1

APRIL 4, 2011
NEWS CAST FOR PAMAHAW BALITA

===========================

MAAYONG BUNTAG DUMAGUETE, UG NEGROS ORIENTAL…

KINI ANG INYONG PAMAHAW BALITA, ANG MAGHATOD KANINYO SA LABING LAB-AS UG
NAG-UNANG MGA BALITA DINHI SA ATONG DAKBAYAN UG LALAWIGAN.

GIKAN DIRI SA LAWAK BALITA-ANAN SA POWER 91 DYGB FM…KINI ANG INYONG UBOS NGA
HIGALA KAUBANAN SA KAHANGINAN POWER 2, DX LAPID.

===========================

HEADLINES…

SA ULUHAN SA’TONG MGA BALITA KARONG LUNES MAYO DOS, 2011

1. N-C-R REGIONAL TRIPARTITE WAGES AND PRODUCTIVITY BOARD GIMANDU-AN

SA MALAKANYANG NGA MAGHIMO NA OG PUBLIC HEARING ALANG SA PAG-PA-
UMENTO OG SUHULAN.

2. MGA PILIPINO SA TRIPOLI NAA NA SA KAKUYAW NGA KAHIMTANG TUNGOD SA

PADAYON KAGUBOT DIDTO.

3. POPE JOHN PAUL THE SECOND GIDEKLARA NA ISIP USA KA BALA-AN… LIBUAN KA
DEBOTO NYA MITAMBONG SA BEATIFICATION DIDTO SA VATICAN CITY.

ANG HINGPIT NGA DETALYE INI SA PAGBALIK SA PAMAHAW BALITA DINHI SA LABING
GISALIGAN ANG NUMERO UNO… POWER 91 DYGB F-M.

=======================

BALIK SA MGA BALITA

==================

SA BALITA SA KAULUHAN…

GIPAABOT NGA SUNOD SEMANA… MUGAWAS NA ANG KAMANDU-AN SA REGIONAL WAGE

BOARD ARON PAGHATAG OG UMENTO SA SUHULAN SA MGA MAMUMU-O SA PRIBADONG
SECTOR SA NATIONAL CAPITAL REGION.

DUNGAN SA MANDO NI PRESIDENTE BENIGNO AQUINO THE THIRD… NGA DALI-ON ANG
PAGHISGOT SA NAG-UNGOT NGA WAGE HIKE PETITIONS… DAKO ANG PAGSALIG NI P.NOY
NGA DALING MATUBAG ANG WAGE BOARDS ANG HANGYO SA LABOR SECTOR.
KARONG ADLAWA… SUGDAN SA REGIONAL TRIPARTITE WAGES AND PRODUCTIVITY
BOARD ANG PUBLIC HEARING SA WAGE HIKE PETITION SA N-C-R.

SUMALA NI AQUINO… HUMAN SA HEARING… POSIBLE SUNOD SEMANA DUNA NAY WAGE
ORDER SA N-C-R.

GAWAS INI… GIBALITA SAB SA PRESIDENTE NGA POSIBLENG SULOD NING BULANA…
MASULBAR NA SAB ANG PETISYON SA MGA MAMUMU-O SA REGION 6… REGION 8 UG
CENTRAL VISAYAS.
2

SA UNANG PAKIGHINABI NI DEPARTMENT OF LABOR AND EMPLOYMENT SECRETARY

ROSALINDA BALDOZ DESIDIDO ANG REGIONAL WAGE BOARDS NA DALION ANG
PAGPROSESO SA HANGYO NGA TAS-AN ANG SUHULAN SA MGA TRABAHANTE.

====================

GIMANDU-AN NA SA MALAKANYANG ILABI NA SI EXECUTIVE SECRETARY PAQUITO OCHOA

JUR… NGA TUBAGON GISANG-AT NGA PETITION NI LOCAL WATER UTILITIES
ADMINISTRATION CHAIRMAN PROSPERO PICHAY KALABOT SA PAGTU-ON SA
PAGPATUMAN SA EXECUTIVE ORDER 13.

GUSTO NI PICHAY NGA IBASURA SA KORTE SUPREMA ANG E-O 13… SAMA SA UBANG E-O
SA AQUINO ADMINISTRATION TUNGOD SA PAGLAPAS INI MATOD PA SA BATAKANG
BALAOD.

SULOD SA E-O 13 ANG PAGBUNGKAG SA PRESIDENTIAL ANTI-GRAFT COMMISSION UG

PAGHATAG SA JURISDICTION SA PAG-C NGADTO SA INVESTIGATIVE AND ADJUDICATOR
DIVISION SA OFFICE OF THE DEPUTY SECRETARY FOR LEGAL AFFAIRS.

GITUKOD ANG PAG-C SA PANAHON NI KANHI PRESIDENTE GLORIA MACAPAGAL-ARROYO

UG USA SA MGA BUHATAN SA GOBYERNO NGA GIDAOT OG SAMOT ANG KASAMTANGANG
KAGAMHANAN.

SA MENSAHE NI S-C SPOKESPERSON UG COURT ADMINISTRATOR JOSE MIDAS MARQUEZ

GISULTI INI NGA GIHATAG SA KORTE ANG PALASYO NGA TUBAGON ANG PETISYON NI
PICHAY SULOD SA NAPULO KA ADLAW.

==================

MAS DAGHANG FILIPINO MEDICAL WORKERS SA LIBYA ANG NAGPADAYAG SA

KAGUSTUHANG MU-ULI NA SA PILIPINAS SA ATUBANGAN SA KAGUBOT SA MAONG DAPIT.

SUMALA NI SAN FRANCISCO CATHOLIC CHURCH FATHER ALLAN ACEBUCHE NGA GABASI
SA TRIPOLI, LIBYA… DILI NA LUWAS ANG SITWASYON SA MAONG LUGAR TUNGOD SA PAG-
ATAKE SA PWERSA SA NORTH ATLANTIC TREATY ORGANIZATION.

UNA NI-INI… NAMATAY SA LABING ULAHING PAGPAMOMBA ANG KAMANGHU-RANG SA

LIBYAN LEADER MOAMMAR GADHAFI.

SA PAGKAKARON… GIINGONG DUNAY 2, 500 PA KA OVESEAS FILIPINO WORKERS SA

TIBUOK TRIPOLI REGION DIIN 1, 500 ANG NAKABASI SA SENTRO SA MAONG DAPIT.

===================

MIGAHIN OG 2 BILLION PESOS NGA PONDO ANG GOBYERNO ARON TUBAGON ANG
PANGINAHANGLAN SA SECTOR SA AGRIKULTURA ILABI NA SA GITAWAG NGA FARM
INPUTS.

SA GIHIMONG ANUNSYO NI P.NOY… NI-INGON KINI NGA SA KASAMTANGAN GI-ATIMAN NA

LANG SA DEPARTMENT OF AGRICULTURE ANG IMPLEMENTING RULES SA GOVERNMENT
SUBSIDY ALANG SA LISO UG FERTILIZER.

GIKLARO NI P.NOY NGA SA MAONG PONDO LAHI PA SA NAG-UNANG 4 BILLION PESOS NGA
RICE SUBSIDY SA DEPARTMENT OF SOCIAL WELFARE AND DEVELOPMENT.

GISIGURO SA PRESIDENTE NGA HIMUONG PULIDO ANG PAGPATUMAN SA PROYEKTO

ALANG SA PAGSIGURO SA LIHITIMONG BENEFICIARIES ANG TINUOD NGA MAKADAWAT SA
TABANG GIKAN SA KAGAMHANAN.

===========================
3

GITAY-OG SA MAGNITUDE 4.6 NGA LINOG SA KADAGATAN SA MATI DAVAO ORIENTAL

PASADO ALAS OTSO SA GABII.

NA-TAHO NGA ANG SENTRO SA LINOG SA 86 KILOMETROS SOUTH EAST SA MATI CITY

SUMALA SA PHILVOCS MABAW RA ANG MAONG LINOG DI-IN NAA SA DUHA KA KILOMETRO
RA ANG GILAWMON INI.

WALA HINUOY NASAKITAN O NASAMDAN SA MAONG LINOG.

==============================

GIDEKLARA NA NGA BLESSED SA SIMBAHANG KATOLIKA SI POPE JOHN PAUL THE

SECOND.

SA BEATIFICATION CEREMONY SA SAINT PETER BASILICA… GIPROKLAMA SA

PINULUNGANG LATI NI POPE BENEDICT THE SISTEENTH ANG PAGHIMONG BLESSED NI
POPE JOHN PAUL THE SECOND DIIN NAMAKPAK UG NANYAGIT ANG MGA LIBU-AN KA
DEBOTO.

HUMAN SA PROKLAMASYON… GIPAKITA ANG GAPAHIYOM NGA HULAGWAY SA KANHI

SANTO PAPA.

APIL SAB SA SEREMONYA ANG PAG-BLESS SA MGA BUTANG SA KANHI SANTO PAPA….
APIL NA ANG VIAL SA DUGO NGA GIDALA SA ALTAR SA MADRENG FRENCH NGA
GIMILAGRUHAN SA SANTO PAPA HUMAN MA-AYO NI-INI ANG SAKIT NGA PARKINSON’S
DISEASE NGA SI SISTER MARIE SIMON PIERRE.

BASI SA DATOS SA ROME POLICE… MI-ABOT OG KAPIN SA USA KA MILYON KA TAW ANG
MITAMBONG SA BEATIFICATION CEREMONY NI POPE JOHN PAUL THE SECOND SA VATICAN
CITY.

NAHIMONG POPE SI JOHN PAUL THE SECOND SULOD SA 26 KA TUIG SUKAD NIADTONG
OKTUBRE DISE SAIS 1978 HANGTOD ABRIL DOS, 2005 DIIN NAMATAY KINI.

GI-ISIP SAB SIYANG LABING IMPLUWENSIYADO NGA LIDER S 20 TH CENTURY UG LABING

UNANG NON-ITALIAN POPE SUKAD NIADTONG PANAHON NI DUTCH POPE ADRIAN THE
SIXTH.

=======================

SA BALITA SA PAG-UGNAT SA KUSOG…

GIPABUHAGAY SA SUGBUANONG BASKETBALL HOTSHOT NGA SI DONDON HONTIVEROS

NGA NAGHINAMHINAM GYUD SIYANG MAKABALIK NA SIYA’G DUWA SA NATIONAL TEAM
UBOS SA SMART RP GILAS.

SUKAD SA IYANG PAGSULOD SA PHILIPPINE BASKETBALL ASSOCIATION (PBA), ANG

PRODUKTO SA UNIVERSITY OF CEBU (UC) WEBMASTERS KANUNAY NA GYUNG MASULOD
SA NATIONAL TEAM NGA PORMAHON SA PBA.

APAN SA LABING ULAHING NATIONAL TEAM NGA GIPORMA SA PBA UBOS SA PAGGIYA NI
COACH YENG GUIAO, WALA NA NAAPIL SI HONTIVEROS.

SI HONTIVEROS, KINSA NAGDUWA NA KARON SA AIR 21 EXPRESS, MAOY USA SA UPAT KA

PBA PLAYERS NGA GIHUWAMAN SA GILAS ALANG SA KAMPANYA NIINI SA UMAABOT NGA
FIBA ASIA, ANG QUALIFYING TOURNAMENT ALANG SA LONDON OLYMPICS.
4

ANG UBANG PBA PLAYERS, NGA DILI MAKADUWA SA SUNOD KOMPERENSIYA ARON
MOTUTOK SA ENSAYO SA GILAS, MAO SILA SI ASI TAULAVA SA MERALCO, JIMMY ALAPAG
UG KELLY WILLIAMS SA TALK N’ TEXT.

MALAUMON SI HONTIVEOS NGA MAAYO ANG DAGAN SA GILAS TUNGOD SA PROGRAMA

NGA GISUBAY NIINI.

===============

SA ENTERTAINMENT NEWS…

MAS NAGKASUOD KARON SILA JM DE GUZMAN UG LEADING LADY NIINI NGA SI LAUREN
YOUNG SAMTANG NAGPADAYON ANG SERYENG "MULA SA PUSO".

SAY PA NGA DAGHANG HIGAYON NA NGA NAGALAKAW ANG DUA, NAGAGITIKAY PA KINI SA
USAG-USA.

MAY MGA REPORTS PA NGA GINATAPAD PA NI JM ANG IYANG BANGKO SA STANDY AREA
TENT SA AKTRES ARON LAMANG PERME SILA NGA DUOL SA USAG-USA.

ANG MAONG EKSENA WALA GI-DENY NI JM, APAN GIBUTYAG NIYA ANG TINO NGA RASON
NIINI.

KINI ANG UNANG HIGAYON NGA NAGKA-TRABAHO ANG DUHA, UG ALANG NI LAUREN DI
LISOD NGA KA-TRABAHO SI JM.

PANAWAGAN SA DUHA NGA PADAYON LAMANG NGA MOTUTOK SA MATAG EKSENA SA

ILANG SERYE TUNGOD SAMTANG NAGKADUGAY NAGKALAMI UG NAGKALAWOM SAB ANG
CLOSENESS SA DUHA.

===========

FINALLY MITINGOG NA SI ANGEL LOCSIN LABOT SA MGA TSIKA NGA NAG-UBAN SILA NI
PHIL YOUNGHUSBAND SA HONG KONG SA NAKALABAY NGA SEMANA.

SA USA KA INTERVIEW, GIANGKON SA AKTRES NGA MISUNOD KANIYA SI PHIL SA HONG

KONG ALANG SA IYANG BIRTHDAY CELEBRATION.

ANG AKTRES WALA NA MIHATAG PA OG DUGANG DETALYE LABOT SA ILANG PANAG-UBAN

SA PLAYER DIDTO, DIIN ALANG NIYA ANG IMPORTANTE MALIPAYON SIYA SA IYANG LIFE SA
KASAMTANGAN.

USA KA SUOD NGADTO SA DUHA ANG NAGKANAYON NGA GIHATAGAN NI PHIL SI ANGEL
OG DIANE VON FURSTENBERG BAG ISIP REGALO SA IYANG BIRTHDAY.

NO COMMENT GIHAPON ANG AKTRES SA PANGUTANA KUN SILA NA BA SA AZKAL PLAYER.

APAN GIKLARO SAB KINI NI ANGEL OG NAGKANAYON NGA, "NO, NO. TOO SOON PA. HINDI
KO ALAM KUNG ANO ANG SASABIHIN KO. I THINK MAS BETTER KUNG SIYA ANG
TATANUNGIN NIYO. NAHIHIYA AKO KASI SIYA ANG GUY. I THINK MAS PROPER KUNG SIYA
ANG SASAGOT."
5

GIKLARO SAB NI ANGEL ANG MGA REPORT NGA NAKITA SIYA UBAN NI PHIL SA ST. LUKE'S
MEDICAL CENTER SA NAKALABAY NGA SEMANA.

SA NAKALABAY, GIPAABOT NI PHIL ANG IYANG INTERES NGA MAKADATE SI ANGEL SA

VALENTINE'S DAY PINAAGI SA IYANG TWITTER ACCOUNT.

BISAN WALA PA MAHINAYON ANG ILANG DATE SA MAONG ADLAW, APAN ANG DUHA
MIKUMPIRMA NGA MIGAWAS SILA PIPILA KA ADLAW HUMAN SA VALENTINES DAY.

===============

MAU KADTO ANG MGA NAHIPOS NGA BALITA SA NEWS AND PUBLIC AFFAIRS SA INYONG
GISALIGAN ANG NUMERO UNO POWER 91 DYGB FM…UGMA MAG-UBAN TAG USAB ALANG
SA PAMAHAW BALITA KAUBAN GIHAPON KO ANG ANG INYONG POWER 2, DX LAPID…
MUSUNOD NA ANG EDITORYAL --- KAUBAN SI ROMY AMARADO.