Tatlong Kwento ni Lola Basyang

Ballet Manila: Isang Paglalarawan

I. Isalaysay ang karanasan sa pagpunta sa pook ng tanghalan hanggang sa
marating ito. Kung mayroon, banggitin ang mga naranasang suliranin at ang
mga naging kalutasan nito.
Kami ay nagkita-kita sa UST at nagsimba muna kami bago pumunta sa
tanghalan. Sumakay kami sa sasakyan ng aking kaibigan at doon ko naalala
na hindi kop ala nadala ang ticket ko kaya pinakiusapan ko ang kaibigan
na idaan muna ako saglit sa aming bahay. Nang kami ay dumating,
nagsisimula na ang pagtatanghal.
II. Ilarawan ang tanghalan: ang kaligiran o background, ayos, ilaw,
bentilasyon, at ang pangkalahatang anyo nito.
Unang beses ko pa lang makapunta sa Aliw Theater kaya naman
pagpasok ko ay namangha ako sa laki nito. Napakarami na naming nanood
ngunit hindi pa rin napuno ang tanghalan! Kumpleto sa ibat ibang uri ng
ilaw na nagpapaganda lalo ng palabas at tama lamang ang lamig sa loob ng
tanghalan. Angkop rin ang kaligiran sa tema ng palabas dahil nagmukhang
nasa sinaunang panahon ang anyo ng entablado.
III. Ilarawan ang pisikal na aspekto ng pagtatanghal tulad ng kasootan ng
mga nagsiganap, ang musika, kilos, pananalita, kagamitan o props, ugnayan
ng nagtanghal at ng kanilang mga manonood, at iba pa.
Mapapansing sa lahat ng aspekto ng palabas ay talagang
pinaghandaan ito! Sa mga kagamitan at kaligiran, nagmumukhang tunay at
totoo ang tagpuan. Magaganda rin ang mga kasootan ng mga nagsiganap,
halatang pinagkagastusan at dito pa lang mahuhulaan na ang papel ng isang
nagtatanghal. Pagdating sa musika at sayaw, napakahusay rin ng kanilang
naipakita sapagkat maayos at sabay-sabay ang kanilang mga galaw.
IV. Isalaysay sa paraang pabuod ang nasaksihang pagtatanghal at ilahad ang
sariling interpretasyon nito.
Tatlong kwento ang isinadula nila: Ang Prinsipe ng mga Ibon, Ang
Kapatid ng Tatlong Maria at Ang Mahiwagang Biyolin. Ang Prinsipe ng
mga Ibon ay tungkol sa isang prinsesa na umibig sa prinsipe ng mga ibon.
Masaya sila ngunit ang ama ng prinsesa na isang hari ay tutol sa kanilang
relasyon. Ipinaglaban ng prinsipe ang prinsesa at sa huli, wala ng nagawa
ang hari.

Ang Kapatid ng Tatlong Maria naman ay isang epiko ng isang lalaking

hinahanap ang kanyang tatlong nawawalang kapatid. Ang kanyang
paglalakbay ay dinala siya sa kaharian sa ilalim ng dagat, kaharian ng mga
ibon at kaharian ng mga mababagsik na hayop.
Ang huling istoryang Ang Mahiwagang Biyolin ay isang komedya
tungkol sa isang lalaki minamaltrato ng walang puso niyang amo. Nagbago
ang lahat ng binigyan siya ng isang pulubing kanyang tinulungan ng
mahiwagang biyolin na kayang magpasayaw sa makakapakinig nito.
V. Paano mo iuugnay sa wika at kultura ang pagtatanghal na napanood?
Ang palabas ay isang magandang halimbawa ng di-berbal na
pakikipag-ugnayan. Kahit hindi sila nagpahayag ng mga salita ay
naintindihan ko ang gusto nilang iparating sa aming mga manonood.
Gumamit sila ng mga tsanel tulad ng kinesika, pagpapahayag gamit ang
mukha, paralanguage, artipaktwal at iba pa. Samantala, ang pagtatanghal
ay isang natatanging repleksyon ng ating mayabong na kultura. Makikita ito
sa istilo ng istorya, tagpuan at sa mga tauhan.
VI. Isa-isahin ang mga kapakinabangang natamo mula sa cultural show.
Natutununan ko sa palabas ay walang makakahadlang sa dalawang
taong nag-iibigan bastat wala silang natatapakang iba. Kung ang dalawang
tao ay nagmamahalan, gagawin nila ang lahat upang sila ay magkasama.
natutunan ko rin na dapat tratuhin natin ang bawat isa ng maayos at igalang
natin sila. Hindi dahil sila ay mahirap at ating tauhan, gagawin na natin kahit
ano ang gusto natin sa kanila. Huwag tayong maging sakim at imoral.

Pangalan at Lagda ng Mag-aaral:

Pagpapasa:
___________________________
__________________

Petsa ng