BMA AW An Official Organ of The Bangalore Mizo Association
Registered Under Societies Act of Karnataka No. BLU-S188-2007-08 Date 7 May 2007
Vol. XVI Issue No.46 Bangalore Mizo Association
Editorial: Hlimna ... p-2
Sakhua:
Science vs Religion … p-3
Lawmpui tura Sawmna … p-3
Birthday / Dawn Tisei /
Household Tips … p-3
Science / Infiamna… p-4
Fiamthlalang … p-4
TUALCHHUNG
&& Nimin Inrinni chawhnu dar
3:00pm khan BMA Executive
Committee Meeting, Pu P.S.
Chhuasa chenna, Cauvery Blk,
NGV, Koramangla-ah neih a nia,
thu pawimawh tak tak rel a ni.
&& Dr. Lalrinawmi Ralte chu
Delhi lama Conference hmanga kal
pawh tluang takin Zirtawpni khan a
lo thleng leh ta e.
&& Kan Executive member Nl. B.
Lalthakimi pawh hun rei tak
Zoram lama a haw pawh tluang
takin a lo thleng bawk.
&& Bangalore-a Engineering
zirlaite pawhin semester an tan leh
ta. Chawlh hmanga haw te pawh
tluang takin an lo thleng leh a an
zirna an tan leh ta.
&& ‘Zoram Thar A Awm Thei
Ang Em?’ tih lehkhabu, BMA in a
buatsaih chu Pathianni lo awm tur
27th February hian tlangzarh tum a
ni.
BMCF INKHAWM
th
27 February 2011, 3:00pm
A Hmun: UTC, Benson Town
Hruaitu: Tv. Joel Zoramthanga
Thusawitu: Tv. Samuel Buatsaiha
Changvawn: Marka 16:15
‘…Chanchin Tha hi hril rawh u.’
Note: Thalai pual inkhawm a ni a,
programmes chu hruaitute kutah dah a
ni.
Pathianni Tin Chhuak Chanchinbu Date: 20 th February 2011 Phek Khatna
Article
Someone Loves You
Rev. R. Lalthanmawia
“A tu tak chu niang maw keini ang duang min lo hmangaih ve ringawttu
chu” tiin luck vaklo leh Hmangaihtu nei ve vak lo ho chu kan phurin hriat
pawh kan chak viau mai thei. Ka sawi tum tak erawhchu a tawp lamah
chauh ka zep a nia. Kum 2011 February 14 zing khua an var zet chu eng
vang ber ni maw tuk dang ang lo takin nghilh deuh dup hian ka inhre tlat
mai a, a chhan reng reng lah ka hre si lo. Mahse zing dar 9 an rik meuh
chuan midang sawi thawmah Valentine’s Day a lo ni tih ka hre chhuak ve
leh hnu hnawh a. A hma zan chiahin Dr Mahmingan thiam taka Valentine’s
Day thupui hmanga thu a ziak bakah a duh tu tan chuan amahah Valentine
na hmun a awm tih zei taka a inzawrhna Article ka chhiar te ka hre chhuak
a. Ka ngaihtuah zawm ta zel a, nula leh tlangval, engemaw ti taka phawk lek
rilru tak chunga he Ni lo nghakhlel, sms emaw thilpek emaw tu emaw hnen
atanga dawn leh hmuh inbeisei ve fe fe engmah dawng lem silo an tam duh
awm mang e aw tiin ka ngaihtuah zui zel a, chung zingah chuan UTC a kan
single rual ho pawh hi eng ual an nih pawh ka ring lo. A boruakah an zam
ral leh mai maiin kan ring ngawt pek a.
Naupang school lam tul avanga ka Valentine-i ve ber pawh a chhuah bo ni
tak a lo ni bawk nen kan tlangval ve laite ngaihtuah kirin ka hun ka hmang
ta a. Ka hriatna zau tawk loh vang nge Valentine’s Day tih te hi kan tlangval
ve lai khan an sawi ngai pawh ka hre der lo mai. Zep lovin inpuang ta ila,
1998 vel khan ka hre ve chauh ni tain ka hria. Pu Dika te, Pu Muankima te
ho hian kei ai chuan an hre hmasa fe mai thei tih te ka ngaihtuah a. Pu
Khuma te, Pu Kapthuama te ho hi chu Zoram pawn an chuang kai hma deuh
va an Valentine na a rei deuh tawh mahna. Ka rin dan mai mai chuan Pa
Sapa ngei pawh hian a hriatna a la rei vak bik ka ring lo. Pu Jesaia te Nu
Rini te hi chuan an zei vang hrim hrim pawh ni chuang lovin an hrat leh
tawnhriat an ngah vang hrim hrim pawhin an kum naupan aiin an hre hma
leh pek mai thei.
Kan tlangval lai khan lo hre ve ta ila, engtin tak hmang ve thin ang i maw
tih te ka ngaihtuah a. Mobile Phone chu sawi loh Telephone pangngai pawh
kan hmu phak mang lo a nia. Love letter a nih loh leh “Puarak” kan tih vel
kha kan thu inhlanchhawnna a ni mai si a, kan ‘chhas’ ve te lah hmuh mai
mai a harin veng hla deuhva ‘chhas’ nei phei kha chu lirthei kan la nei mang
lo nen school/college kan lut ho a nih ngawt loh chuan hmuh mai mai chi an
ni hek lo. Mahse khang hun lai khan Valentine tih hi a rim a ra la hre lo mah
ila nitin zantin mai kha kan lo Valentine ve em em mai thin ni ta berin ka
hria. Love letter tih lah kha ziah ve ngawt ngawt chi a ni lo, a chhan chu
tawngkam leh thuphuah thiam deuh nih a ngai tlat. A thiam deuh kan rawih
loh leh mi thenkhat lehkhathawn tha leh thlum deuh kan hmuh kha kan han
copy ve thin te kha a nia. Chutiang chu kan thawnchhuah thin leh keini
hmuh ve thin pawh chutiang vel tho chu a ni. A ziaktu a zirin kan
hmangaihna kha a thukin a pawnlang thei riau a ni tih te ka ngaihtuah a, ka
nuih te a za deuh.
 Vol. XVI Issue No.46 Bangalore Mizo Association
Editor
Samuel Buatsaiha
Phone: +91 80509 02608
Joint Editors
Rev. LH Rawsea
Mâdawnga Hauhnâr
Contributors
Nancy L. Sailo
Laldinmawia Hnamte
Circulation Managers
Jenny Vanlalpari
Bethel Pautu
BMA AW lak man:
Thla khat - Rs.20
Thla thum - Rs.50
Thla ruk - Rs.90
Thla sawmpahnih - Rs.180
E-mail: bmanews@gmail.com
Website: www.bangaloremizo.info
I mobile-ah khan JOIN BloreMizo tih type
la, 567678 ah thawn rawh. Bangalore
Mizote tana Hriattirna leh thutharte ilo
dawng thin dawn nia.
Editorial….
Hlimna
Hmanlai Greek philosopher-ten an
buaipui leh duh ber chu hlimna hi a
ni a. Mahse hlimna (happiness) kan
tih hian an hlimna sawi awmzia hi
chu a phawk phak lo. Greek tawngin
eudaimonia an ti a, thumal pahnih
eu (well) leh daimon (spirit) atanga
lo kal a ni awm e. Eudaimonia
(hlimna ti a kan lehlin mai) in a
kawh ber chu taksa, rilru leh thlarau
hriselna hi a ni daih. Malsawmna ti
te pawhin ko ila, a danglam vak lo
mai thei. Chu ngei chu mihringte
dawn leh neih theihah chuan sang
berah an ngai. An thil tih reng reng,
engpawh ti se la, he hlimna hi a
thlen dawn em tih an dawn hmasa
pawt thin. Tunlai mihringte khawsak
ziaah pawh hian kan duh ber leh kan
buaipui ber chu hei tho hi niin a
lang. Mahse, Greek mifingte kha an
duham lo riauin a lang. Aristotle
phei chuan tangka leh sumte,
hausakna te hi hlimna min thlen thei
thil an ni a, mahse a tawk chauha
kan neih loh chuan lungngaihna min
thlen thin zawk a ni e a ti. He thu hi
a dikin i ring em? Tunlai kan
khawsak danah hian mamawh bak hi
neih kan tum thin nge, mamawh nia
kan hriat hi a danglam ta zawk?
Pathianni Tin Chhuak Chanchinbu Date: 20 th February 2011 Phek Hnihna
Mak ve ang reng tak chu Phone awmlo raw sek sek, Valentine tih vel a rim
a ra pawh hrelo mah ila; zei vak lo pawh ni i la, kum leh mize in ang lo tak
tak, khaw in hlat tak tak pawh Pathian ruat a nih tlat chuan “Duh leh Duh”
chu kan lo intawng ve tho mai.
Mahse tunlaiah pawh sms or Mob Phone hmang pawhin lo inhrilh pawh ni
ila thinlung tak tak sawi lovin lem a chan theih tho tih te kan chhut phei
chuan thil tinreng mai hi ho deuh hulh leh Shakespeara thukhawchang ang
deuhvin lemchanna hlir ni te hian a chhut theihin ka hria. Lemchan thiam
apiang an dingchangin fing nih an hlawh a; a thiamlo deuh Pu Zohmaa te ho
ang chu kan tawng puak phawng phawng mai a ni. A awmzia tak pawh hre
thiam ziktluak si lo khan Pu James Dokhuma ten Mizo tawng ril lutuka
hmangaihna thu an ziak te kha kan tuipui ve em em thin a. Pu C.
Thuamluaian “Sialton Officiala” tih article-a a ziak “Nguri ka rim tirh
chuan Dorothy fo vangin December ka nih chiah tawh loh pawhin January
emaw, February tal emaw chu ka ni ang..Kan han innei a, Ngurpuiin min ti
April ta a ni. [Dorothy meuh leh nunhlui min theihnghilhtir theitu a ni a, tha
ka tihna leh ka duhna ziak dawn ila ka ziak seng lovang”] a tih phei hi chu
chhiar zawng pawhin kan suai dup mai a ni. Tun lai thangtharte hian a
awmzia man phak tak maw (zep lovah chuan kei pawhin ka man phak chiah
chuang lo. Pu Rawsea te rawn teh u, a pui thei mai thei che u a ni.)
Ka tui lutuk ta, ka sawi tum berah kir tawh teh ang. Valentine’s Day a ni tih
ka hriatchhuah rual rual chuan engemaw tal i ti ve teh ang tiin Nula leh
Tlangval thenkhat ka nel leh fiam ngam deuhte hnenah “ Happy Valentine’s
Day tih pahin Let your heart be filled with Love and Joy, but remember to
spare a place for Jesus” tih thu kan thawn ve ngawt a. Reilote-ah a chhanna
a lo thleng sap sap a, an hming sawilan a chakawm hle mai “Jesus is my
Valentine” tih vel kan hmu chiah chu “Yes, kan pawl an awm nual dawn e”
tiin ka phur ngei mai. Bangalore Mizo Nula leh tlangval zingah hian Isua
Hmangaih tlattu an lo awm nual dawn tih te ka suangtuahin ka lawm ve
tawk hle a ni. Kei ngei pawh chu ka inngaihtuah ngun deuh deuh va, Isua ka
hmangaih ve na renew ni atan a va tha em ve aw ka ti a. Min hmangaihna
lam hi kan sawi leh hriat tam ber a ni a, Amah Isua ngei pawh hian kei
mahni atanga kan hmangaihna thu kan hrilh han hriat nawn ve fo pawh hi a
chak ngei ang tih ka ngaihtuah chhuak phut a, “Isu ka hmangaih che” tiin
tlai lam ah chuan ka sawi chhuak ve ta phawng mai a ni.
Sms emaw gift i dawng em? Tam tak chuan in dawng lo pawh a niang. Luck
loh vang te pawh a ni ang a, zei tawk loh vang leh hmelin a zir lem loh vang
pawh a nih thei tho rualin, i hun a la inherchhuak lo deuh pawh a ni mahna.
Hmangaihtu hnen atanga engemaw tal i dawng lo a nih pawhin hmangaihtu
i nei lo tihna a ni chuang hek lo. I nih ang anga lo Hmangaih reng tu che
chu hriat i chak em? Khua a lo tlai deuh deuh va Petra hla “There is
someone who loves you just the way you are” tih a lo lang zawk a. I tel ve
chiang e, kei pawh ka tel ve. Hmelthat a ngai lova, luck leh zei a ngai hek
lo, pocket gorom leh gorom loh lamin kawngro a su lova, thau chum bet
bawt kan ni emaw, hang bet deuh leh ngo tawi hmemhmawm pawh ni ila a
pawilo reng reng. Just the Way You Are” a ti miau a lawm. Kan nih ang ang
leh kan awm ang anga min hmangaihtu a lo awm reng a nih chu. A va nuam
em!! Hmangaihna mit-in min thlirin kan lamah a ban a phar reng thin. Chu
“someone” chu tu dang ni lovin A Hmangaih te tana a Nun petu “Isua”
ngei kha a ni e. Isu ka hmangaih che tiin chhan let ve awm tak a ni. I duh tak
tak a nih chuan “Duh leh Duh chu” an intawng chawk a nia. Valentine’s
Day chu a liam tawh mahse Isua erawh chuan Hmangaihnain a thlir reng
che tih hriain he leiah hian hmangaihtu neilo leh khawhar hlea i inhria a nih
pawhin Isuan i nih ang angin a Hmangaih che.
 Vol. XVI Issue No.46 Bangalore Mizo Association Pathianni Tin Chhuak Chanchinbu
Sakhua
Science vs Religion???
Science vs Religion ngaihdan hi tun hnai lawka thil
thleng a ni lem lovin a lang. Science vs religion kan
tih hian Kristianna nena ngaihdan an inan lohna hi a
kawk thlang pui a, sakhaw dang nena ngaihdan an
inan lohna pawh a awm mai thei. Mahse chu erawh
chu kan hre vek sengin ka ring lo. A eng hi nge dik
zawk sawi a har viua thin. Tun tumah hi chuan thil
pakhat chauh atang bihchian tum ila. Heliocentric
system, Copernicus-a’n a hmuhchhuah hmadaih, kum
zabi 2 vel khan Greek mifingten ni hi universe laiah
awmin khawvel leh planet dangte hian an hual (vir)
nia ngai an awm. Entirnan, Philolaus leh Hicetas te an
ni. A hnu lawk, kum zabi 4 vel khan Aristarchus of
Samos-an he ngaihdan hi a siam ve leh. He tih hunlaia
pawm ngheh theory chu geocentric system (khawvel
hi a laiah awmin ni leh a dangte hian an hual) hi a ni.
Ptolemaic-a zirtirna a ni. Tin, heng hunlai hian
khawvel hi Rome ram a la nia, Christianity a chak em
em bawk. Heliocentric theory sawitu a piang chu
zirtirna diklo zirtirah an ngai a, kohhran hminga tih
hlumin an awm thin niin zirmite chuan an sawi.
Entirnan, he tih hunlaia hmeichhe astronomer,
Hypatia, neoplatonic school, Alexandria-a zirtirtu
pawh kha heliocentric system ngaihdan a put a vangin
Cyril, bishop of Alexandria kaihhruainah tih hlum niin
mi thiamte chuan an sawi bawk.
Amaherawh chu kum a lo rei taka, mihringte
ngaihtuahna a lo thuk tial tial takah chuan Copernicus
khan dona a tawk vak lem lovin a lang. A nilo berah
revolution hming tal a pu a. Hmakhawsang mite ang
em chuan paltlang tur harsa a tawk lo mai thei. Mahse,
Aristarchus te hunlai kha chuan zirtirna dik lovah an
ngai tlat. Sakhua hi a dik lo zawk thin tihna em ni?
Hnai love! Ka sawi tum taka chu sakhuana pawh hi a
hman dik lo ve thei khawp tihna a ni. Amah relgion
(sakhua) hrim hrim hi chu a dik lohna em em a awmin
a rinawm loh. Sakhuana-sakhua kan hman dan leh kan
lek dan hian mite a lo nek chep ve reng thei tihna nih
chu. He mi (science leh religion) inkar indaidanna kan
siam zau lutuk hi sukthlek tha lo tak a niin ka hria. A
tawp ve ve (opposite extremes) ah tan kan khawh
tlang pui.Thiamna a lo sang zela, sakhua enga tan mah
ngai lo kan awm a, chutiang bawkin scientific
discovery tawh phawt chu kohhran zirtirna nen
inkhalh tlata ngai kan awm bawk. Mizo society-ah
pawh he ngaihdante hi a la tam ber niin a lang. He
tiang lo deuha thlirna hi neih a thain, a tul tawh lo
maw? A tui leh hre thuk zawk te khan han sawi ve teh
u…Ed.
Date: 20 th February 2011 Phek Thumna
Bangalore Mizo
Birthday Chibai (20th – 26th February 2011)
26th February: Mimi Lalmalsawmi (d/o Rev.
Johana)
------------------------------------------------------------------------------------
SAWMNA
Pathian khawngaihna zarah kan inneih Silver
Jubille chu 21st February 2011 (Thawhtanni)
hian kan lo thleng ve dawn ta a. He mi ni hian
Pathian hnena lawmthu sawina tawngtaiho,
zaihona leh chaw eihona nei ila kan ti a. Mimal
a hranpain sawmna kan siam lova, Bangalore
Mizote hemi nia tlawmngaih chhuaha min
lawmpui turin kan sawm a che u.
A hmun: Institue for Youth & Development
# 97, 17 B Main, 5th Block, Koramangala,
Bangalore – 95. (Nr. Grace Home Girls’ Hostel)
Hunserh: 06:00 pm
P.S. Chhuasa te nupa,
National Games Village, Koramangala.
Household Tips – by Dina
1. Baking Soda leh Tui leh chi (chi hi chu pawlh loh
pawn a pawilo) tihpawlh hi thil hruk fai nan a tha
hle, inchhung bal lai kha Baking Soda in hru la,
pawnchhe fai in hru leh la a fai duh hle.
2. Ser tui hi a hman tangkai theih viau, thawmhnaw
ah emaw thil val a kai chuan Sertui in minute eng
emaw chen han chiah la, a hnu ah brush hmanga tih
fai leh hi a tha hle bawk.
3. Dar (Bronze) lampang tihfainan hian Dar chu
White Vinegar leh Chi chawhpawlh chhuansau a
thlak hi a tha bawk.
4. Soda hi chawhmeh a telh hi a tui viau a,
tangkaina tam tak pawh a nei thluah. Oven tihfainan
hian a tha hle, a bal laiah khan phul la, tui in tlemin
tihnawng la, brush a tih fai leh hi a tha phian.
5. Soda tui ah chanchinbu hlui emaw chiah huh la,
hei hian darthlalang hruk fai nan hmang ang che.
---------------------------------------------------------------
Dawn Tisei
• A fate chung a lawmna hmu mi chu mi hlim a ni.
• Buaina siam nasa bertu chu lei hi a ni.
• Chhun hian mit a nei a, zan hian beng a nei.
• Daltu awm hauh lohna kawng i hmuh theih
chuan, chu chuan khawimah a thlen lo mai thei che
a ni. (Frank Clark)
• Dam rei ringawt aiin nun that duhzawk tur a ni.
(Benjamin Franklin)
 Vol. XVI Issue No. 46 Bangalore Mizo Association Pathianni Tin Chhuak Chanchinbu Date: 20 th February 2011 Phek Lina

Computer / Science / Technology / Environment OSCAR: 83rd Academy Awards chu tunkar
Pathianni hian sem a ni dawn. Movies lama tui tak
Ka Computer a thlalak tam tak ka dahna tak ten an ngaihven hle. India ramah chuan
folder ah hian ‘thumbs.db’ file te hi a awm ve 28th February (Thawhtanni) zing dar 7am
ziah mai a, hei hi enge ni a, a delete daih theih ah Star Movies ah en theih a ni ang. Best
em? Picture Nominees: Black Swan, The
Aaahuh…Windows XP i la hmang ni maw!!☺ Fighter, Inception, The Kids Are All Right,
Thumbs.db hi system file pakhat, thlalak te, The King's Speech, 127 Hours, The Social
document te, web page i hawn thin te bakah thil Network, Toy Story 3, True Grit, Winter's
dang dang, nakin zel atan pawha awlsam taka hmuh Bone.
theih tura file te chu thumbnail (thumbnail ti ve mai ---------------------------------------------------------------
ang aw, hrethiam tho ang chu) a lo dah theihna tur
atana programme pakhat ve a ni a. Hei hian i
INFIAMNA
operating system, Windows XP chu kha’ng files te FA Cup
lo tilang tur atan khan a lo tanpui a ni. Windows Nizan FA Cup results:
Vista leh Windows 7 ah te chuan he file hi hmun Chelsea 1-1 Everton (3-4 on penalty), Birmingham
dangah dah a ni a, chuvang chuan a hmuh theih loh 3-0 Sheff Wed, Stoke 3-0 Brighton, Man United 1-0
a ni. Crawley Town.
Thawhtan zana (Thawhleh zing) inkhel tur:
He file delete theih leh theih loh chungchangah Leyton Orient vs Arsenal 01:40 am Sony Pix
chuan, a delete theih tehreng mai a. Mahse delete lo English Premier League:
a a awm kha a tha fe zawk a ni. He file lang lo tura Thawhleh zan (Nilaini zing) inkhel tur:
dah i duh chuan Windows Explorer kha hawng la, Blackpool vs Tottenham 01:24 am ESPN
heti hian i kal zel dawn nia; (a chung lama address Nilai zan (Ningani zing) inkhet tur:
bar bulah khan) Tools – Folders Options… – View – Arsenal vs Stoke City 01:10 am ESPN
Hidden files and folders tih ah khan ‘Do not show Inrinni (26th Feb 2011) inkhel turte:
hidden files and folders’ tih kha i select dawn nia. Wigan vs Man United 08:25 ESPN
--------------------------------------------------------------- English Premier League point dinhmun:
(as on 20th February 2011, 08:00am)
☺K☺ FIAMTHLALANG ☺K☺ Position Club Played GD Point
– Kimtea Pa 1 Manchester United 26 +32 57
Ø Biak in kawta car ding thin pakhat hi 2 Arsenal 26 +29 53
barakhaih thut ila, a khu luih ang em? 3 Manchester City 27 +19 49
Ø Thlarauva khatte aiin politics khatte hian 4 Tottenham 26 +9 47
rawngbawltu tha nih an hlawh zawk ang em? 5 Chelsea 26 +24 45
Ø Krismas result a puar tan tawh ang em? 6 Liverpool 27 +3 39
Ø Nunin a umphak loh khawpa thu tha 7 Sunderland 27 0 37
Facebook kan share thin hi “hmaikawr” a ni thei 8 Bolton 27 +1 36
ang em? 9 Newcastle 27 +4 35
Ø Mizo tlangval zingah bekang um ei ngam lo 10 Stoke City 26 -2 33
an pung tih hi a tak a ni ang em? Song of the “Weak” ☺☺
Ø LO hian post tha tak changah a inngai ang SMS-te, thlawkin leng la,
em? Bad weather karah;
Ø Bangalore hi piangthar hlimte tan dak Chhass humlai mobile saw, va bel ta la,
awlsamna khawpui a ni ang em? Han deliver ang che, ka msg hi!
Ø Inthlan nia thlan tur hrilh chawp ngai khawpa
mawl kan ‘la’ awm ang em? Puan Thui Thiam
Ø Mahni puala biak in sa zo tep Ralleng unaute
Mizo, thawmhnaw thui thiam tak pan duh
hi min en hniam tan tawh ang em?
Ø Kan President leh Vice President te hian tan engtik lai pawhin pan theih a ni e.
“Paula leh Sila” tia koh an inhmeh ang em? Contact:
+91 88611 85980