29th April, 2010

Synfocity=290 www.mizoramsynod.org

1 PBS Graduation Service

Vawiin (April 29) chawhnu dar 1:00 khan Presbyterian Bible School (PBS) chuan Pi Zaii Hall, Synod Conference
Centre-ah Session 18-na Graduation Service an hmang.
Graduation Service inkhawm hi Synod Moderator Rev. C. Chawnglianan kaihruaiin hunserh a hmang a, Rev. H.
Remthangan Presbyterian Bible School-a thawktute, Board member leh zirlaite inhmelhriattirna hun a hmang a,
PBS Principal Rev. V. Lawmkiman report a pe bawk. Synod Executive Secretary, Presbyterian Bible School
changtu Rev. Lalzuithangan zirlai pass chhuakte hnenah certificates hlanin thuchah a sawi a , Synod Secretary Upa
Vanlalhuman exam-a ti thate leh class kal kimte hnenah lawmman a hlan a ni.
PBS zirlai Angeli Lalhmangaihzualin zaiin kalkhawmte a awi a, Vanlalhliri Ngurte-in PBS Sam (psalm) ama phuah a
chham chhuak a, Upa J.H. Ramnghinglova, PBS Board member-in zir chhuakte tawngtaisakna hun a hmang a,
Upa C. Ngurthanmawia, Board member-in fuihna thu a sawi a, zirlai aiawhin Lalrengpuia Sailo-in a sawi bawk.
Rev. Vanlalchhuangan lawmthu sawina hun a hmang a, Board member Rev. Lalrinmawian malsawmna sawiin
Graduation Service inkhawm hi a khar a ni.
Presbyterian Bible School hi kum 2004 May thla atangin tan a ni a, a din tan tirh atangin zirlai 502-in an zirchhuak
tawh a. Session 18-naah hian zirlai 41 an awm a, chung zinga 31 chuan zir tluan chhuakin an pass a; First
Division-ah 4, 2nd. Division-ah 13, 3rd. Division-ah 8, Simple Pass 6 an awm bawk. Top 3 position-a lang 4 an awm
a, chungte chu:-
1. R. Lalhruaitluanga s/o Dengrothuama, Maubawk West, Aizawl
2. Lalrinngheti d/o Darthangliana, Kawrtethawveng South
2. David Lalhmingliana s/o Lalmawii, Bungkawn, Aizawl
3. Lalrawngbawla s/o Vanlalhranga, Champhai Vengthlang
te an ni.
Presbyterian Bible School atanga zirchhuakte hi rawngbawlna tangkaiah an inhmang zui hlawm a, Missionary,
Social Worker, B.Th., BD zir zawm thahnem tak an awm tawh a, Synod Revival Speaker zinga a tam zawk hian an
zir chhuak tawh bawk a ni.

1 Lay Leaders’ Training vawii 151-na

Synod Multipurpose Training Centre (SMTC) buatsaihin Kohhran Upate puala Lay Leaders’ Training vawi 151-na ni
4 chhung awh tur chu April 26 zan khan hawn a ni.
Training hawnna inkhawm hi Rev. F. Lalrinnunga, Programme Director-in a kaihruai a, Office Assistant Upa
Vanlalhuman report a pe. Rev. Lalhnuna, Ex-Director, SMTC chuan training hi hawngin thuchah a sawi nghal a,
training chu tluang taka neih a nih theih nan leh an thil zir chu Kohhran leh Ram tan malsawmna a lo nih ngei
theihna turin duhsakna a hlan a. SMTC Hosteller-te leh Nl. Nancy Zothanmawiin ten zaiin kalkhawmte an awi a,
Rev. Challiannguran malsawmnain training hawnna inkhawm hi a khar a ni.
Synod Multipurpose Training Centre hian Vocational Training hrang hrang – Puanthui, Pheikhawk Siam, Laphiar
leh Computer zirna a buatsaih bakah kum 1996 atang khan Ministerial Training hi a buatsaih tan a, a vawi 150-na
thlengin mi 4,965 training a lo pe tawh a ni.
Tun tum, Lay Leaders’ Training vawi 151-naah hian Rengtekawn Bial, Kolasib Venglai, Mamit, Sairang, Keifang,
Saitual, Mualpheng leh Tlungvel Bial atangin Kohhran Upa 15 an lo kal thei a. March 22 -25, 2010 chhung khan
Venghlui Bial, Bungtlang South, Lawngtlai, Lawngtlai Chanmari, Saiha, Vairengte, Bilkhawthlir Hmarveng leh
Kolasib Hmarveng Bialte atangin Kohhran Upa 14 ten training hi an lo nei tawh bawk a ni.

1 Missionary Pastor Orientation Training

April 27 - May 1 chhung hian Synod Mission Board bultumin Missionary Training Centre, Mission Vengthlangah
Missionary Pastor-te pualin Orientation Training buatsaih mek a ni a, April 27 zan khan Programme hawnna hun an
hmang.
Orientation-ah hian Mission Board Principle (Rev. Lalchhuanmawia), Mission Strategy (Pu R. Lalnuntluanga),
Missionary Life (Rev. Lalzuithanga), Office Matter (Upa R. Lalmalsawma), Contemporary Mission Theology
(Rev. Remlalfaka), Social Justice / Civil Law (Nl. Sylvie Z. Ralte), Cross Cultural Evangelism (Rev. K.

Synfocity=290 1
 Lalrinkima), Administration and Personal Management (Pi Lalthianghlimi Zote) leh Mission Practical Issue
(Rev. Vanlalbela) te zirtir an ni ang.

1 Missionary Pastor Tirhchhuah

Synod Mission Board chuan May 2 (Pathianni) chawhnu dar 1:30 hian Kulikawn Kohhran Biak Inah Missionary
Pastor tirhchhuah inkhawm an nei dawn a, Rev. Lalzuithanga, Executive Secretary-in programme a kaihruai ang.
Programme kimchang phek lehlamah tarlan a ni. Tun tumah hian heng mite hi tirhchhuah an ni ang:
Hming Awmna tur & Field
w Rev. H. Lalhmingmawia - Guwahati Ramthar, Assam Field
w Rev. Lalfakawma Chhangte - Dibrugarh, Assam Field
w Rev. Dailamthanga - Miao, arunachal East Field
w Rev. Vanlalhruaia Ralte - Lucknow, Lucknow Field
w Rev. R. Lalremsiama - Tuingoi, Tripura FIeld
w Rev. Zaithanmawia Pachuau - Pasighat, Arunachal West Field
w Rev. H. Lalnunmawia - Manahari, Nepal Field

1 Kohhran Hmeichhia
April 30 - May 2 chhung hian Tlungvel Kohhranah Leadership Training & Kristian Chhungkaw Campaign neih a ni
dawn a, Central Kohhran Hmeichhe hruaitu PI C. Lalhmangaihi (Treasurer), Pi Lalhmelthai leh Pi Biakengi
(Committee Mermbers) ten training hi an neihpui ang.

1 Music
April 28 - 30 chhung hian Zamuang Kohhranah music training neih mek a ni a, training neihpui tur hian Pu
Lalromawia, Music Instructor; Rev. K. Lalfakzuala, Synod Office leh Pu Lalsangzuala, Dam Veng te an kal.

1 Zin
w April 30 & May 1 hian Champhaiah Synod Bookroom hmun tur enfiah turin Rev. Lalzuithanga, Executive
Secretary leh Upa F. Lalsangliana, General Manager, PRESCOM te an kal ang.
w May 1 - 3 chhung hian Sialsuk Pastor Bial Inkhawpuiah Rev. Vanlalzuata, Senior Executive Secretary a tel ang.
w Pu Saidinga Sailo, Supervisor of Schools chuan nimin (April 28) khan Bungtlang ‘S’ Presbyterian School-ah
Inspection a nei a, vawiin (April 29) hian Lawngtlai panin naktuk (April 30) hian Education Secretary, Lai
Autonomous District Council nen an inkawm ang. May 3 (Thawhtanni) hian SSA Coordinator, Lunglei District nen
an inkawm bawk ang.

1 Kristian Thalai Pawl

May 1 & 2 hian Kelkang Branch KTP Golden Jubilee hmanpui turin CKTP hruaitu Pu Lalmuanawma (Treasurer) leh
T.Upa Zothangzuala Chhangte (Committee Member) te an kal a, Tv. B. Lalbiakkima (BKA), Soloist-in a tawiawm
bawk.

1 Family Guidance & Counselling Centre

w April 30 (Zirtawpni) chawhnu dar 1:30 - 4:00 hian Synod Higher Secondary School-ah Pre-Marital Counselling
neihpui an ni ang a, hetah hian zirlai zawng zawng tel tura beisei an ni. Resource person atan Rev. Zothansanga,
FG&CC Director a ni ang a, Pu Joseph Zaihmingthanga (Soloist) in a tawiawm ang. May 1 & 2 hian Model Veng
Kohhranah Counselling Training leh Kristian Chhungkaw Campaign-ah Rev. Zothansanga hian hun a neihpui leh
ang.
w FG&CC chuan Synod Executive Committee pawmpuina angin Kristian Chhungkaw dinna kawnga hma kan
sawn theih nan leh he lama inzirtirna tha kan neih theihna turin ‘ Kristian Chhungkaw Film Competition’ (Kristian
Chhungkaw hlutna leh chu lam kawnga zirtirna tha leh entawn tur tha pe thei tur) a buatsaih dawn a, Presbyterian
Kohhran hnuaia Tualchhung Kohhran (Local Church) a duh apiang tan tel theih a ni. Film rei zawng hi Minute 45 -
60 inkar tur a ni a, September, 2010 ral hmain Director, Family Guidance & Counselling Centre, Synod Office,
Aizawlah thehluh tur a ni. Film siamtuten VCD leh Mini DV Cassette-te thehluh tur ani. Result hi November 5, 2010
zanah puan tum a ni a, lawmman hetiang hian siam a ni ang : Pakhatna - Rs. 50,000/-, Pahnihna - Rs. 30,000/-,
Pathumna - Rs. 20,000/- leh Participation prize - Rs. 1,500/-

1 Moderator Programme
Synod Moderator Rev. C. Chawngliana chuan tunkar tawpah hetiang hian hun a hmang ang:-
May 1 (Inrinni) Zan - Chawnpui Vengthlang Kohhran
May 2 (Pathianni) Chawhma - Dawrpui Vengthar Kohhran (Kohhran Hmeichhe Golden Jubilee)
Chawhnu - Dawrpui Vengthar West Kohhran
Zan - Chanmari West Kohhran

Synfocity=290 2
 39th. PCI Biennial General Assembly Reports
PCI Biennial General Assembly chu April 21 - 25 chhung khan tluang takin Mawngap Presbyterian Kohhran, KJP Synod
Sepngi-ah neih zawh a ni. Thupui sawi tura ruat Revd. Chuathuama chuan rokhawlhna avanga a theih loh tak avangin
Rev. Dr. Roger Gaikwad-an “Christ -Our Peace” (Kirsta -Kan Inremna) thupui a sawi a. Kum 2012 PCI General Assembly
chu Mizoram Synod-in a thleng ang a, thupuiah ‘Krista - Thilsiam Lalpa’ (Christ the Lord of Creation) hmangin
Rev. Dr. M.J. Hynniewta (KJP Synod Mihngi)-in a sawi ang.
A thlengtu Kohhran Mawngap hi kum 1925-a din a ni a. A din tirh chuan “The Welsh Presbyterian Mawngap” tih a ni.
Kum 1941-a Kohhran Upa 2 an thlan kha kum 1972-ah Upa dang 2-in an belh leh chauh va. Tunah erawh chuan Kohhran
nung tak leh thang duang tak a ni.
PCI General Assembly Moderator tanglai Rev. EF Lyngdoh chu March 20, 2010 khan rawngbawla a zinna Haflong-ah
lungphuchawlin a thi a, Moderator hmun ruak hi Moderator kal chhuak hnaivai ber Rev. C. Rosiaman a chelh zui ta a ni.
Ani hian Moderator kal chhuak tur hna thawkin Committee pawimawh kaihhruai atanga Moderator thar charge hlan
thlengin a hruai leh ta a ni.
Kum 2010 - 2011 Budget atan Rs. 48,64,000/- ruahman a ni a, Mizoram Synod budget tur chu Rs.14,45,080/- a ni ang.
PCI General Assembly (2010 - 2012) Puipate : Administrative Secretaries
Moderator : Rev. Dr. L.S. Khawbung (CHT Synod) 1) Rev. Lalramliana Pachuau (Senior chan chang)
Moderator Elect : Rev. S.I. Iawphniaw (KJP Synod Sepngi) 2) Rev. S.S. Majaw (Term khat atana thlan nawn)
Secretary (Sr) : Rev. Lallarmawia, Manipur Synod 3) Rev. David T. Lhouvum (Thlan thar)
Secretary (Jr) : Rev. Zosangliana Colney (Mizoram Synod)
Treasurer : Rev. Dr. J.F. Jyrwa (KJP Synod Mihngi)
Statistitian : Rev. Tualzachin (Zou Synod)
Thurel tlangpui :
PYF Leader (2011 - 2012) atan Rev. Dr. K. Lallawmzuala, Mizoram Synod chu ruat thar a ni a, PWF Chairperson (2010 -
2012) atan Nl. P. Tiewsoh, KJP Synod Sepngi chu ruat thar a ni bawk. Presbyterian Church in Singapore nena thawkho
tura thuthlung (Agreement) ziah a ni a. Singapore aiawhin an Moderator Right Reverend Phua Chee Seng leh Upa
Richard Chong, Executive Secretary-ten hming an ziak a, PCI aiawhin Rev. Dr. L.S. Khawbung, Moderator leh Rev.
Laldawngliana, Administrative Secretary-ten hming an ziak bawk. Thurel thenkhat zingah Administrative Secretary tih
hming thlak te, HIV & AIDS chungchanga PCI policy tur ruahmanna te, Centre for Capacity Building chungchang te
ngaihtuah a ni a, Executive Committee kutah dah an ni.

SYNOD MISSION BOARD

MISSIONARY PASTOR TIRHCHHUAH INKHAWM
PROGRAMME
A hmun : Kulikawn Kohhran Biak In
A hun : May 2, 2010 (Pathianni chawhnui) 1:30 p.m.
Chairman : Rev. Lalzuithanga, Executive Secretary i/c Mission
Tanna
Chairman :
Hla :
Hla taka mithim Pathian thu (KHB No. 350)
Inhmelhriattirna :
Upa R. Lalmalsawma, Coordinator, MB
Tirhchhuahna &
Rev. C. Chawngliana, :
Thuchah
Moderator, Mizoram Synod
: Zaipawl
Synod Choir
: Tawngtaisakna
Upa Vanlalhuma, Secretary, Mizoram Synod
: Thusawi tawi
Tirhchhuahte aiawh
: Zaipawl
Kulikawn Kohhran
: Hla
Lalpa I rawngbawla min koh hi (KHB No. 399)
: Malsawmna
Rev. Lalchhuanmawia
Secretary, Synod Mission Board
………………………………………………….............................................................................................................................
29th April, 2010
Mail us at -
synfo@sancharnet.in; synfo@yahoo.com
Synod Information & Publicity; Aizawl, Mizoram. India
Phone: 0389 2314648
Fax : 2316598 Website – www.mizoramsynod.org
Synfocity=290 3