Ang AMOEBIASIS ay dala ng maliliit na parasito, ang amoeba na nakikita lamang kapag

ginamitan ng mikroskopyo.

Ang dumi ng taong may amoebiasis ay mayroong milyon-milyong amoeba na kung

mapapunta sa kuhanan ng tubig o pagkain ay puwedeng makahawa sa ibang tao.

Ilan sa mga palatandaan nito ay salitang pagtatae at pagtigas ng dumi (constipation) sa

loob ng 5 hangang 10 araw. Masakit na pagdumi. Nanlalata, kakaunti at mabaho ang dumi
na may bahid ng dugo o uhog. Maraming dugo ang tae sa grabeng kaso.

TANDAAN: maraming malulusog na tao ang may amoebiasis ngunit walang nararamdamang
ano man. Puwede silang maging tagapagdala at tagapagkalat ng sakit na ito.

Maiiwasan ito kung susundin ang mga alituntunin ng kalikasan. Pakuluan ang inuming tubig
ng 30 minuto lalo na sa mga lugar na karaniwan ang sakit gaya ng Baguio, Capiz at Davao.

Magagamot ito kung agad na ikukunsulta sa mangagamot. Bigyan ang maysakit ng

metronidazole o tetracycline o ng dalawang nabanggit na gamot.

Kung mapababayaan ang amoebiasis maaaring matuyuan ng tubig sa katawan. Magkanana

sa atay. Kapag nakarating ang amoeba sa atay nagkakaroon ng nana dito at ang maysakit
ay nakararamdam ng pananakit sa bandang itaas ng kanang tiyan.

Maaaring makarating ang pananakit sa kanang dibdib. Lalong tumitindi ang pananakit kung
naglalakad. Kung ang tao na may ganitong palatandaan ay umubo ng kulay kapeng likido,
ang nana ay nakarating na sa baga. Dapat dalhin kaagad sa ospital ang pasyente.