Zo Phualva

Vo l u m e 1 , I s s u e 5 Thupuak May 21, 2011

Thahatna hi lo, vangliatna zong hi loin keima Kha hang ahi hi. Zech 4:6

N U N G Z UI P I 1 2 T E ’ M I N
Tuni, tuhun, tulaitakin khua hunte kikhel mahmah ta a, Lai Siangtho gen mah bangin, hun bei ding nai mahmah
ta hi. Tua ahih manin, mite in, Pasian thu ah lungkim nawn loin, leitung deihgawhna, sum leh pai leh min leh za bek
mah ki ngaihsun hi. Tua kawmkalah adiakdiakin, hih Malaysia gambel mite adingin, UNHCR ah thudotna (interview)
hong kibawl ciangin, “Nang bang biakna?” hong kici a, kipak takin, “Khristian” ci-in kidawng pah hi. “Khristian nahih
leh nungzuipi 12te min nong gen thei dia?” ci-in gitneih hetloh pi’n hong dot ciangin, mantak a adawng thei ding haksa
hi. Tua hun ciangin, ih Khristian hihna hong maizum huai mahmah a, UNHCR te’n zong hong muanzah dingin hong
muang nawn lo pah hi. Tua ahih manin, Khristian khempeuh in, ih theih dinga, kilawm upna lamah ih pupite’ min
peuhmah ih theih ciat nading deihna tawh hih Zo Phualva pan a kihawmsawn hihang. Topa’n thupha hong piaksak ta
hen.
Lungdamna Lai Siangtho bu li sung panin, Synoptic Gospel kici, bu thumte (Matt., Mark, Luke) leh Sawltakte tang-
thu bu sung pan a, kila hi.
SYNOPTIC GOSPEL
Matt. 10:2-4 Mark 3:16-19 Luke 6:14-16 Acts 1:13, 26
1. Simon Peter 1. Simon Peter 1. Simon Peter 1. Simon Peter
2. Andrew 2. Jacob 2. Andrew 2. John
3. Jacob 3. John 3. Jacob 3. James
4. John 4. Andrew 4. John 4. Andrew
5. Fillip 5. Fillip 5. Fillip 5. Fillip
6. Bartholomai 6. Bartholomai 6. Bartholomai 6. Thomas
7. Thomas 7. Matthew 7. Matthew 7. Bartholomai
8. Matthew 8. Thomas 8. Thomas 8. Matthew
9. Alfe-as’ son Jacob 9. Alfe-as’ son Jacob 9. Alfe-as” son Jacob 9. Alfe-as’ son Jacob
10. Thaddias 10. Thaddias 10. Zealot Simon 10. Simon Zealot
11. Kanan mi Simon 11. Kanan mi Simon 11. Jacob’s son Judas 11. James’ brother Judas
12. Judah Iskariot 12. Judah Iskariot 12. Judah Iskariot 12. Matthias
(Sawltak 11 tawh kisimkhawm Matthias).
Topa’ lenggah huansunga naseppih,
Rev. Dr. Cin Sian Pau
Email: sianhungpu@gmail.com
Ph: 017-329 1810

CIDAMNA THU (Singgahtui Lamdang)
Ankam bulsan (Carrot), Ankam nam mah abul adup-
san abem nam (Beet Root) leh Panti (Apple).
Mr. Seto a kici pa khat tuap cancer natna hong nei
hi. Sen gam pan a kibawl a minthang mahmah herbalist a
kici singteh singgah tawh kibawl zatui dawn dingin hong
kisawl hi. Seto in tua zatui kha thum sung hong dawn aa, a
cidamna angei hong bang kik takpi hi.
Tua zatui pen a lamdang hi hetlo hi. 1) one beet root
( ankam bul a beem a sandup te bulkhat . 2) One carrot
(ankam bulsan bulkhat). 3. One Apple (panti pumkhat))
tua teng sawpsiang sitset in aphelneu nono in at nen ding
aa singgah gawina tawh gawi tui ding hi. Ih gawi tui khit
ciangin thakhat in ki dawn pah thei hi. (a namtui zawkna
ding leh a lim zawkna dingin tampaza (lemon) tui ki hel
thei hi. )
Hih singgah namthum gawm in gawi tui a ih nek na in a
nuai a bang in phat tuamna hongpia hi.
Ih sunga om cancer cell te a khantohna dingpan dal hi.
Ih sin, ih kal, leh ih zel natna te dal aa, tua te sung
aom meima te zong dam sak hi.
Sikhang leh lungtang natna dal aa, tuap tha hat sak hi.
Ih pumpi sung aa natna a dal silehsa (cell) te thahat
sak hi.
Mit san gega , mit kham , mittui kang natna te kiam
sak aa, mit khuamuhna a dingin hoih mahmah a,mit
tha hat sak hi.
Ih sa golh na(muscle pain) , pumpi gamtat luatna
hang a na ihsak nate kiam sak in dam sak hi.
Sungpai man sak in, ih vun hoih sak in cidam sak hi.
Lungno hang a gawlna, leh angawi hat loh man a ih
kam uih te bei sak hi.
Numei te khasim laihuan ciang a natluatna pan nop-
tuam sak hi.
Cisa natna a nasia lua te nuamtuam sak mahmah hi.
Hih zatui ( singgah tui ) ih dawnna hangin ih pumpi
sukkhakna (side effect ) bangmah om lo hi. Thahat sak
bek lo in ih gilpi in gawinop sa in cidamna huh mahmah
hi.
Bang hun in bang cih dawn ding
Zingsang bangmah na nek ma in, nagil sungah
bangmah a om loh laitak in khatvei dawn in. tua na dawn
khit nai khat ciang zingan (breakfast ) ne in. Ni khat in nih
vei dawn ding aa, zingsang khatvei leh nitak nai 5pm ma
khatvei dawn ding hi.  Syama Aye Cing
THU TUAMTUAM
 Kha Manpha Thumte: April 30, 2011 Sabbath
hunpi pen Pr Jeffrey Pum Pau, New Zealand, in Topa’
kammal tawh hanthotna hongpiak ban ah tuiphumna
hong makaih in ih sanggam ahi: Pa Thang Tung Pau, Tg
Tuan Go Mang le Tg Cing Sawm Lian te in Jesu gumpa
le honpa in hong sanna tawh kizui in tuiphumna hong
nei thei ahih manin lungdam mahmah hang. Topa’ tuu
huang sungh hong lut thak kha manpha 3te Topa’n hong
kepsak ta hen!
 Cheras Julek HomeCell: May 1, 2011 nitak in Pr
Lian Dal te nupa, Sia Ngaih Cin, Sia Dalpu, Sia Mung-
tong te Cheras Julek vengah vapai in Nu Niangte inn ah
inn thungetsakna le homecell te nopci takin va makaih
uh aa, Pr Lian Dal in Topa kammal tawh thapiakna
hong nei hi.
 Zomibup Kikhopna Kinei: May 3-5, 2011 sungin
FGA biakinn, Klang Lama ah Zomibup kikhopna nitak
sim kinei aa, makaipi 5 sungpan Dr Simon Pau Khan
En, Dr Cin Do Kham le Dr Gin Khan Khual te in
Zomite khantohna ding thugenna nasia takin hong nei
uh aa, tha kingah kilawp mahmah tek hi. Hi hun sungah
Zomi lasiam Stephen Vocal Band le ETC Trio te in
phatna late hong zai ziahziah uh aa nopci tak in hunte
kizang ziahziah hi.
 Nute’ Ni Nopci takin Kibawl: May 7, 2011 Sabbath
pen Nute’ Ni ahih mah bangin hunte khempeuh Nute
tawh kizang khawm hi. SS lesson Sm Vungbawi in
hong makaih in Hunpi ciangin Sm Tam Man Lin (Pr
Leong Fai’ Zi) in hanthotna hong nei thei hi. AY hun ah
hong kihel Nute pahtawina la, lapau cihte khangnote’n
hong sa/gen uh a, Sia Khambawi (Bangkok, Thai) in
Nute’ ading hanthotna kician takin hong nei in, Sia
Ngaih Cin (Church Pastor) in Nute ading thungetsakna
hong nei hi. Hong kihel thei Nute 23 kipha aa letsong le
paakte tawh pahtawina kinei thei hi.
 Elders Ordination & Nekkhawm Kinei: 2011 kum
pawlpi upa dingin a kiteel Sia Dai Khan Mung, Sia Pau
Suan Khai le Sia Tual Suan Mung te abeisa Sabbath
May 14, 2011 ni in Pr Kai Khan Khual in khut ngak
thungetna le apna hong neihsak hi. Tua ban ah Pastor pa
in nekkhawm le khe kisilsakna te hong makaih in mimal
80 bang hong kihel thei hi.
 USA Leengta: May 11, 2011 ni in USA aleeng khia
ta Pa Suan Za Thang (Pyidawtha) lungdampihna in
Church Pr Ngaih Cin le Dorcas Leader Aye Cing te in
May 10, 2011 ni in a omna Setapak ah vapai in thapi-
akna le thungetsakna va nei thei uh hi.
 Pr Kai Khan Khual Hong Zin: Topa hong geel-
sakna tawh kawlgam pan in Pr Kai Khan Khual
(Stewarship Director of MYUM) Manila, Philippians ah
tintan kah ding Malaysia hong baang thei aa May 13,
2011 nitak 7pm in hong tung hi. May 14, 2011 Sabbath
hunpi, AY hun te ah kha-an kician takin hong muam ban
ah May 15, 2011 ni in Canaan ZCF ah cidamna thupuak
va tangko thei in mipiten tha kingah mahmah tek hi.
May 17, 2011 nai 10:15am in Philippians lam hong zuat
santa hi.
 Cina Vehna: May 14, 2011 Sabbath kikhop hun
man khit ciangin Pr Kai Khan Khua, Sia Ngaih Cin,
Sm Aye Cing, Tg Suan San Piang, Tg Khai Khai le Sia
Mungtong te in GHKL zatopi ah vapai in cina Mungpi
(Mualbeem) thungetsakna le vehna vanei uh hi. I
thungetna te Topan hong dawngin Mungpi pen May
16, 2011 ni in zato pan tuak khia thei ta hi.
 Sapna Lai Hawmna Kinei: May 18, 2011 ni in Sia
Ngaih Cin le Pa Dalpu in Mrs Leong Fai makaihna
tawh May 22, 2011 ni aa kibawl ding Health Screening
ading sapna lai Ampang veng inn sik ah vahawm sak
uh hi.
 Huhna Antang Ip 10: May 18, 2011 ni in Madam
Goh Cheng Siew in Zomi Refugee te sungah a ci-
mawh, damlo in nasem zolo te, khangham nasep neilo
te piak dingin antang kg10 ta ip10 hong pia aa, Zomi
Innkuan Malaysia zumpi aa fulltime volunteers ta din-
gin ip3 kikhen khia pah hi. Hong huh hong piakkhiatna
tungtawn in Topa’n thupha azah tampi hong thuhsak ta
hen.
THU ZAKSAKNA
♦ Ki-ngah Lai: Quarter Nihna Sabbath School lesson
(Zokam-RM 5.00) om lai hi, adeih ding peuhmah in
SS makaite kiang pan kingah thei lai hi. IZCC Calen-
dar RM 10.00 kingah lai hi.
♦ Pate’ Ni Hong Tung Dekta: June 18, 2011 ni pen
Pate’ Ni ahih mah bangin nopci takin bawlsawm ih hih
manin ki zasak sawn tek ni.
♦ EBENEZER Sing Song Service: Hong tung ding
June 25, 2011 ni in kha6 cin Lungdamkohna, Phatna le
Ki-apna hun zang khawm ziahziah ding ih hih manin
ih vekpi ih kim ciat nang hun la khol tek ni.
♦ Dahpihna: Tonzang khua mi Pi Vung Go Man (kum
76), Tai 9, in May 14, 2011 ni 7:40am in Kawlpi za-
topi pan hong nusiat manin a innkuanpih kibang in ih
dah khawm hi.
♦ Thupha Dawhna: Sabbath hunpi man sialin nekna
dawnna kibawl den ahih manin thupha dawh nuam
aom leh pawlpi tanu khat peuh tawh ki zasak thei hi.
♦ Lungdamkohna: Tutung Zo Phualva Thupuak tawh
kisai abei khempeuh Siannu, Khai Khai, Sangpi te
unau in hong piak khiat manin lungdamna lianpi ih
ciamteh hi.
Produced & Distributed by ZAC Family (2011)