Kalikasan ang nagbigay nitong kapirasong lupa na tinawag nilang Mambulo
Nuevo. Sagana ito sa mga kagubatan, bukal, mga natural na kanal, malinis na tubig na maraming isda, mga mababangis na hayop at mga damuhan na sagana ng mga ibatibang klaseng halaman. Ang mga matataas na bundok ng Tangkong Baka, ang pinakamagandang lugar para tirhan. Ang lugar na ito ay wala pang masyadong tao dahil sa kinatatakutan nilang napakalaking ibon na kumakain ng mga tao. Mayroon pang istorya na ang mga bundok dito ay puno ng mahika. Nakakita daw ang mga mangangaso ng nagliliparang mga kumot na parang isang nagigintuang mga baka, kaya tinawag nila itong Tangkong Baka. Taong 1700 hanggang 1800, dumaong ang mga Muslim sa mga baybayin dito. Ang mga tao ay nagsimula nang lumikas. Ang iba ay pumunta sa tinatawag na ngayong Pamplona, ang iba naman ay nasa gitna ng Libmanan at Pamplona na kung saan matatagpuan ang grupong KINOYOGAN na nagbibigay ng pangalang Mambulo pagkatapos ng salitang bulo Pagkaraan ng buwan, hinati ito sa dalawang distrito at dinagdagan ng Viejo (luma) at Nuevo (bago) sa Mambulo. Ang mataba nitong lupa ay tinamnan ng mga ibat-ibang uring halaman lalo na mataas nitong parte (Mambulo Nuevo). Nang ang Libmanan ay nasakop ng mga Espanyol, ang Mambulo Nuevo ang nagsilbi nilang tirahan. Ang ilan ay gumamit ng kaingin upang matustusan ang kanilang mga pangangailangan. Ang iba ay ipinagpatuloy ito sa matataas pang lugar. Ang mga tao ay umalis ng grupo dahilan upang makakita sila ng pagtatanim ng palay, pumunta naman sila sa mabababang lugar. Ang mga tao dito ay likas nang palakaibigan sila ay sumasayaw kapag may mga okasyon o pista ng kanilang patron. Meron silang tinatawag ng moral laws na kailangan nilang sundin. Ang mga bata ay palaging nagmamano sa mga nakatatanda. Mayroon silang responsableng lider, at sinusunod ng lahat. Lumipas ang panahon, sinunod nila ang mga tao na galing sa puweblo Pero hindi sila lumahok sa eleksyon ng mga opisyales. Nagkaron sila ng isang assembleya na ginanap sa Mambulo Nuevo. Ang adyenda ng pulong ay para sa makagawa ng bagong baryo na maghihiwalay sa Mambulo Nuevo at Mambulo Viejo. Napagkasunduan nila na ang Mambulo Nuevo ay gawin nang pormal ng pangalan. Ang Mambulo Nuevo ay ang pinakamalaking barangay sa Libmanan