Synfocity = 564

Synod Information & Publicity Department, Synod Office (Third Floor), Mission Veng, Aizawl

www.mizoramsynod.org

mail us at : mzsynfo@gmail.com; mizoramsynod@gmail.com - Phone - 2314648

27 th November, 2015

Rb.H Kirloskar Hruaina Eng Quiz Final hun a thleng dawn ta

November 5, 2015 (Ningani) zan atanga Synod Information & Publicity (Synfo) buatsaih Rb.H Kirloskar Hruaina
Eng Quiz chu vawiin (Nov.27, 2015) zan dar 7:30 hian Top 3 ten Final Round inelna an nei dawn a, result puan leh
lawmman semna neiin kharna hun hman nghal ani ang.
Nov. 20 , 2015 khan Top 10 ten inelna an nei leh a, chung zing atang chuan Ramhlun Venglai, Khatla East leh
Kolasib Diakkawn ten Final Round hi an lut a ni. Final Round-ah hian Jakoba leh Mizoram Presbyterian Kohhran,
Presbyterian Handbook (Revised & Enlarged 2014) atangin inelna neih a ni ang.
Rb.H Kirloskar Hruaina Eng Quiz ti tha lawmman ah hian Pakhatnain Rs. 80,000/- Pahnihnain Rs. 50,000/Pathumnain Rs. 30,000/- an dawng ang.
Quiz sponsor-tute chu Rb.H Kirloskar, MUP Building near Millenium Centre an ni a, co-sponsor atan Highland
Chevrolet, Zemabawk an ni.
Rb.H Kirloskar Hruaina Eng Quiz hi show neih apiangin Hruaina Eng Channel (LPS & Zonet Cable TV) -ah Live in
pekchhuah thin a ni.

ATC Day 2015

November 20, 2015 (Zirtawpni) khan Aizawl Theological College Centenary Building Quadrangle-ah Aizawl Theological
College Day hman a ni.
Chawhnu dar 1:00-ah ATC Day lawmna programme hi neih tan a ni a, programme hi Rev. Lalrinmawia, Synod
Moderator-in kaihruaiin hunserh a hmang a, Rev. Prof C. Lalhlira, Principal-in Inlawmna leh Report hun a hmang a,
Rev. Lalramliana Pachuau, Executive Secretary-in zirlai tithate hnenah lawmman chi hrang hrang a sem a. Rt. Rev.
Dr. J.S. Sadananda, Master, Council of Senate of Serampore College chuan College Day Address a pe a, Rev. Prof.
Vanlalnghaka Ralte, Vice Principal-in lawmthu sawina hun a hmang a. Day lawmna inkhawmah hian ATC Male
Voice, College Choir leh Leitan Pastor Bial Zaipawl te an zai a ni.
Rev. Prof. Vanlalnghaka Ralte, Vice Principal-in lawmthu a sawi a, Rev. Lalzuithanga, Senior Executive Secretaryin Malsawmna sawiin inkhawm a tin a, Day lawmna thingpui ruai tuihnai tak in ho a ni.
Aizawl Theological College hi kum 1907 khan Mission Vengthlangah Aizawl Theological School tiin din a ni a, Principal
hmasa ber chu Rev. D.E. Jones a ni. D.E. Jones hi kum 1923 khan Pu Sandy-an a thlak a, kum 1924-ah College hi
Durtlangah sawn a ni. Pu Sandy-a a thih avangin kum 1927-ah Aizawl lamah sawn thlak a ni leh a. Kum 1964-ah Mizo
Principal hmasa ber atan Rev. C. Pazawna a lo awm tan a, hei hi College-in hma a sawn tak tak tanna chu a ni.
Kum 1965-ah Serampore Senate chuan L.Th zirna atan pawmin College dinhmunah hlan kai a ni a, kum 1971-ah
B.Th zirnaah hlan kai a ni leh a, kum 1994-ah B.D. zirna College-ah hlan kai a ni leh a, kum 2000-ah Senate
phalnain Dip. C.S, BCS leh D.Min zirna hawn a ni leh a. Kum 2002 khan M.Th (Christian Theology) zirna hawn a ni
leh a, kum 2003 atang chuan B.Th zirna chu tihtawp a ni a, Certificate Course In Christian Studies hawn a ni ve
thung a. Kum 2008-ah M.Th (Missiology leh New Testament) hawn a ni a, kum 2009-ah M.Th (History of Christianity)
hawn a ni leh a, kum 2011-ah M.Th (Religion leh Old Testament) hawn a ni leh a ni.

Hindi Service hawnna neih a ni

November 22, 2015 (Pathianni) chawhnu dar 3:30 khan Bawngkawn Presbyterian Kohhran Biak In-ah Hindi tawng
hmanga inkhawmna (Hindi Service) thar hawnna neih a ni.
Programme hi Rev. Lalchhuanmawia, Synod Mission Board Secretary-in a kaihruai a, Rev. K. Lalthlanpuia, Masihi
Sangati Kendra Director hnen atangin Inlawmna thu leh Reports ngaihthlak a ni a, Rev. P.C. Pachhunga, Executive
Secretary i/c Mission in Hindi Service thar hlanna hi neiin a hawng a, hemi atana hruaitu turte Pathian hnenah hlanin
thuchah a sawi nghal bawk.
He Hindi Service hi kan ram hmasawn zelah eizawnna leh hnathawhna hrang hrang avangin state pawn atangin
hnam dangte an lo lut thahnem ve ta zel a, labour leh mistiri rual chauh ni tawh lovin, Private Banks, University,
Technical Institution hrang hrangah zirlai, hnathawk leh zirtirtu a lo awm chho zel a. Sumdawng, Multi National
Company lian tak tak te pawhin branch an rawn hawng chho ve zel a, an la pun zel pawh a rinawm bawk a ni.
Hindi Service neihna atan hian Synod Mission Board chuan Bawngkawn Kohhran Committee te an dawr a, an ni lam
hian hun remchang zawn sakin Pathianni tlai dar 3:30 apiangin inkhawm thei turin ruahmanna an lo siamsak ta a ni.
Bawngkawn Kohhran hi hnamdang zinga rawngbawlna atana bul tan hmasatu zing a mi Kristian Centre enkawltu
ber an ni.

Offset Printing Machine thar

November 24, 2015 (Thawhlehni) khan Synod Press khawl thar Offset Printing Machine chu Rev. Lalrinmawia,
Synod Moderator-in Pathian hnenah a hlan.
Hlanna inkhawm hi Upa R. Lalmalsawma, General Manager, PRESCOM-in a kaihruai a, Pu Lalhruaitluanga Ralte,
Manager, Synod Press-in report a pe a ni.
He offset printing khawl hi German Company Heidelberg siam a ni a, a model hming chu SORK a ni. Inches 19 leh
26 a hlai lehkhapuan a chhu thei a, lehkhapuan pan te atanga lehkha khawng chhah pui pui thlengin a chhu thei vek
a ni. He khawl hi Single Color Offset Machine a ni a, vawi khat chhutah rawng chi khat zel a chhu thei tihna a ni.
He khawl hian a thawh ber tur chu receipt bu te, form chi hrang hrang leh inkhawmpui minutes te, hospital-a hman
tur form chi hrang hrang leh letterhead ang chi te leh hna te naute a chhu thin dawn a ni.

Zin
w November 23 - 28, 2015 chhung hian Delhi-ah Writers Workshop neih a ni a, hemi huna tel tur hian Central
Kohhran Hmeichhia atangin Pi H. Lalpianthangi, General Secretary leh Pi Sailuti, Asst. Secretary te an kal.
w November 25 - 26, 2015 chhung khan Bukpui-ah Khuangvuak Training neih a ni a, hemi hun hmanpui hian Pu
Lalromawia, Senior Music Instructor leh Upa Thanghuta, Dam Veng te an kal.
Contd,..

Synod Information & Publicity Department, Synod Office (Third Floor), Mission Veng, Aizawl

MTC
MTC Lecturer Rev. Lalduhawma Ralte chuan Senate of Serampore hnuai atangin M.Th tha takin a pass a. Tin, Ms.
Jenny Lalremruati, Librarian pawhin BCS (Bachelor of Christian Studies) tha takin a pass bawk a, zirtirtu te leh
zirlaiten an lawmpui hle a ni.

Kohhran Hmeichhe Ni
November 27, 2015(Zirtawpni) hi Kohhran Hmeichhe Ni a ni a, Presbyterian Kohhran Hmeichhiate chuan hemi
pual hian Bial/Kohhranah tha an tih angin programme an hmang ang. Kohhran Hmeichhe Ni hi kum 1997 atangin
hman tan a ni a, kumin hi vawi 19 an hmanna tur a ni a.
Kohhran Hmeichhe Inkhawmpui Lian-in Kohhran Hmeichhe Ni bik neih a rel a, Synod Executive Committee (SEC)
in November Zirtawpni hnuhnung ber hi Kohhran Hmeichhe Ni atan hman ni se tia a relsak angin kum 1997 atang
khan hman thin a ni.Synod Calendar-ah pawh Synod Ni pawimawh zingah dah tel a ni bawk.

Hruaina Eng FM Radio & TV Programme

w NOVEMBER 27, 2015 (FM ZOAWI AIZAWL @ 7:30 P.M.):
Solo : Zorema Chhangte - Ni tin Isua, Zaipawl : Saron Veng Kohhran Zaipawl - Aw Lalpa, min lawmin, Thusawi
: Rev. K Lalpianghara - Lal Isua lokal lehna, Zaipawl : Zonuam Pastor Bial Zaipawl - Damna ruah, Solo :
Lalfakawma - Lo kal la
w NOVEMBER 27, 2015 (FM LUNGLEI @ 7:30 P.M.)
Solo : Zorema Chhangte - Ni tin Isua, Zaipawl : Saron Veng Kohhran Zaipawl - Aw Lalpa, min lawmin, Thusawi
: Rev. K Lalpianghara - Lal Isua lokal lehna, Zaipawl : Zonuam Pastor Bial Zaipawl - Damna ruah, Solo :
Lalfakawma - Lo kal la
w NOVEMBER 29, 2015 (Tv Programme) @ 3:00 p.m) :
Weekly Round Up, Hindi Service Hawnna, Interview : Rev. B. Sangthanga, Synod Secretary (Sr.)

Susamachar Prasaran Programme

w NOVEMBER 29, 2015 (Pathianni) 5:00 pm.:
Group/Choir/Solo : PC Lianhmingthanga - Ye Dharti, Group/Choir/Solo : Siamtea - Param Pitra, Sermon :
Lalramzauva, Group/Choir/Solo : Tanhril Pastor Bial - Mere Mashi, Group/Choir/Solo : Soni Lalnunsangi Ashantima

Moderator Programme
Synod Moderator Rev. Lalrinmawia chuan tunkar tawpah hetiang hian hun a hmang ang :
w November 26, 2015 (Ningani)
Chhun
- Muthi Kohhran Biak In hawn
w November 27, 2015 (Zirtawp)
Zan
- Keifang Kohhran, Kawnpui Bial
w November 28, 2015 (Inrinni)
Chhun
- Keifang Kohhran Biak In hawn
w November 28, 2015 (Inrinni)
Zan
- Ruallung Kohhran, Keifang Bial
w November 29, 2015 (Pathianni) Chawhma - Rulchawm Kohhran, Keifang Bial
w November 29, 2015 (Pathianni) Chawhnu - Police Veng Kohhran, Keifang Bial
w November 29, 2015 (Pathianni) Zan
- Mel Veng Kohhran, Keifang Bial

HRIATTIRNA
Mizo Theological Association (MTA) chuan Kohhran inpumkhatna kawnga hmalakna atan Dec. 22, 2015
zan hian AR Lammualah Unity Carol Service a buatsaih dawn a, Pathianin a hman mek zaithiam,
Kohhran hrang hrang atangin an zai ang a, mipui tan Krismas hla sak hona te a awm bawk ang. He
hunah hian Kohhran hrang hrang thalaite leh a thei apiang kal turin sawm kan ni e.

HRIATTIRNA
Nilai leh Beihrual Thupui Bu te hi Synod-in a chhut man a tum thin avangin lehkhabu dang aiin a tlawm
thin a, kum 2016 -a zir tur pawh hi Rs. 90/- man chauh a ni a, Bookroom-ah lei theih a ni e. .

HRIATTIRNA
Synod buatsaih Gospel Camping chu December 1 - 6, 2015 chhungin Synod Revival Camping Centre-ah
neih leh tur a ni a, speaker atan Tv. C. Zairemmawia, Dinthar lehna Team a ni ang. Camp lut duh te chu
mahni Kohhran Secretary hnenah in report tur a ni. Registration Fee Rs. 100/- ken tur a ni.
Director
Synod Revival

PATHIAN THU ZIR DUH TAN

Presbyterian Bible School, Mission Veng-ah Certificate in Theology (C.Th) Admission hawn a ni a. Dil duhte
tan a hnuaia tarlan hi hriat tur a ni e.
Admission Form
Dil hun chhung
Dil thei chin
Interview
Class tan hun
Zir hun chhung
Stipend

Office hun chhungin Rs. 10/- a lei theih a ni

December 3, 2015 (Ningani) tlai dar 3:00 thleng
Class VII passed, kum 16 chin, Kohhran dan chhunga awm
December 17, 2015 (Zirtawpni) chawhma dar 10:00
January 15, 2016 (Zirtawpni)
Jaunaury - April, 2016
Zirlai pakhat hnenah thla tin Rs. 500/- pek a ni ang. Hostel a awm lo.

Hrechiang duh tan Phone No. 2317343/2325082/9436198231-ah zawh theih a ni.

Synod Social Front Helpline: 9089777129;

Tuai & Patil
: 8729800130;
MailHelpline
us at : mzsynfo@gmail.com,
Students Helpline :mizoramsynod@gmail.com
9856883377

REV. LALNEIHVURA
Principal, PBS

Synod Information & Publicity

Phone - 2314648

Synfo