eta guk, irribarrea ahoan bentako arrosa eta krabelinetan ibiliko hintzela esan zioagu
Haltzak ez dik bihotzik
ez gaztanberak hezurrik ez zian inork uste hegorik gabe egan egin zitekeenik
Sagar gorriak dilindan
zozo beltz bat kantuan hator berriro gure artera amets zaharrak berritzera
Izarren hautsa egun batean
bilakatu zuan bizigai orduz gero gabiltzak tematuta humanoen mundua humanoago egin guran
Eguzkiak urtzen ditik goian
inurri baten galderak Txepetxen liburuaren aurrean lurralderik gabe eta hizkuntzarik gabe ez garela gu izango ulertzetik sentitzera ez ote eman beharreko pausoa? Ez naik izutzen negu hurbilak ilun betezko ortzemugan garelako ari emeki ehuntzen euskaratik eta euskaraz amets txikien oihala gu sortu gintuan enbor beretik, Mikel sortuko dituk besteak.
eta horrela ABtik BAra ibilbidean
goazak aurrera eta amodioa eta elkartasuna eta ametsak eta ilusioa sortuz ta sortuz geure izena izanari ongi errotuz.