Vol.
XVI
BMA AW
Registered Under Societies Act of Karnataka No. BLU-S188-2007-08 Date 7 May 2007
Issue No.47 Bangalore Mizo Association
Khatna
Editorial: Kan Identity ... p-2
Sakhua: Simplicity Gospel leh
Prosperity Gospel… p-3
Birthday / Lawmthu Sawina
… p-3
Infiamna…
TUALCHHUNG
&& Tunkar Thawhtanni (21st
February 2011) tlai lam dar 6 khan
Executive member Pu PS
Chhuasa te nupa chuan an Inneih
kum 25 tlin ropui takin Youth
Hostel, Koramangala ah an lawm.
He hunah hian an thenrual tha te
sawmin zanriah eitur an buatsaih
nghal bawk.
&& BMA Vice President pawh lo
ni tawh thin, khawtlang
rawngbawlna leh Kohhran lama
tangkai tak Pu Josiah L. Ralte leh
a chhungte chu nimin Inrinni (26th
February) khan Kothanur veng
SAIACS bul lawk lamah an
insawn.
&& Pi Saibuangi, damlohna
avanga St. Philomena’s Hospital a
awm chu thisen te pek a ni a, tunah
damdawiin lamah a la awm.
Member tlawmngai tak tak ten an
awmpui a, tin thisen pawh Tv.
Remlala leh Tv. Mapuia ten an pe
bawk.
&& Kan member lo ni tawh thin
Engineering zir zo tawh Tv.
Lalhriatpuia (Tetea) damlo pawh
a tha zel.
BMCF INKHAWM
06th March 2011, 3:00pm
A Hmun: JRC Hall, UTC
NUHO PUALA INKHAWMNA
NEIH A NI ANG
Changvawn: Marka 16:15
‘…Chanchin Tha hi hril rawh u.’
An Official Organ of The Bangalore Mizo Association
Pathianni Tin Chhuak Chanchinbu Date: 27 Th
February 2011 Phek
Mizoram Governor te
nupa Bangalore ah
(BMA News Network)
Mizoram Governor Lt. General M.M. Lakhera te nupa chuan
damlohna avangin Narayana Hrudalaya damdawiin an rawn pan leh a.
Tun tumah hian an nupain an inentir a ni. Damdawiin lam atang
chuan chhuak tawhin tunah hian Raj Bhawan ah an an awm a. March
ni 3 hian Mizoram lam pana haw turin an inbuatsaih ani. Nimin
Inrinni khan kan President te pahnihin Raj Bhawan ah hian an va
tlawh nghe nghe a ni.
Mizoram Governor hi Coronary Artery Bypass Graft Surgery tih a ni
a, hemi buaipui nan hian darkar 6 lai an hmang a ni. Cardiologist
thiam tak Dr. Devi Shetty chuan kan Governor hi a zai a ni.
Governor hian Mizo mipuite chu an fel hle a, tunah hian hmasawnna
tam tak pawh a awm a ni. Amaherawhchu, hnathawh leh thil tha
inzirtirna kawngah hma lak a ngai a ti. “Tunah hian oil tam tak Zoram
chhungah hian awmin a lang a, a thawktu tur Mizo an awmloh chuan
a tuartu tur chu nangmahni in ni ang. Burma lam atangin mi an lokal
a, hna an thawk nasa em em a, engatinge a ram neitu te hian in thawh
nasat loh? Bangladesh lamah nen, Burma lamah nen, chhim lamah
nen insumdawn tawnna tha tak siam tum mekah pawh hian Mizoten
nasa taka tan in lak loh chuan in la inchhir ang. Hna thawk nasa ula,
state pawnah te kalchhuak ula, zir ula hna thawk rawh u. Mahni rama
let zel ringawt in tum chuan hma in sawn theilo ang” tih thu a sawi
bawk. Tin, ei leh barah intodelh ngei tuma hna kan thawh leh rilru
kan put a tul hle a ti bawk a. Ram pawna thawn chhuah theih thil, thil
tha tak tak Mizoram hian a pe chhuak thei a, chutiang zawng a rem
hriatna leh ngaihtuahna Mizoten in neih a tha hle ang tiin, thlalaite
hnenah hetiang ang zawnga inzirtirna hi in uar hle a tul a ni a ti.
------------------------------------------------------------------------------------
Bangalore Mizote Atangin Lehkhabu Thar
ZORAM THAR A AWM THEI ANG EM?
Bangalore Mizo Association buatsaih lehkhabu
“Zoram Thar A Awm Thei Ang Em?”tih
chu February 27, 2011 khan J.R.C. Hall, United
Theological College, Bangalore-ah tlangzarh a
ni. He lehkhabuah hian article 24, mi hrang
hrang ziakte a chuang a. Zoramin hmel thar pua
hmasawnna kawng a zawh zelna kawnga
lehkhabu tangkai tak ni… (phek hnihnaah…)

Vol. XVI Issue No.47 Bangalore Mizo Association
Editor
Samuel Buatsaiha
Phone: +91 80509 02608
Joint Editors
Rev. LH Rawsea
Mâdawnga Hauhnâr
Contributors
Nancy L. Sailo
Laldinmawia Hnamte
Circulation Managers
Jenny Vanlalpari
Bethel Pautu
BMA AW lak man:
Thla khat - Rs.20
Thla thum - Rs.50
Thla ruk - Rs.90
Thla sawmpahnih - Rs.180
E-mail: bmanews@gmail.com
Website: www.bangaloremizo.info
I mobile-ah khan JOIN BloreMizo tih type
la, 567678 ah thawn rawh. Bangalore
Mizote tana Hriattirna leh thutharte ilo
dawng thin dawn nia.
Editorial….
Kan Identity Hi
Hman ni lawk khan local train-ah
ka chuang a, chu ta ka thil tawn
chuan rilru a khawih ang reng
khawp mai. Pa pakhat hian Nepali
i ni em min tia. Ni love, Mizo ka
nia tiin ka chhang a. Chinese maw
i nih min la ti hram. Mizorama
awm ka nih thu ka hrilh nawn leh
a, mahse khawnge Mizoram chu
tiin min zawt chhunzawm nghal a.
Hre lo ka ti ang reng si a, i va
mawl ve, Mizoram pawh i hre lo a
maw? Sikul i kal lo mi? Indian
Geography te in zir ve ngai lo em
ni? tia han tih deuh hrep kha ka
chak ang reng a, mahse a tha berin
ka hre lova, bakah ka tih sual tawh
thin avangin ka insum ta a. Ka
rilrua lo lang chu, mi tamtak hian
min Nepali hmuh zo vek mai hi tu
thiam loh nge tih hi a ni. Anmahni
han mawhpuh vak hi a dik ber em?
Lehkha zirsang lo leh mawl tak
takte chu an awm ve a, Mizoram an
hre lo pawh a awm tho mai. Chutih
rualin keini Mizote pawh hian kan
hnam dinhmun chawisang tur leh
mite hriat khawpa hmingtha tur
hian kan khawsa em? Enge kan
ngaihdan le?
th
Pathianni Tin Chhuak Chanchinbu Date: 27 February 2011 Phek Hnihna
tura ngaihah hian tunlai huna kan ramin harsatna a tawh hrang hrang
chik taka zirna leh chumi laka kan himna tur thu tha tak tak a chuang
bawk. Zoramin hmel thar a put theih nana Bible zirtirna pawimawhzia
te, hnam nun ze tha leh rorelna dik hlutzia te, chhungkaw tha leh
inenkawlna awmze nei leh hnam hmasawnna tur thu tangkai tak tak a
chuang a ni. He lehkhabu phek 366 zeta chhah, a kawm chhah nalh
taka tuam hi Rs. 200/- man chauh a ni ang.
Bangalore Mizo Association hi kum 1994-a din a ni a, Thu leh hla
hmanga Mizote hmasawnna tur ngaihtuahin CHINLUNG
MAGAZINE pawh vawi 15 a chhuah tawh a. Chuta chuang thu leh
hlate chu Zoram thar dinna kawnga mite nun kai harhtu pawimawh
tak a ni hlawm a, THU THLUR BING huanga thu ziak leh sawihote
chu mite an hlut hle thin a ni.
A ngaihnawm lai lai pir liam liam ila ...
Ø “He theology hi chuan Pathian Ram dikna leh felna a
hmachhuan ang a, mi lian leh hausate thianah siamin a tlawn lo vang,
mi sual thiltitheite a zuah hek lo vang a, mi retheite dikna a palzut
ngai lo vang.” (p. 26)
Ø “Mi pakhatin In Hmun Pass sawm chuang chuang a neih laia
vakvai eng emaw zat lo awm si hi a thlarau lo em em a; dikna
(justice) kan tih nen phei khi chuan a inkalh hulhual a ni.” (p. 42)
Ø “Isuan Galili thingtlang mite a hmangaihin rawng a bawlsak a
ni. An zingah a cheng a, aikal a ruai ve lo!” (p. 71)
Ø “Globalized leh Postmodern khawvelah Zoram thar kan ti
maw?” (p. 73)
Ø “Senority list-a chuang pha chin, Principal leh Headmaster nih
inbeisei pha chin pawh nise, sikul tan an tha dawn em tih finfiahna tur
Exam engemaw tal paltlang ngai awm se ...” (p. 91)
Ø “Necktie leh kawrchung te hi sakhaw thil nge culture?” (p.
167).
Ø “Vai te, Sap te, Japanese ten an neih ve loh thil tha tak tak kan
neih hi hmusita hnualsuat mai loin i uar sauh sauh ang teh ang u.” (p.
192).
Ø “Lal Isuan Kohhran pakhat a din a, keinin phel hransain kan
dawng si a...” (p. 236)
Ø “Zoramthanga lar laia, ‘khaw nge in awm a,’ an tia zawhna
tawn changte Mizoram mi kan ni tih an hriata, “Jouramtangga’ an tih
ve thin khan Mizo nih a tinuam ...” (p. 267).
Ø “Naupangte hian hmangaihna hi ‘H-U-N’ tiin an sipel tlat
nia!”(p. 308).
Ø “I fanu-fapa khan ‘You make me want to be a better
man/woman’ a ti thei asin!” (p. 329).
------------------------------------------------------------------------------------
I dikloh chuan i diklohna chu pawm la, i dik a
nih chuan, ngawi tlat rawh. – Ogden Nash
 Vol. XVI Issue No.47 Bangalore Mizo Association Pathianni Tin Chhuak Chanchinbu
Sakhua
Simplicity Gospel vs.
Prosperity Gospel
Chanchin Tha hi pakhat chauh a ni. Mahse a
dawngtu lama a thawh dan erawh chu kawng tam
tak a ni thung. Chanchin Tha avanga hrehawm tuara
rethei an awm a, Chanchin Tha avang veka
malsawmna tinrenga vur ringtu an awm bawk, kan
sawi zau hlek ang.
Simplicity Gospel
Isua tawngkam thenkhat kan en chuan tlawm tak leh
simple taka khawsa tura zirtirna thu kan
hmu. Chatuana nun neih duha Amah rawn pantu
tlangval hausa hnenah: “I neih zawng zawng hralh
la, pachhiate hnenah sem rawh, tichuan vanah ro i
nei ang, lo kal la, mi zui ang che,” a lo ti (Lk. 18:
22-23). Chumi hnuah, “Mi hausa Pathian rama luh
aiin sanghawngsei, hriau benga luh tlang a awl
zawk a ni,” tiin a comment zui! (Lk. 18: 25)
Simplicity Gospel sawi thin mi thiam, Richard
Foster leh Ronald Side te chuan Isuan mihring
tihhauhsakna thu a sawi lo va, a Chanchin Tha hrilh
thin hi “simplicity gospel” a ni, an ti a. Anniho hi
chuan ringtute simple tein khawsa ila an duh a
ni. Car a nih pawhin a thar aiin second-hand
car hman nise, car kher ni lovin bike emaw hmang
uar ta zawk ila, tiin an zirtir a. Jacques Ellul-a phei
chu a extreme zual emaw tih tur a ni. Kristianna
hian sum leh paia hauhsakna te, Politic thuneihna te
hi a do bur a, sum hi pathian lem a ni a, ramhuai
thiltihtheihna a ni, ti te hialin a ziritr. Nia, hauhsak
viau mai hi chuan Pathian hmel hliahtu leh chapona
suala min tluktirtu a ni thei a ni.
Prosperity Gospel
Sum leh hauhsak chungchanga Isua zirtirna kan
chhui zel chuan Chanchin Tha hian hauhsakna hi a
keng tel a, ringtute chu khawvel thilah pawh kan
hausa tur a lawm, tia tan chhan tur a awm. Entir
nan: “A ram leh a felna chu zawng hmasa zawk
rawh u, tichuan chung zawng zawng chu a pek
belhchhah dawn che u nia” (Mat. 6: 33). Miin dik
taka sum a la lut a niha, a lo ding chhuak ta a nih
chuan, Chanchin Tha nen a inmawi thlawt a; sawisel
tur a awm lo ve! Thianghlim taka sum lak luh chu
‘malsawmna’ a ni reng e. Amaherawhchu, kan sum
lak luhte hi mi dangte chanai kan sawh heksak thei.
Chuti anga mi dangte chanai laa, intihausa chuan mi
rethei an hnuaichhiah a, an rapbet a ni.
Date: 27 th February 2011 Phek Thumna
Paulan, “Pathian ngaihsakna hi lungawina tel
zawngin hlawkna nasa a ni reng a ni,” a ti (1 Tim.
6: 6). Chumi hnu lawkah, “Tangka sum ngainat hi
sual tinreng bul a ni sia,” a ti bawk (1 Tim. 6:
10). Paulan “sum” hi amah ngawtin ‘sual’ a ti lo va,
“sum ngainat” zawk kha sual a tih chu a ni.
“Ngainat” hi a chhelam kawkin helaiah hian a
hmang a, English Bible chuan “lust” an ti deuh
fur! A eng Gospel zawk hi nge kan dawn le? (lhr)
---------------------------------------------------------------------------
Bangalore Mizo
Birthday Chibai (20th – 26th February 2011)
27th February: Toni Fanai (w/o Rev. Athang
Leivon)
-------------------------------------------------------------------
Lawmthu Sawina
Pi. Lalmawlsawmi, NIMHANS-a an zai khan thisen
petu, Tv. Michael Lalchhuanliana, Tv. Laltholiana,
Tv. Lalhriatpuia leh Tv. Lalruatfela te chungah
lawmthu kan sawi e. BMA leh BMCF memberte
min buaipui a, min tawngtai sak thin avang pawhin
lawmthu kan sawi bawk. Tin, Pu Chhuantea leh Pi
Makimi te nupa, Pi. Lalrinpuii te pawhin an hun leh
sum senga min buaipui thin avangin lawmthu kan
sawi bawk. Pathianin a let tam takin mawlsawm che
u rawh se.
Dr. Zorammawia leh a chhungte, Zarkawt
--------------------------------------------------------------------
Lehkhabu Pual
BMA Lehkhabu siamna atan hian Pu Lalhriatrenga
Chhangte mai bakah midang thahnem tak hnen
atangin Sum thahnem kan dawng a, an chungah
BMA te kan lawm tak zet a ni.
---------------------------------------------------------------------
Puan Thui Thiam
Mizo thawmhnaw hak duh zawng, chi hrang
hrangin mawi tak takin kan thui thei reng a.
Englai pawhin pan theih reng kan ni e.
Contact:
+91 88611 85980
RAVE UP
Pheikhawk, Bag chi hrang hrang leh
Jeans tlem 50% discount in kan pe
thei e. Rawn pan thuai rawh i chang lo
palh ange.
Dawr hawn hun: 3:00pm – 9:00pm
Contact: +91 96322 29665
 Vol. XVI Issue No. 47 Bangalore Mizo Association Pathianni Tin Chhuak Chanchinbu Date: 27th February 2011 Phek Lina

Computer / Science / Technology / Environment INFIAMNA

Laptop Battery English Premier League:
‘Laptop battery hi hman zawh thak zel tur, chumi West Ham vs Liverpool 6:15pm
Man City vs Fulham 8:30pm
hnuah charge leh chauh thin tur, battery a tlo
zawk’an tih hi a dik em? Engtiangin nge ka English Premier League point dinhmun:
(as on 27th February 2011, 08:00am)
Laptop battery hi tlo zawk tura ka enkawl theih
Position Club Played GD Point
ang? 1 Manchester United 27 +36 60
Hetianga an hrilh che chuan awih ngai suh. Hman 2 Arsenal 27 +30 56
deuhah khan tlem kan rawn ziak lang tawh a. I 3 Manchester City 27 +19 49
laptop battery chu a lo tlo a, a lo hman rei theihna 4 Tottenham 27 +7 47
tur chuan a hnuai ami te hi ngun takin chhiar la hriat 5 Chelsea 26 +24 45
reng tum ang ang che. Amaherawhchu, Laptop hi 6 Liverpool 27 +3 39
company hrang hrang siam a nih ang hian an battery 7 Bolton 28 +1 37
te pawhin an daih rei zawng a inang lova. Laptop ai 8 Sunderland 28 -2 37
chuan notebook hian a la hmang rei leh zual deuh 9 Newcastle 28 +4 36
bawk. 10 Everton 27 -1 33
1. Laptop i leiin power hmang tlem deuh processor
hmang i en deuh bik dawn nia. Intel a nih chuan Home Theater - LG 42" HDTV, Imported
Consumer Ultra-Low Voltage processor a ni Pioneer system dvd/divx/usb (4 tall
anga, AMD ah chuan Cool & Quite processor an boys+woofer), Computer, Round glass dining
ti ve thung. table set, Samsung 5kg front loading(fully
2. I laptop screen chu a en nuam tawk, eng lutuk automatic) washing machine, Baby crib &
loin i dah thin dawn nia. cradle, Samsung TV plasma 29".
3. I hman laiin program i hman loh te chu i khar vek Contact:
thin dawn nia. Maama: +919535168151, Jona: +919739991373
4. Memory neih that a pawimawh hle. I khawlina a
hman tawk tur tak RAM i vuah tur a ni.
5. Tin, heti hi a ni a, PC Card te, USB leh firewire
dah te hian battery nunna an hmang hek hle.
6. I hmang a nih loh chuan Bluetooth te, wireless
LAN te hi che thei reng reng lo turin dah hmiah
ang che. Battery chakna hi an heh hle a ni.
7. Ngaiteh, a theih hram chuan laptop i hman a
piangin power adaptor hmangin power-ah
connect zel la, i laptop battery chu a lo tlo dawn
nia. I hman zawh zel chuan battery chakna chu a
reilo tual tual ang. Power-a connect chunga hman
zel hi a tha a ni.
Aremrem Services
Tin, laptop battery mai pawh a nilova, digital • Accommodation Assistance
camera te, mobile phone te pawh, battery zawh rat • Admission Guidance
thleng a hman hian battery a ti tlo lo duh a ni. • Application Guidance
--------------------------------------------------------------- • Career Counselling
• Choosing the right course
OSCAR: 83rd Academy Awards chu sem a ni • Complete Info. on Educational Institutions
dawn ta. Movies lama tui tak tak ten an ngaihven • Educational Loan Guidance
hle. India ramah chuan 28th February (Thawhtanni) • Information on IELTS/ TOEFL
zing dar 7am ah Star Movies ah en theih a ni ang. • Scholarship Assistance
Hengte hi Best Picture Nominees te an ni: Black • Post Arrival Problem Solving
Swan, The Fighter, Inception, The Kids Are All • Pre Departure Briefings
• Travel Assistance
Right, The King's Speech, 127 Hours, The Social
• Visa Assistance
Network, Toy Story 3, True Grit, Winter's Bone.