Bourgeoisie - iniuugnay sa mga mamamayan ng mga Medieval France na
binubuo ng mga mangangalakal at artisan (manggagawang gumagawa ng mga kagamitang may partikular na gamit o pandekorasyon lamang). Nabubuhay sila sa mga pamilihan. Ang kanilang yaman ay nanggagaling sa industriya. Sa huling bahagi ng ika - 17 na siglo, naging makapangyarihan ang bourgeosie, binubuo sila ng mangangalakal, banker, shipower, mga pangunahing mamumuhunan, at mga negosyante. Ang kayamanan at pakikipag-alyansa ng hari sa mga landlord ang naging bunga ng kapangyarihan nila. Dahil sa pagnanais nila na makalaya sa anino ng piyudalismo, sa pakikialam ng monarkiya, sa karapatan sa kalayaan, at sa karapatan sa kalakalan at pagmamay-ari naiugat ang English Revolution, American Revolution, at French Revolution. Nakamit nila ang karapatang politikal, panrelihiyon, at sibil sa pamamagitan ng pagtataguyod ng liberalismo pagdating ng ika-19 na siglo.