BMA AW An Official Organ of The Bangalore Mizo Association
Registered Under Societies Act of Karnataka No. BLU-S188-2007-08 Date 7 May 2007
Vol. XVI Issue No.39 Bangalore Mizo Association Pathianni Tin Chhuak Chanchinbu Date: 26th December 2010 Phek Khatna
Tleirawl Nge Rawlthar?... p-2
Urlawk Zan A Nuam … p-3
Kumthar Atana Ruahmanna
Siam Tih Puitlin Dan… p-4
Fimkhur Tura Ngenna… p-4
TUALCHHUNG
&& Dr. AIT a Engineer zirlai kan
member final year te chuan an
exam an zo ta hlawm. UVCE te
pawhin January hian exam an nei
ang.
&& Nl. B. Lalthakimi, kan
Executive Committee member
pawh hun rei tak Zoram lama a
haw hnuin 22nd December khan
Bangalore a lo thleng leh ta.
&& BMCF chuan December ni 24
zan dar 8pm ah Urlawk Zan
hlimawm tak kan hmanga, Krismas
Ni pawh nilengin Tagore Hall,
UTC ah nuam taka hman a ni.
&& Urlawk Zan dar 1 vel khan
News9 channel chuan BMCF
Zaipawl ten a Bishop School
Krismas programme siam a an zai
lai an rawn tichhuak.
BMCF INKHAWM
st
1 January 2011, 5:00pm
Hruaitu: Dr. Lalrinawmi Ralte
Special No.: Hranghlui Zaipawl
Thusawitu: Rev. C. Lalmuankima
Inkhawm banah Kum Thar Ruai
tui tak (Biryani nilo) eiho tur a ni.
A VA LAWMAWM EM!
- C. Vanlaldika, President BMA
Beisei leh ringhlel chung chungin, mahni (BMA) insitna nen, kan
chakna leh thiltihtheihna Pathian hnena tawngtai zelin, Mizoram
Sawrkar chuan Bangalore-ah Mizoram House din a lo rem ti ve ta a.
In luahhawh nan Agreement hial min lo signed sak ta a. Kan Liaison
Officer tur Pu Ajay Kumar pawhin official ni lem lo chuan min rawn
tlawhin a hmun ngeiah House pawh min hmuhpui tawh bawk.
Bangalore-a Mizote bakah Mizoram lam atanga khualzin mite kan
lawm tlang hlein kan hria a. Pathian leh Mizoram Sawrkar hnenah
lawmthu kan sawi hmasa duh phawt a ni. Pathian leh Mizoram
Sawrkar bakah, Bangalore-ah Mizoram House a awm ve theihna tura
tha-leh-zung, hun leh rilru thahnemngai taka lo seng ve thinte leh
tawngtaia Pathian hnena min hlansak thintute hnenah pawh BMA
aiawhin lawmthu ka sawi tak meuh a ni.
Bangalore Mizoram House hi tun hnai maia Mizote rilrua awm a ni
lova, Mizoram House atana Lungphum a nih dawn lai atang daih
tawh khan he House hi Bangalore-a Mizote’n nghakhlel taka kan thlir
reng thin kha a ni a. Pathian hun ruat alo la thlen loh deuh avangin a
puitling chho ta lo mai kha a ni a. A tih ngaihna leh tan lak ngaihna
kan hriat tawh loh hnuah kum 2009 February thlaah khan, khatih laia
kan BMA hruatute’n an thar thawh leh a nih kha kan la hre reng awm
e. Chung lungphum hun lai leh a hnua Mizoram House Project
tharthawh lehtu, BMA hruaitute hnenah pawh lawmthu kan sawi
bawk a ni. Hun kal tawh zawng zawnga bul an lo tan hi kan fak a, kan
ngai hlu bawk a ni. He Mizoram House hi kan zavaia tanlak leh
thahnemngaihna kal tlanga Pathian leh Mizoram Sawrkar min pek a
ni tih hi phat rual a ni lo. Kan Patron leh Kan Senior Advisor-te’n min
back-up tha hle bawk a, “Tan rual hi chakna” zawng a lo ni ngei mai.
Thlarau Thianghlim nen erawh i tang rual zel ang u.
“He House chungchangah hian Bangalore Mizote zing atang chuan
mimal tumah langsarin ‘Credit’ hlawh lo hram ila,” kan tih tawh kha.
Tin, Bangalore Mizoram House avang hian tu hming mahin
‘Discredit’ pawh tuma hnenah kan pe tur a ni lo bawk ang. Credit kan
pe dawn vek a nih pawhin “BMA tih a ni” tih hi a tawk mai e. Kan lo
ti sual palh anih pawhin BMA tih sual palh a ni ang. BMA
hmingthatna hliah zawnga chet chu kan duh lo thin a nih kha.
Bangalore Mizoram House hi BMA hruaitute inelna leh intlansiakna a
ni lova, India ram khawpui danga Mizoram House awm tawhte kan
elna leh thikna pawh a ni bawk hek lova, Mizote tan eng emaw ti tala
a lo tangkai theih nana kan mamawh phuhrukna tur a tana rilru leh tha
kan zavaia kan senna a ni tih i hre reng bawk ang u.
 Vol. XVI Issue No.39 Bangalore Mizo Association
Editor
Mâdawnga Hauhnâr
Phone: +91 98865 27194
Joint Editors
Lalremruati Rokhum
Samuel Buatsaiha
Contributors
Nancy L. Sailo
Rev. LH Rawsea
Circulation Managers
Jenny Vanlalpari
Bethel Pautu
BMA AW lak man:
Thla khat - Rs.20
Thla thum - Rs.50
Thla ruk - Rs.90
Thla sawmpahnih - Rs.180
E-mail: bmanews@gmail.com
Website: www.bangaloremizo.info
I mobile-ah khan JOIN BloreMizo tih type
la, 567678 ah thawn rawh. Bangalore
Mizote tana Hriattirna leh thutharte ilo
dawng thin dawn nia.
Editorial
Kum khata Kristian tena kan hun
nghahhlelh leh kan hun ropui
Krismas chu kan lo hmang zo leh
ta reng mai. Bangalore Mizoten
hlim takin kan hmanga, member
tam tak he hun lawm tura kan
kalkhawm kha a va ropui em! Kan
thuchah ngaihthlak tha tak tak te
kha kan thinlungah cham reng
sela, kumthar lo awm turah hian
min kaihruaitu atan hmang theuh
ila a tha hle ang. Mihringte chhiar
danah chuan kum hlui 2010 chu a
lo ral dawn ta. Kum 2010 chhung a
kan thil tih diklo leh thalo laite en
letin, thil tam tak i zir tlang ang u.
Kum 2011 atan engtin nge kan
inbuatsaih ang... enge kan
chhungkua emaw, mimalin emaw
hmachhawp tur kan neih? Kum
2011 ah chuan rilru tharin,
awmdan thalo te simin, hun kal
tawh a kan tihsual tawhte atanga
zirin, hmachhawp i siam theuh ang
u. Tum mumal neilo a kal chu
thildik a nilo ang, lawng khalhna
neilo, tui fawn kara leng vel mai
mai ang kan ni mai dawn a ni.
Kum hlui lam aiin tisa lam niloin
Thlarau lam leh Pathian kan
RINNA kawngah hmasawn i tum
teh ang u.
Pathianni Tin Chhuak Chanchinbu Date: 26th December 2010 Phek Hnihna
Amaherawh chu, kumin kum tir lama kan sawi tawh thin ang khan,‘In
luah hawh’ ringawt chu kan tawpna tur a ni lo tih hre tlang ila.
Engtikah emaw Pathianin rem a tih chuan a hmun nghet, keimahni
House ngei tur pawh kan la dil leh mai ang a, a hlawhtling leh mai
bawk ang. Kan zawmpui bul hi Lalpa a nih miau avangin kan dil
hlawhtling leh mai ang tih i ring tlat bawk ang u.
Sawi teuh ka va han chak tak em! Lehkhabu pawh mi thahnemngaite
kal tlangin Lalpa’n min pe leh tep tawh bawk! Kum thar, 2011 chu
“Zoram thar a awm theih dawn leh dawn loh” hre turin lo inbuatsaih
leh phawt mai ang. Lalpa lo langsar ber sela, BMA dam reng rawh
se! Hip, Hip, Hurray!
------------------------------------------------------------------------------------
Article
TLEIRAWL NGE RAWLTHAR?
- K. Remruatfela, K.L.E. Law College
BMA Aw ni 5th Dec. `10 Vol. XVI Issue No. 36 na, phek 7-na Mizo
tawng upa thenkhatte tiha, No.2&3 ah khan ‘Tleirawl’ chu hmeichhe
sawina niin. ‘Rawlthar’ tih chu mipa sawina a ni a. Hei hi tunlai
thangtharten kan hmang sual nasa tawh hle a ni’ tih thu a lo inziak a.
Keima mimal lo hriat ve dan nena inkalh deuh hleka ka hriat vangin,
enge dik zawk tih hre turin ka theih ang angin information ka hmuh
theihna tur zawng zawng - ka pa, ka lehkhabu, ka file leh internet ah
te ka zawng kualin, ka theih ang tawk tawkin ka chhui tan nghal a.
Chuta atanga ka hriatfiah dan ang ang chu Mizo tawnga hma kan
sawn nan leh upa zawkte cho chhuah hrim hrim nan a tlangpui ka`n
phochhuak ve reng reng ang e.
Mizo tawng hi tawng mak leh dangdai ang reng tak a ni a. Awl tea
lang si har zet mai niin, hmangtu tlem si ah chuan tawng hausa tak a
ni bawk a. ‘Chumi chu chuti zawk tur chu a ni’ tia, gramatical emaw
tun dinhmun nena her rem atana itawm em em, mahse pi pute lo
hman than dan ni hauh si lo tam tak a awm nuk mai. Entirnan: kan
tawng upaa ‘thu haw lam kal lam’ kan tih te pawh hi, chik taka
grammer nena chhut chuan ‘thu kal lam haw lam’ ti awm zawk tak
pawh a ni a, a chhan chu thil tih reng rengah kan kal phawt loh chuan
haw tur kan awm dawn si lova. Mahse, ‘hawlam’ tih tawngkam pi leh
puten an lo hmang hmasa tlat hi thil mak tak zawng a ni. BMA AW
veka “Hmeichhia aiah Minu maw?” tih thupui hmanga kan pi leh
puten female koh nana Minu tih aia hmeichhia an rawn hmang tlat hi
chhan tha tak a awm vangah i ngai mai ang u tia ka rawn tlip tawh
ang deuh khan, ‘Rawlthar’ – Masculine gender, ‘Tleirawl’ –
Feminine gender ni thei tura grammery a inmil tak tur, hetia an lo
then hrang mang hauh lo pawh hi chhan tha tak a awm vang a nih leh
ngei ka ring.
‘Rawlthar’ tih chu mipa, ‘tleirawl’ chu hmeichhe sawina a ni tih hi Pu
James Dokhuma tawngkam seprawtui thiam velin a then hran chawp
chauh ni mai hian a hriat a. A chhan chu upa zawkte leh hranghlui hre
tur awm nia ngaihte reng rengin chutiang chuan an thliar hrang ngai
reng reng lo a ni.
 Vol. XVI Issue No.39 Bangalore Mizo Association Pathianni Tin Chhuak Chanchinbu Date: 26th December 2010 Phek Thumna
Hman kum Synod ina Tleirawl inkhawm tih hming
an puttir khan mipa thenkhat kal tim phah an awm
nia sawi thin a ni a. Zoram pum titi a tling hial a nih
kha. Amaherawhchu, Tleirawl tih hian hmeichhia
leh mipa a thliar hrang chuang reng reng lova,
naupang ni tawh chiah si lo; mahse nulat-tlangval la
hre pha tak tak si lo, mipa emaw hmeichhia emaw te
hi a huam tel vek a ni. Chutih lai chuan Rawlthar tih
hi chu mipa chauh sawina a ni a, mipa naupang
tlangval hre tan aw pawr tantir sawina niin “Rawl”
tih pawh hi Pi Lalsangzuali hla “A tur a na” tih
thunawn tlar hnih naa “Rawl” tih kan lam sang anga
lam tur a ni tih hi chu a pawmawm hlein ka hria.
Mahse, hei pawh hi tawngkam chher thar deuh chu
niin a lang.
Mizo tawng sawi kai takah chuan “Vawiin” tih mai
tura “Vawiin ni” tih kan hmang tal te leh kan
tawngkauchheh reng renga “na” tih kan telh tam
lutuk thin te hi mahni tawkah ka lo vei ve em em
thin a. Thusawitute hian zotawng dik an hmang em
tihte hi ngun takin ka lo chik ve mai mai thin a, a
tlangpuia thlirin thusawina reng rengah zotawng dik
kan mausam deuh mah mahin a hriat. Zofate`n he
kan tawng neihchhun hi kan tih dazat mai loh nan
“Tleirawl nge Rawlthar” tih chungchang te, “Minu
nge hmeichhia” tih te leh zotawng dik hrim hrim te
hi a tawng bula chhui chhovin Bangalore Mizote
hian seminar neih te hi i rawt hlawm teh ang u a, a
tihchi viau lo maw???
---------------------------------------------------------------
Thufing Dangte
% Lungngaiin kun mai suh, vawiin lo
pawh hi ni dang a la rawn chhuak
dawn si a.
Bangalore Mizo
Birthday Chibai (26th Dec. – 1st January ‘11)
27th December: Blessy Sailo
28th December: Mami Khawlhring
30th December: John Darlong
---------------------------------------------------------------
BMCF in Kumthar a Lawm Dan tur
Kumthar Ni 1st January (Inrinni) tlai dar 5pm ah
Tagore Hall, UTC ah Inkhawm hun hman a ni anga.
Inkhawm banah zanriah ropui tak buatsaih a ni ang.
Christmas leh Kum Thar committee lam pawh an
tang hle a, ruai tui tak buatsaih a ni dawn a ni. Mizo
zawng zawngte lo tel turin kan in ngen a. Hlim takin
he kumthar hi kan lawm dawn a ni. Inkhawm dan
tur kimchang chu phek khatnaah tarlan a ni.
BANGALORE MIZOTE URLAWK ZAN
A NUAM
BMA News Network
Ulawk zan a hit, ei leh in a tui a, thlarau lam thupui a
ngaihnawm bawk si. Hei lo liama Krismas! Adik tak
chuan kan thianten min hawsan, khawharin Bangalore
kan nghak a, Krismas hman nawm loh kan hlau ru deuh
hlawm a ni. BNN ngei pawh kan tang a, December thla
tir atangin Krismas lam kan hawi. Krismas muanawm
takin kan hmang zo thei, Bangalore Mizo nih a nuam a,
Kristian nih a vanneih thlak.
Urlawk zan hi chu a special em avangin nuam taka
hman kan duh, kan zauthau thin. Urlawk zan chu a lo
thleng ta ngei a. Pawn lamah naupangin tual an chai a,
chhung lamah nula leh tlangval an inthut pawlh chiat a, a
mawi tawkin nu leh pa ten pawlh pheuh pheuh bawk a.
Thuchah tawi sawitu Rev. H. Lalthlamuan’an Krismas
thuchah laimu a hai hawng a, Krismas chu
“inngaihdamna leh inremna” a nihzia fiah takin a tar
lang. “Ran thlenga a lo mutna leh krawsa a thihna hian
Pathian thinurzia a lantir ... mahse kan sual nasa tak
avanga lungawi lo Pathian chuan a Fapaah min lo
ngaidam ta” tiin a sawi. Hemi zana solo Nl. Rempuii
Khiangte chuan a aw sang, tliang nalh takin Broken
Hallelujah tih teh Rose of Bethlehem tih hlain min awi.
“AW Lalpa I hlu Ber” tih hla larpuitu, Dawrpui nula,
tuna Kormangala-a khawsa hi Glorious Choir member
tanglai a ni, a aw control mawi tak mai chu a la
theihnghilh lo tih kan hmu.
2010 Urlawk Zan kan sawi apianga kan sawi fo tur
chu Skit pahnih kha, lemchan inang lo, inrem chiah
bawk si kha! Area I-te lemchanah rambuai hma, krismas
kan hmu a, Area III ten contemporary krismas an lantir
thung. Rambuai hmaah chuan – “ruai” chu krismas laimu
a nihzia a lang a, engkim chu Kohhran thlazar hnuaiah a
awm. Kohhranah “inlungrual lohna” virus chuan krismas
programme a chawk buai a, Thlarau thiltihtheihna
hmangin zaikhawmnaah chin fel a ni. Contemporary
krismas-ah chuan thalaite “nun ruak ziain” krismas a
hliah a; mobile, internet, mall, leh gay ten hmun a chang
thung. Area I ten kohhrana rawngbawltuten ego insual an
tarlang a, Area II ten rawngbawltu inthlahdah vanga
rawngbawlna dang lo chhuah thu an lantir. Sawi tur a
tam, ngaihtuah zui zel ila ...
UVCE (Area I tho) zaipawl pawh kan hmu. Tlangval
hlang an ni. An hla rawn dinpui, common lo tak kha sak
chhunzawm zel nise chuan a lar phian thei ang.
Refreshment lam buaipuitute pawhin fak an phu e.
Minute 15 chhung lekin buai hauh lovin mi za rualin
thingpui kan in fel hman. A tuk Krismas ruaia thlak tur
Antam no tak an rawn advertise tel bawk. Urlawk Zan
programme hlu tak hlawhtlin nana rim taka thawk Tv.
Madawnga Hauhnar leh Tv. David Lalmalsawma te
pahnih an fakawm, an talent leh an thawhrimna Lalpan a
hria e. 2010 Krismas chu a lo liam leh ta! Bangalore-ah
hian Krismas kan hmang ho leh thei ang em?
Vol. XVI Issue No.39 Bangalore Mizo Association Pathianni Tin Chhuak Chanchinbu Date: 26th December 2010 Phek Li na

Kumthar Atana I Ruahmanna

Siam Tihpuitlin Dan Fimkhur Rawh Aw!
Party naah kal i tum a nih chuan fimkhur
Kum 2011 atana i thil tum chu sim chi emaw, hle ang che. I thil ei leh in tur reng reng,
tih tawhloh chi emaw, nghei chi emaw, a nangmah ngeiin lei la, eiin in ang che.
engapawh nise, siamthat duhna kawngah mi tam Damdawi hlauhawm tak mai ‘Ketamine
takin an lo tih tawh atang hian a inzir theih a ni. Hydrochloride’ (aka date-rape drug) an tih
1. Intihder/inbum suh: Heroin ngawlvei nasa chu a hluar hle a. Miin vawikhat a ei tawh
tawh tak Haword Josepher chuan heti hian a ti, chuan nikhaw hre lovin a awm a, pawngsual
‘I dikin i rinawm tur a ni’. Mahni hlimna leh suam a tawk thin, a hriatrengna pawh a
ringawt leh mahni rilru leh taksa intihdamna i hlauh nghal bawk. Hetiang tawngpalh lo
hre hrang tur a ni. Ni khata chhang pakhat ei tur tura fimkhur turin Mizo thalaite kan inngen
in chhang pahnih i ei chuan mahni i inbum mai a ni.
a ni. I tana tawk i hre chiang tur a ni. I thiltihah I INCHHIR HMAIN, FIMKHUR HLE
nangmah ngei kha mawhphurtu i ni tlat. ANG CHE.
Ranvulh leh ramsa te takngial pawh hian ei leh
in thuah chuan an tana tha tur leh tur lo chu an Nuam leh hlimawm emaw kan tih hian
hre hrang tlat a sin. kan damchhung nun a tichhe thei.
2. Tihtawp thut a tha lo: Han sawi mai chuan
tihtawp thut ang chi hi that hmel riauna a awm
ve a, mahse a nilo. A harsa a, chu chuan RAVE UP
hlawtlinna a thlen thin lo. Thla khat chhunga i (7th Block, Koramangala)
sim theihloh chuan i inngaihtuah a, chu chuan Pheikhawk, Bag, Kekawr chi hrang hrang, tha
theilo tura in ngaihna a pe ang che. I hlawhtling leh mawi tak tak, tlawm takin kan pe thei reng e.
lo ang. I thiltih sim i tum chu zawi zawi a tih Contact: +91 96322 29665
tlem a, a aia thiltha ti a i hun i hnawhkhah tam a
pawimawh hle a ni. Mahni i inzilhhau fo a tul.
3. Chik taka Inngaihtuahna Hun hmang thin INFIAMNA
rawh: Mahni hi kan hlu a, thil tha ti tura siam English Premier League:
kan nih angin mahni kan in enchian a, Zanina Inkhel turte:
inngaihtuahna hun kan hman thin a tha. Thil tih Fulhum vs West Ham 05:25pm ESPN
chakna leh tihhlawhtlinna inkar tak maiah hian Man United vs Sunderland 08:25pm ESPN
hmun awl a awm a, chu lai tak mai chu chhanna Blackpool vs Liverpool 08:25pm Star
kan pek nana thiltihtheihna leh duhthlanna kan Bolton vs WBA 11:00pm Star
neih lai hun pawimawh tak a ni a, chu kan Aston Villa vs Tottenham 10:55pm ESPN
chhanna chuan kan than lenna leh zalenna min Thawhlehni 28th December 2010
pe thei. Thu tih tluk dan tur chu hre reng dawn Arsenal vs Chelsea 01:00am ESPN
nia. Man City vs Aston Villa 08:25pm ESPN
4. Mahni in hrem suh: Inhrem hian mi a siam English Premier League point dinhmun:
tha ber kher lo a. A tha ber chu i thil tih thatah (as on 26th December 2010, 08:00am)
khan lawmman inpe la. Gutkha emaw Sahdah Position Club Played GD Point
emaw i ngheina tur a nih chuan chewing gum te 1 Manchester United 16 +20 34
thial la, lehkhabu te leiin chhiar la. 2 Arsenal 17 +15 32
5. Hei hi a pawimawh: Thian tha tak kawm 3 Manchester City 17 +11 32
tum rawh. Thil tha i tih tumnaah chuan i bula 4 Chelsea 17 +19 31
awmte an pawimawh thin avangin thian tha 5 Tottenham 17 +3 27
bulah awm tam mai tur a ni. Thufing pakhat 6 Sunderland 18 +3 27
chuan heti hian a sawi, ‘Mi chu a thian kawm ah 7 Bolton 18 +5 26
a hriat’. Kan thiante hian nasa takin min hruai 8 Newcastle 17 +1 22
thain min hruai sual thei a ni. 9 Liverpool 17 -1 22
10 Blackpool 16 -5 22