Ang Ramadan mao ang ikasiyam nga bulan sa Hijrah o
Islamic lunar calendar. Gikan sa ika-11 sa Agosto hangtod sa ika-11 sa Setyembre tuig 2010, ang atong mga ka- igsoonan nga Muslim sa tibuok kalibutan nagapuasa gikan sa kadlawon hangtod sa pagsalop sa adlaw.
Ang balaan nga Koran sa kapitulo 2 bersikulo 183
nagaingon: "kamo nga nagatuo! Ang pagpuasa gimando kanimo ingon sa kini gimando sa mga nag-una pa kanimo, aron ikaw mamahimong matarong." Ang Propeta Mohamad (ang kalinaw maana kaniya) nagaingon: Kun kinsa kadtong nagapuasa sa panahon sa Ramadan nga adunay pagsalig, pagtuo ug nagapangita ug nagapangayo ug ganti gikan kang Allah makaangkon ug kapasayluan sa iyang mga nahimong kasal-anan. Kun kinsa kadtong naga-ampo panahon sa kagabhion sa Ramadan nga adunay pagsaligug pagtuo ug nagapangayo ug ganti gikan kang Allah makaangkon ug kapasayluan sa iyang mga nahimong kasal-anan. Ug kun kinsa kadtong makalabang sa Lailat al-Qadr pinaagi sa pag-ampo nga adunay pagsalig, pagtuo ug nagapangita ug nagapangayo ug ganti gikan kang Allah makaangkon ug kapasayluan sa iyang mga nahimong kasal-anan (Bukhari, Muslim).
Samtang kita nakig-hiusa sa selebrasyon sa
pinakabalaang bulan sa atong mga kaigsuo-nang Muslim, ato untang mahuna-hunaan ang sakripisyo ug kalisod sa mga gipanggutom ug wala’y mga pinuy-anan, kini ang atong mga kabos nga mga kaigsu-onan, sama sa mga evacuees ug mga kaigsuonang nagsige ug balhin-balhin ug pinuy-anan tungod kay sila apektado sa wala’y kahumanan nga panagbingkil ug kagubot sa Central Mindanao.
Ug unta kita nga mga kristyanos ug mga Muslim mogakos
sa Sabr (Arabic) sa diin nangahulugan ug pagpasensiya, usa sa unod sa Ramadan, samtang kita nagapanaw o nagalakaw sa dalan para sa kalinaw sa Mindanao. Unta atong tipigan ang Sabr sa atong mga kasing-kasing ug mga huna-huna hangtod nga kita makakita ug pinal ug malinawon nga solusyon para sa mga hagit ug pagsulay sa Mindanao.
Ako nagatahod ug nadasig sa pag-saulog sa Ramadan sa
atong mga kaigsu-onang Muslim. Kini unta mamahimong importanteng gawi sa pag panalamin ug paghunahuna, sabr(pagpasensiya), pagpasaylo, ug pag-hiusa ug ang Ramadan unta mamahimong gawi sa tibuok tuig dili lamang sa atong kaigsu-onang Muslim kundili sa matag Pilipino.
Dun ganon si Allah. Ahlan Wahsallam Ramadhan!
Office Copy (Prepared by: JR Mitmug, Queenie and Muss) Sebwano translation by Kristine