BMA AW An Official Organ of The Bangalore Mizo Association
Registered Under Societies Act of Karnataka No.BLU-S188-2007-08 Date 7 May 2007
Vol. XVII Issue No. 10 Bangalore Mizo Association Pathianni Tin Chhuak Chanchinbu
KA CLASSMATE, RUATI (Down the memory
lane)
By R.L Rinawma
May ni 8, inrinni a lo thlen chuan zing atangin tihtur dang inchhawp
thiang ka ti lova, Ruati’n he khawvela a hun tawp a hmanna hun
hnuhnung, a puala hun an hman tur chu tel ve turin ka thawk phei
ve a. A ruang hi an inpui, Ruati u Vanhmingthanga te chenna inah
zalh a ni a. A ruang bul ka va thlen chuan kum 5 chhung
Government Higher Secondary and Multipurpose School-
a kan in classmate hun lai te kha rilruah a lo thar leh a. Ruati’n
fiamthu a thawh thin te, midangte fiamthua insawisak kan chin lai
vela kan nuih nasat thin ziate kha ka hre chhuak a. A aw mawizia
leh inrintawkna nei em em a eng hla pawh a han vawrh thin te kha
ka hre chhuak bawk. Phum bo mai tur a ni ta mai si a.
Ka thlen hnu reilote atangin mi an lo pung chak hle mai a, a
thianteho zaimite an lo lut nguah nguah reng a, reilote chhungin
inchhung hmun tin mai, staircase thlengin a khat ta vek mai a, lo lut
tharten an sawi danin pawnah kawngpui chhehvel pawh an luah
khat hneh hle bawk a ni. Vuina programme zawh dawn lamah Mizo
Zaimi Inzawmkhawm Pawl ( MZI ) ten amah thlah nan ZOAWI
LELTE tih Zirsangzela phuah hla tha tak mai, he hun mila a chang
tawp lam an thlak danglam: urhsun zeta an sak chuan helai hmuna
lokalte mittui a hnuk thla tam hle mai. Anniho 50 chuang lai mai tan
remchang taka dinna tur hmun pawh a awm lova, kan tawt em em
vek mai a. He vuina inkhawm leh programme te ka sawisel hauh
lova Ruati te ang ‘mi bik’ Mizo zinga piang leh fo lo chi te hi chu
thlahna atan chuan hmun lian leh zau deuh neih a chakawm em
emin ka hria a. Duhthawhna avang pawh a niang, hetih lai hian ka
rilruah thil pakhat a lo lut a. Chu chu Ruati chanchin ka chhunzawm
hmaa zeh tel tul ka ti.
Hetiang chhiatni a lo thlen hian kan in leh lo neih dan a inchen lova,
a tlangpui thuin inlian leh pindan lian neilo kan tam zawk tawh a ni
a. Mi kan tha hlawm si a, mithi an awm apiangin sunpuitu leh
lainattu an tam em em zel si a. Vairamah kum 30 chuang ka lo kal
kual tawhna hmunah Christian hote thil chin hi helaiah pawh hian
seng luh chi niin ka hria a. Kan awmna khawpui apiangah Church
of South India (CSI)/ Church of North India (CNI) ah te
member kan lo ni ve thin a. Heng kohhrana an tih dan chu hetiang
hi a ni. An kohhran mi ( communicant member ) tupawh an thihin
an ruang hi member nihna Biak inah an la lut ah chutah chuan
Funeral service mawi hnai takin an nei ngei ngei a. Chuta tang
chuan thlanmual an panpui mai thin a. Biak inah hian henglai kan
rama Pastor-in a kaihhruai ang tho hian an sawngbawl a, mithi
chanchin sawitu leh uitute thusawi pawh an ti ve vek a. Altar hmaah
kuang chhin loh dahin hmu a thlahna chibai pe duhte tan kal hual
theihin an buatsaih thin a. Hei a zahawmin a ti urhsun (solemn) tha
em
em mai a. Ruati vuina inkhawmah hian khatiang ang te kha awm ve
ta se ka ti vawng vawng mai. Henglaiah chuan Biak In chhunga
ruang lakluh hi Kohhran puipate pual chauha kan ti hi phal zau ta
ila, regular taka kohhran member lo ni chho mek te pawh tihsak ve
tawh ila ka ti khawp mai. Hei hian thatna lian tak a neih zingah
chuan: kohhran member tha pangngai nih hlutna a ti sang fe dawn
a, a dawt lehah chuan, a chunga tarlan ang hmun chep luat vanga
Date: 30th May 2010
duhthala thil kan ti theilo hi kan pumpelh thei dawn bawk si a. Han
belh leh hram ila, vengah kohhran vawn mumal neilo emaw veng
danga kohhran biak in bel mekte an nih erawh chuan an duha a
hman theih atan YMA Hall te hi hman theih ni ta bawk se.
Tin, mithi suntute tuarpuina thu ziakna Register (Condolence
Register) hmel ka hmuh loh avangin ka tihtur a ni nge nilo pawh ka
hre bik lo, MZI member zinga lo tel ve ka nel deuh hnenah chuan
hetiang neih hi a tul ka tih thu ka sawi ringawt a. Mibik leh
midanglam liamni ah hian mi tam takin thil sawi leh tihlan an chak
thin, thusawi tir dawnin hunin a daih vek lo, hnam changkang zinga
an tih fo danin Condolence (Message) Register dah hi ching ila a
tha khawp ang. Anmahni chhung khur atang chuan hetiang tih hi hi
intivei nih hlauhna avang te pawhin an hreh thei ang, bengvar saktu
awm a ngai a ni.
Awle, Ruati te nen Government Higher Secondary & Multipurpose
School ah kum 1968 atangin kan zirhova. Kum 5 kan awm hova,
pawl 11 kan chhuahsan thlengin kan in classmate chho a ni a. A
chanchin ziaknaah khan Pawl 11 zawh hnuah PUC I & II zir angin a
ziak a. Kha kha a dik lova. Keiniho kha School danglam zet maia
kal kan ni a, kum 1962 vel atanga tan a ni a. Kan systemah chuan
Pawl 11 zawh hnu khan kha laia system danin BA First Year kal
tur kan ni a. Mahse, Gauhati University lam khan system an thlak
thut a, Pawl 11 system kha titawpin College zirna pawh PUC kum 2
leh Degree course pawh kum 2 chi an rawn ti ta a. Keiniho kha Pawl
11 system a awm laia kalchhuak hnuhnung ber kan ni a. Khatia kan
han chhuak ta kha, an system tharah kan lai chhe zo ta a. Tichuan,
kan pualin PUC II Special an buatsaih ta a ni.
Ruati hmingpui hi kan pawlah chuan pahnih dang an awm a. Ani hi
fiamthu pah nan Ruatsangi kan ti a, Saron veng ami,
mualliamta,Vanlalruati kha chu kan chhinchhiah hran lova,
Vanlalruati pathumna chu Ruat-tei kan ti thung a. Anni hmeichhe
rual ho kha mipaho aiin fiamthu an duh a, an fiamthu a pawhraw
ang reng bawk a. Tin, inhmeh deuh deuhva insawisak an thiam em
em bawk a, kan zinga mipa thenkhat zakzum deuh phei chuan an
nel vak lo thin. Kan in nelin kan inkawm ngeih hlawm hle a. Ruati
kha Commerce stream a awm a ni a, keini Humanities
stream kan ni a. Mahni line theuh hi kan insawimawi siak vel
a. Anni Commerce group ho au hla chu: “Company lian tawkah
hotu hlawh tam kan ni ang a, car phek tawkah kan tleng zer zer thin
ang a”, an tih chang chuan, Ruati hi a lo sang tha bawk a, “Nang hi
chu car phekah vak lut ve thei dawn em ni?” ti tein kan fiam let thin
a. Thutaka inkawm aiin fiamthu rawngkai lama in dawrna kan ngah
zawk hial awm e.
Ruati hi lehkha zir lamah a thiam pawl a ni a, English te hi a man
tha a. Tin, a tawng leh a English hman dan (diction) te hi a mawi
tha fu a. A handwriting hi a tha em em bawk a. Thutak
deuhva kan titi chang pawhin ani chu hlawhtling tur zinga kan telh
ngam a ni a. Amah ang bawkin a u Vanhmingliana (Tauva) hi a
handwriting a mawi a. Kan School a kal ve tho, Vanhmingliana leh
a u leh zawk, mual liam ta, Vanchhingpuia te hi thluak tha, thiam
thei lutuk, an ni a, IAS exam se tling thei tur zinga kan ngaih an ni
nghe nghe a. An ziak ve ta lo hi ka lo ui pui thin. Tin, an unauho
zait thiam dan leh music an hriatzia hi khatih hunlaia hrechiang ten
an sawi fo thin a, an pathuma an zai emaw an ni inchhang bung zai
te hi keini School khata kal chuan kan hmu ve nuala a. Kum 1968
vel lai atang Inter High School Competition an neih kha hetiang
Vol. XVII Issue No. 10 Bangalore Mizo Association Pathianni Tin Chhuak Chanchinbu
Editorial
Vawiin hi BMA Aw Volume XVII – Issue 10-na chiah ani a,
Pathian hruaina in tluang takin kan han ti chho ve zel chu ani
a, Editorial board te kan famkim lo ang bawkin kan
chanchinphek pawh a famkim lo tih kan hria, mahse min hlut
saka, chhiar thintu zawng zawngte in mi hriat thiamna zawng
zawng ah lawmthu vawiin hian Editorial board ten kan sawi
duh a. Thurawn leh thuchhuah tur nei apiang ten inthlahrung
lovin I thawh zel ang. Vawiin Article phal taka min chhuahtirtu
kan member hlun leh hruaitu pawh lo ni thin Pu RL Rinawma
chungah lawmthu kan sawi bawk e.
(phek khat ami chhunzawmna)
talent inpho chhuahna a ni a. Khatih lai chuan hetiang inelna hi a
lianin a ropui hle a. Anni unau thum avang hian kan School chuan
champion kan chang fo thin. Ruati’n Home Sweet Home tih hla a
sak te kha aw, tun hnu thleng hian ka la hre reng a ni. Music lama
hriatna nei ve lo ka nih avangin Ruati thiam dan ka sawifiah ve
thiam lova. Amaherawhchu, thil tlemte kan inkawm hun lai vela ka
lo chhinchhiah ve te chu: a hla vantlanga hmaa a rawn pho
chhuahte hi tha tak vek an ni a. Han tlafual deuh hi a awm lo ti ila a
sual lovang. Tin, a hriaten an sawi daninRuati hian music a man tha
viau a ni ti deuh zel bawk a. Keiin ka hriat thiam ve chinah pawh zai
a thiam ka ti em em a, a aw hman a thiam ka ti bawk a, eng hla
pawh hi ( rock, country, pop etc. ) thiam takin a sa thei niin ka hre ve
a, saptawng takin ‘versatile singer’ tih ngam niin ka hria a. Tingtang
khawih lah kha a thiam em em tho bawk a. Hetia a hla reng reng a
tihfuh fo na chhan nia ka lo hriat ve danah chuan a thiamna leh
talent te hmang tangkaiin thil a duh uluk em em mai a, hla sak tur a
thlang uluk em em thin tih a sawi thin a, a inbuatsaihna pawh a uluk
thin a. Hla thu tha leh dik a duh a, a thu lam fiah pawimawhzia te hi
a sawi thin. Hei hi tunlai tawng taka dah hin ‘Ruati kha a
professional’ hle a lo ni. Hei hi tunlaia thangthar lo chhuak zel te
pawhin an entawn tur pawimawh tak niin ka hre ve a ni. Hetiang mi
bik hi chu midangte tana malsawmna ni zel tura dam rei zawk atan
ka it em em a. Hetiang mi danglam leh talent nei tha classmate nih
hi kan chhuang thin a. Hetiang hun lo thleng ta hi mimal takin a
thiantha ang pawhin ka ui em em a ni. Michael Jackson hla ‘GONE
TOO SOON’ hian lo titawp ila.
Like A Comet
Blazing 'Cross The Evening Sky
Gone Too Soon
Like A Rainbow
Fading In The Twinkling Of An Eye
Gone Too Soon
Shiny And Sparkly
And Splendidly Bright
Here One Day
Gone One Night
Like The Loss Of Sunlight
On A Cloudy Afternoon
Gone Too Soon
Like A Castle
Built Upon A Sandy Beach
Gone Too Soon
Like A Perfect Flower
That Is Just Beyond Your Reach
Gone Too Soon
Born To Amuse, To Inspire, To Delight
Here One Day
Gone One Night
Like A Sunset
Dying With The Rising Of The Moon
Gone Too Soon . Gone Too Soon.
Date: 30th May 2010
CHANCHINTHAR
Tualchhung
• Rev. J Lalduhawma u, Nl.Lalrinsangi chu kalna
vangin ni 27 May khan a boral a, hemi pual hian
BMCF chuan Pu Duha te in , UTC ah ni 28 May khan
thlanthutna hun a buatsaih a, thenrual tha mi
engemaw zat an kalkhawm.Khawhar chhungte
Pathian thlamuanna dilin I tawngtaipui ang u.
• Tv. Lalmuanpuia (BMA GS tum hnih lo ni tawh)
chu tunah hian Durtlang Hospital ah natna khirh tak
tawkin a awm mek a, member ten I tawngtaipui ang
u.
• Vawiin BMCF inkhawm ban thingpui in ho na ah
Pi Caroline te chhungkua chuan Pathian ah
lawmna an chan thar lawm nan cake tui tak inkhawm
te min eipui.
• Kar hmasa inkhawm ban khan MSA, Banglore
Exe. Committee chu Vestry ah neih ani.
• Pi Pianmawii (Shalom Hostel neitu ) chuan
Mobile Phone number thar a nei a, amah be duh te
tan Phone No – 7259634887 ah biak theih ani e.Tin,
Bangalore-a Admission buaipuia lo kal te thlenna tur
duh tan Pi Piani biak theih ani bawk.
• BMA Membership Form fill up a lo hun leh ta.
Sunday Inkhawm ban apiangin biakin kawtah
hruaitute hnen atangin Form hi lak theih ani. Pakhat
Rs. 5/- zel. Hei hi member te’n ngai pawimawh hram
hram ila, kan thiante leh chhungte pawh I hrilh darh
ang u.
• Summer Sports 2010 chu kar leh hian Babutlang,
Aizawl ah tan ani dawn ta. BMA aiawhin member tha
hnem tak Aizawl a awm mek te pawh an tel dawn a,
hemi chungchang hrechiang duh chuan Tv. Joel
Murray – 09612211455 ah biak theih ani.
• Pu B. Kapthuama te nupa leh Pi Lalhmangaihi te
pawh tunkar kal ta khan Kolhapur lam ah zin in an
kal.
• Pu Josiah Ralte te chhungkua pawh naktuk hian
thlakhat vel zet cham turin Aizawl an pan dawn ta.
PERSEPOLIS ENTERPRISES
NOW BOOK FLIGHT, BUS, TRAIN TICKETS
IN THE LOWEST RATE WITH PERSEPOLIS
ENTERPRISES.AND WE ALSO OFFER YOU THE CHEAPEST
CAR RENTAL TARIFF
IN BANGALORE. OUR WISH IS YOUR SATISFACTION.
ADD: #1&2, MUNIRAJAIAH COMPLEX, K.NARAYANAPURA,
NEAR TO KRISTO JAYANTI COLLEGE, BANGALORE-077.
FAX: 080-25790318. TEL: 080-28444429. MOBILE: 9535109335
 Vol. XVII Issue No. 10 Bangalore Mizo Association Pathianni Tin Chhuak Chanchinbu Date: 30th May 2010

Mizoram
India & Khawvel
• Indian Network of Positive People (INP+) hruaitute
leh Positive Network of Mizoram-te chuan zirtawpni v Zirtawpni zing khan West Bengal-a West
khan Aizawl Press Club-ah thuthar lakhawmtute Midnapore district-ah Mumbai pan tur rel,
kâwmin, India ram pum leh, Mizoram bikah pawh Gyaneshwari Express chu Moaist hel nia hriatten
nasa lehzuala HIV/AIDS do turin mipuite an ngen. relkawng an tichhiat avangin a chesual a, khualzin
Mizoramah nitin HIV/AIDS vei mi pali hmuhchhuah 65 vel an thih bakah, mi 200 chuangin hliam an
thar zel ang a nih thu an sawi.
tuar.He chetsualna thlen hun hi zinglam dar 1.30 vel
• Mizoram Football Association (MFA) chuan
a ni a, Howrah-Kurla Lokmanya Tilak Gyaneshwari
zirtawpni khan Tourist Lodge, Chaltlangah General
Body Meeting an hmang a; Parliamentary Secretary Super Deluxe Express hi Khemasoli leh Sardiya
Lal Thanzara, MFA Patron ni bawkin a hmanpui. station inkara a tlan laiin vanduaina hi a tawk ta a ni.
Parliamentary Secretary chuan, AR Lammuala v Air India hnuaia hnathawkte chuan darkar 33
airtificial turf phah phalna Ministry of Home Affairs chhung an nawrh hnuah, Nilaini zan khan Delhi High
atanga hmuh a nih tawh thu sawiin, "Helai hmuna Court thupek angin an nawrh an tihtawp ta.
hotute nen indâwr mek a ni a, a phahna tur pawisa Nawrh tihtawp ni mah se, zirtawpni thleng khan
pawh a awm vek tawh a ni," a ti a; USA siam field ramchhung hmun pawimawh, Delhi, Mumbai leh
turf phah a nih tur thu a sawi. hmundangah AI thlawhtheihna eng emaw zat thlawk
• May 21 zan leh May 22 zinga Khasi hoin NEHU, tur chu thulh tir an la ni.AI thuneitu lam chuan nawrh
Shillong campus-a hostel awm Mizo zirlai pathumte
huaihawttu, Air India union hruaitu mi 17 a ban a,
an sawisak avanga Shillong-a Nazareth Hospital-a
enkawl mek, Zoremmuana, Kolasib chu nimin khan a engineer 15 a suspend nghal bawk. Thawktu dang,
sawisatute'n kanin, ngaihdam an dil. 100 vel chu ban emaw, suspend emaw an la ni dawn
MZP hruaitu remna zawnga Shillong kal chuan nimin bawk nia sawi a ni. Civil Aviation Minister, Praful
khan Khasi Students Union hruaitute an kâwm a, Patel chuan union-te chu an kal thui lutuk nia sawiin,
hemi hnu hian MZP leh KSU hruaitute hoin Mizo manangement lam chu an chunga hremna lekkawh
zirlai khawihtute chuan Zoremmuana hnenah turin zalenna pek an ni tih a sawi.
ngaihdam an dil a ni. v Kar kalta Inrinni-a Mangalore-a Air India
• Indian Society on Tobacco & Health Mizoram Chapter thlawhtheihna, Boeing-737 chesuala Black Box peng
(ISTH -M) hmalaknain Mizoram-ah Anti-Tobacco Squad
din a ni ta a, hun rei vak lovah he dan hmang hian Aizawl pawimawh ber, Digital Flight Data Recorder (DFDR)
leh hmun dang danga Mei Zûk Khap Burna Hmun-ah dan chu ngawrh taka zawn a nih hnuin, a chetsual atanga
bawhchhetute chu man theih nghal an ni tawh dawn a, nithum hnu, nimin khan hmuh a ni ta. Pathianni khan
hmun leh hmunah Police-te chuan an man nghal ang a, thlawhtheihna chetsualna bulah Cockpit Voice
dan bawhchhetute hi Rs 200/- chawi tir nghal an ni zel
tawh dawn a ni.
Recorder (CVR) chu hmuh a lo ni tawh bawk.
• MPSC-in Law & Judicial Department hnuaia Civil v Jamaica khawpui, Kingston-a ni li chhunga
Judge thawk tur, pianphunga rualbanlote quota-ah H security force leh ruihhloa sumdawngte inbeihna
Lalduhsanga s/o H Lalramliana, Mizo Veng, Mamit a avanga thi zat chu nimin thleng khan mi 73 an tling
tling. tawh a, mi tam tak man an ni bawk.
• Kazakhstan-a khelh mek, Asian Women's Boxing
Championship-ah Mizo nula Vanlalduati chu quarter AMERICAN IDOL 2010 LEE DEWYZE
final-ah Chinese boxer hneh loin a tla ta a, a vanduai
takzet a ni. Hetihlai hian Mary Kom leh Manipuri
boxer L Sarita Devi-te chuan semi final an lut.
• Kawtthlera ninawm leh hlauhawm taka intlansiak
kal pêlin, India ram pum huap bike intlansiak lian
thamah Mizo tlangval Lalawmpuia a tel ve dawn ta.
India rama motor racing infiamna lama thuneitu
sang, Federation of Motor Sports Clubs of India
hriatpuinaa neih tur, Sidvin FMSCI Indian National
Motorcyle Racing Championship 2010 chu June 4-6
hian Madras Motor Race Track, Irungattukottai,
Chennai-ah an tlan dawn a, Bethlehem Vengthlang
tlangval hi a tel ve dawn a ni.
Lalawma hi MiMSA leh T&S Yamaha-te'n an sponsor
American Idol 2010 atan Chicago tlangval zaithiam
dawn a, amah hruaia a hmun thlenga a tul ang ang
hmeltha , Lee Dewyze chu thlan ani ta. Amah hi Painter
lo buaipui turin Pu Vanlalmuana (Muantea), X-Trema
ani a, hetiang dinhmun a thleng ta mai hi ani pawhin
chuan a tawiawm ang.
awih har a tiin, a damchhunga a la lawm ber tum ani ati.
Vol. XVII Issue No. 10 Bangalore Mizo Association Pathianni Tin Chhuak Chanchinbu
UEFA Champions League Final Khelh
Zanah Ennawm Mak Tak A Lang
Minute 35-naah a goal a, 70-naah a goal leh. Goal leh dawn
se minute 105-naah a ni thei ang em, he he! A tul lo, minute
90-naah a a chak zawk a chiang, Milan 2, Munich 0! Kum
2009-2010 Champions League chu ti khan a tawp. Inter
Milan hnehna an chang a, an champion ta! Player-ho
pawhin in lam an pan fel tawh ang a, an zinga mi engemaw
zat chu World Cup khel tur an avangin South Africa lam
panin an inpu chhuak tawh hial ang. Nimahsela, kha inkhel
hmuhnawm tak mai tawp dana thil hmuhnawm inzep erawh
kha chu a la her liam mawlh lo.
Diego Milito-a pet goal lawm lutukin mipui lam a vai, an
hriatchhuah meuh chuan Bayern fan-ho hmaah lek a lo
celebrate chu lo niin! Hmun dang chu nise a chak lo teh ang
chu. Mahse, Bayern fans an fakawm, lo boo ruih ruih hnekin
lawmpui nan kut an lo bensak tlat. Lucio kan hria. Bayern
player hlui a ni a, Kristian tha tak a ni bawk. A rinna erawh
tawngtai leh zai tui maiah a thamral lo. Bianga lawmna mittui
luang chunga a teammate hluite chibai buka a kual zung
zung leh tak pek kha! He pa hi a hmel en aiin zawngin a lo
“christ” ru a nih hi, tute emaw chu ni ila, kan hmu lo der vel
ang a, kan intihtheih khum vel ang maw le. Lucio chuan a ti
lo. Jose Maurinho leh Arjen Robben te pawh tute nge an nih
kan hria alawm. Stamford Bridge lama kum thum tal tawp lo
inzui tawh an nia. Inkhel karlaka an han in-hug zeuh te kha
chuan thil tam tak a sawi lo maw? Chutiang zelin ... ni
dangah chuan Manager leh Manager an inhrosa a, thu
feikibar hmangin an inbei a, media hmangin an inchapchar
bur bur thin. Mahse kha zan kha chu zan duhawm a ni. Hun
tawp dawn tawngkhawng tawhah, Inter an champion tih a
chian tawhah, Bayern boss Louis Van Gaal panin Maurinho a
vak phei hrem hrem a, chutah an han in-hug det a. Kha thil
kha eng tihna chu ni maw? BMA AW chhiartuten han
chhang teh se.
Hmangaihna, induhsakna, leh inthian thatnain ro a rel a, a
inkhel bera ai mahin a tawp dan kha a hmuhnawm zawk rum
rum a lawm le. Zofate hetih kawng hian eng nge kan an ve
le? Tapte hi chu ka tahpui mai thei, lawmte hi kan lawmpui
thiam lo deuh em aw? Engkimah inlawmpui hi thiam ila, kan
nun hi a hmuhnawm ngei ang le.
( He thu ziaktu in a ngenna angin hming tih lan loh ani – Editor)
Editor: Thaarie Hnamte – (Mb) 9886145877
Jt.Editor – Sawmteii Khawlhring & Madawnga Hauhnar
Cir.Managers –Amos Lalremtluanga, Blessy Sailo
Contributors: Rev.J. Lalduhawma & Tetea Sailo
Email:bmanews@gmail.com / www.bangaloremizo.info
I lo bengvar lehzual nan sms JOIN BloreMizo type la, 567678
ah thawn rawh le. I lo fin deuh deuh nan BMA AW chhiar thin
bawk ang che. Thla 3 lak man Rs.50/-
Date: 30th May 2010
HRISELNA HUANG
I DAWN VE NGAI EM? ( Source: www.smokefreemizoram.nic.in)
Mei zuk khu hi a zu tu hi chuan hmun thum a then a hmun khat
chauh a hip lut a, hmun hnih dang chu boruak a zam velin midangin
an hip lut a, chu chuan natna a thlen nasa hle a ni.Zuk leh hmuam
in natna a thlen hi chhut chian chuan rapthlak tak a ni. Zu lova ei leh
hmuam ching te pawh hian harsatna kan thlen a, chhungkaw sum
holam takah kan khawh ralin, natna khum kan belhin chhung te leh
thian tha te kan tibuai a, thihna hial a lo thlen phei chuan min
hmangaihtute thlabara siamtu kan ni asin.
VAIHLOAH HIAN ENGE AWM?
Vaihlo khu-ah hian “chemical” chi hrang hrang 4000 chuang a awm
a. Heng zinga 60 aia tam mah te chu cancer thlen thei niin,
Polynuclear Aromatic Hydrocarbons (PAHs), N-Nitrosamines,
Aromatic Amines, Aldehydes, Benzene, Vinyl chlorides, Arsenic,
Beryllium, Cadmium (battery siamna hmanrua), Lead (rawng
siamna), Nickel leh Radioactive Polonium-210 te hi a hlauhawm
zualte an ni. Boruak hlauhawm (poisonous gases) tam tham tak a
awm bawk a. Hydrogen Cyanide (chemical weapon atana hman
thin), Carbon monoxide (motor mei khu chhuahna atanga lo chhuak
thin hi), Butane (gas lighter tuiah an pawlh thin), Ammonia
(bathroom leh toilet tihfaina hlo) leh Toluene (rawng hnawihna
thinner siamna hmanrua), Arsenic (rannung thahna hlo), Chromium
(steel siamna hmanraw pakhat) te hi vaihlo khu-ah hian a awm vek
a ni.
VAIHLOIN NGHAWNG THALO A NEIH THENKHAT TE
1. Lung:
o Thisen sang, lung na, lung thisen zam thalo leh
lungphu chawl (Heart attack).
2. Thisen Zam:
o Thluaka thisen zam chat leh ping avanga zenna
(Stroke)
o Thisen zam natna avanga ke zungtang pan leh
tawih, kal zawnga ke na leh kham, tha zawi.
3. Thawkna dawt leh chuap:
o Thawkna dawt leh chuap natna chi hrang hrang,
hnap tui leh hnar ping, hritlang leh khuh benvawn
leh thawhah (Asthma), chuap ro (Emphysema),
cancer etc.
4. Mipa-ah:
o Mipa tan pa theih lohna a thlen thei.
5. Hmeichhia-ah:
o Hmeichhia tan natna hrang hrang a thlen a,
naupai lai tan nauchhiat leh thlakim loa hrin a
thlen thei.
6. Hriselna:
o Vaihlo hian hriselna kawng hrang hrangin a
khawih a, heng ril bawh, phing, kal, pumpui leh
chhul Cancer-te hi vaihlo hman nen a
inkaihhnawih tlat bawk. Chubakah, nihphung tur
pangngai aiin nasa takin min pawt hniam thei a ni.
BMCF INKHAWM PROGRAMME DATE: 06.06.2010
Hruaitu : Rev. K.Sapthanga
Tantu : Dr. Lalhmingmuana Sailo
Thawhlawm hlan : Tawngtairual
Thusawitu : Pu P.S. Chhuasa
Special Number : Nl.R. Lalnuntluangi