Professional Documents
Culture Documents
Receitas PDF
Receitas PDF
Atención ao postre que a familia de Julián nos propón para cando esteamos aburridos....e
teñamos fame, claro!!
É tal sinxelo de facer que pensamos que ata nós mesmos o poderiamos intentar. Cando
provedes avisade e se iso... traede un cachiño!!!!
Grazas por esta sobremesa tan fresca que despois dos enchentes que nos soemos pegar nestas
datas, algo lixeiro seguro que nos senta ás mil marabillas.
- marmelada
– leite
– flan en sobre
Cóllese o leite e ponse nunha tarteira. Cando estea quente, vótaselle o flan. Cando estea todo
ben misturado bótase a mistura nun molde.
Ponse o resultado na neveira ata que se poña ben frío (arredor de cinco horas) e só despois se
lle bota a marmelada do sabor que se queira. Isto farase cunha culler e con moito tino. Ao final
ponse o resultado de novo na neveira a que arrefríe de novo e xa está listo para ser engulido.
Que raros e raras somos ás veces que comezamos polo postre para pasar agora ó prato
principal.
Este vén da man da nai de David (aínda que non vale de todo porque realmente quen a prepara
sempre na casa é o pai...). Segundo o propio David, do que sabemos que ten moi bo criterio
culinario, este polo está exquisito e alucinadamente bo. Así que preparádevos para chuparvos os
dedos con esta delicia.
POLO Á PEPITORIA
ingredientes:
– polo
– fariña
– allo
– perexil
– sal
– unha cebola
– un porro
– un tomate
– un sobre de améndoas picadas
– piñóns
– un vaso de viño branco
– tres ovos cocidos
– caldo limpo
– aceite de oliva.
Picamos o polo e adobámolo co allo, o perexil e o allo machucado. Pasámolo pola fariña e
dourámolo nunha cazola. Retirámolo e reservámolo.
No mesmo aceite botamos a cebola, o tomate e o porro ben picado. Cando estea ben
repochado, engadímoslle o polo, as améndoas e po piñóns, o caldo, o viño branco e o ovo picado.
Deixamos que se remate de facer todo xunto e para a mesa!!
Como vamos aos revés e xa que comezamos co postre e logo propuxemos o prato principal,
seguimos coa orde descolocada e explicámosvos agora como se prepara o entrante.
Co frío destes días, seguro que non lle dicides que non a unha sopa ben quente, a que non?
Pois non vos dicimos nada, se ademais a facemos de marisco (e de mariscos sabemos un lote
os de Marín e arredores...)
A receita tróuxoa Carlos que a viu anotada pola súa casa e que nos recomenda porque segundo
o seu pai.... está de morte.
Adiante pois (aínda que con esta, igual precisamos un chisco de axuda. Avisamos!!)
SOPA DE MARISCO.
ingredientes:
Esta sopa faise cando cocemos algún marisco sexa do tipo que sexa. Cólase a auga e resérvase
para facer a sopa. Déixanse tamén unhas patacas ou unhas ameixas, o que se queira, para poder
esnaquizalo e engadirllo ao caldo.