I HRAM RI LEH I HNIAK

- David Lalrinsanga
Lan 1

(Zan reh tawh tak ani, rannung hram ri neuh neuh karah Paula leh Casendra chu an in
thlem mawlh mawlh a)

1.Casendra : Khawngaih takin ti suh, ti lul suh, thingthi in ka ngen a che.

2.Paula : Engtinnge helai hmunah hian i rawn kal?
1.Casendra : Mithi inah tlaivar tur a kal ka ni a, saw lai step atang sawn ka rawn hmu che a, hlau
chung chungin ka rawn pan che a ni. Tha taka inthlah ka duh a nia.
2.Paula : Tha taka thlah tlak ka ni velo, chuvang chuan zanin ah hian khawvel hi ka thlah dawn
ani, ka dinna thlanlung hi ka nu thlanlung ani a, keipawh hetah hian min zalh ang a,
keimah ding tawh loin ka thlanlung ala ding ve dawn ani.
1.Casendra : I buaina zawng zawng min hrilh rawh.
2.Paula : A nih leh aw, ka hming chu Paula a ni a, hei hi ka chanchin chu ani.

Lan 2

(Ka chhungkua chu member pali kan ni a, ka nu chu ka nau a hrinna lamah a boral a, chutih
lai chuan keichu kum 2 mi chauh ka la ni, ri kan hriattirh ata kan hriat ngun ber chu ka pa
zurui tawng vel ani a, ka pa tawng ri chu kan tan chuan sakei hram ri ang mai a nel awm loh
ani, kan chunga a khawsak dante lah chu sakei huai ang mai a nunrawng a ni a, ka pa chu kan
hlau em em a ni, kan nun hreawm tak atanga min chhanchhuak theitu kan mamawh em em
ani)
(Paula nau leh a pa an lo lang a.)(Paula pawh alo lang ve nghal bawk a)

3.Paula nau : I va rawn haw har em em.(Ngawi rengin Paula chuan a kal pel a)
2.Paula : Pa ka phone ka ti bo.
4.Paula pa : Ka phone ka ti bo a, nangmah hi bo zawk la a tha tur.
2.Paula : Kan lakah hian tawngkam tha sawi tur i nei lo em ni.
4.Paula pa : Tawngkam tha a biak tur he inchhungah hian tumah kan awm lo.
2.Paula : Ka nau kha zu lei turin i tir leh a law.(a pa chu ngawi rengin a kal sawn a) nang mi
tenawm hi, ka pa chu i ni si a maw. (Paula pawh chu a kal sawn ve leh a)

Lan 3

(Tlangval pakhat pawnah alo thu a)

5.Tlangval : Mitha in ti chu tam tak an ni a, mahse keiin mitha ka tih erawh tlemte an ni, khawiahnge
chung mitha te chu an awm? KTP an tih, active member an tihte chu khawnge an
awm?(Paula a lo lang a)
2.Paula : Thianpa tunge i nih chu ka hrelo, mahse keimah ang bawk a harsatna nei i ni tih ka hria
(a bulah chuan a thu a ) hei hi i hria em? Kan tan hian KTP an awm lo a, mahse member
hlate chu kan awm si a nih hi.
5.Tlangval : KTP chu an awm alawm, inkhawm tura min sawm thin tu te, kan tan a tawngtai thin te
hi an ni.
2.Paula : A nih leh, KTP an awm a, min chhanhhuak thei tumah an awm si lo.
5.Tlangval : Engvangin maw?
2.Paula : Thil pakhat chiah a ni, an hram ri leh an hniak a in millo a tin lawm.
5.Tlangval : I sawi awmzia chu, engnge?.
2.Paula : An hram ri chu thuro hram ri ang ani a, an hniak erawh chu mulukawlh hniak ang ani.
5.Tlangval : I sawi awmzia chu an lan dan leh an awmdan a in millo i tihna a ni maw?.
2.Paula : Aw ni e, thuro ang a nunnem leh rilru thianghlim ang in an lang a, mahse Mulukawlh ang
a rilru chhia leh hlauhawm (chutih lai vel chuan inkhawm an rawn bang vel chiah a) saw,
chung ho chu inkhawm an bang chiah anih saw.

(Music a rawn ri a)(Nula pakhat a rawn kal phei lah lah a)

6.Nula : Hello, mark tih that nan inkhawm phawt a ngai a lawm, ka rawn kal nghal.

(Muisic in a rik chhung chuan KTP a inhmangte awmdan chi hrang hrang a tha lam leh
thalo lam a lang a.

(Music a rik zawh chuan, KTP hruaitu pakhat alo kal a)

5.Tlangval : Ka pu KTP hruaitu zing ami i ni ti raw?

7.Hruaitu : Aw, ni e engnge ni?
5.Tlangval : Harsatna ka nei a min pui thei a ngem?.
7.Hruaitu : Thei e, lo kal rawh kan inah inkawm ang hmiang.(an in zui a)
2.Paula : A chang hi chuan KTP te hian min hmangaih chuan ka hre leh thin.

(Paula thiannte an lo lang a)

8.Thian : Hmangaih lo e, mipa lawilo in hmeichhe leplerh lak a ka hmangaih che a tih ai pawhin
KTP hoin min hmangaihna chu a thuk loin a ril lo zawk.
9.Thian : Hetah hian ni maw ilo awm daih, in inah kan rawn kal a, lo kal rawh leng ang.
10. Thian : Hello, aw, kha i nau in a be duh che.
2.Paula : Hello, engnga!!? (Zawi muangin phone chu a thrianpa a pe a, a thaw deuh halh a,a
hawi vang vang a)
8. Thian : Engnge a rawn sawi a?
2.Paula : Ka rawn kal lo mai ang.( a haw nghal a)
9. Thian : Enge maw a hriatni, kal ang u.

Lan 4

(Paula in a thlen chuan, a nau chu inchhung ah alo tei kual a)

2.Paula : Khawnge ka pa chu?

3.Paula nau : ( ngawi rengin bedroom lama kawk a)
2. Paula : Engtinnge heti hian a awm theih?
3.Paula nau : A luak vak a, ka va en chuan a mar alo awm tawh lo.
2.Paula : Sual man chu thihna a nih si chuan, engnga ti nge kan la dam reng bik le? Ka nu thlanah
ka kal dawn.
3.Paula nau : Chuta kal a hun loh hi.
2.Paula : Keini tan khawvel hian hun leh hun lo a nei lo.(a chhuak a, light an rawn off ang)
 Lan 5
(Ka mangang lutuk chuan ka nu ka au a, min chhang tur a awm si lo, min chhang tu ka
hmuh awm chhun chu beidawnna chiah a ni, beidawnna chiah)
(Paula leh Casendra chu an rawn lang leh chiah a)
1.Casendra : Tichuan chung thil avangte chuan he thil hi tih i tum ta a maw?
2.Paula : Aw.
1.Casendra : Thian pakhat ang chuan ngatinge tanpui theitu che KTP te hnenah i kal mai loh.
2.Paula : Mahni sualna thup nan chauh a inkhawm thin te, a tul hun a rui leh mai theite, zaidam
taka dawhtu nih aia kutthlak duh mai tute, ruihhlo ngaite leh member hlate puala
tawngtai chung si a, tanpui an ngaih hun a hel leh daih si te khan min hmangaih ang
maw? a theihloh, a theihloh hrim hrim.
1.Casendra : Thil pakhat hmuhhmaih i nei, a tak an awm chuan a lem pawh an awm thin tih hi,
mithate pawh chu i hmu ani lawm ni? (Mithi dar a rawn ri a) Chu mithi dar ri chu i hria
em? Tu vang a ri nge? I pa vang a ri anih chu.
2.Paula : Ka tan nun hian awmzia a neilo ani.
1.Casendra : Thil hriat hmaih i nei leh ta, nangma tana nung tur i ni hleinem, Pathian tan a nung tur a
lawm i nih.
2.Paula : I thusawi chu, ka man thiam e,( a pa thlarau alo lang a) nula keimahin ka lo kal i ti ani
lawm ni.
1.Casendra : Aw ti e.
2.Paula : I hnung a mi kha tunge?
1.Casendra : Tumah an awmloh hi.
2.Paula : Awm e, min rawn pan, ( thlarau chu a bulah a ding a ) tunge i nih? Ka pa nangmah
maw, engnge i duh? (thlarau chuan a kut a thing, a kal bo leh mai a) a hmelah chuan
hlimhmel a awm lo, ka va buai tak em.
1.Casendra : Hrui i thlunna thingkung hi han enteh, he thing hian alo than len theihnan Ni eng leh
Ruahsur a mamawh ang bawkin, nangpawh khawvel a i awm chhung hian i nun ah Ni en
chang leh Ruahsur chang a awm ve angai alawm.
2.Paula : Nang chu i hram ri leh i hniak a in mil, tunge i nih?
1.Casendra : KTP active member zing ami, Casendra ka ni.
2.Paula : Casendra min chanchhuak a ka lawm e, keimah ang bawk a member hlate
chhanchhuaktu ni theitur a awm ve ka duh.

Casendra

Hei hi hre reng ang che, KTP activities hrang hrang Olympic te, Group Nite te leh thil
dangte hi a tha em em vek ani tih hria la, member hlate chu vawikhat ah kan hnuk hnai nghal
thei vek lo tih hre reng la, tlem tlem in kan hnuk hnai hret hret zel a ni tih chu hre reng ang che,
mahse hei erawh hria ang che hmangaihna tak tak tello erawh chuan hnuhhnaih in ring suh,
chuvangin I HRAM RI LEH I HNIAK a in mil tur ani.

Kan lawm e.