Email : dawrpuinews@gmail.com
com
MOTTO
1. Hunawl hman\hat
2. Zofate hmasawnna
ngaihtuah
3. Kristian nun dan \ha
ngaihsan
“YMA chu tanpui ngaite tanpuitu a ni”
Vol : XX Issue No 22 Dawrpui News
TUALCHHUNG
D AMLO: Pi SL Chhungpuii
Bara Bazar Guwahati a in check up
a kal chu dam takin a lo haw.
Pi Kapzawni Dawrpui ‘S’ chu tun
lai hian Cancer natna avangin In lamah
enkawl mek a ni
Tv.Lalthanpara C/o Pu Ziakkima
Pachuau Upper Bazar chu May 24
2010(Thawhtanni) khan Civil
Hospital-ah kala Lungte awm zai a ni
LUSUN : Dr Lalsangluaia Sailo
chu May 22,2010 (Inrinni) 12:30PM
khan Cancer natna in a borala, a tuk
Pathianni chhun 12:00 khan vuiliam
a ni
May 23,2010(Pathianni) 9PM
khan C.Lalramthangi Medical
Quarter chu Cancer natna in a boral
a, a tuk Thawhtanni khan vuiliam a
ni.
BRANCH AIAWH: Pu Vanlalbika
Branch Asst Secretary chu May
25,2010 (Thawhlehni) khan I&PR
Conference Hall-a Media
Workshop ah a tel.
May 27 & 28,2010 khan
Blood Donation Camp I&IPR
Conference Hall- ah Pu
Lalnunmawia Vanapa Section
Secretary a tel bawk.
PUAN PE: DR. Lalsangluaia
Sailo (L) te chhung leh Pi
C.Lalramthangi (L) te chhung chuan
a tul a hman atan Branch ah Puan
engemaw zat min pe.
T HUKHAWM : May 27,2010
(Ningani) khan Tv Lalrinsanga New
Market te inah Sports Sub
Committee an thukhawma YMA
Day a Sports neih dan tur an rel.
PASS THAR: Zonunmawii d/o
Zothanliana (L) Pi Thangliani tunu (
Vanapa Section) chu Kendrya
Vidalaya School (CBSE) Matric Ist
Div ah a pass, Letters :English, Hindi
Moses Zodinliana Rokhum
s/o R.Zomawia Rokhum (
Chawngbawla Section) CBSE Ist
Div ah a pass.
Visit us at www.dawrpuiveng.
Kartin Chhuak Pathianni May 30, 2010
MIZO TE’N HNAMDANG (NON-TRIBAL) TE HNENA
RAM PEK/ HRALH
Mizote hian kan Mizoram bak ram kan neih loh avangin kan tan chuan a
hluin tihral mai mai emaw, hnamdang hnena pek/hralh hi kan tih loh tawp tur a ni.
Tunah hian Mizote hi hnamdangte chimralin kan awm mek zel a ni a, hemi chungchanga
thil pawimawh tak mai chu - hnamdangte tana awmna hmun nghet Mizoramah kan
siamsak miau loh chuan an tan inbengbel turin kawng kan kharsak tihna a lo ni ang,
Chumi tihlawhtling tur chuan mimal tin te hian chanvo pawimawh tak kan nei theuh a
ni. Hnamdang (Non-Mizo leh Non Tribal) te hnenah kan ram, in leh lo kan hralh thin
hian hnamdangte kan inchimral (assimilate) tir mek zel tihna a ni.
Section 3 of The Mizo District (Transfer of Land Act), 1963 (vide Notification
No.TAD/R/42/62 dt. 14th May,1964) hian Tribal-te’n Non-Tribal_te hnena an ram
awlsam taka an hralh theih loh chungchang a sawi chu hetiang hian hian a ni - “Dis-
trict Council huam chhunga ram reng reng Executive Committee(tunah chuan State
Government) phalna la hmasa lo chuan Non-Tribal hnenah Tribal-in dahkham emaw,
hawhtir emaw, pek emaw, hralh emaw, neitu nihna hlan chhawn phal a ni lo” tih a ni.
Chutih lai chuan hnamdangte’n man chawia kan in te an luah chungchangah chuan
Government of Mizoram atanga permission lak hmasak kher a tul lem lo a ni. He
Dan, a chunga sawi takin a tarlan ‘Tribal leh Non-Tribal-te’ han tih hian a sawi tum
ber chu Mizo te’n kan kan ram te, Mizo ni lo(hnamdang) hnena hralh/hlan chhawn
chungchang a ni. He Dan tha tak mai, hnamdangte’n min chimral tur venna kawng
pawimawh tak maiin min humhalh mek lai hian vawiin niah chuan kan Mizoram chhung
ngeiah hnamdang tam tak an inbengbelin, in hmun lo ram nghet an nei ta teuh mai.
Chumai pawh ni lovin a ram neitu Mizote zawk hian tunah chuan hnamdang zawkte
hnen atangin to tak takin kan Mizoram chhung ngeiah hian ram kan lei ta zawk anih
hi !
A chunga sawi tak The Mizo District (Transfer of Land Act) 1963 awm reng
chunga heti zat kan ram leilung hlu tak hnamdangte hnena nasa taka tihrala a awm
mek hi eng ang takin nge dodal turin leh kan ram tihrala a awm zel loh nan hma kan
lak ang tih kawngah hian sawitur tam tak pawh a awm a, a mipui nawlpuiin kan hriat
atana tha leh tulte tlem a zawng i han sawi teh ang.
Pakhatna: Non-Tribal (hnamdang) hnena Tribal (Mizote ti pawhin sawi tawh ta mai
ila) te’n ram an tihral hian neitu nihna pekna/chhinchhiahna/tichiangtu/Land Settle-
ment Certificate (LSC) emaw pass-ah hian ram neitu hmasa (Mizo) -in a hralh
chhawnna (hnamdang) hminga dah a remti a nih pawhin ram an inhlan chhawn dan hi
Dan kalh a nih chuan LSC reng rengah hian hnamdang hmingin dah leh thlak (regis-
ter/mutate) phal ta lo se, hei hi fimkhur takin Land Revenue & Settlement Depart-
ment hian hma la sela kawngro thui takin a su ang. LSC leh Pass-ah te hian a neitu
hming (LSC/Pass holder) zel te hi chu LSC/Pass-in a huam chin ram neitu an nih zel
avangin hnamdangte’n LSC/Pass an neih vete hi dan hrulah dodal a tul tlat a ni. Land
Revenue & Settlement Departmant hnuia LSC/Pass hming thlak (mutate) chungchang
khawihtu lah thuneitu te pawh hi hemi chungchangah hian fimkhur tur leh dan ang
taka thil ti tura bang lova ngen a tul tak meuh a ni. A bik takin LSC neitu nihna
hnamdang in a lo neih chuan a pawi lehzualna chhan chu, chu LSC Holder chu
settlement holder (chu LSC-in a huam ram chhunga inbenbel theihna chanvo) neitu a
lo nih tak bakah hralh chhawn leh midang hnenah pawh hlan chhawn leh midang
hnenah pawh hlan chhawn theihna thuneihna (heritable and transferable rights) a neih
vang a ni.Section 14 of the Mizoram Land & Revenue Act,1956 chuan ram reng
reng, neitu nihna inhlanchhawn/inthlak (transfer of ownership of land) hi Revenue
Department hriat loh chuan a tih theih loh tihna ani. Hei hian Land Revenue & Settle-
ment Department mawhphurhna a tichiang hle awm e.
( Remchang hmasaah chhunzawm tur)
 2 Dawrpui News Kartin chhuak
Editor : Lalhlimpuia Khiangte 9436140600
Co Editor : Vanlalbika 9856889073
Jt. Editors : Ziakkima Pachuau Lalngaihawma (Angaiha)
News Editors : Kapchhunga Pachuau Lalrinsanga(Asanga)
David Lalhlimpuia(SKA)
Members : Vanlaldiki Sailo Lianzama Pachuau
R. Zoliana P.C. Zohmingthanga
H. Lalchhanhima
Columnists : Dr. Thangchungnunga Vanhmingliana
Aldrin Lallawmzuala
Correspondents:
Michael Zomuansanga Lalnunmawia Lalsangbera
9862451420 9436384248 9862914735
TUNLAI TLAWMNGAIHNA
Mi thahnemngai tak takin Mizo tlawmngaihna
chungchang hi vawi duai lo chanchinbuah an ziak tawh
thin a, tawngkam dengkhawng deuh han hman chang
pawhin thahnem ngaihna avang a ni tih kan hriat sak fo
a tha awm e.
A nihna takah chuan tlawmngaihna hi hmanlai
hun ang khan kan kengkawh zo meuh tawh lova,
chhiatni thatniah pawh that leh that inlawm tlang
kan ang ta ber mai ! Mi zawng zawng hi mahni buai
buaiin kan buai theuh tawh a, chhiat that kan tawh tuma
min buaipuitute chungah chauh lo chuan that chhuah ve
harsa kan ti tan ta niin a lang. Mizo tlawmngaihna kan tih
thin atang kha chuan danglam tak a lo ni ta. Hetiang hi
kan hun tawng a nih tak miau avangin chhiat tawh nikhuaah
pawh khawtlang leh kohhran tana mi inhmang leh inhmang
ve lem lote inkar chu a danglam viau tawh reng a ni.
Thenkhat chuan mirethei leh mihausa inthliarna ang lek
leka kan sawi laiin khawtlang leh kohhran tana inhmang
deuh chhungkuaah chuan an retheihin awmzia a nei tak
tak chuang lova, mi khawngaih leh ngaihven an hlawh
tho thin.Khawtlang leh kohhrana lang ve ngailo
chhungkuain chhiat an tawh tum hian khawtlang hruaitu
te tan pawh a luhai thlak bik thin a, khawtlang anga
mualpho palh hlauh avangin khawtlang hruaitute pawh
an vir buaiin an mangang thei hle thin a ni.
Hetiang hi Mizo society-a awm awm lo tak a
nih laiin kan hun tawng dan a nih tak miau siah chuan
chhungkaw tin pawh kan inngaihtuah ngun a ngai ta hle
mai. That leh that inlawm a nih mai loh chuan mi rilrua
kan tlak nat miau loh chuan a tih dan tur tak pawh avang
ta a nih hi.
LAWMTHU SAWINA
May 11, 2010(Tue) zing kara kan inbul lungrem chim
chungchangah Dawrpui Khawtlang mipuite chungah
lawmthu sawi tur kan ngah em em. Kan VC te’n hnatlang
kovin Silpauline te min ngaihtuah sak a, YMA member
tam tak leh thenawm khawveng mi eng emaw zat lo pung
khawmin a tul ang angah nilengin min buaipui a. Kan tih
theih loh tam tak min tihsak avangin Dawrpui khawtlang
mipui chungah thinlung takin lawmthu kan sawi mawlh
mawlh a ni e.
In khawngaihna dawngtu,
Lalsakawla te chhung,
Pathianni May 30, 2010
KAN |HEN TAK
Pi C. LALRAMTHANGI
Pi C.Lalramthangi kum-52 d/o Pu Raltawna (L) fanu
ni turin 1959 April khan Mamit khuaah a lo pianga, an unau hi
hmeichhia pahnih leh mipa pakhat an ni a, an unau zinga
naupang ber a ni. kum 1980 khan Pu R.Lalbiakdika nen Mamit
Presbyterian kohhranah an in neia, fa panga mipa pali leh
hmeichhia pakhat a nei a, kum 1990-ah Mamit atangin
Aizawlah an rawn pem chhova kum 1991 khan Aizawl Civil
Hospital-ah IV grade hna hmu in, kum 1993 atangin Hospital
quarter-ah chengin tun thlengin an awm chho ta a ni.
A NATDAN TLANGPUI : 2002 atangin a chhul lam a
sawisel a, damdawiinah in entirin a chhulah Cancer a vei tih
hmuhchhuah a ni a, a chhul paihin enkawl nghal a ni a, engemaw
chen damthaa alan hnuah kum 2009 June thla vel atangin a
natna lo chhuak lehin Doctor-te rawnna anga enkawl zui a ni
a, 2010 March thla atangin a natna chuan zual lam pan chho
ta zel in 23.5.2010 zan dar 9:00-ah min lo kalsan ta a ni.
DR. LALSANGLUAIA SAILO
Dr. Lalsangluaia Sailo s/o Thangkima Sailo hi 24
December 1942-ah Chalrangah a lo piang a, Unau pianpui
19 a nei a, February 15, 1980-ah Lalhuliani d/o Lunghnema
Ralte Electric veng nen in neiin fa panga an nei bawk.
Chalrang Lal fapa niin 1961-ah Govt Lunglei High
School atangin Matric a Passed a, 1963-ah St Anthony’s
College Shillong-ah P.U (Sc) a passed leh a, Assam Medical
College Dibrugarh atangin MBBS 1968-ah a zo a, 1974 khan
Eye Specialist a zir a, Mizo zinga a hmasa ber niin a zawh
hnuah Assam sorkarah Registrar of Opthalmology hna a thawk
leh a, 1976-ah Mizoramah Doctor hna a rawn zawm leh a,
1985 khan WHO buatsaihin Wills Eye Hospital Philadelphia
(U.S.A)-ah training a zo leh a, kum 32 zet Mizoram Sorkar
hnuaiah hlawhtling taka a thawh hnuah 2004 khan Director
Hospital & Medical Education niin a pension ta a ni.
Khawtlang leh Kohhranah a phak ang tawkin a
inhmang thin a, tuna a awmna Dawrpui Kohhranah Puitling
Sunday Sikul zirtirtu leh Sermon rawngbawlna chelh mektu a
ni a. Infiamna lamah pawh a bik takin Tennis-ah phei chuan a
hun laia Mizoram Player tha ber pawl zing ami a ni pha ve a,
1992 Mizoram Lt. Governor Trophy-ah pawh khan a
champion nghe nghe a ni
A NATDAN TLANGPUI : Kum 2002-ah CMC
Vellore-ah thin (Liver) Cancer a ni tih hmuhchhuah a ni a, zai
nghal niin a tul ang zelin a in enkawl chho a, 2005-ah a thin
(Liver)-ah bawk hmuhchhuah leh anih avangin zai nawn leh a
ni a, July 2009-ah CMC vellore-ah vek RFA tih leh a ni a, a
natna alo danglam tak em avangin November 2009 leh March
2010-ah AMRI Hospital Kolkata-ah enkawl leh ani a, tha
takin Aizawl lamah in enkawl turin an rawn haw leh a, May
22, 2010 (Inrinni) 12:30 PM-ah min lo kalsan ta a ni
LAWMTHU: Pu Sangliankhuma Upper Bazar te chhung
chuan Branch-ah Microphone leh Cable min pe a, a chungah
kan lawm hle.
JAIL VENG LAWM : Hun rei tak chhung Jail Veng Street
Light thim tawh chu VC-te zarah a eng leh ta a, Jail Veng mite
an lawm hle.
 3 Dawrpui News Kartin chhuak
Lawmthu Sawina
Kan fapa R. Lalduhawma (Ld-a) May 14, 2010
(Zirtawpni) a a thih chungchangah lawmthu sawina tur tam tak
kan nei a. Mimal tin hnenah lawmthu kan sawi theih loh avangin
hei hi in hnena \awngka a kan lawmthu sawinaa min lo pawm
sak kan beisei.
A boral hre hmasa a piang lo tlankhawm a, buaipui
ngai zawng zawng min buaipuina avangin kan hah a dam a, kan
thla a muang em em a ni. YMA ten Ld-a in hmangaihna leh
duhsakna chetzia leh thiltihin in lantir tak meuh niin kan hria a,
khati zat min tlaivar pui a, thiam leh mawi taka in zai zankhua te
khan kan lawmna ati zual a ni. A fanu Lalkhawngaihin a ruang
hmu ve ngei se kan duh sia a, tlawmngaia nghah min remtih
sakte, Pu John Rotluangliana’n phal taka a motor min hman tir
te kha kn theihnghilh tawh lovang. A kuang mawi taka min chei
saktu MHIP te chungah kan lawm tak meuh bawk a ni. A
awmna Kohhran leh mimal ten nasa taka min \awng\ai sakna
avangin kan lawm em em bawk. Vawiin thlenga kan khawhar
hlauva min lenpuitu \henawm khawveng leh \henrual \hate
chungah kan lawm tak meuh bawk a, in za vaia chungah thinlung
takin lawmthu kan sawi a ni e.
Nu-i leh a fate,
New Market. Dawrpui.
HRIATTIRNA
A hnuaia hun leh hmun ruatah hian MUP mem-
ber leh Civil Pensioner te’n kan member pui Dr
Lalsangluaia Sailo, Chatuan Ram min pansan ta ralna
hun a huhoa neih tur a ni a,member-te kim taka kal
turin kan inhriattir a ni e.
Sd/-
Zadingluaia
Secretary,MUP Dawrpui Unit
ASST ELECTORAL REGISTRATION
OFFICER HRIATTIRNA
Special Revision of Photo Electoral Rolls -2010 neih
meka dilna dawn tawh zawng zawngte a hnuai a hun leh hmun
ruatah hian ngaihtuahna(Hearing) neih a ni dawn a. Hming
thunluh/paih diltu zawng zawng chu kim taka kal vek tur a ni e.
Polling Station : Dawrpui I & II
A hun : 8.6.2010(Thawhleh) Tlai dar 3:00
A hmun : Dawrpui Middle School.
HRIATTIRNA
Electoral Roll a hming thun thar turte tan ni 4.6.2010
(Zirtawpni) thleng hun hawn a ni a, ni 1.1.1992 hma lama
piang Roll a hming la awmlote tan hemi hun chhung hian
Dawrpui Middle School-ah zing dar 10:00 - 2:00 PM
chhungin ngaihven theih a ni e. Hming thun thar turte’n pass-
port size thlalak copy 1 leh Birth /Baptismal Certificate at-
tested copy ken tel tur a ni e.
Designated Officer
12-13/14 - Daswrpui I & II
LEHKHA THAWNBO : C. Lalhruaitluanga s/o C. Bawihzuala
H/No. 60 Dawrpui tih chu MCS Exam tura kohna lehkha
pek ngaihna an hre lova, he lehkha neitu chuan Pu V. Lalawia,
Dawrpui West hnenah lam vat tur a ni e.
Pathianni May 30, 2010
HRISELNA
CHUAP (LUNGS)
- Dr. Thangchungnunga, MS (Ortho)
Chuap hi kan hre \heuh a, lehlam lehlamah lung
(Hearts) karah a awm a, kan nunna hnar pakhat a ni a, ka
sawi duh tak chu mi thawk harsa deuh reng reng Asthma
anga kan ngai vek a, mahni thu thu a, Asthma damdawi lo
lei ta mai te lah bolo, hei hi hriat hran a ngai hle a ni. Chuap
hi kan taksa a nunna, Oxygen petu ber a ni a, ka leh hnar
a\angin hrawk bawkah hmunhniha inthenin, an in then darh
te telh telh a, atawp ber phei chu te tak te pan deuhin thisen
dawt nena inngheng rialin a awm ta a, hetiang hian nuai
engemaw zat (Chhiar sen loh) an awm a, bang pan leh kaw
deuh sir siar a, tui kan va khawh tir chuan leh lamah a lut ve
thin ang hian thisen dawt te te hian chuapa, Oxygen awm
kha a bo abang awm lo in a lo hip ta vek a, hmun dangah a
sem chhuak leh ta thin a ni.
Vaihlo zu nasa te, Lung chaklo hrim hrim te, natna
dang vanga chuap dik loh vanga lung chak lo te a awm ta
thin a, kan awm mai mai vawi leh khata kan han thaw huai
hi, taksaah Oxygen a tlem lutuk a, thluakin na taka boruak
hip turin chuap kha a rawn hrilh vang a ni, chuapa boruak in
pek chhawnna kha vaihlo khu emaw rawng hnawih rim
(Painter-te) avangte in a lo chhah a, alo chang ta thin a, a lo
sawng te ta bawk \hin. Duhtawk boruak thisen in a hmu zo
lova thawk sek sek te a lo ngai ta thin a ni. Thluak in boruak
a duh zat kha tih tlem a awih silova, lung lam khan a pump
chak/pump ran a ngai ta a, lung kha a chau ta \hin a, thaw
hah angin a awm thei a. Tin chuapa boruak luhna kha a te,
a zim ta lutuk a nih pawhin, thawk a hah thova, mahse heng
chuap diklo bik (Asthma) ah hi chuan thaw ri tep tep (zawhte
mu an thaw ri berh berh ang hi) a awm thin. A tawpah phei
chuan an vai chauh pui ta a, thihpui mai theih an lo ni ta \hin
a ni. Chuvangin Vaihlo zuk te, eizawnnaa hmang rawng
hnawih hote, thil khu, buh her te, lapaw khawih rengte ho hi
hetiang hian an awm duh bik, chuvangin an hna thawhnaah
hnar tuam reng tur a ni. Tunlaiah chuan vuah mai theih a tam
tawh a, hman ngei ngei tur a ni.
HRIATTIRNA
Right to Education in a phut angin naupang kum 6
atanga kum 14 inkar zawng zawng chu School kal vek tur a
ni a, hetianga kal tir loh hi Fundamental Right bawhchhiatna a
ni. Dawrpui Veng chhungah mahni fate/naute kum 6 - 14 inkar
School kal lo an awm chuan a rang thei ang berin a hnuai
hming tarlan hnenah hian report vat turin kan inhraittir e.
Sd/-
Lalhlimpuia Khiangte
Secretary,Dawrpui Branch YMA
HRIATTIRNA
Phai lam School kal Result chhuak thar zawng
zawngte chu a hnuaia hming ziak hnenah hian inhriattir tura
ngen leh hriattir kan ni e.
Sd/-
KL Zamvela
Secretary,Dawrpui Village Council/Court
 4 Dawrpui News Kartin chhuak Pathianni May 30, 2010

Dawrpui-in Chhiat Kan Tawk! PRESBYTERIAN

INFIAMNA
- Patea pa
Kan hruaitute rawn sawi awm thil a ni na a, a \uah May 30
30,, 2010 SUNDAY SCHOOL
tawh em a ni. An la rawn sawi zel turah ngai phawt mai ang.
Zing Inkhawm
Tun kum 2010- ah ngawt pawh Dawrpui hian chhiat
kan tawk zing leh ta hle mai a. Nikumah khan chhiatni chung |antu : Pi Lalbiaksangi, B-VI
changah vengchhung mipui te ngaih dan lak a ni a, a result Chhun Inkhawm
pawh kan Mizo tlawmngaihna chhawmnun zel a, thlanlaih te Tantu : Nl Lalramtiami, B-IV
khawhar in riah etc. te a ngaia anga la kalpui a, tlawmngaihna Thusawitu : Pu R.Dotinaia, B-V
la chhawm nun zel kan duh \heuh a nih kha. Tuna kan hun
tawng mek han en hian, khang kan ngaihdante khan thlanlaih, Zan Inkhawm
mitthi lumen, khawhar in riah etc. kan tam phah chuang miah Thusawitu : Upa R.Zodingliana
lo hi kan inenfiah hle a ngai in a lang.
Thlanlaih hi thil hahthlak tak mai a ni a, lumen ngai te K|P
an nih phei chuan, zan rei tak men a, a tuk a thlanlai tur a kal te May 30, 2010 Tawngtai Inkhawm
hi a peih awm lo em em a ni. Kan Mizo tlawmngaihna ah
chuan peih vak lo chung pawh a phur hmel taka thlanlaih a ngai Ahmun : Fellowship Hall
si a ni. Tun ang laiah chuan mitthi lumena tlaivar te khan thlanlaih Hruaitu : Nl Lalchhawnthangi , Zakaria Group.
loh tur emaw kan ti tawh mai a, kan in hre thiam zel a. Thingtlang |antu : Tv Malsawmtluanga, Zephania Group
a kan awm lai (han ti ve khanglang ila) chuan lumen ngai an lo
awm pawhin a tuk thlanlaih kan awl ngai lo. Damlo leh ramriak May 31, 2010 |hawh\anni Zan
tih loh chu thlanlai in kan kal vek \hin. Tlaivar avanga thlanlaih DAWRPUI PASTOR BIAL KTP & CHHINGA
loh kha thil zahthlak tawp a ni. Mutchhuak leh chau tak chung VENG PASTOR BIAL KTP JOIN MEET
pawhin kan kal hram hram \hin. Tunlaiah chuan \halaite hian
thlanlaih loh te hi zah a hnekin an intithei emaw ni zawk tih tur
a ni. Sunday-ah mitthi an lo awm pawhin kohhrana chanvo nei SALVATION ARMY
an nih loh chuan thlanlaihna lam kan pan \hin. Chau em em
chung pawhin zan lam khawhar in kal loh te kha kan hreh em May 30, 2010
em a, kan kal hram hram \hin. Kan tih hram hram hian khawhar THIANGHLIMNA INKHAWM
chhungte kan hnem \hin a sin. Tunlaiah chuan zah nachang Hruaitu : Pi Biakhnuni, Asst. LOMS
pawhg kan hre tawh lo a nih ber hi! Thusawitu : Maj. PC Thansanga
Tunlaia thlanlai \hinte pawh an fakawm, an hman bik
vang leh an peih vang a ni bik lo, hna \ul tak kalsan an ni CHHANDAMNA INKHAWM
zawk a ni. |halai pawh kan veng chhungah (mipa) zanga
(500) chuang kan awm a, thlanlai \hin te hi sawmhnih vel Hruaitu : Maj. Rochhungi, CO
chauh an ni \hinte hi kan tlangvalte kan inenfiah fe a ngai. Thusawitu : Rev. Lalbiakvulmawia
Sawrkar hnathawk tan pawh zingah hmatakah kal ila tam fe (BSI Campaign)
kan lai hman ang; kan tum lo mai mai a ni. Kan chhungin
chiat kan tawh hunah thlanlai tur hi an hman lo fur ang a, a May 31, 2010 SAY THAWH|AN ZAN
mualpho thlak viau mai lawng maw? Thlanlai rual awmna
inchhung a mi nu leh pate khan in tu leh fate tirhnachang hre Hruaitu : Tv. Isaac Lalhlimpuia
teh u. Thusawitu : Nl. R. Lalremtluangi
Mitthi lumen te hi kan thatchhe lutuk a, \halai sang Bible chhiar rual : Tv. F. Lalrinchhana
chuang awmna vengah hian heti zat lek mitthi lumen an awm Collection : Nl. Lalramengi
\hin hi a zahthlak em em, lumen a tlaivar te hi “ka ngeih lo,”
te kan han ti a, kan duhna ah chuan zankhat aia tam pawh
kan meng zawm thei. Tlaivar \hin te an fakawm hle. phur lo, a chhung a chengte hian mawh kan phur. Thil tih
Khawhar in len te pawh hi kan thatche lutuk ta, turawm reng rengah midang tih atan kan khek rilru ran mai
YMA zan tawp bak kal tum miahlo \halai kan va tan em! te hi zawng inngaituah a kan \hanharh a hun ta tak zet mai.
Khawhar in len hi YMZ hun bik zanthum chauh tal hi chu Nang malsawmna ni ang che. YMA membership fee Rs. 2/
ngaipawimawh ang u. Darkar hnih vel a ni mai a, khami - pek ngawt kha a tawk lo, member a inpek rual khan tih tur
chhung rei lo te ah khan engmah i ti chuang em ni? Peih lo tam tak i koah a innghat nghal tih hre rawh
chung pawha i kal hram khan thil \ha ti, mite tan malsawmna Kan chhungkua hian chiat kan tawk ang a, thlanlai
i ni a sin. He zan thum chhung a \halai khawhar in kal kan turte, khawhar in riak turte, tlaivar turte hi kan hmu zolo mai
tlem viau khan YMA member te hi kan mualpho tih i hria ang ang a! Kan sawi tawh ang khan mite hi an hmanlo duak mai
u. Khawhar in kal thatchhia te hi an langsar duh teh mai a nia ang a, a zahthlak hle bawk ang a, chhiat tawh nen lungngaih
aw. a thuahnih duh ngawt ang. Chutiang a thlen loh nan mitinin
Dawrpui veng chhiat \hat ah veng dangin mawh an \an la thar ang u. Min i chunga an tih a i duh tur ang bawkin
(Column lehlamah zawm) mi chungah pawh ti ve rawh.

Published by Y.M.A., Dawrpui Branch, Printed at G.S. Offset Printers, Treasury Square