VOL. XXIX ISSUE NO. 25 An Official Organ of Y.M.A. Republic Veng Branch Dt. 19.06.

2011

LAWMTHU SAWINA
YMA Day kan hman zawh takah Section hrang hranga YMA member bakah YMA Chhang leh nu leh pa kan tel tha hle a, kan lawm em em a ni. Tin, Local Council a kan hotute leh vengchhunga kan thawhpui MUP leh MHIP te'n min hlutpuiin kan programme min rawn hmanpui bawk a, an mi uapna zarah programme tha tak kan hmang thei kha a lawmawm em em a ni. Hun chep tak kara kan sawmna ngai pawimawh a khuallian ni a min rawn hmanpuitu Pi F. Lalhuthangi, Councillor chungah lawmthu kan sawi bawk a, hun hlu tak senga min rawn telpui bakah pawisa Rs. 3,000/ - lai min pe bawk a, kan lawm em em a ni. MC&DC, Republic Vengin Branch aiawhin mawi takin cheraw an entir a, an chungah lawmthu kan sawi bawk e. KTP, Republic Veng te'n a man chanve chauh chawiin Sound System tha tak min hmantir avang te, Tanpuina bawm dawha tanpuina petu te, intihsiakna lawmman tur min ngaihtuahsaktu Pi Lalzarmawii te, YMA Day hlawhtlinna atana tha leh zung, sum leh pai sengtu zawng zawng chungah lawmthu kan sawi tak meuh meuh a ni. Sd/- Secretary YMA, Republic Veng Branch

YMA Day hlim taka hman a ni

The Republican, 19thJune, 2011 : YMA Day vawi 76-na chu ni 15.6.2011(Nilaini) khan kan veng field-ah Joint YMA Committee in a lo rel tawh angin, YMA Branch pathum kan veng- Republic Veng Branch YMA te, Upper Republic Veng Branch YMA te leh Republic Vengthlang Branch YMA ten a huhovin kan hmang a. Hemi ni hian khua a chhe deuh hlek nain YMA member te kal kan tha hle tho a ni. YMA Day hman ni hma chiah Councilor chu khuallian niin a ni ni 14.06.2011 (Thawhlehni) zing hian YMA Day a hawng a, Major kar khan Branch YMA pathum te Vanlalthanga, Republic Salvation hian mahni Branch huamchhung Army Corp in hunserh a hmang a, theuhah vengchhung tihfai hnatlang Pu MS.Ralte, Secretary Upper an nei a. Tin, YMA Day denchhen Republic Veng Branch YMA hian kan Branch huamchhung a mi kaihhruaiin YMA thuthlung sawi harsa te hnenah Branch YMA chuan rual a ni a, Pu Laldawngliana, Vice tanpuina a hlan bawk a ni. President Republic Vengthlang Kan Branch-ah chuan ni Branch YMA in fuihna thu a sawi 14.06.2011 (Thawhleh) zan khan bawk a ni. Inchhiarna neih a ni a, 'Social' neih a ni a. Hemi zan hian zaithiam zai ngaihthlak a ni bawk. kumin a zirna lama hlawhtlinna Session-I programme hman chang thar te leh infiamna lama zawh a nih hnu hian YMA leh YMA veng tihmingthatute, mi eng emaw chhang member te tan intihsiakna zat hnenah lawmpuina thuziak pek neih zui nghal a ni a. Intihsiakna a a ni. zawh hnu hian a kharna programme YMA Day zingkar khan Branch neih zui nghal a ni a. Pu J. tina section YMA ten kan veng Chamliana, President, Republic field-ah awmna tur buk sak Vengthlang Branch YMA in a hnatlang an nei. Zing dar 10:30 kaihruai a. Intihsiakna result puan A.M. ah programme tan a ni a, Pu leh lawmman sem a ni a. Pu M. Ngurthanmawia, President Repub- Lalthlamuana, President, Upper lic Veng Branch YMA in hun a Republic Branch in lawmthu sawiin kaihruai a. Pi F.Lalhuthangi, Ward hun khar a ni.

s * s

h a .

TANPUINA PE
Branch YMA chuan kumin YMA Day lawmna pakhat atan kan veng chhunga chhungkaw 9 hnenah YMA Day puala tanpuina Rs. 300/- theuh, a vaiin Rs. 2,700.00 a pe a. Hei bakah hian Central YMA in Ruihhlo Ngaite Puala Camping a buatsaih tur tanpuina atan Rs. 5,000/- pek a ni bawk. Tin, YMA Day a member kalkhawmte atangin Tawngtai Bethel Camping Centre tanpuina atan thawhlawm bawm dawh a ni a, Rs. 4,030 lai hmuhchhuah a ni a, hei bakah Branch pathumte YMA Day hmanna tur pawisa tlingkhawm atanga a bang Rs. 1,220/- a vaiin Rs. 5,250.00 chu he camping centre tanpuina atan hian pek a ni bawk. He Camping Centre hi Central Anti Drug Squad (CADS) in ruihhlo ngai leh zuar an man te enkawlna hmun atana hman thin a ni.

S ECTION YMA N EWS

Sec-I YMA Day a memberte eitur artui chhumsaktu Pu. Chawngthantluanga te nupa chungah lawmthu an sawi tak meuh a. Tin item a tel ten theihtawp chhuah a an beih avangin section hruaitu ten lawmthu an sawi tak meuh meuh bawk a ni. Sec-III YMA day a thingpui inna tur Pi Chalthangi w/o Lalthanmawia (L) te chhung chuan Section tan Rs. 500/- an pe a. Tin, a tul apianga hman atan Pi Sermonthangi te chhungin an motor an thawh bawk. Thilpek petute chungah leh field a ei tur siam a fatu sak tu te chungah lawmthu an sawi a ni. Sec IV YMA Day intihsiakna a tel tura an ruat leh chanvo dang a ruat, tihlawhtlingtu zawng zawng chungah lawmthu an sawi tak a. YMA Day a an bungrua phurh nan a lirthei a thlawn a hmantirtu Pu Lalchungnunga, Pu Lalnunmawia leh Pu T.Lalhmingthanga te chungah lawmthu an sawi bawk. Sec-V Doordarshan Kendra, Aizawl Station a an hla khung tur chu recording an peih fel tawh a. Tin, AIR, Aizawl Station a khung turah Pu R.Liandawla'n a buaipui avangin Section V YMA memberte a chungah an lawm hle. * Nimin zingkar khan YMA Day a an sulhnu te tifelin member pum huap hnatlang an nei a, memberte an thawkchhuak tha hle.
Phek-3-naah chhunzawm a ni..

The REPUBLICAN WEEKLY

Y.M.A. REPUBLIC VENG BRANCH

Dt. 19.06.2011

E DITORIAL B OARD
Editor Jt. Editor News Editor : H. Lallianmawia : H. Lalhriatpuia : Robert Zosangliana Albert Lalsangzuala Lalbiakthuama HS Lalremsiama Biakzosanga David Lalrinawma Lalzarzova : Lalchhuangliana : Emmanuel Rodingliana Lalhmangaihsanga Sailo

Manager Cir. Managers

9436153827 9862536632 9862379583 9862374165 9089603091 9862325356 9615820570 9862355749 9856310432 9436192239 9862247848 9862170549

NGAIHTUAH A NGAI E... (chhunzawmna)

Mapuia Hnamte, Section-III 4. YMA hi kan teirei peih meuh em? : Silpauline zar tih vel avanga CYMA inthlan a buaichuar chho tak nuaih hma leh ti tak mai a YMA a vir tak vut vut hma a kan hruaitute thusawi thin chu, YMA member chu teirei peih mi a ni tur a ni tih te, YMA tih leh hnathawhkawr tih hi a inzawm a ni tih te a ni thin. Tunah erawh chuan Talhfiak nena kan zam that viau laiin Tlawmngaihna kawngah erawh kan mawng a rit leh si deuh em? Hun a liam ta deuh bawk a kumtir lama chhiattawk chhungkaw pakhat kan sawngbawl dan phei kha chu a lungchhiatthlak takzet in ka hria. Nilai zan a ni a, Kohhran lianberin Rawngbawltui inhlanthar zan a hmang a, YMA member 1000 chuangte kha Rawngbawltu an ni ta vek ni maw... Khawhar in kal tur kan unhmu zo lo a. Ningani zan a lo ni leh a, Branch YMA inthlan zan alo ni leh si. Khawhar in a awm avanga inthlan thulh emaw khawhar in kal phawta inthlan emaw ni tura ka lo ngaih laiin, a khawhar in programme zawk kha kan pawt chhe ta zawk a. Hunserh kan hmang a, thenkhat phei chu an lo thleng fel chiah a, chawmdawlna bawm a tla pawh chinfel hman hma in kan bang titih der mai. Teirei peih YMA ni thin khan ban hun pangai aia minute 10 vel pawh a ban hma a inthlan kha kan ngam turah ka lo ngai a. Tin, a rem nganglo anih pawhin January thla a kan inthlan hman chuan a tawk, vengchhung boruak in a zir miau loh avangin. Kha chhiattawk chhungkuate kha zan hnih (2) ngawt lenpuitu awm mang lovin hun an hmang ta a nih chu... a tuartu dinhmun a indintir khan a hrilhhaithlak takzet a ni. Tun hunah tu chhungkaw chungah mah thleng tawh suh se. 5. YMA avtivities nge Mizo Culture? : Chhiatni thatni a kan insawngbawlna hi YMA activities pawimawh tak chu a ni phawt mai. A chhan chu Mizo culture vawmg nung tu pawl awmchhun chu YMA hi a nih tawh muau avangin. Chuvang chu ni maw! Khawhar Inah te, thlanlaihnaah te pawh section inchhiar te kan ching chho ta, mahse kan section tlem bik ang tih hlau vang ringawt a thahnem kan ngai a nih chuan a dik ber lo mai thei. Heng zawng zawng hi YMA hruaitute pawhin hnam rilru pu a, Mizo Culture a ni ti a kan in zirtir uar deuh deuh a tha ang. 6. Hruaitu nge Hotu? : Pawl a lo din reng reng in he thil pahnih hian danglamna nasa tak a nei thin. Tlawmngai Pawlah ngat phei chuan kan fimkhur lehzual a ngai hle a ni. YMA hruaitu ni tur hian an pheikhawk bun atanga teh chi a ni lova, an nitin khawsakna atanga teh chi a ni hek lo. Tin, kumin a chaldelh tawh vanga innihtir chi a ni lo a, in thei sem ngawt chi lah ni hek lo. CYMA a kan hruaitu hlui pakhat T.V. a an rawn kawmna a a sawi ka hriatreng chu, YMA hruaitu ni tur hian a thawh a thawhchhuah a ngai, a ti.. Chumi awmzia chu chhiat ni thatni a mi tlawmngai leh zuan zang, a sawi aia thawh taima tihna a ni. Keini ho hi a reltu nge kan nih a bawhzuitu? Eng pawl hruaitu pawh ka ni thei e, chu pawl thiltum chu kan

r e p u b l i c a n c h a n c h i n b u . b l o g s p o t. c o m
YMA RUN hmang turte tan Br. YMA I/c Secy., Property - 9862369320 / 9436362024

YMA DAY
YMA Day vawi 76-na chu kan veng field-ah a huhovin Branch YMA pathum : Republic Veng Branch YMA, Upper Republic Veng Branch leh Republic Vengthlang Branch YMA ten kan hmang a, a hlawk thlak in a hlimawm hle a ni. Tun hma in Republic Veng Branch YMA tih hnuaiah kan awm vek thin kha a ni a, mahse hmasawnna lo thang chho zelah inthen darh a lo ngai ta a. Kum engemaw zat kan hman ho loh hnuah, a huhova kan hmang leh thei hi a lawmawm in kan awm ho laia hruaitu lo ni thin te leh active member te tan phei chuan a lunglenthlak hle in a rinawm a ni. Tun tum YMA Day kan hman khan Republic tih hming pu vek, Branch pathum a in thendarh ta te, kan lo la inlungrual zia leh kan lo inngaih tawh zia a tilang chiang hle a. A tha zawngin nghawng nei chho zel se a duhawm hle bawk a ni. Tin, khawchhia in a dan zawh loh YMA member te leh YMA chhangte, kan field neihchhun tak meuh meuh a, a chhiatna haider a, hlim taka kan infiamte kha a hmuhnawm in YMA Day kha a hlawhtling hle a, a zawngchhang thlak hle bawk a ni. YMA Day kan hman zawh takah kha kan hruaitute inpekna a fakawm hle, tin, an mi sawm ten an chanvo an rawn tihlawhtling thei deuh vek bawk a, programme pawh a hun taka kan tan thei a, hei hian kan puitlin tawh zia a tilang a ni. YMA innghahna chu tanpui ngaite tanpui a ni a, rampum huap han thlir pawhin Branch hrang hrang report ah thisen pek, mirethei insak, damdawiin a eitur pek, etc. a ni fur mai kha a lawmawm a. Keini pawhin Central YMA camping tanpuina te, camping centre tanpuina tur leh vengchhung a tanpui ngai tanpui nan kan hmang bawk a nih kha. Tanpui ngaite tanpui hi i chhuzawm zel ang u..

Huang Zalen
* Sec-V Leader titi: Branch Vice President Thenzawl ah duty in a kal a. Eng vangin nge an nu a hruai kher kher nge a zui lui, kawng thalaiah a accident kher a ti, zing hnatlangah pawh a rawn chhuak ngam lo an ti. - Branch O.B. tu emaw * Pu Editor, Republican HSSLC Pass tharte in tarlanah khan hmeichhe 4 te kha d/o tih turah s/o in ti a, uluk deuha edit a va tha em. from - Zuala Chawngthak, Sec-IV (A lawmawm e, fimkhur nan kan lo hmang zel e..Ed)

The REPUBLICAN WEEKLY

Y.M.A. REPUBLIC VENG BRANCH

Dt. 19.06.2011

Article chhunzawmna.....

tihlawhtling tawk em? Hruaitu kan nihna pawl activities ah chuan kan tel tam tawk em? Hruaitu kan nihna pawl theuh a kan chetvel dan te kan inen hian hotu ni lovin hruaitu kan inti ngam em? Hotu ni lo Hruaitu kan mamawh si a. Ngaihtuah a ngai e.... 7. Thalaite chona? : Tunhnaia Board exam hrang hrang a result chhuaka hlawhtlinna neitu zawng zawngte thinlung takin ka lawmpui a che u. Republic Veng hmel in timawi a, in kal leh zelna turah hlawhtlinna duhawm zawk in neih ngei ka beisei. Hna hrang hrang lak a result lo chhuak chanchinbu lama lo lang thinte hi han chhiar in Republic Veng thalai lang a tam lo thin hi kei, lehkhathiam lo ber hi ka lo rualawt thin. MCS te, MBBS te, etc. Central Services thleng te hian Republic Veng hming hi a lang ve nuk thin se ka van ti em! Dept. Head-te, Director rual velte leh VIP light nena office kai turte hi kawipui velahte hian insulpel nuk nuk mai se tiin duhthu ka sam a, hetiang tur hian Republic Veng thalai, lehkha thiam tak tak hian in tithei a, veng dang miin a an nih theih aia sang hi in nithei a ni. Kan rual u ten an vanglai hun ropui takin an sawi thin. Keini, tuna thangtharte hian kan tu kan fate hnenah enge kan sawi ve dawn? Rampum thiltihahte hian kan veng hming hi a va reh ta em!! Hmanni lawka CYMA in Mizo infiamna kutpui a buatsaihahte khan kan veng hming a lang lo hle mai. State a ni emaw rampum huap a ni emaw sports displine hrang hrang a hnehna changtute hi Republic Veng thalaite zing ami hi ni thei fo turin kan infiammi te u, tan han la sauh sauh te u. Nangni ai mah hian ka lo lawm thin a nia. Issue lehah chhunzawm a ni ang...

Cell Phone
Cell phone hi kan ramah kan hmang nasa tawh hle a. Changkang tak tak nei pawh kan tam in, a chhuak thar ber ber pawh kan kawtkaiah lei tur a awm zel tawh a. Chutihlaiin eng Cell Phone te nge kan ram (India) pum a lar tih hi kan ngaihthuah ngai em? India ram pum a kan hman larte leh an man zat nen hetiangin :1. Nokia N8 Mobile Phone - Rs.22,900/2. Nokia C3 Mobil Phone - Rs.5,900/3. Samsung Galaxy S Mobil Phone - Rs. 27,500/4. Nokia 5230 Mobile Phone - Rs.7,100/5. Samsung Wave Mobile Phone - Rs.17,500/* Cell Phone company ten tunlai hian Cell Phone an in siam that siak nasa hle a, a market pawh a tha hle tih a hriat a, chutih mek chuan khawvela Cell phone hralh 5 a 1 zel hi a suak (duplicate) a ni.

HRISELNA

I Lo Hrisel Zawk Nan

* * * * * * * Mahni thua damdawi inchawh hi a hlauhawm hle. Mimal tinah damdawi hnahthawh a danglam thei. Kum upat danin damdawi hnathawh a tidanglam thei. Zu in mi-ah te, meizial zu mi-ah te, ei leh in hrang hrang avang pawhin a danglam thei. Vawikhata damdawi chi hrang hrang ei pawlh vakte hian taksaah chhiatna a thlen theih laiin kan ei chhan ber natna atan a thawk miah lo thei. Zunthlum damdawi, Antibiotics, Phungzawl damdawite leh lungna damdawite hi a ruala ei hauh loh tur. Heng damdawi ei lai hian Antacid (Pumpui chakna) ei miah loh tur :Tetracycline, Ciprofloxacin, Azithromycin, Digoxin, Chloroquine, Doxycyline, Enalapril, Ofloxacin, Phenytocin, Rifampicin. Ciprofloxacin leh Ofloxacin te, Tetracycline leh Doxycyline te hi iron telna damdawi chi nen ei pawlh loh tur. Antibiotics te hi chaw eikham veleh a ei ai chuan, chaw ei hma darkar khat emaw chaw ei hnu darkar hnih hnuah ei tur. Tetracycline ei laiin bawnghnute lam chi ei loh tur. Tetracycline hi naupang kum 12 hnuai lamah hman loh tur. Thisen sang damdawi te hi chaw ei hma darkar khat emaw, chaw ei kham darkar hnih hunah ei tur. Ciprofloxacin ei laiin bawnghnute lam chi leh iron telna ei loh tur. Antifungal drugs heng, fluconazole, Griscofuvin, Ketoconazole ei laiin bawnghnute lam chi ei loh tur. Zu in mi tan Paracetamol ei miah loh tur, thin a ti chhe thei. Hritlang damdawi leh Antihistamine ei laiin lirthei khalh loh tur. Issued by Drugs Control Administration, Directorate of Health Services, Mizoram Aizawl

Section News Chhunzawmna...

Sec-VI YMA Day a an section YMA leh TMA chhang member thahnem ngai taka kal te chhungah lawmthu an sawi a, tin, YMA Day a inelna pakhat Mixed Relay Race ah pathum (3)na an hauh a, an Section aiawha member tlan zawng zawng te an chhuang tak meuh meuh a ni. An Section YMA chhang Commander-in-Chief atan an Asst. Secretary nilai Pu David Lalremruata an rua t thar bawk. Sec-VII Dated 14th June, 2011 (Tuesday) zing khan YMA Day pualin section huamchhung thenfai hnatlang an nei a, member an thawkchhuak tha hle. Hnatlangte Squash in tur leinan Pi Kaptawni chuan Rs.200/- a thawh a, tin, bawlhhlawh paih nan Pu Ngurthanmawia, President Branch YMA motor hman a ni bawk. Mi thilphal te chungah section YMA chuan lawmthu a sawi. * YMA a theihtawp chhuaha item hrang hrang a section aiawh tute hnenah section chuan lawmthu a sawi. Tin, memberte field a kal zawng zawng hnenah lawmthu a sawi a, YMA Day a a tul apianga hman tura a motor thawhtu Pu R.Laltanpuia, Executive Committee member hnenah section YMA chuan lawmthu a sawi bawk. * Section YMA Jersey lo kawl palh in awm chuan a ranglama section hruaitute hnenah thehlut tura hriattir in ni e.

* * * * * * * * *

The REPUBLICAN WEEKLY

Y.M.A. REPUBLIC VENG BRANCH

Dt. 19.06.2011

Central YMA News

* YMA Free Computer Centre 5th Batch tur chu atan diltu mi 143 te interview neih a ni. Ni 21.6.2011 ah 4th Batch te Certificate hlanna CYMA Hall ah neih a ni ang a, ni 27.6.2011 atangin Class tan a ni ang. * Ni 27th June - 10th July, 2011 chhunga Krista Hnungzuitu Tawngtai Bethel Camping Centre-ah Ruihhlo ngaite puala Camping neih tur chu inbuatsaihna a kal tluang zel. Branch hrang hrang atangin Camping tanpuina a lo lut zel a, a lawmawm hle a ni. Camping ah hian Pu Lalsanglura Ralte, Speaker Sons of God chu Speaker a ni ang.

SUNNA
Tv. H. Lalthangsanga (38) s/o Thangkhawsawia (L) Section-III ami chu ni 15/6/2011 (Nilaini) tlai dar 5:00 pm khan Internal Bleeding avangin Aizawl Hospital ah a boral a. A ruang hi zanah lumen pui a ni a, a tuk ah Republic veng thlanmual ah phum a ni. Khawhar chhungte Republican in kan tuarpui hle.

LAWMTHU SAWINA
Kan pa, Lalbiakliana Ralte (75) in June 2011 a min boralsan chungchangah leh a damloh chhung zawnga min buaipui a, a dam leh theih nana min tawngtai saktu, Kohhran leh mimal thahnemngai te, tin, amah thlahna huna min lainattu, Kohhran, YMA, khawtlang nu leh pa zawng zawng chungah lawmthu kan sawi tak meuh meuh a ni. Kan tana in thatna zozai kha Pathianin a let tam takin rul let che u rawh se tih hi kan lawmthu sawi na leh tawngtaina a ni e. In khawngaihna dawngtu Lalngeni leh a fate Republic Venglai YMA Day ah lawm turin field ah YMA chhang te nen kan pungkhawm tam hle a, a hawnna ah hnamlam mawi tak a entir a ni

AR- PUAHSA .....

Pu Ropuithanga te in hnuai, Kawipuiah AR Puahsa englai pawhin lei tur a awm e. Veng chhung mite'n khawngaiha min dawr thin turin kan ngen a che u. In thian LALRAMLAWMA (Malawma) (3-2) Contact : 9862819177
YMA Day pualin Section hrang hrangah Vengchhung thenfai hnatlang neih a ni (14.6.2011)

YM A D AY - 2 011 R E P U B L IC V E N G , U P P E R R E P U B L IC & R E P U B L IC V E N G T H L A N G IN T IH S IA K N A R E S U L T
R e p u b lic Ve n g B r a n ch
Section - VIII Section - VII Section - VI Section - IV Section - III Section - V Section - I

U p p e r R e p u b lic B ranch
Vengchung Hmarveng Mualveng Venghlun Section Section Section

Biak In Mual

Section

Section

IN C H H IAR N A 1 2 3 M e m b e r z aw n g z aw n g z2 70 at M e m b e r k al z a t P e r c e n tag e R an k 49 5 11 62 38 4 63 24 2 75 2 07 25 30 3 52 25 6 26 4 91 41 8.3 5 574 54 9 .4 1 32 1 40 4 23 54 4 10 75 38 6 12 5 4,7 78 74 1

18 .15 1 2.1 3 1 6 .4 1 30 .99 1 2.0 8 1 7.1 6 10 .16 2nd Y M A IN T IH S IAK N A

12 .4 6 12 .77 1 8.2 9 3 2 .3 8 3rd 1 st

1 2 3 4 5

P e n a lty S h o o t-o u t (M e n 3 r d ) M ixe d R e la y R a ce K e ta min u R a ce (M e n ) 1st

1s t 2n d 3rd 2n d 3rd 2nd 3r d 1 st Y M A C H H AN G IN T IH S IAK N A 3r d

2nd 1 st

K e ta min u R a ce (W o me n ) K aw i k ah (W o m e n ) 2nd

1st

1 2

P o iso n B a ll (M ixe d )

3r d 3rd 1 st

2nd 3rd 2nd

1 st

Za w n g a L e ilaw n (M ix e d )

Published by Republic Veng Branch YMA, Printed at Zo-Awm Press, Khatla, Copy675

Section

Ite ms

Field Veng

S l. No .

Remarks

R e p u b lic Ve n g th la n g B r a n ch