MGA GABAY SA PAGBASA AT PAGSUSURI NG MGA TEKSTO SA IBA’T IBANG DISIPLINA
Unang Hakbang: Suriin ang teksto sa kabuuan nito.
1. Sino ang sumulat ng teksto?
Ang pahayagang Pilipino Star Ngayon ang may akda ng teksto. 2. Sino ang mga target na mambabasa ang nais kausapin ng teksto? Ang mga nais kausapin ng teksto ay an gating gobyerno at mga mag-asawang may balak magkaroon ng mga anak. 3. Tungkol saan ang artikulo? Ang artikulo ay tungkol sa mabilis ng paglobo ng populasyon sa ating bansa sa loob lamang ng napakaikling panahon. Ito ay isang malaking suliranin na kinakaharap ng ating bansa na kung magpapatuloy ay parami nang parami ang makararanas ng kahirapan at pagkagutom. Ipinapahayag ng may- akda sa mga mambabasa ang kahalagahan ng pagpapaplano ng isang pamilya. 4. Anu-anong mga babasahin ang ginamit na sanggunian? Ginamit ng may-akda ang sangguniang nagpapahayag na sa loob lamang ng apat na buwan na nasa puwesto si Presidente Noynoy Aquino, 600,000 na sanggol ang ipinanganak. Ito raw ang itinuturing na pinakamabilis na pagdami ng populasyon sa Southeast Asia. Sa kasalukuyan, nasa 94 na milyon na ang populasyon ng Pilipinas. Ayon sa sangguniang ginamit baka umabot sa 94.6 milyon ang populasyon ng bansa sa Disyembre 2010.
Ikalawang Hakbang: Tukuyin ang Pangkalahatang Layunin at Estruktura ng Teksto
1. Ano ang pangunahing kaisipan na nais ilahad ng may-akda?
Kung magpapatuloy ang mabilis na pagdami ng populasyon sa loob ng maikling panahon, tiyak na parami rin nang parami ang makararanas ng kahirapan at pagkagutom. Mahihirapan rin ang ating bansa na sugpuin ang suliranin ng kahirapan. 2. Anu-ano ang mga katibayang ginamit ng may-akda? Sa loob lamang ng apat na buwan na nasa puwesto si Presidente Noynoy Aquino, 600,000 na sanggol ang ipinanganak. Ito raw ang itinuturing na pinakamabilis na pagdami ng populasyon sa Southeast Asia. Sa kasalukuyan, nasa 94 na milyon na ang populasyon ng Pilipinas. May nagsabi na baka umabot sa 94.6 milyon ang populasyon ng bansa sa Disyembre 2010. Ito ang mga katibayang ginamit ng may-akda na nagpapatunay na mabilis ang paglobo n gating populasyon sa maikling panahon lamang. 3. Anu-ano ang mga limitasyong inilatag ng may-akda tungkol sa teksto? Hindi na idinetalye ng may-akda ang tungkol sa hindi pagsasang-ayon ng simbahan sa paggamit ng contraceptives. 4. Ano ang pananaw ng may-akda? Naniniwala ang may-akda na panahon na para maipaunawa sa mamamayan ang kahalagahan ng family planning at papiliin ng kanilang gagamiting paraan upang mapigilan ang pagbubuntis. Walang ibang apektado sa pagdami ng populasyon kundi ang mamamayan na rin. Kapag dumami nang dumami, patuloy ang paghihirap.
Ikatlong Hakbang: Basahing muli ang artikulo, ngunit sa pagkakataong ito ay pagtuunan ng pansin ang paraan ng pagsulat at presentasyon.
1. Paano sinabi ng may akda ang artikulo?
Hinihikayat ng may-akda ang mambabasa na pahalagahan ang pagplano ng pamilya. Hinihikayat din ang gobyerno na isakatuparan ang population management.
Sa pamamagitan ng mga katibayang napakabilis dumami nating mga Pilipino sa loob ng
napakaikling panahon ayon sa may-akda masusukat ang katatagan at katotohanan ng pahayag ng teksto.
Ikaapat na Hakbang: Kritisismo at Ebalwasyon ng Teksto
1. Buo ba ang artikulo?
Bilang isang editorial, sa aking opinyon ito’y buo sa kadahilanang inilalarawan nito ang isang suliranin at ang mga solusyon sa suliraning ito.May importanteng mensahe rin itong nais ipahatid sa mga mambabasa.
2. May katuturan at kabuluhan ba ito?
Ito ay may katuturan at kabuluhan dahil ipinapabatid nito sa mga mambabasa ang kahalagahan ng pagpaplano ng isang pamilyang may bilang ng mga anak na kaya lamang nilang arugain gayundin ang mga suliraning hatid kung ito’y ipagwawalang bahala.
3. Ano ang pangunahing kahulugan at katuturan ng akda sa disiplinang kinabibilangan nito?
Ang pangunahing kahulugan at katuturan ng akda ay ipinapabatid nito sa mga mambabasa ang kahalagahan ng pagpaplano ng isang pamilyang may bilang ng mga anak na kaya lamang nilang arugain gayundin ang mga suliraning hatid kung ito’y ipagwawalang bahala.
4. Malinaw ba ang organisasyon?
Malinaw ang organisasyon ng artikulo dahil sa unang bahagi ng artikulo ay inilarawan ang masamang epekto ng isang napakalaking populasyon at sa ikalawang bahagi naman ang mga maaaring solusyon sa suliranin.