Andha Kabari

shahar k goshon main hain, bikhray huwe bashakasta sar-burida khwab

jin se shehar wale bekhabar hain
ghomta hun shehar k goshon mai roz-0-shab
k unko jama karloon
dil ki bhatti mai tapaoon
jis se chut jaye purana mail
unk dast-o-pa phir se ubhar ayain
chamak uthain lab-0-rukhsar-0-gardan
jaise no-arasta dulhon k dil ki hasratain
phir se in khawabon ko samaitain
khwab le lo, khwab
subah hotey hi chawk mai ja kar lagata hoon sada
khwab asli hain ke naqli
yun parkhtay hian k jaise un se barh kar khwab daan koi na hoo
khwab gar mian bhi nai
surat gar-e-sani hoon bas
han magar meri maeeshat ka sahara khwab hain
sham hojati hai
mai phr se lagata hoon sada
muft le lo muft....ye sonay k khwab
muft...
ye aur dar jatey hain aur chupke se sirak jatey hain
dekhna ye muft kehta hai
khaeen koi dhoka na ho
aisa koi shobda pinha na ho
ghar pohanch kar toot jayain
ya pighal jayain ye khwab
bhak se urh jayain kaheen
ya hum pe koi sehar kar dalain ye khwab
ji nahi..kis kam k aisey kabari k khwab
aisey nabeena kabari k ye khwab
raat hojati hia
khwabon k paleenday sar pe rakh kar moon basooray lotta hoon
raat bhar bar barata hoon
ye le lo khwab
aur le lo mujh se in ke daam bhi
khwab lelo, khwab
mere khwab..meray khwab
in k daam bhi