POKUS NG PANDIWA

Pokus ang tawag sa relasyong pansemantika ng pandiwa sa simuno o paksa ng pangungusap. Naipapakita
ito sa pamamagitan ng taglay na panlapi ng pandiwa.

Narito ang mga pokus ng pandiwa:

. Pokus sa Pinaglalaanan - ang pinaglalaanan ng kilos ng pandiwa ang simuno sa pangungusap.

2. Pokus sa Ganapan - ang simuno ay ang pinangyarihan o pinangganapan ng kilos ng pandiwa.

3. Pokus sa Tagatanggap o Layon - ang tagatanggap o layon ng pandiwa ang siyang paksa o simuno.

4. Pokus sa Tagaganap o Aktor - Ang simuno ang gumaganap sa sinasabi ng pandiwa.

1.) Tagaganap o aktor - ang pandiwa ay nasa pokus sa tagaganap kapag ang paksa ng pangungusap ang
tagaganap ng kilos na isinasaad sa pandiwa.

Halimbawa: Nanguna si Richard Gordon sa pagsulong ng turismong bansa.

2.) Layon o Gol - ang pandiwa ay nasa pokus sa layon kung ang layon ay ang paksa o ang binibigyang-diin
sa pangungusap.

Halimbawa: Ginawa niya ang programang ito para sa ikakauunlad ng ating turismo.

3.) Ganapan o Lokatib - ang pandiwa ay nasa pokus sa ganapan kung ang paksa ay ang lugar o ganapan
ng kilos.

Halimbawa: Pinagdarausan ng buwang-buwang eksibit ang Intramuros, Manila.

4.) Tagatanggap o Benepaktib - ito naman ay tumutuon sa tao o bagay na nakikinabang sa resulta o kilos
na isinasaad ng pandiwa.

Halimbawa: Ipinaghanda niya ng masarap na kakanin ang mga panauhin.

5.) Gamit o Instrumental - ito ay tumutukoy sa kasangkapan o bagay na nakikinabang sa resulta ng kilos
o pandiwa na siyang paksa ng pangungusap.

Halimbawa: Ipinamili niya ang pera para sa eksibit.

6.) Sanhi o Kusatib - ang pandiwa ay nakapokus sa sanhi kung ang paksa ay nagpapahayag ng dahilan o
sanhi ng kilos.

Halimbawa: Ikinatuwa ng Pangulo ang katagumpayan ng programang WOW.

7.) Direksyunal - pinagtutuunan ng pandiwa ang direksyon o tinutungo ng kilos.

Halimbawa: Pasyalan natin ang WOW sa Intramuros.

ASPEKTO NG PANDIWA
Ang pandiwa ay nagbabanghay sa tatlong aspekto na tumutukoy sa panahong
ikinagaganap,
ikagaganap, o ikinaganap ng kilos.

1. Aspektong PERPEKTIBO o naganap – nagsasaad ng kilos na nasimulan na o ng

kalagayang nangyari na.
Halimbawa: Napanood ko ang pagsayaw ni Clare kanina.

2. Aspektong
IMPERPEKTIBO o nagaganap – nagsasaad ng kilos na ginagawa sa kasalukuyan o ng
kilos na palagiang ginagawa.
Halimbawa: Napapanood ko ang pagsasayaw ni Clare ngayon.

3. Aspektong KONTEMPLATIBO o magaganap- nagpapahayag

ng kilos na gagawin o mangyayai pa lamang.
Halimbawa: Mapapanood mo ang pagsasayaw ni Clare sa Linggo.