ZOMI Thukizakna
Tongsan Office
Lom 5, Hawm 46
21 November 10 (Sun)
Estd-2006
Motto: "ki-itna, lungkituakna, ngaihsutna kibang ..." Philip 2:2
2010 NOBEL PRIZES IN MEDICINE, PHYSICS, CHEMISTRY
Tukum Nobel Prizes ngah dingte kipulaklak ta a,tuate'
sung pan Science Category teng kipulak khinta a, adang
thumte zong October 11, 2010 ciang a vekin kipulak ta hi.
Leitunga pahtawina thupi akisa pen leh mipite bil dawh pen
ahih manin Zolai tawh tawm i gelh ding hi. I theihsa ciat
mah bangin Nobel Prizes pen nam 6 ah kipia a: (1) Physiol-
ogy or Medicine, (2) Physics, (3) Chemistry, (4) Literature,
(5) Peace leh (6) Economic Sciences. Tuate pen kumsim
Nobel Foundation in a piak hi a, nam khat ah 10 million
Swedish Kronor (Sweden sum million 10, tua pen USD 1.5
million kiim pawl hi) pia cihna hi. A 6na Economic Sci-
ences pen bel Nobel Prizes Foundation phuankhiapa Alfred
Nobel phawkna ahi hi.
1. Medicine: Robert G. Edwards, pen University of Cam-
bridge, UK in "in vitro fertilization" a muhkhiat manin ngah
ahi hi. In vitro fertilization or IVF i cih pen mi nautang theih
dingin Test-Tube Baby zong kici hi. Numei ci leh pasal ci
lakhia in kuang sungah gawm, test tube sungah gawm,
naungek keuhsak, a keuh khit ciang numei naubu ah guan
kik theihna ahi hi.
Hih IVF hangin nau neilo ding tampi in nau neih theih
lawh a, naubu kholo, nautolh i cih tampi hon khia hi. Tua
nasep a mukhiapa tuni in Nobel Prizes in Medicine kipia hi.
Hih IVFzat ding a kisam leitungbup ah nupa za ah sawm,
10% bang hi ding hi kici hi. Numei ci leh pasal ci numei
naubu ah kituah theilo, kimu theilo, kituakkha ngeilo ahih
ciang hih IVF kizanga, tua in olno takin nau piangsak hi.
Tua zaha manpha na hoih hong mukhiapa kipahtawi hi.
1950 kiim pan a pat pen 25 July 1978 kumin "test tube
baby" masa pen hong piang hi. Kum 27 sung bang lungkia
hetlo in na sin to ngakngak a, a tawpna ah lawhcing hi.
Lawhcing bek hi loin tua tawh mi tampi in phattuampih hi.
Pahtawi huaite pahtawi siamna in kipaak huaia, mipi tan' zong hi pah hi.
ZOFA Cup kitang suak ta : ZOFA bawlung commit-
tee makaihna tawh Zomite kipumkhat theih nading
ngaihsutna in ong vaihawm khiatna uh pen tu ni ciang
a (5) veina ZOFA na sia takin kibawl zo hi.
2006 kum in Tahan RC Champion Cup la in, 2007
kum in Tahan TBC, 2008 kum in St. Mary in hong la hi.
2009 kum ciangin St. Mary mah in hong la leuleu hi.
2010 kum ciangin lamet lohpi in Pasian hehpihna leh
Tonu thunget sakna hang tawh a (1) na mah hong la in
a (3) veina Champion Cup St. Mary in kingah suak hi. A
pat a kipan lelh nei loin zo toto hi.
Hih bang a gualzawhna dingin thungetna, tha tang,
sum leh paai tawh i panpihna hangin gualzawhna
kingah ahihlam zong a kua mah peuh ong thei sak nuam
leh, lungdam hong ko ka hi uhi. (AKP)
Champion lopna pen 9.11.2010 ni in Pawlpi in Bawng
khat, Nupiten Vok khat tawh hong lop sak hi.
16.11.2010 ni in Tahan RC team, Phai RC, Pyidawtha,
St. Mary bawlung team leh committee teng sam in Vok
2 tawh lopsak in bawlung sui khempeuh letsong pia kim
cih thu kiza hi. (Paul Pa Khual)
No 19, Pinlong 9B To,
Bogyoke Rd., Kalaymyo
Tel: 073-21861
09-47072009
Email: tongsan@zomi.org
A ki upmawhna ah tuni ciangciang IVF tawh naupiang pen
4 million phata dingin ki-um hi.
A kipat cil in Bilpi tawh na sin phot a, a pian tuak ciangin
mihing ah na sin kik hi. Mite in a ci uh phaltak in pia in tuate
tawh na semto a, lamet bang takpi in mainawt hi. Lesley leh
John Brown te nupa in kum 9 sung nau neih sawm in a
hanciam uh hang a neih theihloh uh ciang amau zong
phaltakin a ci uh pia in, Robert G. Edwards leh a seppih
Steptoe in panpih uh a, 25 July 1978 niin numei naungek
melhoih mahmah Louis Brown hong piang hi. Tua naungek
pian ni pan mihing cidamna lam nasepna nakpi in kilumlet
in Hun Thak sungah kilut hi.
Tuni in leitungbup ah IVF pen Hospital tampi ah baihtak
in kimu ziauta a, a lamdang hinawnlo hi. Khantohna tampi
kibehlap a, pasal ciltang pan pasal ci kisutnaphim (syringe)
tawh hupkhia, lakhia ziau in numei ci tawh kigawm ziauziau
ta hi. Naungek zong cidam mahmah in, ngeina neih tawh
kilamdanglo a, nawngkaina zong bangmah omlo hi. Nausiat
cih zong omse lo ahih manin nupa pawlkhat in numei naubu
kawm in amau ta pai sak a, a zi nausuak gimna pelhsak hi.
Tua bek hilo "Test Tube Baby" Ms. Louise Brown in zong
ta nei khinta a, bangmah nawngkaina omvetlo hi. Tua manin
Edwards nasep gah hih IVF tawh a piang naungek peuhmah
a ngeina banga piang naungek tawh a kilamdanna omlo hi,
cih kitel hi. Minthang semsem lai ding kici hi.
Amah, Robert G. Edwards pen 1925 kumin in Manches-
ter, England ah piang hi. WWII sung galkap a sep khit ciang
sangkah kik in nuntakna lam Biology a sin hi. A research
zom toto in leitung a IVF Clinic masa pen Bourn Hall Clinic
kici a lawmpa Patrick Steptoe tawh phuan uh hi. Ama
nasepna hangin leitung mihing nupa tampi muk ah nuihna
piangsak in, lungdam maitaina leh lametna guan kik hi. Tua
nasep a thupi hi. (zom lai ding) Dr. Hau Za Cin
Bishop Felix Liankhen
Huhna pia : Zogam Tuithang khua sanginnpi ah laisin
sangnaupangte pilna khantoh nading deihsakna tawh
9.10.2010 ni in Nitaangtha kizang meivak (Solar)
panpihna kinei hi. Tua hun sungah Tedim galkap (LIB-
269) pan Major Saw Htun & TPDC Secretary U Kyaw
Htay te in deihsak thugenna a neihkhit teh khua hausapi
Pa Kham Deih Pau in sang siapipa U Aung Swe tungah
Solar dalpi khat, Inverter 500 W khat leh Bettery khat
piakkhiatna nei uh cih kiza hi. (C10tuang)
Gualzawhna vaimuak : Tedim gam Dimlo khua-ah
kumsim a kibawl den Dimlo (Sialtual) khangnote' 2010
kum Pu Gen Cin' Sil' (Shield) Bawlung (Tukpeng) suih
kidemna ah Kawlpi Dimlo Khangno (DSYA)te'n kum (3)
kizom A khatna tawh gualzawhna ngah uh ahih manin
25.10.2010 ni in DSYA in vok khat tawh Shield dawnna
leh aihna nopcitakin bawl ziahziah uhi. (D.Dai-IPRD)
Khapi liikzaw ding : 21.11.2010 zan laitak 11:47 (pm)
pan 11:57 (pm) ciang dong Khapi taang na en un.
Zankhawng tawh kibanglo ding a, liik khia mahmah
(tiftm; tjynfh0qkH;tcsde)f ding hi. Hih khaliik mahmah hun
pen Kawlgam sungah 21.11.2010 - 11:30 (pm) hun in
Shangam Maitone ah, 11:43 (pm) hun in Mdy. Div.
Mogok ah, 11:47 (pm) hun in Sagaing ah, 11:57 (pm)
hunin Khamtunggam Hakha ah cih bangin hong liik
ding hi.
Hih bangdan Khaliik pen a piang pakpak thu hilo-a,
tu-ma kum 33 lai 26.11.1977 ni in khat vei hong piang
ngei hi. Tu zawh kum 62 val 25.11.2072 ciang khatvei
kimu lai ding hi ci-in nate lam ah mipilte'n gen hi. (WE)
A tate nih a thah khit nungah a that pa zong
kikhailum : Lamka, Vengnuam veng a teng Pa Zam
Khan Muan (kum 40) s/o Mr. Liah Za Cin in tuni No-
vember 12, 2010 (12:40 pm) hun pawlin a Nu vakkhia
dingin sawl a, a vakkhiat khit a sawt loin tate Tg. Thag
Khen Khup (kum 11) leh Tg. Thang Biak Mang (kum 3)
te unau kisilna tuibuk sungah tem tawh dot lumin, a
dotlup khitteh amah le amah kikhailum cih thu kiza hi.
Pa Zam Muan pen a Nu leh a tate nih tawh a teng
khawm uh hi-in, khatvei vei a lungsim manlo thei cih
kigen hi. A tate khat pen a gawl pan dawtin, khat pen a
gilpi pan dawt ci hi. A kitheih phetin veng le paamte in
delh pah uh a, ahi zongin Palik (Police) te thu loin, misi
luang kilakhia ngam loin, puan zong kikhuh loin a si a
nai mah tawh tawl khat sung kikoihcip hi. Palikte a
paitheih loh ciangin nitak lam (3:00 pm) hun in kilakhia
pan hi. Misi luang ahih leh tuni mahin kivui dingin thu
kiza hi. (TSR)
Lam mei tang zihziah : Kawlpi khua sungah Lam
mei tang zihziah ta hi. Kawlpi lamkabom panin lam mei
kithuah toto a, tu in Tahan veng tung ding hi ta a,
meileng khawlna lamka ciang tungta hi. Meikhuampi
te tungah mei kitangsak dimdem a, khua sungah aw
sang (lasa, awng, ...) tawm tuampah hi. (TSR)
Thusinna kinei kawikawi : Kawlpi khua sungah
Mawtaw le Cycle tam semsem a, accident zong a
munmun ah tam mahmah ta hi. Accident in zum dong
tungin thu nei pen kha khat in a tawm pen mi 8 kim
bang om hi. Accident hangin nisim in kiliam kibai in
kibuaipih lua mahmah ta ahih manin kumpi thuneite
in veng sung le pawlpi sungte ah thugenna (tintan) hong
nei kawikwai dingin vaihawm uhi. Hih thusinnate ah a
kuama ciat in hanciam in kihel ciat ni. (TSR)
CDMA : CDMA Phone a tawmmante (500,000 Ks.)
Kawlgam mun khempeuh CDMA Tower omna
khempeuh ah kizang thei ding hi, cih kamleng khat om
a, hi thei takpi dingin ki lamen pian hi. Kawlpi ah CDMA
Tower nih kinei dinga, tu laitak a kizang ahi Microwave
Tower kizang nawnlo ding hi. No. 1 Tower pen
Taungphila, No. 2 Tower pen Kawlpi meiset zum pam
ah kilam san laitak hi. (TSR)
Dahpihna : (1) Nu Ciin Niang (Rev. Khoi Lam Thang'
nu, kum 70) in 17 Nov 2010 ni in Kawlpi pan hong nusia
a, 19 Nov 2010 ni in kivui hi.
(2) Pa Neng Za Do (kum 70, Emmanuel Pawlpi Upa)
18 Nov ni in Cycle in nawk kha a, 19 Nov ni in hong
nusia hi. 20 Nov ni in kivui hi. 2009 Nov kha in a zi in
hong nusia a, a zi kivui ni in a tuahsia ahi hi.
Nungakte kimulo : Kawlpi khua sungah Laibu sai
tampi om a, laibu tuamtuam,
Journal tuamtuamte kilei Zomi sungah mipil le mihai
ziahziah hi. Laibu a leite lakah sangin a kipilsak
mi a tamzaw dia ...? uGefysLwmESifU qufpyfypönf;rsm;ukd taumif;qkH;0efaqmifrIjzifU aqmif&Gufa&mif;csay;aeygNyD/
numei sangin pasal tamzaw
a, tua lakah Kawl le Zomi
kikim lel hi. Ahi zongin
laibu a lei den numei
lakah Zomi numei om
khollo cih pen laibu saite
genna tungtawn in kiza hi.
Note: Asunga thute endik pawl ngaihsutna bang hikhinlo hi.
Zomite nuntakzia kilap sang nadingin numeite in laibu
tampi i sim ding kisam lai hi cih, i kiphwak sak hi. (TSR)
Mi 60 val si : 15 Nov ni in India khuapi New Delhi ah
taihinn thuap nga khak kicim a mi 60 val sih khat in si
hi. Inn kicim van le nate kawm ah a kimu zo nailo mi
zong om lai dingin kilamen hi. (BWE)
Mi 1100 val si : Haiti gam ah October kha pan kipan
sungtholh/sungpai khauhpai mahmah a, tu ciangciang
mi 1,100 val sungpai in si hiau hi. 15,000 val zato ah
kikem a, tua gam sungah thakhat thu in kizel. (BWE)
Cope topa leh Mission : Cope topa phawkna tawh
akibawl laimai 514 apha, Mission article 117 apha, Doc-
tor bekbek 20 val kihel Magazine hoih mahmah kingah
ta a, ZCLS leh Pawlpi kim phialah kizuak hi. Hanciam
in lei ciat ni. Bei haklo ding hi. (Rev. Job Thawngno)
CCJ pawi ah ZYA saipi : ZYA vaihawmna tawh kum
100 cin pawi hun sungah an, meh huan siam siapite
makai in an le nek theih tuamtuam kizuak ding hi. Tua
lai ah laibu hoih nono, labu, DVD tuamtuam kizuak
dinga, a kingah sumte Zomi sung phattuam nadingin
kizang ding hi. A kuama ciat in thapia ciat ni. Amun -
CMBC biakinn kim, Pawi hun sung.
Bishop Felix khualzinna : Bishop pa leh Phunggyi
pawlkhat 23.10.2010 ni pan khamtungah va zin
kawikawi hi. Thuzui mite lungdam mahmah in na dawn
in na muak uh aa khua kim ah Sial vive na gawh uh hi.
Biakpiakna Siangtho leh Kha an vaknate a neih khit
teh 12.11.2010 ni nga ni in cidam takin Kawlpi Siadaw
inn hong tung kik cih thu kiza hi. (Paul Pa Khual)
Mawtaw hawl kisinna : Kawlgam sung bek hilo,
gamdang nangawn ah zong mawtaw hoih takin a hawl
thei nuamte adingin mawtaw hawl sinna kinei ta hi. A
hawl bek hi loin a puah a zun dan zong a huampi in
kihilh ding hi. Khual pan a sin nuamte adingin omna,
khawlna kivaihawm sak ding hi. T. Brother; Home Sweet
Home, Kalaymyo. Ph:073-22622, 21842.
Cope topa ading la:
1. (a) Tung Pasian in Zogam hong don e, Sianmang
tong sang, (Cope) topa nga bang hong leng e.
(b) Lenna tual niam ei mau Tiddim gam, Piangsak
Sianmin, i lawh theihna maw, Cope topa hi e.
2. (a) A B C D i sim theihna, Sianmang tong sang, Cope
topa gel siam e sian aw.
(b) Na gel siamna E F G, Sianmang tong ciam i sut
theihna, H I hi e.
3. (a) Zun ding Zolai kum (100) hong cing, Piangsak
sianmang phat dih ve ni e.
(b) Sian hawm siam a, Zogam lam sang, pahtawi
ciat leng, Cope topa pahtawi ciat leng e.
S.K Langh Do Khup, Tahan
Sian anglai ah
Dr. J.H. Cope
by : Sya Evan. Do Khup
DVD pen CCJ pawipi ni, 25 Nov, 2010 ni in
pawipi phual (Tedim) ah kihawmkhia ta ding hi.
ZODi Computer
Yuzana St., Tahan Bazaar. Ph: 073-21205, 0947072705
MP3, MP4 & Mobile Phone rsm;twGuf Solar Charger &Ekid yf gNy/D
rD;tm;pm;oufom pGrf;aqmif&nfjrifU Foxconn NetBox nt510 uGeyf sLwm &Ekid yf gNy/D
pmtkyfzkH;? jyu©'def? ykdpwmrsm;ukd tptqkH; aqmif&Gufay;ygonf/
Epson & Canon Inkjet Color Printer rsm; jyKjyifygonf/
Endik Pawl R Tongsan Group
DTP & Printing R HOSANNA Computer Enterprise