aadityahR^idayam.

h
tato yuddhaparishraantaM samare chintayaa sthitam.h |
raavaNaM chaagrato dR^ishhTvaa yuddhaaya samupasthitam.h || 1 ||

daivataishcha samaagamya drashhTumabhyaagato raNam.h |

upagamyaabraviidraamamagastyo bhagavaanR^ishhiH || 2 ||

raama raama mahaabaaho shR^iNu guhyaM sanaatanam.h |

yena sarvaanariinvatsa samare vijayishhyasi || 3 ||

aadityahR^idayaM puNyaM sarvashatruvinaashanam.h |

jayaavahaM japennityamakshayyaM paramaM shubham.h || 4 ||

sarvamaN^gaLamaaN^galyaM sarvapaapapraNaashanam.h |
chintaashoka prashamanamaayurvardhanamuttamam.h || 5 ||

rashmimantaM samudyantaM devaasura namaskR^itam.h |

puujayasva vivasvantaM bhaaskaraM bhuvaneshvaram.h || 6 ||

sarvadevaatmako hyeshha tejasvii rashmibhaavanaH |

yeshha devaasuragaNaan.h lokaan.h paati gabhastibhiH || 7 ||

yeshha bhrahmaa cha vishhNushcha shivaH skandaH prajaapatiH |

mahendro dhanadaH kaalo yamaH somohyaapaaMpatiH || 8 ||

pitaro vasavaHsaadhyaa hyashvinau maruto manuH |

vaayurvahniH prajaapraaNa R^itukartaa prabhaakaraH || 9 ||

aadityaH savitaa suuryaH khagaH puushhaa gabhastimaan.h |

suvarNasadR^isho bhaanuH svarNaretaa divaakaraH || 10 ||

haridashvaH sahasraarchiH saptasaptirmariichimaan.h |

timironmathanaH shambhustvashhTaa maartaaNDa aMshumaan.h ||
11 ||

hiraNyagarbhaH shishirastapano bhaaskaro raviH |

agnigarbho.aditeH putraH shaN^khaH shishiranaashanaH || 12 ||

vyomanaathastamobhedii R^igyajussaamapaaragaH |
ghanavR^ishhTirapaaM mitro vindhyaviithiiplavaN^gamaH || 13 ||

aatapii maNDalii mR^ityuH piN^galaH sarvataapanaH |

kavirvishvo mahaatejaa raktaH sarvabhavodbhavaH || 14 ||
nakshatra grahataaraaNaamadhipo vishvabhaavanaH |
tejasaamapi tejasvii dvaadashaatmannamo.astute || 15 ||

namaH puurvaaya giraye pashchimaayaadraye namaH |

jyotirgaNaanaaM pataye dinaadhipataye namaH || 16 ||

jayaaya jayabhadraaya haryashvaaya namo namaH |

namo namaH sahasraaMsho aadityaaya namo namaH || 17 ||

nama ugraaya viiraaya saaraN^gaaya namo namaH |

namaH padmaprabodhaaya maartaaNDaaya namo namaH || 18 ||

brahmeshaanaachyuteshaaya suuryaayaadityavarchase |
bhaasvate sarvabhakshaaya raudraaya vapushhe namaH || 19 ||

tamoghnaaya himaghnaaya shatrughnaayaamitaatmane |

kR^itaghnaghnaaya devaaya jyotishhaaM pataye namaH || 20 ||

taptachaamiikaraabhaaya vahnaye vishvakarmaNe |

namastamo.abhinighnaaya ruchaye lokasaakshiNe || 21 ||

naashayatyeshha vai bhuutaM tadeva sR^ijati prabhuH |

paayatyeshha tapatyeshha varshhatyeshha gabhastibhiH || 22 ||

eshha supteshhu jaagarti bhuuteshhu parinishhThitaH |

eshha evaagnihotraJNcha phalaJNchaivaagnihotriNaam.h || 23 ||

vedaashcha kratavashchaiva kratuunaaM phalameva cha |

yaani kR^ityaani lokeshhu sarva eshha raviH prabhuH || 24 ||

phalashrutiH
enamaapatsu kR^ichchhreshhu kaantaareshhubhayeshhucha |
kiirtayan.h purushhaH kashchinnaavasiidati raaghava || 25 ||

puujayasvainamekaagro devadevaM jagatpatim.h |

etat.h triguNitaM japtvaa yuddheshhu vijayishhyasi || 26 ||

asmin.h kshaNe mahaabaaho raavaNaM tvaM vadhishhyasi |

evamuktvaa tadaa.agastyo jagaama cha yathaagatam.h || 27 ||

etachchhrutvaa mahaatejaa nashhTashoko.abhavattadaa |

dhaarayaamaasa supriito raaghavaH prayataatmavaan.h || 28 ||
aadityaM prekshya japtvaa tu paraM harshhamavaaptavaan.h |
triraachamya shuchirbhuutvaa dhanuraadaaya viiryavaan.h || 29 ||

raavaNaM prekshya hR^ishhTaatmaa yuddhaaya samupaagamat.h |

sarvayatnena mahataa vadhe tasya dhR^ito.abhavat.h || 30 ||

atha raviravadanniriikshya raamaM

muditamanaaH paramaM prahR^ishhyamaaNaH |

nishicharapatisaMkshayaM viditvaa
suragaNamadhyagato vachastvareti || 31 ||