BMA AW An Official Organ of The Bangalore Mizo Association
Registered Under Societies Act of Karnataka No.BLU-S188-2007-08 Date 7 May 2007
Vol. XVII Issue No. 8 Bangalore Mizo Association Pathianni Tin Chhuak Chanchinbu
PIANGTHAR NUN CHU A
THIANGHLIM TUR ANI
Vanlalhruaia Hlawncheu.
1st year. Bsc .KLE College
An zing ata chu lo chhuak ula, a hrangin awm rawh
u, thil bawlhhlawh reng reng pawh dek suh u. I Korinth 6:17
Thianghlim atih hian engnge a kawh le. Tute zing ata
chu nge kan chhuah anga eng thil nge kan tihloh tur chu.
Kan taksa hi Pathian in ani a, a temple kan ni a, tupawh ka
temple ti bawlhhlawhtu chu ka ti bawlhhlawhve ang atih kha.
Pathian chuan a tihbawlhhlawh mihring chu a hnenah a hruai
a rinawmloh hlemaisi.
Anih leh Pathian in, kan taksa chu engtin nge kan
tihbawlhhlawh thin, kan taksa tana thatna leh tangkaina nei
reng renglo, zuk leh hmuam leh kan ei leh in tamtakte hi an
ni phawt maia. Hruaitu leh lek tan phei chuan a mawilo em
em a. Zialzu a, pankhawr ei, zu in miah silo te, thenkhat zu
inmi lo zuk en hniam viaute hi a rem angemle. Pathian
mithmuhah chuan tu zawkin nge thiam chang chuanga kan
rinle. Heng thil ti chunga piangthar tha hle sia inngaite an
awm, an hresual deuh chuan in hreve thin em. Kaisara thilte
chu kaisara hnenah pe ula,Pathin thilte chu Pathian hnenah
pet ache u. Matthaia 22:21 ah kan hmu a, Pathian tan chuan
tuilairap a awmvelo. Ni chu ni , nilo chu nilo. I lu chuan lumla,
I vawh chuan vawt rawh tih thu hi kan hrele bawk.Matthaia
12:30 ah khan engtinnge kan hmuh,Tupawh ka lama tanglo
chuan mi do ani: tupawh mi lakkhawmpuilo chuan a tidarh
ani. Ati a, anih leh tu lamah chuan nge kan awm takle.
Mahni inthata, anawkhlumte hian vanram an kai kan
ring emle, anih leh drug overdose vanga thite hi…. Kan ringlo
ani tiru, anih leh heng thil thalo kan sawite hi mahni in
tihhlumna hmanrua tho anni tih kan hre veka, a thawk muang
mai chauh ani. Pathian mithmuhah a danglamin I ring emle.
Anihloh leh, Lal isua hniakhnung entawna zuitur kanni a, Lal
isua khawvela a chenlai khan heng thil thalo tak takte hi
khawvelah lo awm tase, engtinnge a tiha kan rin.
THIANGHLIMNA FAPA tan chuan a tihchi kan ring lemlo ang
tiru. Kan entawn tur ani tih hi I theinghilhlo ang u.
Anih leh heng thil ti chung hian vanram kaitheih tho
kan inring dawn em ni. Mihring chu inpawm thei mah ila,
THIANGHLIMNA PATHIAN chuan a thieve in kan ring takzet
emle. In ngaituahchian takzet chu a tul hian I hreve thinlo
maw.
Date: 16th May 2010
Kan rinna hi thiltih tello chuan athi ani tih ziak kan hmu, Rom
12 :1-2 ah khan entinnge kan hmuh, Chutichuan unaute
u,Pathian khawngaihna avang hian, inthawina nung leh
thianghlim lehPathian lawm tlak ni turin in taksa chu inhlanah
ka ngen ache u, chu chu in rawngbawlna awm reng ani. He
khawvel awm ang hian awm suh ula : Pathian duhzawng,
atha leh lawmtlak leh that famkim chu in hriatthiam theih nan,
in rilru athara awmin lo danglam zawk tawh rawh u.
Vanram hi lut tur chuan thianghlimna kawng zawh tur chu a
awm ang tih chu kan ring theuh awme, Kan lalpa hnen hi
mahni thu thu lut thei kannilo a, dan a awma, chu dan ti
famkim tur chuan ani lawmni lal Isua kha alo kal,Vanram
kalna kawng hi mahni remchan ang anga luh chi ani chiah m,
kan duh dan dana vanram hi luh theih nise,engthil nge
thlenga I rin. Kan hlim chuangin a rinawmloh ani. Chuvang
tak chuan ani, lal isua kan en reng a ngaih. Ani chuan ramri a
khamfel ani. Tupawh a kraws pu a, mi zuilo chu ka mi ni tlak
anilo titu tan hian, kan taksa hi I hlan ngam ang u.Ani nen
chuan tih theihloh a awmlo tih kan hriat kha.
A tawp ber atan chuan kan thlen chin apiangah
hmasawn I tum zel ang u, rinna kawnga intlansiakna
kawngah hian muang hman kanni lo, khawvel hun hmawr
tawh takah hian. Kan dinhmun in enlet in I inpui tawn zel ang
u. Simna tello Piantharna hian a thlenpui thui theilo a,
Thianghlimna Pathian bula chengve tur chuan keini ngei
pawh kan thianghlim ve a ngai dawn lo em ni le.
National Bravery Award dawngtu Mizo naupang : Zonunsanga,
Champhai leh Lalrammawia, Chawngtlai
PERSEPOLIS ENTERPRISES
NOW BOOK FLIGHT, BUS, TRAIN TICKETS
IN THE LOWEST RATE WITH PERSEPOLIS
ENTERPRISES.AND WE ALSO OFFER YOU THE
CHEAPEST CAR RENTAL TARIFF
IN BANGALORE. OUR WISH IS YOUR SATISFACTION.
ADD: #1&2, MUNIRAJAIAH COMPLEX,
K.NARAYANAPURA, NEAR TO KRISTO JAYANTI
COLLEGE, BANGALORE-077. FAX: 080-25790318.
TEL: 080-28444429. MOBILE: 9535109335
Vol. XVII Issue No. 8 Bangalore Mizo Association Pathianni Tin Chhuak Chanchinbu
Editorial
Tun tum BMA Aw ah Thuziak tha tak mai KLE lama kan zirlai
Hruaia hnen atangin kan dawng leh nawlh mai, Bangalore ah
hian kum lama la naupang tak tak, nimahse rilru ngaihtuahna
puitling tak tak te kan nei nuk mai, heng ka ngaihtuah chang
hian Bangalore Mizo te min ti phuisui tu an ni in, Mizote tan
hian an va chhuanawm em ka ti fo thin. Bangalore ah hian
kum tinin Mizo te kan pung nasa em em a, khawpui dang te
ngaihtuahin a boruak a nawm vang te leh zirna in tha tak tak
a tam vang te ani thei ang. Tunlai pawh hei zirlai admission
tih hun lai ani a, mi thar an lo kal thla mek zel ani. Heng lo kal
thar ta lo dawnsawn leh kan theih ang tawka chinchang kan
lo hrilh hi member lo awm sa te tih ve reng tur ani.
Bangalore-a pawl pawimawh tak tak ken neih ah hian
member nih a pawimawh zia hi lo kal thar te thahnemngai
takin hrilh ila, 2010-2011 member application form fill up leh
tan theih ani ta bawk a, member te’n I ngaipawimawh theuh
ang u.
CHANCHINTHAR
Tualchhung
• Nimin tlai khan BMA Executive Committee Meeting
chu BMA President Rev. Vanlaldika te in UTC ah
neih ani.
• Zirtawpni khan BMCF Project Sub-Committee chu
Rev.Rawse-a inah an thukhawm.
• MSA, Bangalore chuan Fund Raise nan nimin khan
Vawksa leh Bawngsa an rep a, Avaiin KG 125 vel lai
President hovin Ambedkar lam ah an rep ani.
Tlawmngaia sa order tu zawng zawng te hnenah
lawmthu an sawi e.
• Kan member ni reng thin Rev.Sairengpuia u, Pu
Laldingsanga chu tunkar kalta khan CMC Vellore ah
a kal dinglam ah tumor a awm avangin a kal paihsak
ani.
• Nimin khan Pu Paul Lalchhanhima ni, a pa te unau
zinga upa ber chu Delhi ah a boral. Khawhar
chhungte I tawngtaipui ang u.
• Nl.Debbie pawh nimin khan Conference hmang turin
Pokhra, Nepal a thleng a, he mi zawh hian meeting
nei turin Dalhousie a pan leh bawk ang. Kar hnih vel
thang tura kal ani.
• Naktuk hian Pu B. Kapthuama te nupa, Pi
Lalhmangaihi leh Tv. Madawnga Hauhnar te chu
Quiet Corner , Nilgiri , Ooty ah tawngtai khawmpui
hmang turin an kal dawn.
• Mizo Band lar tak Boomerang te chu hmun hranga
perform turin tunkar kalta khan Bangalore an rawn
thleng thla.
Date: 16th May 2010
Mizoram
§ Naupang huaisen, mi dang nunna chhantute
chawimawina, National Bravery Award dawngtu Mizo
naupang 2, Zonunsanga, Champhai leh
Lalrammawia, Chawngtlai-te chu vawiin khan Chief
Minister, Pu Lal Thanhawla’n chawimawina thu ziak
leh tangkafai Rs.25,000/- ve ve a pe. He
chawimawina hlanna inkhawm, Chief Minister
Bangla-a neihah chawimawina hi Chief Minister
nupui, Pu Lalriliani’n a hlan a ni. Thu sawiin Chief
Minister chuan Mizote zingah mi dangte nun channa
atana mi huaisen an awm chu lawmawm a tih thu a
sawi a, hman laiin Mizote zingah huaisenna
ngaihsan a ni a, chumi huna Mizote chu an huaisen
a, tunah erawh chuan Mizote hi kan huaisen leh
huaisen loh inbih chian a tul ta a ni a ti a, rinawmna,
dikna leh taihmaknaahte tan lak a ngai a ni a ti.
Technical Entrance Exam-na result dik lo
chungchang sawiin Pu Lal Thanhawla chuan result
dik lo kha exam-na buatsaihtute zingah rinawmna a
awm loh vang a ni a ti a, hotute tihmualpho tumna
vang niin a sawi bawk. Champhai naupang huaisen,
Zonunsanga hian nikum May ni 31 khan a thianpa,
Lalhmingmawia tui tla a chhan chhuak a ni.
Chawngtlai khaw naupang huaisen, Lalrammawia
hian kum 2008 August ni 8 khan khuaiin nasa taka a
zuk, Lalfakawma nunna a chhanchhuak a ni.
National Bravery Award for Children hi kum 1987
khan siam tan a ni a, tun tum hi Mizorama naupang
huaisenten an lak tum 13-na a ni.
§ Indian Idol Season 5-na a Mizoram hminga
contest zinga thleng sang ber Tini Mo hini Thapa
(24) chu Top 40 a\angin Top 25 atan Contest-ah a
aw a chhan thut avangin Top 25-ah a duet puipa
Assamese tlangval Mainak nen a tling zo ta lo kha a
ni a, mahse Tini hi heti maia tla hâng tawp tur chuan
Indian Idol buatsaihtute hian an ui ngang a ni ang,
Hindi Music Video siam turin an rawn sawm a, he
Music Video hi tihpuitlin a nih chuan Indian Idol
Contest chhung hian tihchhuah a nih dawn thu Sony
lam hian an rawn hriattir nghe nghe a ni. Tini pawhin
he an sawmna hi tihhlawhtlin ngei a duh avangin he
thu a hriat rual hian Music Video siam turin Leitlang
Picture neitu Mapuia tuna Lunglei-a khawsa mek chu a va
pan vang vang a, Hindi hla pakhat ‘Dil Pe Naaz Tha’ tih
Asha Bhosle lo sak lar tawh chu hun reilote chhungin an va
shoot zo thei a nih chu. Tini’n Lelte zawhna chhangin, ‘a
hautak ropui si a, sum pawh \hahnem tak kan seng a, mi
tam takin local channel-a tihchhuah kan lo beisei a niawm
a, mahse local channel-a kan tihchhuah dawn chuan
senso phuhruk nan min sponsore-tu zawn hmasak phawt
ka duh’ a ti. Music Video hi Leitlang Pictures hian an zo fel
tawh a, Mumbai lama Sony company lamah thawn thlak
thuai a ni dawn. Audio hi Michael M Sailo-in a buaipui a ni
a, Tini zai karah Michael-a hi English-in a lo rap ve tih
hriat a ni bawk. Tini hi Sawrkar thil tihna hrang hrangah zai
tura sawmna a dawng deuh reng a ni.
 Vol. XVII Issue No. 8 Bangalore Mizo Association Pathianni Tin Chhuak Chanchinbu
§ Zonet Beiseina Channel thar chu Information
Technology Minister, Pu Zodintluanga’n Lalbiakliana
Building, Zarkawt-ah nimin khan a hawng. He
Channel hi thalaite tan bika rawngbawlna channel
atana buatsaih a ni a, he channel enkawltu tur,
Rescue For Christ Ministry chuan nun tuihalna nei, a
pan duhte tan an office-ah englai pawha Counselling
pek theih an tum a ni. Hawnna thu sawiin Information
Technology Minister, Pu Zodintluanga chuan
Mizoramah thalaite nun nasa taka a tuihal lai leh
Kristianna a tlakhniam mek laia hetiang Channel,
thalaite nun kawng dika hruai thei tur leh an
khawharnate chhawktu tur buatsaih a ni chu
lawmawm a tih thu a sawi a ni.
Zonet Beiseina Channel Director, Lalmuanpuia
Renthlei chuan he Channel hi thalaite tan nun kawng
dik leh tha inzirtirna te leh rawngbawlnate bakah,
Pathian rawngbawl nana Information Technology
hmanga thalaite pual liau liaua programme siam nan
hman a ni ang a ti a, chung zingah chuan Kritian Film
insiam siak te, naupangte tana changvawn
insawisiakte buatsaih an tum thu a sawi bawk.
Hawnna inkhawm hi Dr. H.Lallenmawia’n a kaihruai
a ni.
India & Khawvel
v Sawrkar laipuiin, Phone-a mi hrang hrang
inbiakna, a ruala record phalna dan thar a siam fel
ta. He dan siam a nih hma kha chuan, mi inbiakna lo
record ruk emaw, ngaihthlak ruk emaw hi dan kalh a
ni a, engemaw bik thilah, sawrkarin a duh bikte
phone erawh chu a ngaihthlaksak theih bakah, a
record thiang thung a, tun hnai lawk atang khan,
veng khat emaw, khaw khat emaw-a Phone-a
inbiakna a ruala ngaihthlak theihna khawl siam
chhuah a ni a, danin a khap chungin sawrkar
Department engemawzatin he khawl hi an hmang ru
thin tih hriat a ni. Sawrkarin thil pawimawh bika
phone-a inbiakna record emaw ngaihthlak emaw
phalna dan thar a siam takah hian sawrkar chuan a
duh lai bik bial chhung phone-a inbiakna zawng
zawng a ngaithla-in a record thiang dawn ta a,
mahse hetianga thil tih a nih lai hian, uluk tak leh
fimkhur takin vil a ni ang. He dan thar hi hman a nih
hun chuan, sawrkarin Phone ngaihthlak ruk emaw
record ruk emaw a duhna bial a sawifiah ang a, chu
bial huam chhunga awmte inbiakna zawng zawng
chu record a ni ang a, inbiakna zinga sawrkar pawi
sawi lo leh sawrkarin a mamawh loh chin zawng chu
record atangin nawh reh nghal a ni dawn a, hemi
bakah hian, phone record sakte number pawh, nakin
zela hmuh theih turin fel taka chhinchhiah bawk tur a
ni. Hetianga dan thar siam a nih chhan hi eptuten
hruaitu thenkhat phone record ruk a nih avanga an
Date: 16th May 2010
lungawi lohna, Parliament-a an au chhuahpui vang a ni
a, hetianga Phone tam tak, a ruala record theihna khawl
hi mimal leh Private Company-ten an hman ve erawh
chu phal a ni dawn lova, hetiang khawl nei apiangin
sawrkarah an pek luh a ngai dawn a, a pe lut lo, man
chhuahte chu na taka hrem an ni bawk ang.
v US mi thiamte chuan Tibet-a chengten ram dang
mi aiin Oxygen tlemna, hmun sang leh vawta chen
theihna tur DNA danglam tak an nei bik niin an sawi.
Tibet mite chungchang zir chiangtu, University of
Utah, School of Medicine-a Professor Hugh
Montgomery chuan, Tibet mite hian hmun sang tak,
ram dang anga Oxygen awm mumal lohna hmuna
chen theih nan Gene danglam bik 10 an nei niin a
sawi a, heng zinga 2 hi an taksaa Oxygen thawn
darhtu pawimawh tak an nih avang leh, hei hian
thluak leh lung hnathawh a thlun zawm avangin mi
dang ang lo takin hmun sangah pawh buai lo-in rei
tak an chen theih phah a ni tih a sawi. University of
Utah-a mi thiamte hian Tibet rama feet 15,000 chin
chung lama cheng mi 75 thisen la khawmin he thil hi
an zir a, an thil zirna-ah hian China-a Qinghai
University mi thiamten an pui bawk a ni..
SIPAI TAWGTAINA : Khawvel Indopui pahnihna hun laia
America sipai pakhat, Indona a thi ta chuan a thih hma
lawkin he thu hi a Cigarette bawm chhung lamah sin te te in
a lo ziak a: (Source: www.lawrkhawm.com)
“Ih e...Pathian, ka la be ngai miah lo che a, mahse, tunah
hian ‘‘I dam maw?’’ ti a bul tan ka duh a ni. Miten I awm lo ti a
dawt min hrilh thin kha mawl takin ka lo pawm ve mai a.
Nizan khan ka bihrukna hmun leikhuar atangin I van te khi ka
han enchiang a, chutah chiah chuan mite chuan dawt min
hrilh a ni, tih ka hre ta. I thilsiam te en a, zirchianna hun lo nei
ik ilang chuan thudik min lo hrilh lo tih ka hre daih tawh tur!
Pathian, nang chuan I hrethiam thoin ka ring. He hmun
hrehawm taka ka lo thlengte pawh hi mak ka ti rum rum mai.
Sawi tur tam tak ka hre lo na a, vawiin a ka tawn che avang
erawh hi chuan ka lawm a ni. Nakin lawkah indo a hun leh
mai ang a, mahse, nang I hnai tih ka hria a, ka hlau ta lo.
Chu!! ralkhel dar a ri ta, Lalpa, ka kal mai a tul. Ka duh hle
mai che a, hriat chian che ka chak a ni. He indona ah hian
inbeihna rapthlak a thleng ang tih a chiang a, zaninah pawh
hian I hnenah ka lo hawng mai thei asin.Tunhma in I lakah
that ka chhuah ngai si lova, Pathian, I kawngkharah min lo
nghak ang em? tih te ka ngaihtuah a ni. Min en teh, kei meuh
ka tah ve tak hi! Ka mittui te a tla zuk nia, ka hun kal ta ah te
khan Nang hi lo hre tawh che ila ka va ti em! A nih leh,
Pathian, ka kal mai ang e, mangtha le.. ‘A mak hle mai, nang
ka tawn atang che hian thih ka hlau ta miah lo mai’. #
Vol. XVII Issue No. 8 Bangalore Mizo Association Pathianni Tin Chhuak Chanchinbu
Pi pute Inneihna nghehzia
Tunlaia nula tlangval innei mai tur ten an nghehzia an
tilan(sawilan) nana an tawngkauchheh ber, "Thihna chauh lo
chuan min thren lovang." tih hi a lo nghet ber awzawng lo
mai.
Kan pi leh pute inneihna kha a lo nghet ber mai awm e.
Thihna pawh khan a lo pawt hrang meuhlo.
Inneih chungchangah hian Mizo sawi dan chuan khuanu
samsuih an ti thrin.Lawithat hnu hian hmeichhia chuan, buh
den leh tih tur dangte a tih zawhin anmahni in lamah chaw
chu a la ei a, mipa pawh Zawlbukah a la riak fan.A indan
hma chuan fa 2/3 a neih thlengin Zawlbukah a la riak. Hemi
hi remchangah hmangin mipa thenkhat ten, a nupui chu lo va
bumin a lo va lawithlem ta thin a. An hriatchhuah chuan
lawithlem tupa chu a beng leh hnar an hlehsak thrin.
Hmeichhe tan erawh uire hi sual buru bera ngaih a ni a, a
man(sial 10 emaw) an pekkir leh vek bakah a hak lai chiah
nen an chhuahtir thrin.
Sawi tawh angin an inneihna hi a nghet a, thihna pawhin a
then theilo,.A pasal boral hnu hian hmeichhia hian a pasal
ina a la awm laiin mipa dang lakah lo awm khawlo ta se uire
title a la awrh tho. A chhungten lo kai chhuak hmanin mipa
dang lo khawsak pui ta se, uire ang em chuan an ngai tawh
lo na a, a thuam a chhuahpui thei trawk.
Nupa hi pumkhat an nihzia entirna tha tak chu, a nupui hian
buh ru(steal) ta se a pasal chawi tur a ni daih. Tin, hmeichhia
hi an dah hniam kan ti ngawt tak na a, a ni chiahlo aniang.
Hmeichhia ten mi pawi an sawi hian lei a kuai lo an ti tlat.
Chumi awmzia chu Hmeichhiate chu mi tawngtam/kamtam
zawk an lo ni tlangpui a, mi pawi te an sawi awlsam thin a,
hei vang hian anmahni venthawn nan, an thil tih sual avang
hian lei a chawi phah lemlo.
(Source : Pi Pute Biak Hi - Rev.Dr.Zairema 2010)
Editor: Thaarie Hnamte – (Mb) 9886145877
Jt.Editor – Sawmteii Khawlhring & Madawnga Hauhnar
Cir.Managers –Amos Lalremtluanga, Blessy Sailo
Contributors: Rev.J. Lalduhawma & Tetea Sailo
Email:bmanews@gmail.com / www.bangaloremizo.info
I lo bengvar lehzual nan sms JOIN BloreMizo type la, 567678
ah thawn rawh le. I lo fin deuh deuh nan BMA AW chhiar thin
bawk ang che. Thla 3 lak man Rs.50/-
Date: 16th May 2010
HRISELNA HUANG
NUNPHUNG HRISEL LEH FAI NEI TURA TAN LAK:
Taksa, rilru leh nun hrisel nei tura thuvawn pawimawh tak
chu “Engkim a hun takah ti la, engkim a hmun takah dah
rawh” tih hi a ni. Hnathawh hunte, infiam hunte, lehkha chhiar
hunte, thenrual kawm hunte, ei-in hunte, programme
pawimawh leh tangkai entur leh ngaithla tura TV leh Radio
belh hunte intuk fel tur a ni. Infiamna tello, intihhlimna tello,
hnathawh ringawt chuan nun a tizuai a, phurna a hmet mit
thin. Chhungkua-a nun hmanho tlemna hian
inkhawpkhamlohna a thlen a, inzirtirna leh inkaihhruaina
tha a awm thei lova, chhungkaw nun a hrisel thei thin lo,
hetiang hnuaiah hian taksa leh riru lam hrisellohna, hysteria
ang te, a bikin tleirawl ten an nei thuai thin. Chhungkaw nun
hrisellohna chuan vantlang nun pawh a nghawng nghal thuai
thin a ni.Kan taksa pumpui mai leh a tuamtu thawmhnawte a
fai in a thianghlim tur a ni. Nitin vawi khat emaw inbual a tha.
Kan hmanrim ber kutte phei chu Sahbawn a silfai fo tur a ni.
Hei hi a pawimawh zia inzirtir nan kum 2008 October ni 15
kha ‘Khawvel kutsil ni (Global washing day)’- a hman a ni
nghe nghe a ni. Kan chenna In leh a vel, kan khawlaite kan
punkhawmna hmun Biak Inte, zirna inte, hall leh khelmualte,
bazarte fai tak leh thianghlim taka enkawla vawn tur a ni.
Hengah hian mipui, a hmangtu zawng zawngten mawh kan
phur vek a, tihtur emaw tihloh tur emaw kan nei theuh a ni.
Ei leh in tur leh a siamna hmunte, a siam dante chu a faiin
a thianghlim tur a ni a, a siamtu leh a eitu pawh an fai tur a
ni, “Fatu kut a bal love” tih hi kalsan a hun ta. Eitur, bartur,
intur kan inchhawp leh pek danahte, In-ah emaw hotel leh
restaurantah emaw a tuihnai-in a thianghlim tur a ni. Ei tur
kan lakkhawm dante, kan zawrhna hmun leh kan zawrh
dante, kan ran talhna hmun leh talh dante, a hnawm kan
dehral dante a fai leh thianghlim thei ang ber zela tih tur a ni.
Ei leh in kawngah, ei tawk, in tawk thiam a ngai “Eitam tur
chuan eitlem tur” tih hi hriatthiam-a vawn tur a ni. Kan ei leh
inte chu an thianghlimin an fai tur a ni a, taksa tan an tha
tawk bawk tur a ni. Kan taksa hi hmun za-a then
a hmun sawmsarih panga hi tui a ni a, heihi a dikloh chuan
taksa khawl a fello thuai thin. Kan taksa bung hrang hrang
ten an nih ang an nih theihna tur leh an fai nan tui in tam hi a
tul takzet a ni. Tui in tam hian natna tamtak min pumpelh tir
thei a ni tih hriain tui kan in tam tur a ni. Kan tui in erawh a
thianghliam tur a ni. Zuk leh hmuam kawngah tihdawklak
thatlohziate, a tirah lang mai lo mahse khua reia a pawi thui
theihziate, nun phung leh khawsak a tih buaizia leh
tihhrehawmzia-te i hre zual zel ang u.
BMCF INKHAWM PROGRAMME DATE: 23.05.2010
Hruaitu : Rev.F. Hrangkhuma
Tantu : Tv.Samuel Buatsaiha
Thawhlawm hlan : Pi Lalpianmawii
Thusawitu : Rev. R. Lalthanmawia
Special Number : Tv.C. Zairemsiama