01/22/12

MGA MAKASAYSAYANG LUGAR SA LUNGSOD NG TAGUIG (B)

Ano nga ba ang meron sa Lungsod ng Taguig na sa atin ay di pa natin
natutuklasan bukod sa kaalaman na andito ang pinakakilalang barangay ang
Fort Bonifacio na labis kinamamanghaan nating Pilipino pati na rin ng ilang mga
turistang dumadayo dahil sa andito ang Market 2x, Serendra, Bonifacio High
Street, Mckinley Hills at marami pang ibang atraksyon ang matatagpuan dito.
Idagdag na rin ang nagsisilakihang gusali, magagarbong bahay at ilang mga
istatwa na matatagpuan dito, syempre hindi rin mawawala ang Libingan ng mga
Bayani na kung saan halos 33,250 sundalong namatay sa pagdepensa sa
Bataan ang nakalibing dito. Iilan pa lamang ito sa mga pook na matatagpuan sa
Taguig na naging malaki ang parte sa pag-usbong ng lungsod ngunit ito nga
lang ba ang dapat ipagmalaki ng mga Taguigeo? Halinat alamin pa ang ibang
pook na nagsisilbing tanda sa kung ano ang Taguig sa nakaraan.
Ang Lungsod ng Taguig sa ngayon ay binubuo ng 28 na barangay na
nagngangalan Fort Bonifacio, Pinagsama, Western Bicutan, North Signal, Central
Signal, South Signal, Upper Bicutan, Maharlika, New Lower Bicutan, Central
Bicutan, Lower Bicutan, North Daanghari, Bagumbayan, Proper Tanyag, South
Daanghari, Ususan, Tuktukan, Bambang, Katuparan, San Miguel, Hagonoy,
Ligid-Tipas, Ibayo-Tipas, Napindan, Palingon-Tipas, Calzada-Tipa, Sta. Ana at
Wawa. Sa paghahanap ng impormasyon tungkol sa 28 na barangay, natuklasan
ko na may ilang makasaysayang pook na halos ilang taon na ang nakakalipas ay
nakatayo pa rin sa eksaktong lokasyon nito noong nakaraan at siguro may ilan
pagbabago na ang nagawa rito upang mapanatili ito. Hindi ko rin inaasahan na
may natatangi pang ala-ala ang nakaraan kaya magsisilbing isang adbentura ito
sa akin na alamin kung ano ang kwento sa likod ng mga ito. Kaya naman para sa
proyektong ito ay naisipan ko na talakayin ang ilan sa mga makakasaysayang
lugar na napapaloob sa Taguig na magsisilbing gabay sa nakaraan at
magbibigay sa atin ng bagong kaalaman.
Ang mga makasaysayang lugar na aking tatalakayin ay ang Simboryo, Parola,
Dambanang Kawayan at maaring idagdag ko na rin ang Libingan ng mga
Bayani. Akoy magsisimula sa paglahad ng maikling kwento tungkol sa
pinanggalingan ng Taguig na mula sa internet at magsasagawa ng isang maliit
na lakbay-aral patungo sa mga lugar na aking naibanggit upang
makapagtanong-tanong at makakuha ng impormasyon sa mga nangangalaga
nito o mga tao roon kung ano ang nalalaman nila sa mga lugar na iyon. Susuriin
ko rin kung ang mga lugar ay napanatili pa rin sa dating kaanyuan o sadyang

marami na ang napalitan. ----- Iprepresenta ko ang proyekto sa pamamagitan

ng paggawa ng isang scrapbook o kayay ng isang powerpoint. Datapwat alam
naman natin na hindi pa rin maiiwasan ang pagkuha ng ilang impormasyon sa
internet kaya naman ang magsisilbing ebidensya sa aking paggawa ng aking
proyekto ay ang mga sound records ng aking mga i-iinterbyu.
~ Kayat tara na makisaya sa lungsod ng Taguig.