Jiara Laine Montao

Prof. J. Jacobo, Phd.

Fil 11 GGG

25 November 2015
Bulalakaw

Ang Miss Bulalacao ay isang Bisayang Indie Film. Tinatalakay nito ang buhay ng
isang binatilyong bading at ang pinakakaibang siyam na buwan ng kanyang buhay. Sa simula
ng pelikula ay pinakita ang isang barangay pageant kung saan ang mga manglalahok ay nakadrag. Sa Q&A na bahagi ng patimpalak ay tinanong ang bidang si Dodong: What is the
essence of being a woman? at ang sagot naman ni Dodong ay motherhood. Di niya lang
alam na mamaya ay mabubuntis siya ng isang puting nilalang na lumiliwanag.
Ang salitang aking gagamitin sa pagsusuri ay bulalakaw. Ang ibig sabihin nito sa
Vocabulario de la lengua tagala ay cmela, exhalacin encendida1 na ang ibig sabihin sa
Ingles ay Bulalakaw, bumubulusok na apoy2. Ito naman ay shooting star3 sa Tesauro
Pilipino Ingles at batong pangkalawakan o metal sa kalawakan na nag-aapoy kapag
pumapasok sa atmospera ng mundo at nakikita bilang mabilis maglahong bituin na
gumuguhit ng arko sa madilim4 naman sa UP diksyonaryo.
Ang Bulalakaw ay isang bagay na nanggaling sa labas ng mundosa kalawakan. Kagaya ng
isang bulalakaw si Dodong ay parang dayuhan sa kanyang barangay. Pinagtatawan siya at
tinutukso ng kanyang mga ito. Hindi sinerseryoso ang kanyang mga sinasabi at ginagawa
dahil iba siya sa kanila. Naiiba siya sa kanila dahil sa kanyang sexualidad sapagkat siyay
isang bading. Nakikita natin dito ang malungkot na katotohanan na kahit parang tinatanggap
1 Vocabulario de la lengua Tagala, s. v., bulalacao.
2 Vocabulario de la lengua Tagala, s. v., bulalakaw.
3 Diksyunaryo Tesauro Pilipino Ingles, s. v., bulalakaw.
4 UP Diksyunaryong Pilipino, s.v. bulalakaw.

natin ang mga bading at iba pang taong parte ng LGBT ay mayroon pa ring diskriminasyon
sa kanila.
Ngunit, tandaan na ang bulalakaw ay may isang depinisyon na shooting star. Ang
shooting star ay isang maglahong bituin na gumuguhit ng arko sa madilim sabi sa mga
depinisyon at karaniwang sumasabi ng isang wish ang taong nakakakita nito. Kapag
pagsamahin at isakonsepto natin ito sa nabigay kong maikling pagsuri sa taas ay masasabi
natin na ang mithi ng pelikula ay sana ay matanggap ang LGBT sa ating mga komunidad.
Kitang-kita ito sa pagtanggap ng mundo kay Dodong itong maaring nais na ipakita ng
pelikula. Ngunit, kasaklap saklap naman na binigyan lamang siya ng pansin ng mga tao nang
nalaman nila na siya ay buntis at may kakayahang magpagaling. Binigyan siya ng respeto
bilang isang tao nang inakala ng mga mamayanan na siya ang magiging ina ng Panginoon
Hesus sa kanyang pangalawang pagbalik. Pinapakita dito na ang karamihan ay tinanggap nga
si Dodong (o ang mga LGBT) dahil naangat niya ang kaniyang sarili bilang isang kagalanggalang o banal na indibiduwal.
May isang mensahe ding makikita sa pelikula. Ang mga alien na nagmula sa ibang planeta ay
pinili si Dodong isang bayot na maging ina ng kanilang lahi. Ito ay napakaimportanteng
tungkulin sapagkat ang ipapanganak ni Dodong ay isang hybrid. Baka nga ito pa ang
pinakaunang hybrid sa mundo. Ang mga aliens pinahahalagahan nila ang bayot ngunit tayo
na kalahi nga natin si Dodong ay hindi. Pinapakita dito gamit ng ironiya ang sitwasyon ng
ating lipunan. Sana naman sa pamamagitan ng pelikulang ito ay mabigyan ng malay ang
maraming mga tao tungkol sa paksang ito.

Bibliyograpiya
Almario, Virgilio S., pat. UP diksyonaryong Filipino. Quezon City: University of the
Philippines-Sentro ng Wikang Filipino at Anvil Publishing, Inc., 2010
de Noceda, Juan at Pedro de Sanlucar, pat. Vocabulario de la lengua tagala. Komisyon sa
Wikang Filipino, 2013
de Noceda, Juan at Pedro de Sanlucar, pat. Vocabulario de la lengua tagala. Manila: Imprenta
de Ramirez y Giraudier, 1860
Panganiban, Jose Villa. Diksyunaryo tesauro Pilipino-Ingles. Quezon City: Manlapaz
Publishing Co., 1972