Synfocity = 328

Synod Information & Publicity Department, Synod Office (Third Floor), Mission Veng, Aizawl

17th February, 2011

mail us at : synfo@bsnl.in; synfo@yahoo.com - Phone - 2314648

1 PCW Moderator leh Pi Zawni te lo zin

Presbyterian Church of Wales (PCW) Moderator Rev. Ian Hodgins leh a thawhpuite chuan Mizoram Synod an rawn
tlawh mek a, Zosap Pi Zawni (Margaret Jones) leh a thianten Mission Veng Kohhran an tlawh bawk.
PCW Moderator Rev. Ian Hodgins hian a nupui Christine Hodgins leh an Kohhran Upa 2 - Elder Peter Davey leh
Elder Eleanor Jenkins te hruaiin Manipur Synod Inkhawmpui a hmanpui a, Mizoram an rawn tlawh nghal a ni.
February 15 khan Synod Office zing inkhawmah telin PCW Moderator hian thuchah a sawi a, nilengin Synod hmun
pawimawhte an tlawh kual a, Synod hotute nen inkawmhona te neiin zanriah an kilho nghal a ni.
Hetih lai hian Zosap Pu Zawna (Rev. Basil Edward Jones) nupui Pi Zawni (Margaret Jones), a fapa Zoduha leh an
Pastor Rev. Adrian Williams te chuan Mizoram an rawn tlawh mek bawk. Rev. Basil Edward Jones (Pu Zawna) te
nupa hian Mizoramah kum 1942 atanga 1953 chhung khan rawng an bawl a, an fate 3 pawh Mizorama an awm laia
piang leh baptisma chang vek an ni a, Mizo hming an puttir vek bawk a ni. Pu Zawna hi cancer natna avangin
Bangor, Wales-ah kum 2002 December thla khan a thi a ni.
Pi Zawni hi Mission Veng Kohhran tlawha lo kal a ni a, Mission Veng Biak In sak mek Library atan sap ram pawisa,
pound 5,000 a thawh a ni. Mission Veng Biak Inpui hi sak zawh la ni chiah lo mah se, Library tur chu peih fel a ni
tawh a. February 15, Mission Veng Kohhran kum 113 tlin champha chiah, chawhnu dar 2:00 khan Pi Zawni hian
Library thar hi a hawng ta a ni. Pi Zawni hi PCW Moderator Rev. Ian Hodgins leh a thiante hian tawiawmin, Library
hawnna neih zawhah Mission Veng Kohhran Committee Room tharah Kohhran hruaitute leh mi sawmte nen
inkawmhona an nei zui nghal bawk. Pi Zawni te group zinga lo zin ve Rev. Adrian Williams hian tun hma lam pawhin
Mizoram Synod a rawn tlawh tawh a, tun tumah hian Lengpui Presbyterian School tanpui nan sapram pawisa,
pound 2,000 a pe nghe nghe a ni.
1 Zin
w February 18 - 20 chhung hian Sakawrdai Bial Hmeichhe Inkhawmpui neih a ni dawn a, speaker atan
Rev. Vanlalzuata, Senior Executive Secretary an hmang ang.
w February 23 - 27 chhung hian Evangelical Church of Maraland (ECM) Inkhawmpui, Chapui Kohhran, Saihaah
neih a ni dawn a, Mizoram Synod aiawha palai turin Rev. H. Lalrinmawia, Mission Veng leh Upa Vantluanga, Lunglei
Chanmari te an kal ang.
1 MSSU
w Nimin (Feb. 16) khan Kulikawn Hmunthar Kohhranah Sunday School Zirtirtu Training neih a ni a, training hi
Pu Lalthanchhunga, Bungkawn (MSSU Trainer), Pu Lalthahluna Ralte (MSSU Asst. Coordinator) leh
Upa K. Lalremruata (MSSU Office Assistant) ten an neihpui a ni.
w February 17 - 20 chhung hian Phuaibuang Bial chhung station hnih - Phuaibuang leh Khawlian Kohhranah
Sunday School Zirtirtu Training neih a ni dawn a, February 18 (Zirtawpni) hian Khawlian Kohhranah training hi neih
a ni ang a, February 19 & 20 hian Phuaibuang Kohhranah neih a ni leh ang. Training neihpui tur hian
Upa K. Vanlalnghaka, Ramhlun East (MSSU Trainer) leh Upa K. Lalremruata, MSSU Office Assistant-te an kal.
w February 18 - 20 chhung hian Thenzawl Bial huapin Thenzawl Venglai Kohhranah Sunday School Zirtirtu
Training neih a ni dawn a, training neihpui tur hian MSSU Trainers - Rev. Challianngura (Zarkawt), Upa K. Zoremsanga
(Kulikawn), Upa B. Lalhmunliana (Bethlehem Venglai), Pu R. Lalhmingthanga (Republic Vengthlang) leh Pu Lalfakzuala
(MSSU Office Assistant) te an kal ang.
1 KTP Day
February 22 (Thawhlehni) hi KTP din champha vawi 57-na a ni a. KTP, Central Committee chuan kum hmasa lama
hman dan tur Circular a lo siam tawh angin Social Work te, Blood Donation te, midangte tana tangkai thei tura hman
te, Branch huapa intihhlimna te nei turin ruahmanna siam a ni. Kristian Thalai Pawl din tan hun chiah hi hriat chian
a har hle a. Kum 1953 November 27-ah Teachers’ Training School, Aijal-ah khawpui chhung mi pawimawh deuh
deuhte leh thingtlang Middle School zirtirtute inhmuhkhawm atanga din chhoh a ni a, Provisional Committee din
phawt a ni a, Synod Standing Committee-in a pawmpui hnuah mumal deuh zawka kalpui chhoh a ni ta a, February
22 hi KTP Day atan hman zui a ni ta bawk. KTP dinnaa hnarkaitute chu:-
w Chairman - Rev. O.W. Owen (Pu Awna)
w Vice Chairman - Pu Lalthankima
w Organising Secretary - Nl Zokhumi (Mission Veng)
w Asst. Secretary - Tv Luka
w Treasurer - Mrs. Owen (Pi Awni)
w Committee Members - Pu Vanlalkunga (Dawrpui) leh Pu Thanhnuna (Venghlui) te an ni.
Kum 2004 khan KTP kum 50 tlinna (Golden Jubilee) chu Vaivakawn YMA Field-ah General Conference neih
pahin ropui taka lawm a ni nghe nghe. KTP General Conference kum tina neih thin chu 2004 atang khan kum
khat dana neih a ni ta a. KTP General Conference neih loh kumah hian Rorel Inkhawm neih thin a ni a, Bial tin
atangin Palai an inruat thin a ni. Nikum (2010) khan KTP General Conference, Mamitah nghah a ni a, kumin 2011
hian Rorel Inkhawm, Bethlehem Kohhranah neih a ni thung ang. February 20 (Pathianni) zan hian Bethlehem
Kohhranah KTP Rorel Inkhawm an thlen tur denchhena Central hruaitute & Synod Choir-te an sawm angin programme
www.miz oramsy nod.org

hmanho a ni ang a, Rorel Inkhawm thlengtu tanpuina Rs. 12,000/- an hlan nghal ang.
Kumin KTP Day denchhen hian Khatla South Branch KTP ten Durtlang Hospital tan an Kohhran Hall-ah thisen an
pe dawn a, hetah hian CKTP hruaitute leh Synod Choir member-ten thisen an pe ve ang.
1 Social Front
Naktuk (Feb. 18) hian Serchhip Vengchung Kohhranah Land Reforms Seminar neih a ni dawn a, heta tel tur hian
Chhiahtlang, New Serchhip, Serchhip, Serchhip Vengchung leh Keituma Kohhran hrang hrang leh Tlawmngai Pawl
hrang hrangte tel tura sawm an ni. Seminar neihpui tur hian Dr. Robert S. Halliday (Social Front Coordinator),
Revd. Chuauthuama (Ex. Committee Member), Upa R.K. Rohluna (Committee Member), Pu Lalthanzara (Cell
Member) leh Tv. Lalbiaknunga (Campaigner) te an kal ang. Contd,..
 Synod Information & Publicity Department, Synod Office (Third Floor), Mission Veng, Aizawl

1 Music
Synod Music Instructor Pu Lalromawia leh Pu H. Lalrinmawia ten February 23 & 24 hian Ruallung Kohhranah Solfa
Training an neihpui ang a, February 25 & 26 hian Keifang Bial KTP buatsaih Conductors’ Training an neihpui leh
nghal ang.
1 Kohhran Hmeichhia
February 24 hian Presbyterian Women Fellowship Committee, Shillong-ah neih a ni dawn a, heta tel tur hian Central
Kohhran Hmeichhe aiawhin Pi Lalthansangi Fanai (Asst. Secretary), Pi Liankimi, Pi K. Lalliantluangi leh
Pi H. Lalpianthangi (Committee Members) te an kal ang.
1 Family Guidance & Counselling Centre
February 19 & 20 hian Venghlui Kohhranah Kristian Chhungkaw Seminar & Campaign neih a ni dawn a,
Rev. Zothansanga, FG&CC Director-in hun a neihpui ang.
1 Synod Mission Board
w Barak Area hnuaia ringtharte nupui pasal neih chungchang avangin nizan (Feb. 16) khan Kabuganj Mission
Compound-a thawktu chhungte - Pastor G.S. Ropianga leh Santikumar Singh-ten Meitei ringlo thalaite kut an tuar
a, Kohhran mipuiten tawngtainaah lo hre turin Synod Mission Board chuan an ngen a ni.
w Synod Mission Board chuan Orissa state-ah rawngbawlna a tan ve ta a, heta thawk tur hian Dr. K.C. Lalchhingzova
dah a ni a, Dr. K.C. Lalchhingzova te chhungkua hian an thawhna hmun tur Kandhamal District an thleng tawh a,
rawngbawlna an nei tan nghal a ni. Synod Mission Board chuan Orissa state-ah hian zau zawka rawngbawl dan tur
en chiang turin mi a tir thuai dawn a ni.
w February 18 - 20 chhung hian Home Mission North Workers’ Retreat, W. Phaileng Dinthar Kohhranah neih a ni
dawn a, thupuiah ‘Thu hretu rinawm (Tirh. 1:8)’ tih hmangin Synod Mission Board Secretary Rev. Lalchhuanmawia
chu Speaker a ni ang. Tuipuibari Centre Bialtu, Pastor F. Lalrammawian Bible Study a neihpui thin bawk ang.
Retreat hawnna inkhawm hi naktuk (Feb. 18) zanah neih a ni ang a, Rev. Lalchhuanmawia, Synod Mission Board
Secretary-in inkhawm programme a kaihruai ang a, Upa R. Lalmalsawma, SMB Coordinator-in inlawmna leh
inhmelhriattirna hun a hmang ang a, Rev. Lalzuithanga, Executive Secretary i/c Mission etc. chuan Keynote
Address a pe ang. Retreat-ah hian thuchah ngaihthlak bakah Group Discussion te neih thin a ni dawn a ni.
w Kum 2011-a Missionary Retreat neih dan tur hetiang hian ruahmanna siam a ni:
a) North-East Region - July 7 - 10, 2011
b) Home Mission & Cachar Tlangram - October 13 - 16, 2011
c) Central Region & Nepal Field - November 17 - 20, 2011
1 Susamachar Prasaran Programme
February 20 (Pathianni) tlaiah Hindi Programme (Susamachar Prasaran) LPS & Zonet Cable atangin hetiang hian
tih chhuah a ni ang :
w Group/Choir/Solo : College Veng Masihi Sangati Zaipawl Siyon Desb Bamara Bai Desb
w Group/Choir/Solo : Masihi Sangati - Phunchawng Kohhtran
w Sermon : Mohanlal Tudu - Yishu Bojh Se Dabe hue logong ke liye aya
w Group/Choir/Solo : Venghnuai Kohhran Masihi Sangati Zaipawl - Chhut kara paya
w Group/Choir/Solo : H. Vanlalringa - Kabhi Khudhko
w Stuti Geet : Stuti Geet - Khul Jayegi Kitabe
1 Moderator Programme
Synod Moderator Rev. C. Lalsangliana chuan tunkar tawpah hetiang hian hun a hmang ang :
w February 20 (Pathianni) Chawhnu : Zemabawk North Kohhran
Zan : Zemabawk North Kohhran

PRESCOM STAFF WELFARE ANNUAL MEETING

PRESCOM Staff Welfare chuan February 25 (Zirtawpni) hian Annual Meeting an hmang dawn a, chu vang
chuan hemi ni hian Aizawl khawpui chhunga Synod Bookroom leh Synod Press-te dawr theih a ni lo ang.

Secretary,
PRESCOM Staff Welfare

SYNOD MULTIPURPOSE TRAINING CENTRE HRIATTIRNA

Synod Multipurpose Training Centre, Mission Vengthlang, Aizawl-ah Certificate in Computer Application
Course (6 months) training hawn a ni leh dawn a. Application Form chu Office hun chhungin Office-ah
lamin a hnuaia hming ziak hnenah hian Kohhran lehkha nen thehluh tur a ni.
q Dilna thehluh ni hnuhnung : March 21, 2011 (Thawhtanni)
q Screening test & Interview : Synod Multipurpose Training Centre,
neihna hmun Mission Vengthlang, Aizawl
q Screening Test neih hun : March 22, 2011 (10:30 a.m.)
q Interview hun : March 24, 2011 (11:00 a.m.)
q Class tan hun : April 5, 2011 (Thawhlehni) 9:30 a.m.
q Dil thei chin : HSLC Passed
REV. F. LALRINNUNGA
Programme Director,
Synod Multipurpose Training Centre
www.miz oramsy nod.org

Mail us at : synfo@bsnl.in mizoramsynod@gmail.com

synfo@yahoo.com
S y n o d I n fo r m ati o n & P u b l i ci ty
Phone - 2314648 Synfo