EDITORYAL - Kawawang

mga bata sa public school (2)

(Pilipino Star Ngayon) Updated
September 23, 2009 12:00 AM

KAHAPON ay laman ng aming editorial ang ginawang direktiba ng Department of

Education (DepEd) na pagpapaikli sa oras na gugugulin ng mga estudyante (Grade 1-6) para
raw mabawasan ang pagsisikip sa mga classroom. Sa direktiba ni DepEd Sec. Jesli Lapus,
magiging tatlong shifts ang pasok ng mga estudyante. Maaaring magsimula ng 5:30 a.m.
hanggang 10:00 a.m. ang Grade 1 & 2; 10:00 a.m hanggang 2:00 p.m. ang Grade 3 & 4 at
2:00 p.m. hanggang 6:00 p.m. ang Grade 5 & 6. Ang ganitong pagbabago sa oras ng mga
estudyante ay maaaring makatulong sa pagluwag ng classroom pero dapat din namang
tiningnan ng DepEd kung mayroon bang matututuhan ang mga estudyante sa maikling oras
na ilalagi sa school. Sa aming palagay, hindi ito makatutulong sa paglinang ng kaalaman ng
mga bata. Tiyak na maraming bata ang lalabas na walang nalalaman dahil sa maikling oras
na pag-aaral.

Ang pagpapaikli ng oras ay isa lamang dahilan kung bakit may mga batang
lumalabas na mahina sa pag-aaral. Isang mabigat na dahilan ay dahil sa mga librong
ginagamit. Hanggang ngayon pala, patuloy pang ginagamit sa mga public school ang mga
librong tad-tad ng errors. Kahit na ipinag-utos na ng DepEd na huwag nang gamitin ang mga
libro, hindi ito sinusunod.

Ibinunyag ng Pilipino Star NGAYON columnist na si Mr. Jarius Bondoc na ang librong
may pamagat na Landas sa Wika na nilimbag ng Dane Publishing House noong 1999 ay
patuloy pa ring ginagamit sa ka-saluku yan. Ayon kay Bondoc, sinabi raw ng isang DepEd
official na nerebyu na ang mga mali sa libro pero nagtaka siya (Bondoc) sapagkat andun pa
rin ang mali. Isa sa mga halimbawa na maling nakasaad sa libro ay ito: Hindi makakalimutan
ng mamamayang Pilipino ang katagang “I shall return” ni Heneral Douglas McArthur.
Isinakatuparan niya ito kasama ng kanyang mga kawal hanggang sa tuluyan na nila tayong
masakop.

Sa dakong huli ng kolum ni Bondoc, sinabi niya na pampabobo sa kabataan ang

nilalaman ng libro.

Sang-ayon kami sa sinabi ni Bondoc. Talagang malilihis ang kaalaman ng mga bata
kung ganito ang mababasa sa libro. Ang mga mali sa libro na kanilang binabasa ang
mananatili sa kanilang utak hanggang sa paglaki nila. Ito ang aakalain nilang tama, gayung
sa katotohanan ay mali.

At ngayon ay balak pang iklian ang oras ng pasok sa public school. Kawawang mga
bata! Isalba sila sa mga kamalian.
EDITORYAL - ‘Angkas-motorsiklo’ dapat nang ibawal
Saturday, August 4, 2007

TUMATAAS ang bilang ng krimen sa Maynila at ang karaniwang gumagawa ng krimen

ay ang mga magkaangkas sa motorsiklo. Bukod sa kaso ng pagpatay, talamak din ang
nakawan na ang gamit ay motorsiklo.

Sa report ng Manila Police District (MPD), sa naka*lipas na dalawang taon, tumaas

ang bilang ng krimen sa Maynila at ito ay kinabibilangan ng pagna*nakaw, pagpatay, at
hijacking. Ganoon man, walang inilagay na dami ng bilang kung ilan ang nangyaring krimen.
Ayon sa MPD, paboritong gamitin ang motorsiklo dahil madaling makatakas sa
pinangyarihan ng krimen. Kahit na maipit sa trapik ay madali pa ring imaniobra at
makatakas. Ayon pa rin sa MPD, karaniwang ang mga nare*kober nilang motorsiklo na
ginamit ng mga suspect ay mga nakaw. Noong nakaraang January, 16 na kaso ng krimen
ang naitala at lahat ng ito ay kaga*gawan ng mga magkaangkas sa motorsiklo.

Ang pagtaas ng krimen sa Maynila ang naging daan para balakin ni Manila Mayor
Alfredo Lim na ipagbawal sa kanyang lungsod ang mga magka*angkas sa motorsiklo. Pinag-
aaralan na ng mga abogado ni Lim kung walang malalabag na karapa***** pantao sa
kanyang balak. Isasangguni rin umano niya sa city council ang kanyang balak na ito at
kapag naaprubahan, agad na ipatutupad. Ito ay para masugpo na ang lumalalang bilang ng
krimen na likha ng mga magkakaangkas sa motorsiklo.

Maganda ang balak ni Lim at dapat na gayahin din ng iba pang mayors sa Metro
Manila. Ipagbawal ang pagyayaot ng mga magkakaangkas sa motor*siklo para mabawasan
ang paglubha ng krimenl. Bukod sa pagbawas ng krimen, maaari ring maba*wasan ang
bilang ng mga naaaksidente. Karamihan sa mga naaksidente sa kalsada ay ang mga
magka*angkas sa motorsiklo. At hindi lamang dalawa kundi tatlo pa o apat ang makikitang
magkaka*angkas. Ginagawa nang panghatid ng asawa o anak sa trabaho o sa school man.
Kaya ang nangyayari, mas maraming nakamotorsiklo ang nadidisgrasya sa kalsada.
Dapat din namang tumulong ang Metro Manila Development Authority (MMDA) sa
pag-iimplement ng panukala ni Lim.
EDITORYAL - Nakalilitong pagtaas-baba
ng petroleum products

MERON pa raw pagkaltas na gagawin sa kanilang produkto ang oil

companies. Ilang araw na inaanunsiyo ang kanilang pagkakaltas. Para bang isang
napakalaking utang na loob sa kanila ang gagawin nilang pagkaltas sa presyo ng
kanilang produkto. Mabuti naman kung magkakaltas sila. Ito naman ang hangad ng
nakararaming motorista at taumbayan.

Ang nakapagtataka lang, kung gaano kabagal bumaba ang presyo ng gas,
napakabilis naman nito kung tumaas! At nakapagtatakang hindi na sila nag-
aanunsiyo ng pagtataas at karaka-raka ay itataas na agad nila. Magugulat na
lamang ang motorista na nakapagtaas na ang mga kompanya ng langis. Ni hindi pa
nararamdaman ang pagbaba kuno ng gas ay eto na ang mabilis na pagtaas. Naka-
pagtataka ring tumataas ang presyo ng gas habang nag-aanunsiyo naman na
mababa ang presyo sa world market. Sa kasalukuyan, $68 bawat bariles ng crude
oil.

At wala namang aksiyon sa nangyayaring sitwasyon si Energy secretary

Angelo Reyes. Wala siyang maipaliwanag sa nangyayari. Kaya hindi masisisi ang
ilang sector kung hilingin na siya ay bumaba na sa puwesto. Pero ang sagot naman
ni Reyes, ginagatungan lamang daw ang isipan ng mamamayan ng ilang interests
group. Hindi raw dapat takpan ang katotohanan. Ipinagmalaki pa ni Reyes na ang
presyo ng gas sa Pilipinas ang pinakamura sa Asia at maski sa mundo.

Ilang ulit namang nagbanta ang ilang mambabatas na bubuksan ang libro ng
oil companies para malaman kung nalulugi nga sila o hindi pero sa kasamaang
palad hindi ito maisagawa. Pawang banta lang. Pawang pananakot lang. May
pagkakataon naman na kapag nabuksan o napag-usapan ang libro ng oil
companies, nagbababa sila ng presyo ng kanilang produkto. Para bang gusto lang
nilang palamigin ang isyu.

Litung-lito na ang taumbayan sa taas-baba-taas-baba ng petroleum products.

Kailan magwawakas ang pagkalito?
EDITORYAL - Sunud-sunod na holdapan PNP
ay sinusubukan

PAGSUBOK sa liderato ng Philippine National Police (PNP) ang sunud-sunod na

holdapan na isinasagawa kahit kainitan ng araw. At sa aming palagay, masusundan pa ang
mga nakawan lalo pa nga’t malapit na ang kapaskuhan. Isa pang malaking dahilan ay ang
pagdaraos ng election sa May 2010. Malaki ang aming paniwala na gagamitin sa puli-tika
ang mga nakukulimbat na pera. At hindi lang kokonting pera ang nakukulimbat sa mga esta-
blishments na hinoholdap. Milyong piso na maaaring gamitin sa election.

Malaking hamon sa PNP ang mga nangyayaring nakawan. Dalawang linggo na ang
nakararaan, isang establishments sa Pasig ang pinasok ng mga armadong kalalakihan na
naka-police uniform at natangay umano ang milyong piso na nasa vault. Dahil naka-police
uniform, pinapasok ng mga guwardiya pero nang nasa loob na, nagdeklara ng holdap at
iginapos ang mga guwardiya. Hinalughog ang vault. Sinimot ang pera at mga personal na
gamit ng guwardiya gaya ng cell phone at pera. Tumakas ang mga magnanakaw na ayon sa
PNP ay ang “Alvin Flores Gang”. Hanggang ngayon hindi pa nahuhuli ang mga magnanakaw.

Noong Martes ng hapon, isang armored car ang hinoldap ng 10 hanggang 15

armadong kalalakihan. Ang armored car na nakaparada sa basement ng Waltermart sa
Muñoz, Quezon City ay natangayan ng milyong piso na isinilid sa apat na duffle bags.
Naganap ang panghoholdap ng alas-tres ng hapon. Ayon sa mga guwardiya, patungo na sila
sa armored car na nasa basement parking kasama ang roving teller dala ang pera nang
biglang sumulpot ang mga kalalakihan at pinaputukan sila. Nagkaroon ng putukan. May
nahuling apat na suspects pero nakatakas ang iba pa tangay ang duffle bags ng pera. Isang
Ford Expedition ang ginamit para makata- kas. Ilang sibilyan, kabilang ang isang dalagita
ang tinamaan ng ligaw na bala.

Gaya ng aming sinabi, maaaring magkasunud-sunod pa ang mga holdapan.

Masyadong malakas ang loob ng mga holdaper at maski sa loob ng mall ay isinasagawa ang
pangungulimbat.

Malaking hamon sa PNP ang ginagawang pa-ngungulimbat. Ang pagbabantay ng PNP

ay kinakailangan sa kasalukuyan. Pagsikapan din naman ng PNP na masamsam ang mga di-
lisensiyadong baril. Dagdagan din ang checkpoints para masabat ang mga mangungulimbat.