DOJ affirms decision to clear Willie Revillame in Wowowee stampede

By: Noel Orsal & Erwin Santiago

TV host and comedian Willie Revillame, who is

now on leave as host of the ABS-CBN noontime
show Wowowee, has been cleared by the
Department of Justice of any criminal liability in
the stampede that occurred on February 4, 2006.

Tuluyan nang inabsuwelto ng Department of

Justice (DOJ) ang TV host na si Willie
Revillame sa naganap na stampede sa unang
anibersaryo ng noontime show na Wowowee
noong February 4, 2006, na ikinasawi ng 71
katao.

 Sa Resolution na inilabas ni acting Justice

Secretary Alberto Agra ay pinagtibay nito ang
naging desisyon noon ni dating Justice Secretary
Raul Gonzalez, na nag-aabsuwelto kay Willie sa
reklamong reckless imprudence resulting to multiple homicide and serious physical injuries.

 "After a careful examination of the motion and the records of this case, we find no cogent reason
to alter or modify, much less reverse our findings," sabi ni Agra sa kanyang Resolution.

 Matatandaan na noong February 4, 2006, Sabado, ay dumagsa ang tinatayang 30,000 katao sa
PhilSports Arena, o ULTRA, sa Pasig City upang saksihan sana ang first anniversary special ng
Wowowee. Pero nauwi ang dapat sana'y malaking kasayahan sa isang malagim na trahedya nang
magkaroon ng stampede sa pagpasok nga mga tao sa loob ng venue. Dahil sa nangyari ay
mahigit 70 katao ang namatay samantalang humigit-kumulang 400 iba pa ang nasaktan

 Nagsampa ang DOJ ng reklamong reckless imprudence resulting to multiple homicide and
serious physical injuries laban sa ilang executives ng ABS-CBN at ilang staff ng Wowowee
noong October 19, 2006. Noong una ay kasama sa kinasuhan si Willie bilang host ng programa,
pero kalaunan ay binawi rin ito ng DOJ.

 Ibinasura ng DOJ ang reklamo laban kay Willie noong August 22, 2007.

 Ayon sa Resolution na inilabas ni former Justice Secretary Gonzalez, hindi maaaring sisihin si
Willie sa stampede dahil lamang inimbitahan niya ang mga manonood na pumunta sa
anniversary special ng Wowowee.

 
"The invitation was not, so to speak, the spark that eventually led to the explosion. More
importantly, not by any stretch of the imagination can the act of Revillame, by itself, naturally
and adequately lead to the stampede that killed 71 people and injured hundreds," sabi ng dating
Justice secretary.

 Sa kasalukuyan ay naka-indefinite leave of absence pa rin si Willie bilang host ng Wowowee.