Si Lapu-Lapu ay itinuturing bilang pinakaunang bayani ng bansang Pilipinas dahil sa

pangunguna niya sa paglaban sa pananakop ng mga kastila sa pangunguna ni

Fernando Magallanes (Ferndinand Magellan). Si Lapu-Lapu ay ipinanganak sa taong
1491 at pumanaw sa taong 1542. Nagmula siya sa Pulo ng Mactan, Kabisayaang
bahagi ng Pilipinas (Punta Engao, Mactan, Lungsod ng Lapu-Lapu, Cebu, Pilipinas). Naging tanyag
si Lapu-Lapu dahil sa taglay niyang paninindigan, tinanggihan niya ang mga
mapanlinlang na alok ng mga dayuhan.
Ang bantayog na ito ni Lapu-Lapu ay ginawa ng mga bihasang manlililok sa
probinsiya at napabilang sa mga ipinarada sa pagdiriwang ng 2015 Isabela
Bambanti Festival noong Enero 25, 2015 sa siyudad ng Ilagan, Isabela.
Ang Regional Training Center 2 ay inilaan ang natatanging lugar na ito upang
panatilihin sa isip ng bawat nakakakita nito ang makahulugang sagisag ng
matapang na tagapagtanggol, kalasag, tagapagligtas na bayaning nagtataglay ng
mga katangiang katatagan, kalakasan at kadakilaan na magsisilbing ehemplo ng
mga tagapagpatupad ng batas sa kasalukuyan.