Distribution Gratis

An Official organ of Baptist Church of Mizoram : Central Church; Aizawl.

(Vol. No.XXI Issue No.17. AIZAWL BAPTIST TIMES : Pathianni 9th Jan; ‘2011 P-1)
Kumthar Thuchah :
KOHHRAN HMASAWN
Tunlai khawvelah hian Kohhran tam takin hma an sawn a, an thang lian a,
zau takin rawng an bawl mek a ni. Chutih lai chuan Kohhran thenkhat erawh chu
hmasawnlo va, kal ve hram hram an awm bawk a ni. Kohhran than chhan leh
than loh chhante hi kohhran pawn lam thil a nih fo laiin, kohhran chhunga thil
thleng vangte pawh a ni ve thei bawk a ni.
Kan Kohhran pawh hian heng
kawngahte hian hmasawn i tum
ang u:
(a) Pathian Biak Inkhawm
(Worship) : Tunhma deuh chuan Biak
In hi Pathian fak leh Chibai bukna hmun
a nih bakah chhungte leh thenrual tha
te inhmuh khawmna (social interaction)
hmun tha tak a ni. Tunah chuan
intihhlimna dang leh inhmuh khawmna
dang tam tak a awm ta a. Chuvangin
mi tam takin inkhawm hi kan
ngaipawimawh ta lo va, mahni awmna
hmuna Pathian thu ngaihthlak emaw
inkhawm lova awm mai mai emaw kan
thlang tan ta a ni.
Tunlai khawvelah mi tam takin
denomination hi an la thutak tawh lo
hle a, inkhawm boruak nuam leh nung
nia an hriat chu hla tak tak atang
pawhin an pan khawm mai a, kohhran
program aiin thil dang nuam leh
hlimawm zawk kan zawng ta ni berin a
lang. Kan ramah ngei pawh hian chu
chu a thleng ve mek a ni, (Vanapa Hall
leh Field) mual Inkhawm chi hrang
hrangah hian kohhran mipui tam tak
kan pungkhawm thin a, kan la pung zel
dawn ni pawhin a lang.
Hei hi Kohhran mipuiten kan
ngaihtuah chian a tul hle mai. Kan
kohhranin hma kan sawn theih nan,
Pathian Biak Inkhawm kan hman dan hi
kan thlak danglam ve hret hret a tulin ka
hria, mahse hetiang hian i ti ang u han tih
tur erawh chu ka nei chuang lo. Hemi
atan hian kohhran mipuiten rawtnate,
thurawnte, leh thil dang tha awma kan
hriatte pawh Kohhran Committee-ah
By: Rev. R. Lalrinmawia
kan thlen thei a ni. Mahni awm hmuna
lo phun vak vak leh lo sawisel vak vak
chin hi thil tha a ni lem lo.
Pathian Biak Inkhawm hi a
hlimawmin, kohhran mipuite tan a nuam
tur a ni a, mipui chanvo a tam tur a ni a,
kohhran mipuiten Pathian chibai kan
bukin, fakna leh chawimawina hun kan
hmang tur a ni. Tin, sermon sawitute
pawhin Kohhran mipuite mamawh kan
sawiin, kohhran hmasawnna turin
sermon kan sawi thin a pawimawh
bawk a ni.
(b) Thlarau bo man tam kawnga
hmasawn: Hmun dang atanga member
thar an lo pem pawhin thang ve tho mah
ila, kohhran thanna tak tak chu
khawiahmah inkhawm ngai lote kan
zinga an lo tel thar hian a ni. Kan
Pathianin a ngaihpawimawh ber chu
thlarau bo chhandam hi a ni a. Kohhran
thanna tak tak chu Budget pung emaw,
building lian tha lam ni lovin thlaraubo
man tam zatah a innghat a ni. Tichuan
kohhran chu thlarau bo zawnga a
chhuah a, misualte Isua ke bula a rawn
hruai hunah kohhran chu kan pung
dawn a ni.
(c) Rawngbawl hna sem kawnga
hmasawn: Kohhran member zawng
zawng te hi rawngbawlnaah an inhmang
tha em tih hi kan ngaihtuah a ngai.
Rawngbawlna peng hrang hrangah hian
mi tam thei ang ber kan inhmantir
(involve) thin nge, mi tlemte chauhin
nihna hrang hrang chelhin kan activities
ah te hian mihring ngai hlir kan inhmu
khawm thin? Kohhran hrisel chuan
(phek 4-na ah chhunzawm a ni)
KOHHRAN PROGRAMME
Dt.9.01.2011. (Pathianni) Zan 6:30 PM
Hruaitu : Upa Lalhmangaiha Sailo
Tantu : Pu Lalmuankima Sailo, Tuikual
Thuhriltu : Upa Lalmunga, Outgoing
Chairman
Dt. 11.01.2011. (Thawhlehni) Zing 11:00AM
(Missionary Day)
Hruaitu : Upa C. Biakchhunga
Tantu : Pi Zirthangi, Mission Veng
Thuhriltu : Rev. R. Lalrinmawia
Zaipawl : 1) Kohhran Zaipawl
2) M&E Committee Zaipawl
Dt. 11.01.2011. (Thawhlehni) Zan 6:30 PM
(Missionary Day)
Hruaitu : Rbt. Dotawna
Tantu : Pi Sangkungi, BKTV
Thuhriltu : Rev. Lalzarliana
Zaipawl : 1) BKHP & BMP Combine
2) Kohhran Zaipawl
Dt. 12.01.2011 (Inrinni) Zan 6:30 PM
Thuhriltu : Rbt. J. Zathuama
Dt. 15.01.2011 (Inrinni) Zan 6:30 PM
(Tawngtai Inkhawm)
Hruaitu : Rbt. B. Darkhuma
Dt.16.01.2011. (Pathianni) Zing 10:00 AM
(Lydia Project Hawn Ni)
Hruaitu : Rev. Dr. V. Kapenga
Tantu : Dr. Rosangluaia, Dawrpui
Thuhriltu : From Baptist Union of
Norway.
Zing Tawngtai Inkhawm
Dt.10.11.2011 – 16.1.2011
Thawhtanni : Pu R.C. Zosangzuala
Thawhlehni : Pi Nemkimi
Nilaini : Upa Z. Dengngura
Ningani : Pi C. Zothankimi
Zirtawpni : Pu Dengthuama
Inrinni : Pi Zodinpari
Pathianni : Pu T. Rothiauva
Pangpar Khawitute
Vawiina mawi taka Pangpar
min khawisaktute hi Pi Lallianpuii leh
Pi R. Lalhmingmawii, Sari Group a
mite an ni.
Hriattirna
ABT-a chhuah tur Article neite
chuan Ningani chhung ngeia Editor
hnena pek luh tur a ni ang.
 (Vol. No.XXI Issue No. 17. AIZAWL BAPTIST TIMES : Pathianni 9th Jan; ‘2011 P-2)
Editorial Board
Chairman : Lalbiakzuala
Secretary : R. Lalmuanpuia
Editor:
Upa C. Biakchhunga - 9774327966
Contributing Editors
Upa KL. Rochama - 9436154190
Rev. C. Zatawna - 9862574104
Rev. TC. Laltlawmlova - 9436147935
Rev. R. Lalrinmawia - 9436158853
Dr. K. Vanlalmawia - 9436154182
R.C. Zosangzuala - 8014224525
FOD Aiawh:
TKP-Lalduhsanga Sailo - 9612702876
BKHP - Lalrinliani - 9862647022
BMP - J.S.Mawisanga - 9862379979
KNP - Laldinsanga Hnamte - 9615715519
Email: baptistimes@gmail.com
Private Circulation Only.
E d ito rial
Chhiartute Kumthar Chibai u...
Hei kum 2011 kan lo thleng ta.
Kum thara Aizawl Baptist Times chhuak
hmasa ber hmel kan hmuh rualin Editorial
Board thar hmel pawh kan hmu bawk
a, a lawmawm hle mai. Kum kha leh
chen min hruaitu kan Pathian hnenah
lawmthu awm rawh se.
Chumai a ni lo, Kohhran Puipa
tharte leh FOD leh Committee hrang
hranga hruaitu tharten he kum tharah hian
hma thar an han la dawn a ni a, ava han
phurawm em. Famkim lohna khawvelah
famkim lo mihringte hi Lalpa’n a thiltum
tihlawhtling turin a hmang thin. Lalpa chu
fakin awm rawh se.
Kan Pathian Thu chuan, “Tun
hmain hemi kawng hi zawng in la zawh
ngai si lova” a ti a (Josua 3:4). He thu hi hria a. Ka tlin lovang ti thei pawh ka ni lo,
Josuan Israel-te hnena Jordan lui an kan
hma nia a sawi a ni a, fimkhur taka kal
turin a fuih a ni. A chhan chu an la zawh
ngailoh kawng an zawh dawn vang a ni.
Keini Kohhranho pawh hian
tunhma hun zawnga kan la zawh ngai
loh kawng thar kan zawh dawn ta chu a
ni a. Fimkhur ila, Lalpa engkimah rawn
ila. A bik takin Kohhrana mawhphurhna
neitute hian Lal Isua hi hruaituah sawm
ila. Tichuan,Anin a Thlarau Thianghlimin
min hruai dawn a ni. Chu chu kan chakna
tur leh kan thiltihtheihna tur pawh a ni.
Tunah Aizawl Baptist Times kan
han enkawl ve dawn chu a ni a, chhiartute
min tawngtaisakna kan va ngai dawn em.
Kum 20 chuang zet ABT lo enkawltute
kha an lo va han fakawm em! An inpekna
Lalpan mal a sawm a ni e.
(next column...) hmangzui zel rawh se. Amen.
Upa Dr. H.C. Thanhranga
Ropuina Ramah
Upa Dr. H.C. Thanhranga chu hun
rei tak a nunna chhan tuma Doctor
thiamten an enkawl hnuin December 19,
2010 Pathianni khan ropuina ram nuam
min pansan ta a. Hun rei tak Biak Ina a
inkhawm theihloh hnuin a thih hma
December 12, Pathianni khan a rawn
inkhawm a. Chu chu Biak Ina kan
inkhawmpui hnuhnung ber a ni ta a nih
chu; Kohhranten kan ui hle a ni. Upa Dr.
H.C. Thanhranga hi kum 78 mi niin a
nupui Pi Chuauhrangi leh fa 2 leh tu 8 a
kalsan a ni. Lalpan khawhar chhungte
thlamuanin awmpui zel rawh se.
Thawktute Inhlan Thar
Zirtawpni, January 7, 2011 khan
West End Lengpui hmun nuam takah
Aizawl-a BCM thawktute, Pastor leh
Minister 13 te leh Office thawktute, an
chhungte nen, an vaiin 112-te chuan Pathian
hnena inhlanna hun hlu tak an hmang.
HekumtharinhlaninkhawmhiTLM
Promotional Secretary, Rev. Lalzarlianan
a kaihruai a, thuchah Rev. V. Laldinglianan
a sawi. Tin, thawktute Pathian hnena hlanna
hun Rev. B. Lalrinawman a hmang a,
Thlarau lamah an hlawk hlein Rev.
Lalzarliana chuan a sawi.
Lalpan Josua hnena “Ka
chhiahhlawh Mosia chu a thi ta a; chuti
chuan tho la” (Josua 1:2) a tih ang khan,
kan editor Pu M.c. Awia hmun dangah a
insuan tak avanga chu mawhphurhna chu
phur turin Lalpan “tho la” a ti ni hian ka
“Kan tlin theihna chu Pathian hnen ata
a ni zawk si a” (2Kor. 3:5). Mualchin
Publication hi kan chhuahsan dawn chuang
lo va; chuvangin min tanpui zel turah
Editorial Board chuan kan inngai.
He Aizawl Baptist Times thiltum
chu: mite thudik hriattir a, tiphur a, cho
chhuah (to inform, insire and challenge) hi
a ni. Chu vangin keini Editorial Staff-te
pawh hian Krista chu lu berah neiin phur
tak leh lungrual takin i thawkho ang u.
Chhiartute pawh ABT
hmasawnna tur atana rawtna emaw nei
chuan rawn sawi zel ula, chhuah tur
article neiten tawi fel deuhvin rawn
thawh zel bawk ula, lawm chungin kan
lo dawngsawng zel ang.
Lalpan he Chanchinbu hi
Kohhrante malsawmna hmanrua atan
I tawngtai ang u
1. Krismas leh Kumthar hlim tak
leh tha taka kan hman theih avangin
Pathian hnenah lawmthu i sawi ang u.
Tin, kumin kumtluana Lalpa awmpuina
leh malsawmna dilin Kohhrante i
tawngtai zel ang u.
2. Kan Kohhran puipa tharte Upa
Lalhmangaiha Sailo, Chairman; Upa
Dr. Darchhawna, Chairman Elect;
Upa H. Rothuama, Secretary; Upa
J. Lalchhanhima, Asst. Secy; Upa Z.
Dengngura, Treasurer leh Asst.
Treasurer-te Upa F. Aikunga
(Tualchhung) leh Dr. R.K.
Lallianthanga (Building) te tan
Pathian hruaina leh tanpuina i dilsak
ang u.
3. Kohhran FOD hrang hrang
B K H P, T K P, B M P, KNP l e h
Committee hrang hranga hruaitute
tan Thlarau Thianghlim tanpuina i
dil bawk ang u.
4. Vawiin atangin Aizawl Baptist
Times Editorial Board tharin hma a
la tan ta a. Chanchinbu nung leh tha
kan neih theih nan i tawngtaisak reng
ang u.
5. Upa Dr. H.C. Thanhranga
kalsan tak khawhar lusunte tan Pathian
Thlarau awmpuina i dilsak ang u.
6. Tv Lalmuanpuia, Pu
Lalbiakzuala fapa lu nain Civil
Hospital-ah enkawl mek a ni a. That
lam erawh a pan tih thu dawn a ni. A
dam thuai nan i tawngtaisak ang u.
7. Kan Kohhran Sunday School
nikum lam aia hming ziakah leh kai
thatah hma kan sawn theih nan i
tawngtai ang u.
8. Kumin kumtharah hian
Bungkawn tlanga kan Biak In sak lai
chhunzawm a nih thuai theihna turin
tawngtai leh thilpekin Kohhrante tan la
ila, chumi atan chuan Pathian hnenah i
tawngtai ang u. Kan Work Supervisor
Pu C. Chatuanlala tan finna leh
remhriatna leh hriselnate dilsakin Pathian
hnenah i tawngtai zel bawk ang u.
9. A hnuaia damlote hi a tharin
Pathian hnenah i kunpui leh teh ang u.
1) Pi Lalhmingmawii, Chemo khai
avangin a taksain harsatna a tawk.
January 26 hian Bangalore-ah
checkup-a kal leh tur a ni. 2) Pu V.T.
Lawta, a ni pawh hi Chemo khaia
enkawl mek a ni.
 (Vol. No.XXI Issue No.17. AIZAWL BAPTIST TIMES : Pathianni 9th Jan; ‘2011 P-3)

Central Church Hruaitu Thar Hlan

Tukin zing Inkhawmah hian Kohhran Chairman kalchhuak Upa Lalmunga chuan Chairman Charge Upa
Lalhmangaiha Sailo hnenah a hlan a. Tin, Bialtu Pastor V. Vanlalchhungan Kohhran Puipa tharte leh FOD leh
Committee hrang hrang hruaitu tharte Pathian hnenah a hlan. BCM Central Church-a mawhphurhna thar
chelhtute chu hengte hi an ni.
1. Kohhran Committee
Chairman : Upa Lalhmangaiha Sailo
Chairman Elect : Upa Dr. Darchhawna Vice Chairman : Upa Lalhmingthanga
Secretary :Upa H. Rothuama
Asst. Secy :Upa J. Lalchhanhima
Treasurer :Upa Z. Dengngura
Asst. Treasurer (Tch) : Upa F. Aikunga Chairman :Dr. RK. Lallianthanga
Asst. Treasurer (Bld) : Dr. R.K. Lallianthanga Vice Chairman : Upa C. Ramhluna
2. BKHP
President :Pi Ringzuali
Vice President : Pi Lalparmawii
Secretary :Pi Lalrinliani
Asst. Secy :Pi Lalengthangi
Treasurer :Pi Thangchhuani
Fin. Secy :Pi MC VL Thangpuii
Sr. Advisers :Upa C. Biakchhunga
Upa Lalmunga
3. Thalai Kristian Pawl
President :Tv R. Lalmuanpuia
Vice President : Tv K. Lalduhawma
Secretary :Tv F. Hmingchungnunga
Asst. Secy :Tv Laldinsanga Hnamte
Treasurer :Nl Maggie Ralte
Fin. Secy :Tv Immanuela Chawngthu
Sr. Advisers :Upa C. Lalruaia
Upa C. Ramhluna
4. Baptist Mipa Pawl
President :Pu H. Lalnghakliana
Vice President : Pu JK. Duailova
Secretary :Pu JS Mawisanga
Asst. Secy :Pu C. Chatuanlala
Treasurer :Pu ZD Lalrotluanga
Fin. Secy :Pu Zoremthanga
Sr. Advisers :Upa C. Ropianga
Upa KL. Rochama
5. Kristian Naupang Pawl
Convener :Pu K. Rosanga
Asst. Convener : Pi F. Zohmingthangi
Secretary :Pu H. Lalnunzuala
Asst. Secy :Pu MC Lalduhthlanga
Treasurer :Dr. Lalrosangi
Fin. Secy :Nl Lalsangluri
Sr. Advisers :Upa Lalhmingthanga
Upa Lalringa
6. Mission & Evangelism
Chairman :Upa R. Biaksanga
Vice Chairman : Pu T. Rothiauva
Secretary :Pu Lalbiakzuala
Asst. Secy :Pu RC. Zosangzuala
Treasurer :Pu Dotawna
Asst. Treasurer : Pu J. Zathuama
7. Building 14. Aizawl Baptist Times
Chairman :Upa C. Ramhluna Chairman :Pu Lalbiakzuala
Secretary :Tv R. Lalmuanpuia
Secretary :Pu F. Lalhmingliana Editor :Upa C. Biakchhunga
Asst. Secy :Pu JK Duailova 15. Gospel Centenary Library
8. Music Chairman :Upa C. Ropianga
Secretary :Dr. K. Vanlalmawia
16. BSI Collector
Secretary :Pu PC. Lalmalsawma Convener :Pu B. Darkhuma.
Asst. Secy :Tv R. Lalmuanpuia (Collector leh member turte chu Upa
Treasurer :Tv Laldinsanga Hnamte bial tin atanga ruat tur a ni ang).
9. Sound
17. Zing Tawngtai Inkhawm
Chairman :Upa MC Liankhuma programme incharge atan Rev. Dr.
Vice Chiarman : Pu Lalbiakzuala
V.Kapenga leh Upa C. Biakchhungate
Secretary :Tv F. Lalramnghaka ruat an ni.
Asst. Secy :Tv F. Hmingchungnunga
18. Auditors : Kum 2010 Kohhran
10. Light leh Committee hrang hrang leh FOD-te
Chairman :Upa C. Lalruaia
Account audit turin hengte hi ruat an ni.
Secretary :Pu H. Lalpiangmawia
a) Kohhran Account
11. Website Pu F. Lalhmingliana
Chairman :Rev. R. Lalrinmawia Pu Dotawn
Secretary :Dr. B. Zoliana
Asst. Secy :Tv Immanuela Chawngthu b) FOD-te Account
Pu B. Darkhuma
12. Kohhran Property Pu P. Singthanga
Chairman :Pu P. Singthanga
Secretary :Pu H. Lalnghakliana 19. Kohhran Programme
Chairman :Upa Dr. Darchhawna
13. Audio & Visual Secretary :Upa J. Lalchhanhima
Chairman :Dr. B. Zoliana
Secretary :Tv Danny V.L. Nghaka
He Chanchin ziah lai hian Sunday School Department hian hruaitu tharte
leh zirtirtute leh pawl then dan an la ruat fel loh avangin tarlan a ni rih lo va.
Pathianni lehah tarlan theih kan beisei.
Tin, Youth For Christ hi Junior Thalai Kristian Pawl tia thlak nise tiin
Kohhran Committee chuan a rel a, TKP enkawlna hnuaiah awm se tih a ni. TKP
in a body leh a kal dan tur chu an siam fel ang a, hma lain a bawhzui ang.
BKHP HRIATTIRNA
Vawiin inkhawm ban hian Thla Thar Thawhlawm dawh leh tur a ni a,
thahnemngaiin pek i tum theuh ang u.
Tun atang chuan Pi Lalengthangi Fin. Secretary thar hnenah Buhfaitham
chhun tawh tur a ni ang.
Group tinten hruaitu thar thlana tun January thla chhung ngeia group member
zat nen Secretary hnenah hriattir tur a ni a. Tin, group atanga pangpar khawi
inkawp tur siama pek luh bawk tur a ni ang.
Lawmthu sawi loh theihloh chu kum 2010 chhunga Lawm Bawm atanga
hmuh zawng zawng Rs. 27,734.00 a ni a, lawm avanga Lalpa hnenah petute
hnenah lawmthu BKHP Central Unit-in an sawi.
 (Vol. No.XXI Issue No. 17. AIZAWL BAPTIST TIMES : Pathianni 9th Jan; ‘2011 P-4)
(phek 1-na chhunzawmna...)
active members a ngah thin a, active
members kan ngah loh viau chuan nihna
leh mawhphurhnate kan sem zai tawk
thiam lo a ni mai thei.
Kohhran, mi tharte lo lawm thiam
apiang hi a thang chak fo thin. Kohhran
thenkhatah chuan mi rawn inkhawm
tam turin kan duh a, mi thar te pawh
kan lo lawm viau a, amaherawh chu
nihna chelh ve tur leh an ngaihdante
sawi ve tur chuan kan duh lem lo. Thil
thar tha tak introduce an tumte pawhin,
"Hei chu kan kohhranah chuan kan ti
ve ngai lo" han tih tlat changte hi a awm
thin a, hei hian kohhran hmasawnna tur
a ti thuanawp fo. Chutiang kohhran
chuan mahni leh mahni a induh tawk
viau tihna a ni a kohhran pawn lam thil
a ngaihsak tawh lo va, evangelistic
vision pawh an nei tawh lo fo thin a ni
(d) Kohhran lungrual : Kohhran
hi mi chi hrang hrang kalkhawm kan
nih avangin lungrual taka awm khawm
dial dial hi a harsa fo thin. Mahse, Isua
Krista hi remna Pathian a ni a, keini a
hnung zuitute hian kan zui Isua Krista
ang hian mi dangte kan rem theih a tul
hle a ni. Mi dangte kan rem theih nan
mi dangte tlin lohna leh fel lohna sawi
tam lovin, an tan tawngtaisak zawk ila,
a tul a nih chuan thurawnte pawh pe
thin zawk ila, chu chuan kohhran
mipuite zingah lungrualna a thlen thei
dawn a ni.
Kohhrante hi kan lungrual loh
chuan Setanan awlsam takin
kohhrante min tidarh anga hma kan
sawn thei dawn lo a ni. Chuvangin,
kumin kum tharah hian kan kohhran
hian hma a sawn theih nan nang leh
kei hi kan pawimawh a, kan hmazawn
theuhah Pathian rawn chungin rawng
i bawl theuh ang u.
BKHP te Charge Inhlan
BKHP Central Unit chuan
Ningani January 6, 2011 tlai dar 3 khan
an President thar Pi Ringzualite inah
charge inhlanna hun hlimawm tak an
hmang a, zanriah tui tak an kilho. Sr.
Adviser Upa C. Biakchhungan he
charge inhlan inkhawm hi a hmanpui.
An hruaitu thar Pi Ringzualin hetia
zanriah tuihnai, a han hlui hi an ina
Committee meeting neih an zawngchhang
ang tih a hlauhawm hlel lo ve.
Published and Edited by Upa C. Biakchhunga on behalf of BCM, Central Church; Aizawl. C-400
LALHLUPUII SAILO ZIN KA ZUI VE A
China-a kan Missionary Nl. Lalhlupuii Sailo Furlough Deputation
Programme - BCM Bungtlang ‘S’ leh Kohhran dang tlawha a zin ka zui ve thei
hlauh mai a, vannei ka inti a, report tawi ka han pe ve teh ang.
December 17, 2010 Zirtawpni
zing khan a nu Pi Tlangziki nen anmahni
Car-in Aizawl khawpui kan chhuahsan
a. Tin, Car hi Tv. Lalhmangaiha’n min
khalhsak a, tluang takin Diltlang Pastor
Quarters chu tlai dar 7 ah kan thleng a,
amah Bialtu Pastor Rev. PC.
Lalmuankima hi Serkawn-a a kal lai a
ni a, a tukah a lo haw ve leh a. A nupui
Pi Biaki pa Sub. Paliana boral hlim
chhawn a lo ni a, an khawngaihthlak hle
a ni. Chutia Diltlang kan va thleng chu
Christmas Carol-te an lo nei a, an Christ
mas hla sakte chuan rilru a tiharh sawng
sawng mai a, chibaite inbukin
inhmelhriattirnate kan han nei a. Diltlang
Kohhranah hian in 250, member 480,
Upa 7, Rawngbawltu 17 an awm a,
Kohhran nung tak an ni.
A tuk Inrinni a lo ni a, Chaw ei
khamin Bungtlang ‘S’ kan pan a,
chawhnu dar 3 ah Pastor Rev. C.
Vanlalhruaiate quarters kan thleng a.
Zan inkhawm chu M.Kawnpuiah kan
zu inkhawm a. Helai Kohhranah hian in
280 a awm a, Member 353 an ni a; Upa
5 an nei a, rawngbawltu pawh 7 an nei
a ni. Nl Lalhlupuiin report nung tak a pe
a, an rilru pawh a hneh hlein ka hria.
Inkhawm banah inpawlhonate an
buatsaih a, thu tam tak an zawt a; kan
inpawlhona boruak a tha hle a ni. Hemi
zan inkhawmnaah hian tawngtai
rawngbawlna pawh Pathian
khawngaihnain min siamsak ve a, ka
lawm hle a ni.
Tin, chutia hun tha tak Kohhrante
nen kan hman hnu chuan Bungtlang ‘S’
lamah kan kir leh ta a. A tuk Pathianni a
ni a, Pathianni zing inkhawm chu BCM
Bungtlang ‘S’ Kohhranah kan inkhawm
a. Hetah pawh hian Lalhlupuiin darkar
2 vel report a pe leh a. A thawhna
chanchin a han sawite chuan an thinlung
ram a khawih hlein ka hmu a, a
lawmawm hle a ni. Hetah pawh hian
inkawmnate an buatsaih a, zawhna tam
tak an zawt a, chungte chu Hlupuii hian
tha takin a chhang thin a, kan hlim hle.
Sub. J. Rosanga
Bungtlang ‘S’ Kohhranah hian in
300 an awm a; member 370 an awm
a, Upa 8 leh rawngbawltu 9 an nei a
ni.
Tin, Bungtlang ‘S’ ah hian
Kohhran dang Presbyterian 90,
LIKBK 80, EFCI 20, Seventhday 15,
Church of God 10, UPC NE 15, UPC
Mizoram 10, ECM 20, IKK 15 an awm
bawk a ni. Zing tawngtai inkhawm an
nei a - mi 20 an kal tlangpui.
Pathianni tlai chu Elim
Kohhranah kan inkhawm leh a. He kan
inkhawmah hian Kohhran indang BCM
Zion Kohhrante an rawn inkhawm
hlawm bawk a, a nuam hle mai. Nl
Lalhlupuiin a rawngbawlna report a
pekin a tilawm hle a. Inkhawm
thawhlawm hlannate pawh ka nei ve
leh a, vannei ka inti hle a ni. Hlupuii
hian a sawi tam tial tial a, a sawi tui tial
tial mai a, Kohhrante tana malsawmna
a nih ngei pawh ka beisei hle a ni.
Zaipawl zaiin mi a hneh hle bawk.
Elim Kohhranah hian in 500 an
awm a, member 313 an awm a ni. Tin,
Upa 7 leh rawngbawltu 6 an awm bawk
a. Zing tawngtai inkhawm an nei a - mi
15 vel an kal dan a ni.
Tin, kan Kohhran tlawh
apiangah hian Hluipuii hian Appeal -
China rama an rawngbawlnaa ringthar
mi 3 tal he a Furlough chhunga (August
2011 thleng) Mizorama an lo kalna tur
sum dilna a siam thin a. Mi
thahnemngaite leh Kohhran angte
pawhin thilpek an pe a ni. Heng China
ringtharte hian Mizoram rawn hmu ve
ngei se a va duhawm em. I tawngtai
ang u.
Tichuan, December 20 zingah
Aizawl panin kan rawn haw leh a, tluang
takin Lalpan min hruai a, zan dar 7 ah
dam takin kan rawn thleng leh ta a.
Pathian min hruaina ropui tak avangin
leh Kohhranho min lo tawngtaisakna
avangin Pathian hnenah lawmthu awm
rawh se. Amen.