Pambungad na Pananalita para sa Pagbubukas ng Buwan ng Wika
Sino na sa inyo ang nakapaglaro ng piko?
Sino kaya sa inyo ang naglalaro pa rin ng tumbang preso? O kaya kadang-kadang? Marahil, ang iba sa inyo ay naglalaro pa rin ng mga ito
At ang iba naman ay hindi na alam kung paano maglaro nito.
Naitanong ko ito dahil ang tema ng ating pagdiriwang ng Buwan ng Wika ay Filipino: Wika ng Pambansang Kaunlaran.
Kung bibigyan ng kahulugan ang salitang kaunlaran
madalas itong ikinakabit sa salitang high tech dahil sa ito na rin naman talaga ang uso sa panahon ngayon. Kung hindi high tech ang gadget na mayroon ka, huli ka, backwards kumbaga.
Ibig sabihin, hindi ka sulong. Hindi maunlad. Napag-iiwanan.
Malaki talaga ang nagagawa ng teknolohiya upang masabing maunlad ang ating pamumuhay.
Ngunit, hindi naman lahat ng high tech ay masasabing pag-unlad.
Marami pa ring hindi kayang palitan ang high tech na kagamitan.
Tulad na lamang ng larong Filipino. Hindi kailanman mapapalitan ng
ng kahit anong high tech na laro
ang positibong dulot sa ating pangangatawan
at pakikipagkaibigan ng paglalaro ng piko, kadang-kadang, tumbang preso at iba pa. Walang gaanong pangangailangan ang mga ito hindi tulad ng gadget.
Tipid na sa gastos sa pagbabayad ng kuryente
kung larong Filipino ang ating lalaruin at Nakapag-eehersisyo pa ang ating katawan. Bukod pa rito, nagkakaroon tayo ng pagkakataong makausap ang ating mga kaibigan at kapamilya nang personal. Ganun pa man, hindi rin naman masasabing masama ang maglaro gamit ang high tech na kagamitan.
Marami rin naman itong maidudulot na positibo
lalo na pagdating sa ating kaalaman.
Kailangan lamang na mabalanse natin
ang paglalaro nito kasama ng iba pang gawain.
Dapat ding alalahanin at muling angkinin ang dati na rin namang atin tulad ng larong Filipino. Bilang pag-uugnay sa tema ng pagdiriwang,
ang paggamit ng wikang Filipino sa pakikipaglaro man
o maging sa pagpapatatag ng pakikipag-ugnayan sa kapwa ay isang pag-unlad na maituturing. Kaya ngayong araw na ito,
ating mararanasang gamitin
ang wikang Filipino sa paglalaro ng larong Filipino at Fil Tek (Filipino at Teknolohiya). Ito ay pagsasama ng teknolohiya at kaalamang Filipino sa isang interaktibong larong ginawa ng Baitang 6 gamit ang powerpoint. Sisimulan natin ang programa sa pagsaksi sa mga pagtatanghal ng ibat ibang baitang at mayamaya lamang ay makapag-iikot na tayo sa mga himpilan upang makapaglaro kasama ng gabay ng ating mga magulang. Muli, Maligayang pagdiriwang ng Buwan ng Wika! Mabuhay ang wikang Filipino! Mabuhay ang kulturang Filipino! Mabuhay ang bayang Pilipinas!