Inkhawmna – St. George’s Church – Abids.

-Dar 3:00 pm

Pencil
Ni khat chu pencil siamtupa hian a pencil siam chu hralh tura a dah hma hian a la hrang a, pencil chu
thu pawimawh tak tak a hrilh a. “Thil pawimawh tak tak panga hrilh tur che ka nei” tiin pencil chu a
hrilh a; “hralh tura ka thawn chhuah hma che hian heng ka hrilh tura che hi hrerengin theihnghilh ngai
lo la, ti chuan pencil tha ber I lo ni thei dawn a ni” a ti a.

“Pakhatna, thil ropui leh chhuanawm tak tak I ti
thei dawn a ni. Mahse heng thil ropui tak takte hi
nangmah ringawtin I ti thei dawn lova, midang kut
a I awm a ngai a ni.”
“Pahnihna, I thar ngaiin I thar reng thei lova, I lo bil
deuh hun te a awm bawk ang. Chumi hunah chuan
na taka zum thatin I awm thin dawn a, mahse hei hi
pencil tha zawk I lo nihna tur a ni.”
Pahnihna, mihring siamthatnan khaw dur a ngai tih
hla phuahtuin a lo tih ang deuh khan, kan nunah
hian buaina te leh chhiatna chi hrang hrang te’n min
tlakbuak dawn. Amaherawhchu kan chunga
chhiatna lo thleng te hian min ti chhia in min ti
tlawm mai tur a ni lova; heng buaina leh chhiatna
chi hrang hrangte hi mihring chak zawk leh tha
zawka min chher chhuaktute an ni tih hi kan hriat a
thain a pawimawh khawp mai.

“Pathumna, I thil ziah sual te chu I thai chhe thei a Pathumna, kan nuna kan thil tih sual te chu kan
ni.” siamtha thei dawn a ni.

“Palina, nangmaha thil pawimawhber chu I
pawnlam khuhtu thing kha ni lovin, I chhungril
ami, graphite lead zawk kha a ni tih I hre reng thin
dawn nia.”
“Pangana, thil I ziahna apaingah chuan hnuhma tha
tak I nei zel tur a ni. Engpawh lo thleng se, pencil I
nihna angin I hna: ‘thil ziah’ hi I chhunzawm char
char dawn nia” a ti a.
Pencil pawh chuan ngun takin a siamtu thu sawi
chu a ngaithla a, a thinlunga thil tum lian tak chu
hlenchuah ngei tumin bazaar-a hralh tur box
chhungah chuan a lut ta a.
He pencil thawnthu hian zirtir tha tak mai a neia.
Kan nun nen han hmehbel ve ta ila. Kan hriat reng
atana tha chu mi belhchian dawl, mi hmantlak leh
mi fel takah kan chhuak vek thei ani tih hi.
Pakhatnaah chuan, he leia kan nun chhung hian thil
ropui tak tak kan ti thei a ni. Mahse heng thil ropui
tak takte hi Pathian kuta kan awm chauhvin a
hlawhtlingin a famkim dawn a ni.
Palina, keimahnia thil pawimawber chu kan
pawnlam mawina ni lovin kan thinlung chhungril
zawk hi a ni.
Pangana, Kristian kan nihna angin kan thiltihna
apiangah leh khawi hmuna kan kal naah midangte
tana malsawmna ni thei zel turin hnuhma kan nei
tur a ni.
Heng zirtir pangate hian kan nitin nun min
kaihhruai theih nan Pathian tanpuina I dil ang u.
16th January 2011 Inkhawm
Programme:
A Hmun: St.George’s Church, Abids
Tan hun: Dar 3 PM
Hruaitu: Pu. Lalchungnunga
Tantu: Nl. Lalsangpuii [Medhipatnam]
Bible Chhiar: Tv. Lalruatfela [Lev 14:43-57]
Nl. Remdikzuali [Mat 13:1-9]
Thawhlawm: Tv. Chrissie Lalhmuthara [HCU]
Nl. Vanlalhumi [St.Francis]
Special Item: Tv. R. Vanlalmuanpuia
Thuchah: Tv. T. Lalremchhunga

HMCF Chanchinbu-Vol-IX-Issue-45-Ni-9.1.’11 (Pathianni)

Create PDF with PDF4U. If you wish to remove this line, please click here to purchase the full version
 Editorial Board
Editor: K. Lalromawia (9963690836)
Joint Editor: Benjamin Lalfakzuala
Cir. Manager: Cindy Zonuntluangi
E-Mail: Lalromawia_kh@yahoo.co.in
Bena5150@yahoo.co.in
Pathianin vawiinni ah chawlhni thar
duhawm tak mai hmu leh thei tura
kan nunna chaklo takte min la zuah
sak avangin A hming chu fakin
awm rawh se!
Kum tharah pawh hun kal chak dan a la ngai
renga; Hratloh chhungin chawlhni inkhawm pawh
a vawi hnihna kan lo hmang leh a der mai le!
HMCF member Krismas leh kumthar hmanga zin
chhuak leh haw te pawh an lo let leh sap sap tan
tawha, inkhawm pawh kan tam chho veleh zel
turah ngai ila. Zirna lamah pawh kum thar a ni
bawka, a tam zawk chuan session thar kan tan
chho leh mek a, khua a la vawt sia class kal te
pawh a la peihawmloh viau maithei a ni. Chutiang
bawkin hna thawka awmte tan pawh hnathawk
tura thawhchhuah chu Krismas leh kumthar
boruak la chambang nen, a peihawmloh viau
maithei a ni.
Mahse hetiang thil te reuh te te ah hian a ni
Pathian tana kan tawrh ve na tur chu ni. Pathian
malsawmna leh Pathian kohna hi kan hmuh hmaih
fo thin; Avang chu kan beisei anga mal min
sawmtir emaw, kan beisei anga kohna hmuh kan
tum thin vang a ni. “Mut thlahlel suh; I lo pachhe
dah ange” tih ziak a nih ang deuh khan peihloh
vang ringawta kan tih tur, lehkha zir emaw hna
thawh te emaw kan sawhsawn zel a nih chuan hun
reiloteah a inchhekkhawl teuh anga a tawpah a aia
nasa a kan thawh tawk a ngai leh nge nge thin a ni.
Chuvang chuan thufing pakhatin nimin leh naktuk
ngaihtuah suh, tun hun hi a pawimawh ber a ni a
lo tih ang deuh khan ‘tun hun’ah hian kan nung lo
fo thin hi kan buaina a ni. Tun huna kan thil tih tur
kan tih thin loh avangin hun kal tawha thil
thlengah kan buai chuk chuka, chumi avang bawk
chuan hun lo la kal turah kan buai phah bawk
thin. Resolution siam tur kan nei anih pawhin
nakum 2012 1st Jan nghah leh kher a tul lo. A la rei
dawn lutuk. TUN HUN ah hian kan tihtur chu I ti
mai zel ang u!
Create PDF with PDF4U. If you wish to remove this line, please click here to purchase the full version
Kan Chhungkua
@ Ni 6 (Thursday) khan City Area-a awm,
Tv.Vanengmawia pa, Pu. Lalchhuanmawia, kum
51 (Electric Veng, Aizawl) chu chawhnu dar 3
khan internal bleeding vangin a borala. Tv.
Vanengmawia hi Domalguda a awm, coaching
kal lai a ni. An chhungkaw tan hian I tawngtai
sak ang u.
@ Ni 8 (Friday) khan Nl.V.Laldinpuii (H.C.U)
chuan a M.Phil submission seminar tluang takin a
zo fela, kan lawmpui hle a ni. Nl. Didini hi School
of Social Sciences hnuaia Centre for the Study of
Indian Diaspora-a researcher a ni. Tunkar
thawhlehni hian Mizoram lam panin haw a tum
bawk. Tluang taka a haw theihnan I tawngtaipui
bawk ang u.
@ Nl. V.Vanlalhruaitluangi (H.C.U) pawh nikum
lam khan M.Phil (History) submission seminar
tha takin a zo tawha, ani pawh hi vawiin ni hian
Mizoram lam panin a haw a, a zinkawngah
Pathian awmpuina leh kaihhruaina a dawn
theihnan I tawngtaipui bawk ang u.
@ Tun kum thar pawh Krismas hmanga haw te
leh zin te Hyderabad lam an rawn let leh tan
tawh a, an zin veivahnaah tluang taka an kal
theih nan te leh buaina chi hrang hrang an
tawhnaah Pathian awmpuina an neih theih nan I
tawngtai bawk ang u.
@ Mizorama kan MLA (Member of Legislative
Assembly) te hlawh ngaihtuahtu Expert
Committee chuan tun kum/session thar atana
MLA te hlawh thar tur (basic pay) chu ti hian a
rawt chhin:
Chief Minister: Rs.90,000
Speaker: Rs.85,000
Cabinet Minister leh Opposition leader te: Rs.
80,000
Dy. Speaker: Rs.70,000
Minister of State leh Dy. Chief Whip: Rs. 65,000
A bak MLA te: Rs. 50,000.
(source: Vanglaini)
Published and Edited by Benjamin Lalfakzuala for and on
behalf of Hyderabad Mizo Christian Fellowship