BMA AW An Official Organ of The Bangalore Mizo Association
Registered Under Societies Act of Karnataka No. BLU-S188-2007-08 Date 7 May 2007
Vol. XVII Issue No.20 Bangalore Mizo Association
TUALCHHUNG
&& Nimin (07 August 2010),
khan BMA Frehsers’ Day chu
Rotary Club, Cole’s Park-ah tluang
taka hman a ni. Report kimchang
zawk chu phek 3 naah tarlan a ni e.
&& Pu Josiah L Ralte chu Family
Ministries International Leadership
Meeting neia Chiangmai, Thailand-
a a zin kha tluang takin a lo haw
leh tawh e.
&& Kan Jt. Editor Nl. Thaarie
Hnamte pawh Delhi atanga a lo
haw hnu lawka a damlo kha a dam
leh tawh avangin kan lawmpui hle.
&& BMA General Secretary tum
hnih lai lo ni tawh Tv
Lalmuanpuia, Pro-Pastor
Chhiahtlang bial chu natna khirh
tak avangin Vellore ah thawhtanni
hian inenkawl turin a lokal dawn a,
tin BMA member kum kua (9) vel
zet lo ni tawh Nl Vanlalhruai
(Mapuii) pawh Vellore ah natna
khirh tak avangin enkawl mek a ni,
i tawngtaisak thin ang u.
&& BMA Football Tournament-
a mimal khelthate sponsor thei kan
awm chuan a lawmawm hle ang.
Memberte kan in sawm nghal
bawk e.
&& BMA membership form hi
ngai pawimawhin i inthehlut zung
zung ang u.
BMCF INKHAWM
15th August 2010, 3:00pm
Hruaitu: Pu. Levis K. Lalsiamliana
Tantu: Nl. K. Malsawmtluangi
Thawhlawm: Tawngtai rual
Special No.: Nl. Lalrokimi
Thusawitu: Rev. J. Lalduhawma
Changvawn:Phil.4:4-Lalpaah chuan
lawm fo rawh u.
Pathianni Tin Chhuak Chanchinbu Date: 08th August 2010 Phek Khatna
ARTS vs SCIENCE
K. Remruatfela,
K.L.E Law College
Zofate`n zirna peng hrang hrang kan daidar nasa ve ta hlein hmasawn
tuma rualelna pawh kan nei lian ve ta hle mai a, hmasawnna
lawmawm tak a ni. Amaherawhchu, hma kan sawn viau lai hian
hriatsual palh lian tak kan nei hian ka hre ve tlat a. Chu chu Art leh
Science subject kan thliar hran dan hi a ni. He article tlawm tak hian
eng emaw talin zofate thinlung kaiharh se tih hi a ziaktu duhthusam
takmeuh a ni e. A hmasain Arts awmzia hi hrilhfiah han tum phawt
ila. ‘Arts chu mihring siamchhuah thil mawi tihna a ni a.’ Chu chuan
a huam zau hle a. Chutiang thil chu rilrua ngaihtuah chhuah, midang
ten a mawi leh mawi loh leh, a that leh that loh an lo hriat leh hmuh
ve tura engti zawng emaw tala lantir a ni tur a ni. Tichuan, lemziak
mawi tak tak te, milim mawi tak tak te, thil ri mawi tak tak te leh thil
reng reng hlutna nei, mihring siamchhuah thil mawi tinreng hi Arts
chu a ni a. Mahse, tuikhawhthla te, pangpar mawi tak tak te leh ni tla
tur eng mawi takte chu mihring siam chhuah a nih ve loh avangin
Arts chuan a huam lo thung a ni. Mihringin a ngaihtuahna mawi taka
a rawn tarchhuahna hi ‘Arts’ chu a ni.
Tin, ‘Science chu thil ni chiah chiah, danglam leh chuang thei lo,
chatuan thu dik hi a ni a.’ Entirnan : Pahnih leh pahnih belh chu pali a
ni; dut no hi dulah dawm beh a, a chhunga lapaw hal veleh a ben bei
chuan a bei hlen nghal (a chhunga boruak kha halral a ni a, no
mawng lam atanga boruak nemna avangin) tih te; tui khat pam a
rialno a dahin lehkhakhawngin chhin ila, han letling ila, chutah
lehkhakhawng vawnna thlah mah ila chhung lam boruak nemna
avangin lehkhakhawng kha a tla chuang lo tihte hi khawvel awm
chhunga thu dik tur a ni a, Science an ni. Chumi awmzia chu ngun
taka thil enfiah a, chuta thil awmdan a zira a hnua thil awm leh chumi
chhuina chu Science a ni a. Chutiang chuan Science chu thil ni chiah
chiah, danglam lo a ni ta a ni.
A nihna tak chu kan lo hre ve ve ta. A khawi zawk hi nge kan mize
milpui tih hre turin ngaihtuah ngun a ngai hle a ni. Mihring
nungchang zirmi (Psychologist) te chuan mihringte hi hlawm lian
deuh deuh pahniah min then hrang a. Chung chu Extrovert leh
Introvert an ti a ni (Ambivert chu tun hnai thil a ni a). Introvert kan
tih chuan - khawtlang leh pawl thila invawrh lar vak lo, midangte
kawm aia mahni tuibik thila ngawrh duh bik mi an ni a, mize zawi leh
nunnem an ni duh chawk. A lehlamah Extrovert chu - mi ti thawr
thawr, a pawikhawih zawng leh a chimawm zawng ni hauh si lova
pawn lam thil ngaina, inchhung khura thil tih chet chet aia khawtlang
leh pawl tana inpe mi, midangte ho khawm nuam ti mi an ni a. A
tlangpui thuin leadership quality pawh an nei nge nge thin.
 Vol. XVII Issue No.20 Bangalore Mizo Association
Editor
Tv. Samuel Buatsaiha
Joint Editors
Nl. Thaarie Hnamte
Tv. Madawnga Haunhar
Contributors
Pu Paul Lalchhanhima
Tv. Laltholiana Sailo
Nl. Lalremkimi Sivera
Circulation Managers
Nl. B. Lalthakimi
Nl. Sawmteii Khawlhring
BMA AW lak man:
Thla khat - Rs.20
Thla thum - Rs.50
Thla ruk - Rs.90
Thla sawmpahnih - Rs.180
E-mail: bmanews@gmail.com
Website: www.bangaloremizo.info
I mobile-ah khan JOIN BloreMizo tih
type la, 567678 ah thawn rawh.
Bangalore Mizote tana Hriattirna leh
thutharte ilo dawng thin dawn nia.
Editorial…..
Tun lai ka rilrua awm, cham reng
thina chu Mizote kan khawsak dan hi
a ni. Chiang leh zualin han sawi ila,
mizote kan inlaichinna that zia hi a
tha ka tiin ka sawi bang thei lo. Hei
Bangalore khawpuiah hna thawk turin
emaw, lehkha zir turin emaw kan lo
kal khawm a, tlemte mah ni ila, chhiat
ni that nia mizote kan intawiawm dial
dial thin hi a manhla hle mai. A fiah
zawk nan English-in han sawi ila, kan
communitarian life hi a hlu ka ti hle a.
He thil hi kan chhehvela hnam
dangten an neih ve miah loh mizote ze
mawi leh hlu tak niin kei chu ka hria.
Ti hian ka ngaihtuah a, he tia han
khawsak ho dial dial hi dam man
pawh a awm hle niin a lang. Chu tak
mai chu kan nunah hian a lang
chhuak leh thin.Amaherawh chu he
nun ze mawi tak hi a chang chuan
sawisel a hlawh leh fo mai. Institution
thenkhatah chuan ‘in inti ho bik’ tiin
mi sawisel leh iksitna kan tawng leh
zauh thin. A ni tak e. A chang chuan
kan ti lutuk mah mah thin pawh a ni
mai thei. Mahse mizo kan ni miau si a,
he nun han bansan mai hi a harsa
phian reuh bawk. Kan ‘in tihho bikna’
hi chu a thain kan bansan mai tur a ni
lo a, chutih rualin kan tih lutuk lo
pawh hi a ngai niin a lang. A tawk
chiah lah hi hriat a har si a…..
Pathianni Tin Chhuak Chanchinbu Date: 08th August 2010 Phek Hnihna
A khawi zawkah hian nge kan tel tih inenlet ila. Tlema pass that deuh
hlek avanga a pawng apuia Science la ve ringawt, tlema pass na
chhiat deuh hlek avanga Arts la ringawt ni lovin nakina kan hmalam
hun lo la kal zel tur atana kan tuipui tur zawk chu eng nge ni tih hi
kan chik zawk fo zawk tur a ni. Midangte hneh thei mi, leadership
quality nei tha kan nih chuan Arts line hi kan kalna awm tur zawk tak
a ni a. Chuti ni lova mahni thua ngaihdan nei vak lo, lungawi taka
midangte thu ‘Yes boss’ ti zel thei mai khawpa nun inngaihtlawmna
pumi kan nih chuan Science lak pawh a sual lutuk lem love.
Chuvangin Extrovert-te tan Science, Introvert-te tan Arts a inhmeh
hle ang le.
Zofate hian Arts nihna zeril hi kan man fuh tawk lo hle ni hian a hriat a. Nu
leh pa leh zirlai tam takte chuan Arts subject hi tlema zirna kawnga hnufual
deuhte zir turah kan ngai tan ta deuh niin a lang a, a pawi hle mai. Arts
nihna tak - thil mawi phawrhchhuak tur chuan a taka luhchilh a ngai a.
Lemziak mite paw’n an lem ziah chu a nalh thei ang bera an ziah theih nan
Science an zir thin a ni. Kan hriat tawh angin Science chu thil ni chiah chiah
a ni a, thil a nihna ai bakin tih mawi belh theihna a nei lo a ni. Chutih laiin
Arts chu tawp chin nei lo a ni thung a. Thil reng reng a nihna ai baka mawi
leh a tha thei ang berin lantir a tum thin a ni. Chuvangin Science hi Arts
hnuaia awm a ni pawh kan ti thei ang chu. M.A pass nazawngin Arts hi an
thiam vek chuang lova, chuvangin a nihna kan phawk pha thin lo mai zawk
a ni. M.A hi Arts tawpna a ni mai lova, Arts hre tura a bul tanna chauh zawk
a ni. Thufing pakhatah pawh ‘Arts zirten ro an rel a, Science zir ten an
rawng an bawl’ tih a nih kha maw?
Arts thiam tak tak tur chuan a subject kaihhnawih hi hriat bel zel a ngai a.
Political Science subject thiam tur chuan zirlaiten politics kan ngaihtuah a
ngai a, chubakah kan hriatna belhchhah turin politics lam ziahna bu te kan
chhiar a ngai a ni. Tin, History thiam tur chuan history lampang ziahna
lehkhabu chi hrang hrang rawn kual a, tin, chanchinbu leh lehkhabu hlui
chhiar ngun hle a ngai a ni. Chubakah Education thiam tur chuan education
lampang hawi lehkhabu- Meichher bute ang hi chhiar a ngai bawk a.
Chutiang bawkin Economics, Geography, Psychology, etc. thiam tur chuan
Library-a lehkhabu chi hrang hrang rawn kual a ngai a ni. Han chhut chian
chuan Arts subject hi mi taima hna ber a lo ni zawk a ni. A ropuiin a har em
avangin kan ramah pawh hian Arts thiam tak hi an la vang hle a ni. Science
subject aiin Arts subject hi a lo nep bik lua lovin, Arts subject hi pawngpaw
hmuh hniam chi ringawt pawh a ni hek lo. Mi ropui leh hlawhtling ni tura
pawimawh zawk chu kan zirlaite hnehsawh a, hlawhtlinna phawkchhuak
thei ngei tura taimak chhuah hi a ni. Eng subject pawh la ila, kan taimak
tawk lohva kan thiam bel loh chuan awmzia a nei chuang lova. Chuvangin
mahni thiam zawng subject thlang thiam a, hlawhtlinna hlawhchhuak ngei
tura taimak chhuah a tul tak meuh meuh a ni.
Science subject hi sawinep ka tum tihna pawh a ni lova, keia sawinep chi
pawh a ni hek lo. Tunlai khawvelah phei chuan a pawimawh tak meuh meuh
a ni. Mahse, chutih laiin Arts subject hi hlamchhiah chi a ni chuang lova, a
pawimawh lo bik chuang lo a ni. Tunlai khawvel siamtha tur chuan heng
subject pahnih te hi an pawimawh dun em em a, an tandun hi a ngai a ni.
Thil reng reng hi a lutuk chuan pawina a nei vek a. Thil engkim hi a
inchawih vel vek tur a ni. Ram leh khawtlang nun siamtha tur chuan Arts
subject hi a pawimawh em em a. Chutiang bawkin, leilung leh boruak
siamtha tur chuan Science subject hi a pawimawh leh em em a ni.
Chuvangin a khawi emaw zawk zawk hi kan hlamchhiahin kan ngainep bik
tur a ni hauh lo.
Keini `lore khawpui a cheng zofate hian eng nge kan ngaihve dan le…
 Vol. XVII Issue No.20 Bangalore Mizo Association Pathianni Tin Chhuak Chanchinbu Date: 08th August 2010 Phek Thumna
Sakhua
The Satanic Verses Buaina -The
Satanic Versus tih Salman Rusdhie
lekhkhabu ziah lar tak kha kan hre
teuhin ka ring. Kha lehkhabu khan
dodalna nasa tak a tawng a, tlang hriat
khawpa lar a nih a vangin buaina a
tawk tih hi sawi tam vak ngai pawn ka
hre lo. Amaherawh chu engvang nge
khati taka dodalna nasa tak a tawh tih
hi chu hriatchian a thain ka hria.
Buana chawkchhuaktu ber nia lang
chu Rusdhie khan a lehkhabu ziahah
khan Quran chang thenkhat
nghahchhanin thawnthu ngaihnawm
deuh a phuah. Heng a chang
lakchhuahte hian tawngtaina leh
inhlanna chu Allah ni lovin, pre-
Islamic Arab pathian pathumte –
Allat, Uzza, Manat te hnenah thlen a
phalsak niin a ziak. Ti chuan a
lehkhabu pumpui chu he thu leh a
chhehvelah hian an cham bang ta ni
berin a lang. Hei tak mai hi Muslim
tan chuan a ngeiawm em em mai a,
Pathian sawichhia hiala puh a ni ta a
ni.
Engvang nge kan tih chuan Muslim
sakhua hian Allah (Arab tawnga
Pathian tihna) lo chu biak a phal lo
reng reng a. A chhan chu an ni tan
chuan Pathian hi mihringte hriat phak
baka ril (transcendence) a nia, eng
pathian dang mah hian a tluk thei lo
hrim hrim. Tin Allah nilo pathian
dang lo biak ringawt pawh hi sual lian
ber a ni e an ti. Ngaihdam theih loh
sual a ni zawk e. Rusdhie lehkhabu
hian pehhel deuha a sawi chu hei hi a
ni. Quran hian Allah chauh ni lovin
pathian dangte pawh biak a phal ti ila
a dikawm e. Chuvaingin The Satanic
Verse tiin a vuah nghe nghe. Muslim
sakhua tan chuan thil nithei miah lo a
ni ve leh tlat. Muhammed chanchin
ziahna (tradition) pakhatah chuan
Allah-in Muhammed hnena a inpuan
hma hian Muhammed hian inpuana
dang a lo dawng tawh nia sawi a ni.
He inpuanna hi daughters of Allah an
tih mai pathian te nau dangte hnen a
tanga a dawn niin an sawi bawk.
Mahse Allah chuan inpuanna dik lo a
ni e tiin a hnawlsak daih a ni awm e.
Rusdhie hian he tradition-a inpuang pathiante leh a lehkhabua pathian dang
a sawite hi an inang tiin a sawi chiah lo nan a hmehbel deuh niin a lang.
Engpawh chu lo nise, Muslim tan chuan Allah inpuanna lo chu engmah
pawm tlak a ni lo tihna a nih chu.
Ti hian ngaihtuah leh ta ila, Pathian’n kan chhandam nan a fapa a rawn tir
tih pawh hi Muslim tan chuan thiltheih a lo ni reng reng lo leh pek a. Kei ni
lah hian Amah Pathian inpuanna dik takah kan pawm miah bawk si a. A
buaithlak ang reng khawp mai. Thil nithei lo, ni bawk si hi kei chu ka sawi
bang thei lo reng reng. Thawnthu hlui theilo mak tak mai chu……. (Editor)
BMA Freshers’ Day Report
Hun rei tak atanga kan lo thlir BMA Freshers’ Day chu nimin Dt. 07-08-
2010 (Inrinni) dar 3:45 pm khan Rotary Club, Frazer Town-ah tluang tak leh
hlim taka hman a ni. Memberte kan kal tha viau a. Kan Senior Advisor
pahnihte, Patron-te, leh BMCF Puipate – Vice President, Secretary leh
Treasurer-te’n he Freshers’ Day hi min rawn hmanpui a kan phuisui khup
mai. Heng bakah hian kan senior member thenkhatte pawhin min rawn
hmanpui bawk a, kan lawm hle mai. He Freshers’ Day-a kan Hosts-te Tv.
Hminga Pachuau leh Nl. Jenny Vanlalpari-te’n kalkhawmte min au hlim
thiamin an zei bawk a a nuam kan ti tlang viau mai. Freshers’ Day tinuamtu
dang leh chu – Power Supply awm loh chhungin Sawhchiar tui takin
kalkhawmte min hrai a kan tlai hle bawk.
Freshers’Day hi Thalai rual kalkhawmna a ni bawk a, a rei lo thei ang bera
hun hman tum a nih angin hun hmangtute’n hun an hmang thiam hle.
Hunserh hmangtu, Rev. Dr. F. Hrangkhuma’n Pathian thuchah tawi fel tak,
challenging tak mai a sawi a; kan President Rev. C. Vanlaldika’n BMA
hmalak mekte leh Bangalore-a kan lo kal chhan tihlawhtling ngei turin
memberte min fuih bawk a. Tin, Kan Senior Advisor Pi Lalrinpuii’n
Bangalore-a Mizote awmdan tur fuihna thu tha tak min hrilh bawk. Heng
kan hruaitute thusawi hi member zawng zawngte ngaihthlak atan an itawm
hle mai.
Bangalore-a Zirlai leh Hnathawk tura lo kalte tana buatsaih, he Freshers’
Day-ah hian Kal tharte atangin lalnu leh lalpa thlan a ni a. Kan Endiktute’n
an kaihruai thiam bawk a kan hlimpui hle. Lalnu atan Nl. Suzanne
Lalnunkimi leh lalpa atan Tv. Saitluangpuia Sailo-te thlan an ni. Kaltharte
lawmna nipahfawmin St. Joseph’s College Zirlaite’n thalai duh zawng tak
Music hmangin hla pahnih an sa bawk a, beng a tlai hle bawk. Sub-
committee-in a lo ruahman lawk angin khawthim hmain he hun hi hlim tak
siin hman zawh vek a ni a, a nuam hle mai. BMA dam reng rawh se.
Lawmthu sawina
Kan nau Lalngaihawmi chu Narayana Hrudaylaya Hospitalah hlawhtling
taka zai anih hnuah August 6 (Friday) khan Hospital atangin dam takin
kan lo chuak ta. Pi Nuteii te inah kan thleng a, Pathianin rem a tih chuan
August 11 (Nilaini) hian Mizoram lamah hawn kan tum e. Damdawiin
kan awm chhunga BMA leh mimal ten min hmangaihna hi ropui kan ti a,
mimal hming lam theilo mah ila, min kanna te leh tanpuina zawng zawng
te hi kan chhiar seng lova, in hnenah leh Pathian hnenah lawmthu kan
sawi e. Keini, chinchang engmah hrelo, mualpho lo leh tlachham lova
kan awm hi nangmahni vang a ni. Pathianin a let tam takin malsawm che
u rawh se.
In khawngaihna dawng tu,
Hminghlui (Lalngaihawmi nuteii) leh a chhungte, Khawhai
 Vol. XVII Issue No.20 Bangalore Mizo Association Pathianni Tin Chhuak Chanchinbu
Computer / Science / Technology
Natna hrikte hi engtin nge kan
lo kai chhawn reng reng le!
HIV AIDS, Swine Flu, SARS, Bird
Flu, Rabies te hi ransa a natna hrik
lo awm mihring tena kan lo
kaichhawn ve theih natna te an ni
a. Hetiang dan hi Cross Species
Transmission (CST) an ti. Gary
McCracken, University of
Tennessee, Knoxville a Professor
ni bawk, Ecology and Evolutionary
Biology a Department head ni
bawk chuan ‘heng virus te hi an
awmna zel a zira awlsam taka
insiam danglam zel thei an ni lova,
chuvangin an pianna leh awm
theihna hmun ang deuh zelah an
kai chhawng awlsam a ni’ a ti.
Khuai mit ang an siam tlat!
An thluak a tet teh lul nen an kalna
hmun an hriat theihna erawh a tha
hle thung. Center of Excellence
'Cognitive Interaction Technology',
Bielefeld University, Germany
chuan khuai mit ang chiah an siam
chhuak. He an thil siam chhuah
thar atang hian rannung te tak te te
khawvel hmuh pui thiam thei turin
an in ngai a ni. Chumai niloin robot
leh thil thlawk thei ang chi an
siamnaah pawh a tangkai hle dawn
a ni.
BM-NuiShup
# Bawkbawn tial hi B’lore awm
hlimin kan lawm thei lutuk an ti..
# Mipat-minut thilah fimkhur a
ngai an ti.
# Nalh taka sam tihphir vel nan 16-
21 mins vel ‘an’ mamawh an ti.
# GupShup tih hi kan lam nalh
tawk lo an ti.
# Tun thla tawpah B’lore zawngtah
a bilh-baw-lawk tan dawn an ti.
# Sanpiau ei ho a chakawm an ti.
# Hnam dang aiin sentence khata
1.7 sec zelin kan tawng muang an
ti.
Date: 08th August 2010 Phek Li na
INFIAMNA
2010/11 Community Shield Thlirlawkna
Zanin hian Manchester United leh Chelsea chuan Community Shield
chu an inchuh dawn e. Kum dang ang lo takin, Chelsea hi EPL leh FA
Cup-a an champion a vangin, he Shield hi EPL runners up leh
champion mek ten an inchuh a ngai ta. Mahse a theunue lo ang! En
duhte tan Sony Pix-ah a chhuak dawn. 7:00 pm a tang lo thlir tan
rawh le.
He club pahnihte hi player thar vak an nei lova, tun season tharah
hian ManU phei chuan a thar pahnih chiah an nei. Zanin inkhelh turah
pawh season kal taa an player te vek kha an phawrh a rinawm.
Hernandez leh Benayoun tih lo chu a thar vak an awm lo. Mahse he
mite hi an khelh chuan en chian an dawl ngawtin ka ring. Ferguson
hian Rooney a chawlh tir mai thei a, Hernandez’n chance a neih theih
nan. Chu tih lain Ancelloti chuan a first XI a ti chiang der tawh.
Chelsea Squad: Hilario, Ferreira, Cole, Ivanovic, Terry, Essien,
Lampard, Mikel Obi, Kalou, Anelka, Malouda
FIFA/Coca-cola World rankings (as on July 2010)
1. Spain
2. Netherland PERSEPOLIS ENTERPRISES
3. Brazil Now book flight, bus, train tickets in the
4. Germany lowest rate with persepolis enterprises. We
5. Argentina also offer you the cheapest car rental tariff in
bangalore. Our wish is your satisfaction.
6. Uruguay
7. England Add: #1&2, Munirajaiah complex, K.
8. Portugal Narayanapura, Near Kristo Jayanti College,
9. Egypt Bangalore-77.
10. Chile Fax: 080-25790318.
Tel: 080-28444429.
MOBILE: 9008611084
Nepnawi
# England coach Capello chuan August 11 (Nilaini) a Hungary nen
friendly match an kelhna turah Arsenal naupang Jack Wilshere chu a
ko. Players naupang zawkte duhsakin squad chu a ti danglam nasa
hle. WC 2010-a khel zingah khan 10 chiahin hmun an chang.
# Everton midfielder Mikel Arteta chuan kum 5 atan contract thar a
ziak leh ta.
# Brazilian club Fluminese chuan Deco chu Chelsea atangin an lei.
Deco hian kum 2 tan contract a ziak.
# French Ligue 1 chu tan a ni leh tawh e. Khelh hmasak berah
champion mek Marseille chuan kai that Caen chu 2-1 in an hneh lo.
Chutihlaiin Lyon leh Monaco pawh 0-0 in an in draw (hneh lo).
# Germany Supercup chu Bayern Munich’n an chang ta. Bayern hian
Schalke chu 2-0 in an hneh, tin WC-a che tha em em Thomas Muller
leh Miroslav Klose ten hnehna goal hi an thun.
# FIFA U-20 Women’s WC championship chu Germany-in an chang
ta. Gemany hian finalah Nigeria chu 2-0 in an hneh.