Our Lady of Perpetual Help Parish

Milbuk, Palimbang, Sultan Kudarat

Si Cristo and Hari sa atong Kinabuhi.

WEEKDAY READINGS

November 7 - 28, 2010

1
THEMATIC SEMINAR FOR MISA/BIBLE DE GALLO

UNANG SKEDYUL: NOBYEMBRE 20 (SABADO)

Magsugod: alas nuebe sa buntag (9:00 AM)
Mahuman: alas diyes sa buntag (10:00 AM) sa
Nobyembre 21

Topiko nga pagahisgutan:

Deciembre 16 – Introduction: Year 2010 General Theme:

“PROTECT CREATION TO CULTIVATE PEACE”
(Panalipdan ang Kamugnaan sa Pagtikad sa Kalinawan).

Deciembre 17 – Contemplating the Beauty of Creation

Inspires Us to Recognize the Love of Creation. (Ang
Namalandong sa Kaanyag sa Kamugnaan Nagdasig sa
Pag-ila sa Gugma sa Magbubuhat).

Deciembre 18 – “Peace with God the Creator, Peace with

all Creations” (Kalinaw diha sa Diyos nga Magbubuhat,
Kalinaw diha sa Tanang Kabuhatan”.

Target Participants: tulo (3) ka tawo matag GKK nga

mamahimong sharers sa December 16, 17, 18

Unsay dal-on sa matag partisipante: ballpen, notebook,

beddings (gamit pantulog), duha ka letse nga bugas ug
gulay / utanon ug prutas/lagutmon

Walay registration fee.

2
IKADUHANG SKEDYUL: NOBYEMBRE 27 (SABADO)
Magsugod: alas nuebe sa buntag (9:00 AM)
Mahuman: alas diyes sa buntag (10:00 AM) sa
Nobyembre 28

Topiko nga pagahisgutan:

Deciembre 19 – “Humanity Needs a Profound Cultural

Renewal Inspired by Biblical Revelation”

Deciembre 20 – “Intergenerational Solidarity is an Urgent

Need to Attain Peace” (Dinaliang Panginahanglan sa
Pagkab-ot sa Kalinaw, Kadugtungan sa Lain-laing Ang-
ang sa Kaliwatan)

Deciembre 21 – “A Sustainable Comprehensive

Management of the Environmental and the Resources of
the Planet” (Ang Malungtaron ug Malangkubong
Pagdumala sa Kaalirongan ug Kapaninguhaan sa
Kalibutan)

Target Participants: tulo (3) ka tawo matag GKK nga

mamahimong sharers sa December 19, 20, 21

Unsay dal-on sa matag partisipante: ballpen, notebook,

beddings (gamit pantulog), duha ka letse nga bugas ug
gulay / utanon ug prutas/lagutmon

Walay registration fee.

3
IKATULONG SKEDYUL: DISYEMBRE 4 (SABADO)
Magsugod: alas nuebe sa buntag (9:00 AM)
Mahuman: alas diyes sa buntag (10:00 AM) sa
Disyembre 5

Topiko nga pagahisgutan:

Deciembre 22 – “Respect of Human Ecology Benefits

Environmental Ecology” (Ang Pagrespeto sa Ekolohiya sa
Tawo, Mapuslan sa Ekolohiya sa Kaalirongan)

Deciembre 23 – “ As We Care for Creation, God Cares for

Us through it” (Sa Pag-atiman sa Kamugnaan, ang Dios
Nag-atiman Kanato Pinaagi Niini)

Deciembre 24 – “A Lasting Challenge to Cultivate for

Justice, Peace and Care for the Integrity of Creation with
Mary” (Diha ni Maria gihagit kita sa Mapadayunong Pag-
ugmad sa Integridad sa Kabuhatan)

Target Participants: tulo (3) ka tawo matag GKK nga

mamahimong sharers sa December 22, 23, 24

Unsay dal-on sa matag partisipante: ballpen, notebook,

beddings (gamit pantulog), duha ka letse nga bugas ug
gulay / utanon ug prutas/lagutmon

Walay registration fee.

4
Nobyembre 19, 2010 – GKK STO. NIŇO MASS
FRIDAY OF THE THIRTY-THIRD WEEK OF THE YEAR
Color: Green.

BASAHON I Rev 10: 8-11

ANG PAGBASA GIKAN SA BASAHON SA ANG
GIPADAYAG

Unya nadungog ko na usab ang tingog gikan sa langit

nga miingon, "Kuhaa ang binukhad nga basahon nga
gikuptan sa anghel nga nagbarog sa dagat ug sa yuta."
vBusa giduol ko ang anghel aron sa pagpangayo kaniya
sa gamayng basahon; ug miingon siya kanako, "Kuhaa
kini ug kan-a; tam-is kini sama sa dugos samtang anha pa
sa imong baba, apan pait kon matulon mo na." vUg gikuha
ko ang gamayng basahon gikan sa iyang kamot ug gikaon
ko kini; tam-is kini daw dugos sa diha pa sa akong baba,
apan nahimong pait sa natulon ko na.
vUnya giingnan ako, "Kinahanglan isangyaw mo pag-
usab ang mensahe sa Dios ngadto sa daghang katawhan,
mga nasod, mga pinulongan, ug mga hari!"
ANG PULONG SA GINOO.

SALMO RESPONSORYO
Ps. 98: 5-6, 7-8, 9

T. Katam-is tagamtamon sa imong saad.

Sa pagi sa imong mga gimbut-an nalipay ako

ingon ug diha sa tanang mga bahandi.

5
T. Katam-is tagamtamon sa imong saad.

Oo, ang imong mga sugo mao ang akong kalipay; sila
ang akong mga magtatambag.

T. Katam-is tagamtamon sa imong saad.

Ang balaod sa imong ba-ba mas bililhon alang kanako

kay sa linibo nga bulawan ug plata.

T. Katam-is tagamtamon sa imong saad.

Katam-is tagamtaman sa imong mga saad,

mas matam-is kay sa dugos alang sa akong ba-ba.

T. Katam-is tagamtamon sa imong saad.

Ang imong mga sugo maoy akong sulundon hangtod

sa kahangturan;
sila ang kalipay sa akong kasing-kasing.

T. Katam-is tagamtamon sa imong saad.

Naghingahinga ako
sa kahidlaw alang sa imong mga sugo.

T. Katam-is tagamtamon sa imong saad.

6
 Lk. 19:45 - 48
ANG PAGBASA GIKAN SA EBANGHELYO SUMALA NI
SAN LUCAS

Si Jesus misulod sa Templo ug giabog niya ang mga

nagpatigayon didto; vug giingnan niya sila, "Nahisulat sa
Kasulatan nga ang Dios nag-ingon, 'Ang akong balay
tawgon nga balay-alampoanan,' apan gihimo ninyo kini
nga tagoanan sa mga tulisan!"
vSi Jesus nagtudlo didto sa Templo sa matag adlaw. Ang
mga kadagkoan sa mga pari, ang mga magtutudlo sa
Balaod, ug ang mga pangulo sa mga tawo buot mopatay
kaniya, vapan wala silay nahimo tungod kay ang tanang
tawo nagpadayon man pagpamati sa tanan niyang gisulti.
ANG EBANGHELYO SA GINOO.

Nobyembre 20, 2010 – GKK SAN ROQUE MASS

Saturday of the Thirty – Third Week of the Year
Color: Green.

BASAHON I Rv 11: 4-12

ANG PAGBASA GIKAN SA BASAHON SA ANG
GIPADAYAG

vAko, si Juan, giingnan: Kining duha ka saksi mao ang

duha ka kahoyng olibo ug ang duha ka lampara nga anaa
atubangan sa Ginoo sa kalibotan. vKon adunay buot
mopasipala kanila, mogula ang kalayo sa ilang baba ug
molaglag sa mga kaaway nila, ug ang tanan nga buot
mopasipala kanila mahiagom sa kamatayon. May gahom
sila sa pagtak-op sa langit aron dili moulan samtang
7
nagsangyaw sila sa mensahe sa Dios. May gahom usab
sila sa paghimong dugo sa mga tubod sa tubig ug sa
pagpahamtang ug mga balatian sa katawhan, bisan
unsang panahona nga gusto nila.
vUnya human ikasangyaw nila ang mensahe, makig-away
kanila ang mananap nga mogula gikan sa kahiladman.
Molampos gayod ang mananap pagbuntog ug pagpatay
kanila. Magbuy-od ang patay nilang lawas didto sa dalan
sa dakong siyudad, diin gilansang sa krus ang ilang
Ginoo. Ang ngalan sa maong siyudad nagsimbolo sa
Sodoma o Ehipto. Sulod sa tulo ka adlaw ug tunga, ang
nagkalainlaing katawhan, banay, ug kanasoran motan-aw
sa ilang mga haya ug dili kini nila ipalubong. vMalipay ang
katawhan sa kalibotan tungod sa kamatayon niining duha
ka saksi. Saulogon nila kini pinaagi sa paghinatagay ug
mga gasa, kay gipaantos man pag-ayo ang katawhan
niadtong duha ka propeta. vApan tapos sa tulo ka adlaw
ug tunga, gibanhaw sila sa Dios ug nanindog sila ug
nalisang pag-ayo ang tanan nga nakakita kanila. Unya
nadungog sa duha ka propeta ang singgit gikan sa langit
nga nag-ingon, "Saka kamo ngari!" Ug mikayab sila
ngadto sa langit sakay sa mga panganod samtang
nagsud-ong kanila ang ilang mga kaaway.
ANG PULONG SA GINOO.

SALMO RESPONSORYO
Ps. 144: 1, 2, 9, 10

T. Dalaygon ang Ginoo, ang akong Bato.

8
Dalaygon ang Ginoo, ang akong Bato, nga
nagabansay sa akong mga kamut alang sa away, ang
akong mga tudlo alang sa gubat.

T. Dalaygon ang Ginoo, ang akong Bato.

Ang akong dalangpanan ug akong kota, akong malig-

ong salipdanan, akong manluluwas
Ang akong taming, nga akong gisaligan, nga
nagabuntog sa katawhan ubos kanako.

T. Dalaygon ang Ginoo, ang akong Bato.

O Dios, mag-awit akog bag-ong awit alang kanimo,

sa lira nga napulog koldas awiton ko ang imong
kadayganan,
Ikaw nga naghatag og kadaugan sa mga hari, ug
nagaluwas kang David, imong sulugoon.

T. Dalaygon ang Ginoo, ang akong Bato.

Lk. 20:27 - 40
ANG PAGBASA GIKAN SA EBANGHELYO SUMALA NI
SAN LUCAS

vMay mga Saduseo nga miduol kang Jesus. (Kini sila

mao ang nag-ingon nga ang mga patay dili mabanhaw.)
Nangutana sila kaniya, v"Magtutudlo, nagsulat si Moises
niining balaod alang kanato: 'Kon ang usa ka tawo
mamatay ug may asawa nga nahibilin apan walay anak,
9
ang igsoon niadtong tawhana kinahanglan mangasawa sa
biyuda aron manganak sila alang sa namatay.' vMay pito
ka magsoong lalaki, ang kamagulangan naminyo ug
namatay nga walay anak. vUnya ang ikaduhang igsoon
nangasawa sa biyuda, ingon man ang ikatulo, hangtod
nga ang pito ka magsoon nakapangasawa sa babaye---ug
nangamatay silang tanan nga walay anak. Sa kataposan
ang babaye maoy namatay. vKaron, sa adlaw nga
banhawon na ang mga patay, kinsa man siyang asawa
nga silang tanan nakapangasawa man kaniya?"
vSi Jesus mitubag kanila, "Ang mga lalaki ug babaye
niining panahona nagminyoay, apan ang mga lalaki ug
babaye nga angay banhawon ug magkinabuhi sa umaabot
nga panahon dili na magminyoay. vSama sila sa mga
anghel ug dili na mamatay. Mga anak sila sa Dios kay
gibanhaw man sila. vUg gitin-aw gayod ni Moises ang
pagmatuod nga banhawon ang mga patay. Sa bahin nga
nagsaysay mahitungod sa sampinit nga nagdilaab,
naghisgot siya mahitungod sa Ginoo nga mao 'ang Dios ni
Abraham, Dios ni Isaac, ug Dios ni Jacob.' vKini
nagpasabot nga siya mao ang Dios sa mga buhi ug dili sa
mga patay---kay alang kaniya ang tanan buhi."
vPipila sa mga magtutudlo sa Balaod miingon, "Maayong
pagkatubag, Magtutudlo!" vUg wala na sila mangahas
pagpangutana kang Jesus.
ANG EBANGHELYO SA GINOO.

10
Nobyembre 25, 2010 – GKK DUMATO FIESTA MASS
Thursday of the Thirty – Fourth Week of the Year
Color: Green.

BASAHON I Rv. 18; 1-2, 21-23; 19: 1-3, 9

ANG PAGBASA GIKAN SA BASAHON SA ANG
GIPADAYAG

vTapos niini, nakita ko ang laing anghel nga nanaog

gikan sa langit. May dako siyang gahom ug nahayagan
ang tibuok kalibotan sa iyang kadan-ag. vMisinggit siya,
"Napukan na! Napukan na gayod ang gamhanang
Babilonia! Karon nahimo na siyang puloy-anan sa mga
demonyo ug sa mga daotang espiritu, ug sa tanang
hugaw ug dulomtanang kalanggaman. vUnya usa ka
gamhanang anghel mipunit ug bato nga sama kadako sa
dakong galingan ug gitambog kini ngadto sa dagat ug
miingon siya, "Sama niini kamakalilisang ang pagkapukan
sa dakong siyudad sa Babilonia, ug dili na gayod siya
makita pag-usab. Diha kanimo dili na gayod madungog
pag-usab ang mga honi sa mga alpa ug sa mga musikero
nga hanas sa mga plawta ug trumpeta. Dili na gayod
hikaplagan diha kanimo ang mga manggagama sa bisan
unsa; ug dili na gayod mabati pag-usab diha kanimo ang
tingog sa galingan. Dili na gayod makita diha kanimo ang
hayag sa suga ni mabati pa diha kanimo ang tingog sa
pamanhonon ug sa pangasaw-onon. Ang imong mga
negosyante maoy labing gamhanan sa tibuok kalibotan ug
gilimbongan mo pinaagi sa mga salamangka ang tanang
katawhan sa kalibotan!"

11
Tapos niini, nadungog ko ang daw magahob nga tingog sa
dakong panon sa katawhan didto sa langit nga nag-ingon,
"Dayga ang Dios! Ang kaluwasan, ang himaya ug ang
gahom iya sa atong Dios! Matuod ug matarong ang iyang
mga hukom! Kay gisilotan niya ang nabantog nga daotang
babaye nga maoy nagduhig sa kalibotan sa iyang kaulag.
Gisilotan siya sa Dios tungod kay gipatay man niya ang
mga sulugoon sa Dios." Misinggit sila pag-usab, "Dayga
ang Dios! Ang aso gikan sa dakong siyudad nga nasunog
nag-utbo sa walay kataposan!" vUnya miingon ang anghel
kanako, "Isulat kini: Bulahan ang gidapit pagtambong sa
bangkite sa kasal sa Nating Karnero." Ug miingon pa
gayod ang anghel, "Mao kini ang matuod nga mga pulong
sa Dios."
ANG PULONG SA GINOO.

SALMO RESPONSORYO
Ps. 100: 1-.3.4.5.

T. Bulahan sila nga gidapit alang sa bangkite sa kasal

sa Kordero.

Awiti nga masadya ang Ginoo; kamong tibuok yuta,

alagari nga malipayon ang Ginoo; duol kamo kaniya
sa masadya nga awit.

T. Bulahan sila nga gidapit alang sa bangkite sa kasal

sa Kordero.

12
Sayri ninyo nga ang Ginoo Dios, siya ang nagbuhat
kanato, iyaha gayod kita;
ang iyang lungsod ug panon nga iyang gidumala.

T. Bulahan sila nga gidapit alang sa bangkite sa kasal

sa Kordero.

Sulod kamo nga mapasalamaton sa iyang ganghaan,

sulod sa iyang kahawanan uban sa pagdayeg;
pasalamati ninyo siya ug dayga ang iyang ngalan.

T. Bulahan sila nga gidapit alang sa bangkite sa kasal

sa Kordero.

Ang Ginoo maayo; ang iyang kaluoy nagalungtad sa

kahangturan,
ug ang iyang kamatinumanon, ngadto sa tanang
kaliwatan.

T. Bulahan sila nga gidapit alang sa bangkite sa kasal

sa Kordero.

Lk 21:20-28
ANG PAGBASA GIKAN SA EBANGHELYO SUMALA NI
SAN LUCAS

Si Jesus miingon sa iyang mga tinun-an: "Kon makita

ninyo nga ang Jerusalem likosan na sa mga
kasundalohan, masayran ninyo nga laglagon na kini sa dili
madugay. vUnya ang nagpuyo sa Judea kinahanglang
managan ngadto sa kabungtoran, ug kadtong atua sa mga
13
siyudad kinahanglang mamahawa usab, ug ang nagpuyo
sa banika kinahanglang dili moadto sa siyudad. vKay mao
kini 'Ang mga Adlaw sa Pagsilot,' aron pagtuman sa tanan
nga giingon sa Kasulatan. vPagkaalaot gayod sa mga
mabdos ug sa mga inahan nga may mga masuso
niadtong mga adlawa! Moabot ang makalilisang nga
kalisdanan niining yutaa, ug hiagoman niining maong
katawhan ang kapungot sa Dios. vPamatyon sila pinaagi
sa espada ug bihagon ngadto sa tanang kanasoran. Unya
mailog ang Jerusalem sa mga tawo nga wala motuo sa
Dios hangtod matapos ang gitagal nga panahon sa ilang
pagmando.
v"Aduna unyay mga ilhanan diha sa adlaw ug sa bulan
ug sa kabituonan. Kawad-an sa paglaom ang mga nasod,
ug mangalisang sila sa dinaguok sa dagat ug sa
nagpungasi nga mga balod. Panguyapan ang mga tawo
tungod sa kalisang samtang magpaabot sila sa mahitabo
sa tibuok kalibotan; kay ang mga planeta sa kawanangan
motipas sa ilang naandang agianan. vUnya motungha ang
Anak sa Tawo---moabot siya nga may gahom ug himaya
diha sa panganod. Inigsugod nag kahitabo niining mga
butanga, tindog ug hangad kamo kay duol na ang inyong
kaluwasan."
v

ANG EBANGHELYO SA GINOO.

14
Nobyembre 26, 2010 – GKK DUMOLOL FIESTA
MASS
FRIDAY OF THE THIRTY–FOURTH WEEK OF THE
YEAR
Color: Green

BASAHON I Rv. 20: 1-4.11-21:2

ANG PAGBASA GIKAN SA BASAHON SA ANG
GIPADAYAG

vUnya nakita ko ang usa ka anghel nga mikunsad gikan

sa langit. Nagdala siyag dakong kadena ug yawi alang sa
bung-aw nga dili matugkad. vGidakop niya ang dragon,
ang karaang bitin nga mao ang Yawa o Satanas, ug
gigapos niya sulod sa 1,000 ka tuig. vGitambog sa anghel
ang yawa ngadto sa bung-aw, unya iyang gisirhan ug
gitrangkahan aron ang yawa dili na makapanlimbong sa
mga kanasoran hangtod nga matapos ang 1,000 ka tuig.
Tapos niana, buhian siya sulod sa mubong panahon.
vUnya nakita ko ang mga trono ug ang mga naglingkod
niini; gihatagan silag gahom sa paghukom. Nakita ko usab
ang mga kalag niadtong gipamunggotan tungod sa
pagsangyaw nila sa kamatuoran nga gipadayag ni Jesus,
ug tungod sa pulong sa Dios. Wala sila mosimba sa
mananap ni sa iyang larawan, ni napatikan ang ilang
agtang ug kamot sa timaan sa mananap. Nabanhaw sila
ug naghari uban kang Cristo sulod sa 1,000 ka tuig.

vUnya nakita ko ang dako ug puti nga trono ug ang

naglingkod niini. Mikalagiw ang yuta ug ang langit gikan sa
naglingkod sa trono ug wala na kini makita pag-usab. vUg
15
nakita ko ang mga patay, inila ug dili inila, nga nagbarog
atubangan sa trono. Gibukhad ang mga libro, ug may lain
pa gayong librong gibukhad nga mao ang libro sa
kinabuhi. Gihukman ang mga patay sumala sa ilang
binuhatan nga nahisulat sa mga libro. vUnya ang
kadagatan, ang Kamatayon ug ang Hades mitugyan sa
mga patay nga diha kanila ug gihukman silang tanan
sumala sa ilang binuhatan. vUnya gitambog ang
Kamatayon ug ang Hades ngadto sa linaw nga kalayo.
Kining linaw sa kalayo mao ang ikaduhang kamatayon.
vAng tanan kansang ngalan wala mahisulat sa libro sa
kinabuhi gitambog ngadto sa linaw nga kalayo.
vUnya nakita ko ang usa ka bag-ong langit ug bag-ong
yuta, kay nahanaw na man ang unang langit ug ang
unang yuta ingon man ang dagat. vNakita ko usab nga
mikunsad gikan sa langit ang Balaang Siyudad, ang bag-
ong Jerusalem nga gikan sa Dios, nga sama sa kaslonong
babaye nga andam na sa pagsugat sa iyang
pamanhonon.

ANG PULONG SA GINOO.

SALMO RESPONSORYO
Ps. 84: 3,4, 5-6, 8

T. Dinhi nagapuyo ang Dios taliwala sa iyang lungsod.

Ang akong kalag nangandoy ug gihidlaw sa mga

kahawanan sa Ginoo.
Ang akong kasingkasing ug akong lawas nagasinggit
alang sa buhi nga Dios.
16
T. Dinhi nagapuyo ang Dios taliwala sa iyang lungsod.

Bisan ang goriyon nakakaplag og puloy-anan ug ang

sayaw usa ka salag nga kabutangan sa iyang mga
piso.
Mao usab ang imong altar, O Ginoo sa kagahuman,
akong hari ug akong Dios.

T. Dinhi nagapuyo ang Dios taliwala sa iyang lungsod.

Bulahan sila nga nagapuyo sa imong balay, kay sa

kanunay nagadayeg sila kanimo.
Bulahan ang mga tawo kansang kusog ngadto sa
kusog.

T. Dinhi nagapuyo ang Dios taliwala sa iyang lungsod.

Lk 21: 29-33
ANG PAGBASA GIKAN SA EBANGHELYO SUMALA NI
SAN LUCAS

vUnya gisuginlan sila ni Jesus niining sambingaya:

"Hinumdomi ninyo ang kahoyng igera ug ang tanang mga
kahoy. vKon makita ninyo nga manahon na sila, mahibalo
kamo nga duol na ang ting-init. vSa ingon usab, inigkakita
ninyo nga mahitabo kining mga butanga, mahibaloan
ninyo nga hapit na maghari ang Dios.
v"Timan-i kini: mahitabo kining tanan sa dili pa
mangamatay ang mga tawo nga karon buhi pa. vAng

17
langit ug ang yuta mangahanaw, apan dili gayod
mapakyas ang akong gisulti.

ANG EBANGHELYO SA GINOO.

Nobyembre 27, 2010 – GKK MALISBONG FIESTA

MASS
SATURDAY OF THE THIRTY–FOURTH WEEK OF THE
YEAR
Color: Green

BASAHON I Rv. 22: 1-7

ANG PAGBASA GIKAN SA BASAHON SA ANG
GIPADAYAG

vGipakita usab sa anghel kanako ang suba sa tubig sa

kinabuhi nga nagpangidlap daw bildo; naggikan ang
maong suba sa trono sa Dios ug sa Nating Karnero, vug
midagayday kini sa taliwala sa dalan sa siyudad. Sa
isigkadaplin sa suba may kahoy nga naghatag sa kinabuhi
nga mamungag kausa matag bulan, ug ang mga dahon
niini tambal alang sa kanasoran. Walay bisan unsa nga
tinunglo sa Dios hikaplagan diha sa siyudad.
Anaa sa siyudad ang trono sa Dios ug sa Nating
Karnero, ug simbahon siya sa mga alagad niya. vMakakita
sila sa nawong niya ug ang iyang ngalan isulat diha sa
ilang agtang. vDidto wala nay gabii ug dili na sila
magkinahanglan ug mga suga o kahayag sa adlaw, kay
ang Ginoong Dios mao may ilang kahayag, ug maghari
sila hangtod sa kahangtoran.
18
 Unya miingon ang anghel kanako, "Matuod kining mga
pulonga ug kasaligan. Ang Ginoong Dios nga naghatag sa
iyang Espiritu ngadto sa mga propeta nagsugo sa iyang
anghel aron ipakita ngadto sa iyang mga alagad ang mga
butang nga mahitabo sa dili madugay."
Miingon si Jesus, "Mobalik ako sa dili madugay. Bulahan
kadtong nag-amping sa gipanagna dinhi niining libroha!"

ANG PULONG SA GINOO.

SALMO RESPONSORYO
Ps. 84: 3,4, 5-6, 8

T. Maranatha! Umari ka, Ginoong Jesus!

Umari kamo, awitan ta nga malipayon ang Ginoo;

ilhon ta ang Bato sa atong kaluwasan.
Yukboan ta siya uban sa pasalamat;
awitan ta siya nga masadya ug mga salmo.

T. Maranatha! Umari ka, Ginoong Jesus!

Kay ang Ginoo halangdon nga Dios,

ug usa ka dakong hari labaw sa tanang mga Dios;
sa iyang mga kamut anaa ang mga kahiladman sa
yuta ug ang kinatumyan sa kabukiran iyaha usab.
Iyaha ang dagat, kay siya man ang nagbuhat niini,
ug ang mamala, nga giumol sa iyang mga kamut.

T. Maranatha! Umari ka, Ginoong Jesus!

19
Umari kamo, moduko kita diha sa pagsimba;
manluhod kita atubangan sa Ginoo nga nagbuhat
kanato.
Kay siya man ang Atong Dios,
ug kita ang katawhan nga iyang gidumala, ang panon
nga iyang gitultolan.

T. Maranatha! Umari ka, Ginoong Jesus!

Lk 21: 34-36
ANG PAGBASA GIKAN SA EBANGHELYO SUMALA NI
SAN LUCAS

vSi Jesus miingon sa iyang mga tinun-an: "Busa

pagbantay kamo! Ayaw kamo patuyang sa pagkaon ug
pag-inom sa makahubog nga ilimnon, ug ayaw kamo
padaog sa mga kabalaka mahitungod niining kinabuhia,
kay tingali unyag hikalitan kamo niadtong Adlawa; v35kay
moabot kini sa tanang mga tawo sa tibuok kalibotan ingon
sa usa ka lit-ag. Busa pagbantay gayod kamo ug pag-
ampo kanunay nga makabaton kamog kalig-on, aron
makaatubang kamo nga dili maunsa niining tanan nga
mahitabo, ug makabarog sa atubangan sa Anak sa Tawo."

ANG EBANGHELYO SA GINOO.

Cover Image: taken from Talad for November 2010 Issue

20