh ve hnuah an dahna hmun apiangah lungawi takin a awm thei
zêl a, Office lama hna an pêk pawh tui takin a thawk thei zêl a ni.