ZOTNA Zo-alsi

ZSK-Yangon Tea Party Zomi Siamsin Kipaw lna Yangon te makaihna tawh tukha May 21,2011 (Sat) ni-in Tea Party pen Agape Zomi Baptist Church ah kinei thei hi.Zomi lasiam minthang te leh siamsin lasiam lia leh taang te in zong la hoih tuamtuam hong sa uh in tha kingah mahmah hi.Zomi siamsin lamsiam te in zong lamna tuamtuam hong lak uh a mipi in zong tha kingah mahmah hi.

Hih thului pen Zolai (Tedim kam) tawh kigelh ahih manin Tedim kam a zang Zomite sim dinga kigelh cihna hi pah hi. Kampau dang a zang Zomite nawlkhinna hilo-in Tedim Zomite bulphuh deuh cihna hi. Tua banah Tedim Zomi Khristiante adinga kigelh ahi hi. Tua zong biakna dangte paampaihna hilo-in Tedim Zomi a tamzaw Khristian ahih man uh hizaw hi. 1948 February 20 ni-in Falam khua ah mipi kikaihkhopna khat om a, Zogam ki-ukzia khel dingin sisan naisan luanna kihel lo-in kithukimna om hi. Tua thu bulphuhin 1950 October 9 ni-in Zomi Nam Ni dingin February 20 kiseh hi. Hih bang hun ah minam sungpan khangham thutheite leh a pil a siamte gensa teng enkakin thupi taka ngaihsut-huai thute a nuai-a bangin tawmkhat i sungkhia ding hi.
1. A Tuamtek Hi Kawmin Kipumkhatna (Unity in Diversity) Mipilte in leitung tangthu sunga piang ngei kitot kiseelnate leh gal kidonate a etkik uh ciangin thu a lekkim-a muh zawhlohna hanga a piang tamzaw, cih mukhia uhhi. Ei muhna bek maan sa-in midangte muhna peuhmah a khial ci-in a kipom tek ciangin gam khat leh khat kikal, minam khat le khat kikal, leh biakna khat le khat kikal ah kilemlohna piang a, tua panin gal le sa bangin kinei uhhi. Bek thamlo, gam khat sung, minam khat sung, leh biakna khat sung nangawn ah muhdan a tuamtuam om thei a, tuate leptuah theihloh manin kitot kiseelna piang hi, ci uhhi. Tua ahih manin ei muhna bek ci teeltaal lo-in midangte muhna zong kantel ding kisam, ci uhhi. Midangte muhna limtak kantel lehang hoihna leh muibutna nei tek uh ahihlam kimukhia ding a, tua panin theihsiamna leh sansiamna piang ding hi. A kitheisiam, a kisangsiam mite in thu haksate kikum khawmin kilemtuah thei uh ahih manin amaute kikal ah kilemna omzaw hamtang hi. Tua kilemna pen muhna kibat mana piang hilo-in muhna a tuamtek nei pipi mah kileptuah theih mana piang ahih manin a tuamtek hi kawmin kipumkhatna (Unity in Diversity) kici hi. Hih thu, thumaan thuhoih khat ahih manin a kizuih a kizat ciangin muibun mahmah a, phattuamna tampi piang takpi pah hi. A kitawng a kiseel gamte, minamte, leh kipawlna tuamtuamte in hih thumaan tungtawnin kilemna ngah uh a, nakpi-in hamphatlawh uhhi. Tua ahih manin hih a tuamtek hi kawmin kipumkhatna thu pen kikhenkak theihna nam a kici khempeuh (khua, kampau, beh, pawlpi, adg.) tawh a kikhenkak Zomite ading zuihloh zatloh a phamawh thu ahi hi. 2. Kipumkhat Kawmin A Tuamtek Hihna (Diversity in Unity)
A tunga a tuamtek hi kawmin kipumkhatna a thupitzah khatin kipumkhat kawmin a tuamtek hihna (Diversity in Unity) zong thupi kan hi. A tuamtek hi kawmin kipumkhatna tungtawnin thuhoih thupha tampi

Pawllutna leh Directory ZSK-Yangon te ii hanciamna tawh mailam Siamsin nasepna te ah matutzo zawh nading, siamsin khat leh khat kimeltheihna ,kihuaina te ah mabanzo zawh nading lunggulhna tawh Siamsin pawllutna form kibawl hi.Pawllut man 500 Ks tawh pawlpi tuamtuam a siamsin makai te kiangpan form kingah thei ta hi.Siamsin Directory zong kibawl ding a hihmanin maan (Photo) khat tawh a manlang thei penin nong ap kik ding uh hong zasak ung.

MOMNO estd-1993

a pian ciangin mi tampi lunglutin vai khempeuh ah hih thu mah bulphuh ding hanciam uhhi. A lungdamhuai, a thapiak-huai thu ahi hi. Thu khat ah, na khatpeuh a cingkim cih om theilo ahih mah bangin a tuamtek hi kawmin kipumkhatna ah zong a uang, a khengval thei thu khat om leuleu hi. Tua in: Kipumkhat ding ut luat manin a tuamtek hihna nangawn mansuah dekna, hi. A tuamtek hi kawmin kipumkhatna ii taw-phah thu pen i teenna leitung ah nate nam khat bek a om hilo, nam tampi, mal tampi, a namkim-a om hizaw (pluralism), cih thu hi. Kei bek, ei bek, ei mihingte bek, ei minam bek, ei beh bek, cih bang hilo-in mihing banah ganhing leh singkung lopa zong om, ei minam banah minam dang tampi zong om, ei biakna banah biakna dang tampi zong om, cih thumaan khat muhkhiatna leh sansiamna ahi hi. Leitung pen ei aa bek hilo-in minam dangte, biakna dangte, leh a tawpna ah ganhingte leh singkung lopate aa zong hi, cih thu phawkthak ciangin ei thu bek thu sa nawnlo-in a dangte zong thu-a simna ahi hi. Tua bangin a dangte thusimna panin a dangte (kibatlohpihte) tawh kilem nadingin kibatna teng zongkhia ding cih thu hong piangkhia hi. Kibatlohnate ultungsak lo-in kibatna teng bulphuh lehang kilemna piangzaw ahih man hi. Kibatlohna tampite kawmkal ah kibatnate zong tampi mah kimukhia a, tuate lakah a thupi diak khat pen leitung-a teengte, leitung ah a kingate i hihna hi. Kuakua ahi zongin leitung kisia leh a vekpi-in a kisia ding vive ahi uhhi. Tua ahih manin i vekpi-in leitung kepcing ding vaipuak i nei hi. Tua vaipuak neihna ah mi khempeuh in kibatna nei uhhi. Hih kibatna zonkhiatzia pen a hoih mahmah khat hi a, ahi zongin a hoihlo lamin zong kizang thei hi. Zong, kizang ngei khin hi. Gamkekte in a khutnuai gamte leh minamte a kitomkhiat ding uh a dalnop manun thu-tangpek loh nading (kibat ding) hanthawn thei uhhi. A citam, a thahat minam (majority/dominant group) khat in a citawm minamte (minority groups) a vuknelh, a valhtum nop manun kibatna siksan thei uhhi. A vaihawm zote in kipumkhat nading paulamin amau vaihawmna bangbang, a vaihawm zolo mite kizuisak thei uhhi. Biakna, kampau, leh ngeina kibang hileh kipumkhatna om ding cihna tawh biakna khempeuh khat suahsawmna, kampau leh ngeina nam khat bek zatsawmna zong om thei hi.Hihte pen kipumkhat nading hanciamna ahih hangin a tuamtek hi kawmin kipumkhatna nam hilo hi. Kipumkhatna citak (genuine) hilo-in a hut (counterfeit) ahi hi. Kibatna a zon uh pen kibatna taktak muhkhiat nading hiloin amau tawh kibat nading hizaw hi. Tua thu a kikhua-phawk khakloh ciangin tua bang vaihawmnate kizuikha thei a, eima aituam minam, kampau, ngeina, biakna, cihte (a tomin: identity) kithusim nawnlo thei hi. Tuate kipletna pen khangthak hun paizia tel lo-a khanglui thu ah awkcipna, mi batlohna, leh kipumkhat ding khaktanna, cih danin kingaihsun kha hi. Tua mah zong kipumkhatna hut a vaihawmte ngim le tup hi pah hi. Tua hi a, a tuamtek hi kawmin kipumkhatna citak a om theih nadingin kipumkhat kawmin a tuamtek hihna kiplet ding kisam hi. A tuamtek hihna kiplet cih ciangin kibatlohpihte paampaihna hilo hi. Hilo bek thamlo, kibatlohpihte (ahihkeileh, kibatlohna) thupi-simna hizaw hi. Taktakin, kibatlohpih a om ciang bekin kei leh nang a omthei pan hi a, kei leh nang a om ciang bekin ei om thei pan hi. Tua hi a, ei (kipumkhatna) a om nadingin a kibanglo kei leh nang (a tuamtek hihna) a omloh phamawh hi. 3. Minam, Kampau, Ngeina, leh Biakna Zogam (Chin State) pen Kawlgam sunga om gamke (state) khat ahi hi. Gam tuam nei lo-in Kawlgam ah a teengte i hi a, tu hunin Kawlgam banah leitung mun tuamtuam ah i kithehthang hi. Khantohna nam khat hi a, ahi zongin manthan theih nading thu zong ahi hi. Minam kipletna a om keileh theihloh kalin Zogam Zomi, Kawlgam Zomi, leh Gamdang Zomi ci-in a tawmpenin nam thum a kisuahthei dinmun ah i om hi. I pau ciangin Kawl kammal hel lo-in a pau theilo minam i hita hi. Kampau (language) cih pen a hun zui-a a kikhelkhel mah hi lel, i ci thei lai hi. Zopau kicing kei a ci zong om sawnsawn hi. Kawlpau leh Mangpau a kicinna pen a puah a zuun man uh hi a, a omsa a kimangngilhte pholhkhia-in a om nailote behlap uh ahihlam thei kha lo hi lehang kilawm hi. Milak i kihelzawh nadingin Kawlpau leh Mangpau limtak zattheih ding thupi a, minam kip nadingin Zopau i theihloh phamawh hi.Khangthak hun ah minam ngeina tuam cih zong om nawn kei, leitung bup zatdan a kibat hun (Global Culture) hi, a ci om thei hi. Nitumna-lam gamte ngeina ahihlam kiphawk kha lo hi. Tua khangthak ngeina zattheih ding a kisam khat hi a, ahi zongin zattheih nadingin minam aituam ngeinate paihkhiat masak a kul hilo hi.

MOMNO estd-1993

Kumzalom 20 sung Zomite thakhatin a khantoh vat pen Khristian mission hong tunna hang hi deuh hi. Kawlgam ah Buddhism a tun Kumpi Anawrahta hun pek hi a, ahi zongin Zogam hong kipuakto lo-in Zogam leh Zomi adingin zong bangmah hong seem lo hi. Leimong khat pan Khristian mission hong pai teutau-in kha thu, taksa thu hong pantahin hong khansuah pen Pasian hong deihsakna cih ding lohngal a dang om theilo hi. Tua Pasian i nusiat ngeiloh ding thupi hi. Sya Pau Lian Mang (Tedim Chrirstian College)

Siamsin Medical Trip

A bei sa April 13-15 sungin Kawlgambup Zomi Siamsin Kipawlna te makaihna tawh medical trip pen Tedim gam Buanli khua ah kipai thei hi. Medical trip pen Zogam mun tuamtuam a-om haksatna tuamtuam hangin zato kilak mengmeng zolo, zatui ne mengmeng zolo ahi i mipihte huh nadingin a kibawl hi. Medical trip bawlna-ah ngimna nam nga om a tuateng in anuai-a bang hi. 1.Zogam mun tuamtuam ah a-om Zomite cidamna dinmun(standard) asang zawk nading 2.Zomiten cidamna manphatna le thupitna te thei-in cidamin khansau takin nuntak theih nading 3.Cidam lote-in cidamna ngah nading 4.Zatuilam siam Siamsinte-in Zogam mun tuamtuam ah a-om Zomite om dan ,nek dan,dawn dan te thei-in minam itna akhang theih zawk nading 5.Zomi khangnoten Zomi zatuilam siam Siamsinte engin ahanciam zawk nading cih ngimna te tawh a kibawl ahi hi . Hih medical trip ah Siamsin sangnaupang 24 bang a kihel thei hi. Siamsin siavuan(MBBS) mimal thum , ha siavuan (B.D.S) khat, Zatui lam asin sangnaupang guk le Sang(University) tuamtuam akah Siamsin sangnaupang 14 bang kihel thei hi. April 12 ni nitakin United Pentecostal Church Buanli ah kipulakna hun kibawl thei hi. April 13 ni pan kipanin Cina kivelna hunte kipan thei aa Buanli sangpi ah akibawl hi. Ha natna etna, thu kantelna te zong kinei thei hi. Nitak lam teh Tuiphum Biakinn ah hun bawlna kinei-in cidam nading tawh kisai thulaigil te hilhciana, gam le minam khantoh nading gam ki-ukzia, kipattahzia, gamtat luhekzia cihbang theihhuai thute hilhcianna zong kinei thei hi. Siamsin siama te makaihna tawh zong naupangte pattahna-in Laisiangtho kammal hilhna, la le lam hilhna te, khutsiamna tuamtuam hilhna te zong kinei thei-in Buanli khuanu khuapa te zong lungdam mahmah uh hi. Khuanu khuapa te in zong Siamsinte tung ah tha le ngal tawh ahizong, neihsa sum le paai tawh ahizong hong itna-uh hong lakkhia ahiman un lungdam huai mahmah hi. By Mungpi

Siamsin Summit(Yangon)
Kawlgambup Siamsin Kipawlna te makaihna tawh a (2) veina Zomi Siamsin Makaite Khawmpi (Summit) pen hong tung ding May 27 pan May 29,2011 sungin Yangon Siamsinte innteek sepna tawh Faith BibleTeological Seminary(FBTS) ah kibawl ding hi. Hih Khawmpi ah Siamsin Executive Committee (SEC) members, Siamsin Commossioner members le Zomi Siamsin Kipawlna-UM pan a kiciamteh Senior le Advisor te hong kihel kim ding hi. Tu-a a kibawl ding Khawmpi pen a nih veina hi-in a khat veina pen nungkum 2010 in Mandalay ah kibawl hi. Tulaitak in Zomi Siamsin Kipawlna-UM ah panmun alen teng anuai-a bang hi. Siamsin Executive Committee Pawlbup Thuzekpi ( General Secretary) Tg. Mang Sian Mung ( Yangon) Tumging le Ngeina Nasempawl ( Music and Culture Department) Thuvanpi - Tg. Ai Lun Kap ( Monywa) Kantelna le Khantohna Nasempawl ( Research and Development Department) Thuvanpi - Tg. Thang Sian Muang ( Sagaing) Sum le Pai vai Nasempawl ( Finance Department) Thuvanpi - Tg. Zam Sian Dal ( Kalay) Thukizakna le Thuciamteh Nasempawl ( Information and Data Department) Thuvanpi - Tg. Zam Suan Khual ( Mandalay) Lai lam Nasempawl ( Literature Department) Thuvanpi - Tg. Langh Kim Deng ( Hakha) SiamsinCommission Pawllutang Dawl Commissioner Tg. Neng Suan Thang ( Kalay ),Tg. Khen Lam Tuang ( Sagaing ),Tg. Pau Sian Dal ( Monywa ),Tg. Nang Khan Lian ( Mandalay ),Tg. Thang Lam Mang ( Hakha ) Tg. Thang Sian Muan ( Yangon ) Thuvanpi Dawl Commissioner Tg. En Lam Suum ( Mandalay ),Tg. Do Sian Mung ( Monwya ) ,Tg. En Lian Cin ( Sagaing ),Tg. Pau Kim Thang ( Hakha ),Tg. Pau Zo Lian ( Kalay ),Tg. Bia Za Mung ( Kalay ),Tg. Thang Din Pau ( Kalay ),Tg. Kam Kim SIng ( Kalay ),Tg. Hau Khup ( Kalay ),Tg. Mang Khup Piang ( Yangon) .

MOMNO estd-1993

Chin Literature and Culture Committee (CLCC)

ZOMI CIH CIANGIN

A beisa Feb,4,2011 ni-in Chin literature and Culture Committee (CLCC) te-in 2011 laisin kum a ding makaithak teelna leh hongtung ding ( 63) veina Zominamni vai kikupna Agape Zomi Baptist Church (AZBC) biakinn ah neithei in a nuai a teng in tukum CLCC hongmakaih ding makai te hi. President :Sm.Hau Za Cing( Tedim-Tongzang Sub-committee) Lecturer ,History Department Vice President(1) : Sm.Daw Shein Paing Assistant Lecturer ,IR,YEU Vice President(2) :Salai Ngun Za Hmung(HakhaThangtlang Sub-committee) Secretary :Lia Niang Theih Kim(Tedim-Tonzang Sub-committee) Joint Secretary (1) :SalaiPeter Thiam Bawm Sang(Falam Sub-committee) Joint Secretary (2) :Mai Betty (Matupi Subcommittee) Treasurer(1) :Mai Dar Chin Sung(Hakha-Thangtlang Sub-committee) Treasurer(2) :Mai Gracy(Falam Sub-committee) Auditor :Lia Vung Khawm Nuam( TedimTongzang Sub-committee) Literacture :Tedim-Tonzang Sub-committee Culture :Hakha Thantlang Sub-committee Sport :Hakha-Thantlang Sub-committee Financial :Falam Sub-committee Advocacy :Matupi Sub-committee Communication :Asho Sub-committee Property :Mindat-Kanpalat Sub-committee
(Zo Aw July-Sept85) Zomi cih ciangin, Zo ngeina limtak lenin,puah in kipsak hi. Zo pau limci sakin khangsak hi. Zo lai bulbawl in,mainawt sak hi. Zomi cih ciangin, Zo gam it in khual hi. Zo laphuakin sa hi. Zo heisa hah in etlawm sak hi. Zomi cih ciangin Zo minphuak in thangsak hi. Zo puan silh in ki zeem hi. Zo nik teengin kalsuan hi. Zomi cih ciangin, Zo minam ni phawk in tang hi. Zo kumthak bawl in khuado hi. Zo suan zonote pantah in don hi. Zomi cih ciangin, Zo mi in Pasianlim leh mel hi. Zo gam in Pasian khutma hi. Ci-in Pasian um in midangte a it hi.

HA HA HA HA
Khatvei Tg.Mr.Bean leh a lawmpa khat thu tuamtuam kikum in a om uh hi.Tualaitak in a lawmpa in Alawmpa :Lawm Bean aw ken Coffee dawn leng ihmu thei vet kei veng aw. Tg.Mr.Bean :Hi maw ....lawm poi sam cei .Keibel ihmu leng bek Coffee dawn thei keng.Ka koi cih tam?

63 cina Zominamni
F=February 20 ni Zominamni hi cih mah bang in zomite in kumsin in ii neih 63 cinna Zominam ni pen( Chin Literature and Culture Committee)te makaihna tawh MBC huansung ah nasia tak in kibawl in mimal 1000 val bang hongkihel thei hi.

CLCC Tea Party

A beisa April 7,2011 ni-in Chin Literature and Culture Committee(CLCC) te makaihna tawh Yangon khuapi sung a om sangnaupangte khat leh khat ki meltheih na ding leh kipumkhat zawk na ding lunggulhna in Tea Party pen Agape Zomi Baptist Church(AZBC ) ah kibawl thei hi.Kam kinialna(debate) tuamtuam,kimeltheihna leh kimawlna tuamtuam zong kinei thei in CLCC siamsin sangnaupangte khempeuh in zong nuam kisa mahmah hi.

Ngaihsun in maw lawm

1.A tung saguh a sung tui sik bang? 2.A tung meikuang a nuai tui lii bang? 3.Unau tampi tuktum khat ki tang bang? 4.Sitang muam a phit khia bang?

MOMNO estd-1993

Person of the year

Leitung a magazine minthang a hi Time magazine ii person of the year 2010 pahtawina pen Facebook a phuankhiapa a hi Mark Zuckerberg in ngah hi.Mark pen kum 26 a pha pan khangno khat hi in leitungbup thukizakna leh kizopna khat a hi Facebook a phuankhiapa a hi.A mah pen tulaitak in Facebook ah CEO a seplaitak hi in ,leitungah a khangno pen mihau Billionaire khat zong hi.A mah pen mi tung ah thupha bawl ding a uk khat hi-in tukum sung zong the Neward,N.J .school system a ding in US $ 100 Million bang huhna piakhia hi.2009 a ding Person of The Year pen Federl Reserve Chairman Ben Bernanke (burNANG-kee) ,2008 a ding pen American kumpipa a hi Barack Obama leh 2007 a ding in Russian Prime Minister Vladimir Putin te in ngah uh hi . Resource:Zogampost

Huihsiangtho lo dalzo leng khansau

Europe gam a om khuapite ah kumsin in mihing nuntakna 19,000 bang huihsiangtholo te hang in kisuplawh hi.Tua huihsiangtho lote dalzo leng mihing 19,000 bang a kihon zo ding hi ci-in pilnanei thukan te in gen uh hi.Huihsiangtho dikna in mihing nuntakna kumnih bang khangsak zo-in kumkhat ciang in American dollar $43.4 billion bang pha tuawm sak zo ci-hi.Europe gam sung a om khuapi 24 ah mimal 39 Million tungtawn in kantelna te a bawlna uh ah mihing te ii huihdikna lampi tawh kasai natnate leh lungtangnatna tawh kisai natnate pen huihsiangtholo diikna in piangsakthei ci uh hi.Huihsiangtho lohna a hangpen a tamzaw in mawtaw te pan a hong pusuak mawtaw khute kiangpan hi-in lamdung a teengte kiangah a tam zaw piang hi ci-uh hi.

A lungdam numeite thusim

1.Na khempeuh,thupiang khempeuh a hoihlam in ngaihsun uh hi. 2.A hoih lam a hongpiang te ciamteh thei uh hi.

Leitung ah thunei pen za lak ah khat

American gam bulphuh Time magazine tein 2011 a ding leitung ah thuneizopen mi 100 a teel lak ah kawlgam Democracy makaipi a hi Daw Aung San Su Kyi zong ki hel-hi.Sen gam pan in Ai Weiwei ,India pan Aruna Roy ,Julian Assange ,Ariana Huffington ,Facebook phuankhiapa Marek Zuckerberg , Pop lasiam Justin Bieber te tawh Time magazine te in a teel thu neizopen lak ah a kihel khawma hihi. Resource:Zogampost

3.Mawhna maisak zawh nang hanciam uh hi. 4.A mau ukna sem uh hi. Reference:Good Health

Na thei kha hiam?

Khe pen i pum tung ah lungno(virus) in a netpenna mun hi. Ui khat in kite 25 gamlakna pan awging zazo hi. IBMs computer ii thubulphuh pen ngaihsun in hi. Inn khawi zawhngeute in naikhat ciang in miles 30 bang tai zo uh hi. Reference: Top English

Laimai 4 pan dawnnaman te

1.Ak tui

MOMNO estd-1993

2.Buuk 3.Vaimim bawk 4.Thau

TA te kumcin kikhop
A beisa March 2,2011 ni-in Tedim Associatin (TA ) te in kumcin kimuhkhopna .thukikupna te Faith Bible Teological Seminary(No.18,Dhama Yone St, Myaenigone, Sanchaung,Blazon Shopping Center mai) ah nei-in siamsin sangnaupang te in zong tanu va sem ziahziah cih kiza hi.

ZSK-Yangon maithakmuakna
ZomiSiamsin Kipawlna-Yangon te makaihna tawh a beisa Jan29,2011 (Sat) ni-in Hlawga Garden ah maithakmuakna(Fresher Welcome) kineithei hi.Sangnaupang 80 kim bang pha thei in maithak siamsin 24 hong kihelthei hi.Dr.C Thang Za Tuan leh Sya Steven Cin Za Khai te-in hanthotba tuamtuam hong pia thei in tha kinah mah mah hi.Zo Taang leh Zo Lia kiteel na, gualnopna hun tuamtuam zong kinei thei in mimal kim in nuam kisa mahmah hi.

TA thukikupna
A beisa May17(Tuesday)ni Tedim kipawlna te makaihna tawh thukupna Agape Zomi Baptist Church ah kinei thei hi.Tua thukikupna ah Kawlgam ah NGO te nasepzia leh NGO tawh kisai theihhuam tuamtuam kikupna pen Sya Cin Khan Lian in hong neithei in Zomi leh Chin min zat zia tawh kisai thukikupna Prof.Dr.C.Thang Za Tuan te in hongnei thei in mipi 100 kim bang hong kihel thei cih zong ki za hi.Siamsin pan zong va kihel thei uh hi.

UCF maithak muakna

A beisa Feb 19,2011 (Sat) ni-in Khristian Sangnaupang te kipawlna (Unicersity of Christian Fellowship ) te makaihna tawh maithakmuakna Judson Centre ah kineithei in mimal sangnaupang 100 val bang hong kihel thei

Laisiangtho bu kingah ta

cih thu kiza hi.Kikhopna leh lia leh taang tel na te Cope Centennial Jubillee phawkna in a zong om in nasiatak leh lawhcing tak in hun kibawl ahi Laisiangtho bu pen Bible Society of Myanmar ah kingah ta hi cih kiza hi.A ngeina bute kiman thei cih thu kiza hi. khat 4500/- leh zip tawh te pen bu khat 1500/- hi

UCF Sport Day

MBC khangno khawmpi

Kawlgambup Tuiphum pawlpite kipawlna a hi Myanmar Baptist Convention in kum (5) khatvei a bawl uh khangnote kimuhkhopna khawmpi pen a beisa April 26-29 sung in Pathein-Myaungmya Sgaw Kayin Baptist Mission Compound ,Pathein ah nop ci tak in kibawl hi cih thu kiza hi.Khangno a vekgawm 1470 bang vakah thei in Tedim Baptist Convention pan in mi 16 bang va kihel thei cih thu kiza hi.Hong tungkik ding khawmpi pen 2016 ciang in MBCU in zindo ding hi cih thu kiza hi .

Abeisa March 2,2011 ni-in University of Christian Fellowship(UCF) te makaihna tawh kimawlna ni (Sport Day ) Jundon Center ah kineithei cih kiza hi .Tua hun sung ah kimawlna tuamtuam tawh kidemna om in mimal kim ciatin eima sang gualzawhna ding in kidem ciat in thangahhuao mahmah ki ci-hi.Sang khempeuh pan in sangnaupang te hong kihel thei in Siamsin lia leh taang te zong eima sang mintek tawh kihel ziahziah cih ki za hi.
6

MOMNO estd-1993

Australia gam ah Laica sinna

Melbourne khuapi ah Chin(Hakha) lai sinna pen kumpi thukimpihna tawh 2010 kum akipan Melbourne nisuahna lam aa a om BoxHill High School le Melbourne nitumna lam ah a om Sun-shine High School te ii VSL centre nih ah sangnaupang 200 val le siate 9 tawh sinna kipan ta hicih ki za hi. Tu kum in sangnaupang 200 kiim bang pha thei in CACC(Chin Association for Christian Communication) in abawlYr 1 pan Yr-10 dong sinna Textbooks(Simbu) te zangin lai aki sinsak ahihi. Tu ciangciang ahih leh Yr 1 - Yr 10 (Tan khat pan tan 10ciang) bek hilhtheihna khuan kipia hi.

Tulaitak Khampat khua gei Bokkan pan tai 6 agamlatna mun Dawi nungak (Mintami)khua kicihna ah,Dagon Mining Companyte in phualsat in nasep kipatsawm ta uh hi. Tua kim a om Suangmeihol lakna Setzung (factory ) kipan thei leh Electrict mei akipan Power Station bawlna tuamtuamte ading phattuamna tampi om dingin kilamen hi. A hi zongin Zogam iading phattuamna om takpi mah ding hia ciin gamvai kivaa pawlte in gen uh hi. Resource:Tongsan

Zangkong Khuahun
Kumte hong ki khelkhel in naite zong hong kikhin toto ta ahih mahbang in siamsin sangnanpang a tamzaw in zong kumlang laivuan mankhin uh a hih ciang in nop a sak mahmah lai tak uh leh a lawpmahmah lai tak uh hi.Banghang hiam cih leh laivuan man khinta uh a hih man in nopsak mahmah na leh hong tung ding a nih veina summit pen ZSKYangon te innteek ding a hih man hi.Tuni tak zong summit vai a ding in kimuhkhopna khat om ding a hih man in Penglam (PL) zong khatvei sunsun tungbaih pen ning ci-in hahkat tak in hong pai leh innteek President pa lo siah na tung kim khin uh hi .PL zong kisuang piang in Dam maw ci-inkhua-ul kai nepnap kawm in hong tum hi.Tua ciang in Zohiesa (ZHS)in zong na dawntuah pah in : A bang hong ci na hia? ve aw hih te bel

VCE exam ah Top Scorers sangnaupang te zong March 7,2011 in VSL in thupi takin letmat pia hi. VCE cih pen tan sawm le khat le tan sawm le nih sangnaupangte in a vuan uh kumpi hih exam khat hi. VCE ong khit ciang University te lutna mark a ngah te bek in University kah thei uh hi. Parliamentary Secretary of Education (Vuanci nuaiaa), kumpi thunei lam ban ulian pi te le Portugal, Indonesia, Spain, Japan, Croatia, China, Egypt, Italy le Garmany gam te ii Consular palai ZHS ulian te in letmat te pia uh hi. New or Emerging Languages ci-in Lai le Kayin tan 10 sangnaupang tee lakpan asiampen sangnaupang 8 te zong Parliamentary Secretary of Education in letmat piak hi. Laica le Kayin lai pen tan 1 pan tan 10 ciang bek sinkhuankipiapanhimahtaselehhibanginletmatpiakna te akihel ciang in lungkim huai mahmah hi.Asawtlo in VCE level ciang sin theihding pau le lai ciangdong hong suak zo ding hi cih upna om hi cih thu kiza hi. Resource:Tongsan
ZOGAMAH SUANG MEIHOLKHUK KIMUHBEH

PL : Piangvet kei piangvet kei ..

ci-in lupei kawm leh tui dawn thuah pah seisai leuleu pong hi.Tua ciang in pawllutang(president)pi pa a hi Tg.Thang Sian Muan (TSM)zong sangpan hong tung in ,kongvang ah hong lut lian tawh kituak a A bang piang vet lo a hia lawm Penglam aw hong cih seisai ciang in siamsin liapaalte zong thakhatin hong nui ziahziah kha vat uh hi. PL : Mawtaw hawl te hi veh aw lim hawl lo leh kinawh hawl lua uh.Mun khatkhat ah lah kidem lua ki sa a tuakdingte bang sawn khia phial .Khat veivei lah mi omlo pi a sawt pipi khawl de da uh.Mi zong a dim phitphet a tuangsak uh.Khe koihna ding bang om lo in khe langkhat bang tawh a ki ding phial hi.

MOMNO estd-1993

Zogam nisuahna lam Khampat pan tai 20 a gamlatna Temtatna suanglui (Dathwekyauk Chaung) akicihna munah Suang meihol kimukhia a, Kawl kumpi in Sen (China) suang meihol tokhia siam pawl(Dagon Mining Company)te sepsak dingin thukimna nei uh cih kiza hi.

TSM :Hi mah ei khatkhat bang a htoo (!08)cih pong hang tuannop huai kei lua .A hawl dan uh lah lauhuai lua in kidop huai mahmah ei .

ZHS : Hi mah ei tua bel ken zong thukim ing.Tun zong bel thuneite in thukhun te khauhsak semsem ta ci veh aw.Mawtaw hawlte in mawtaw tuahsiatna a piangsak khak uh leh mawtaw hawl khuan (licence) ki kepsak ding ci.A ki ciangtan hun a cingciang bek in ki piakik ding leh mawtaw tuahsiatna ah a liam a bai a om leh a tam pen kum 4 hawl khuan ki khak ding .A si a om leh a tam pen kum 5 kikhak ding ci.Khualgamla zin mawaw te in zong a hawl nih koih hamtang den ding civeh aw. PL : Mi khat in nai 2 val mawtaw hawl leng hoih lo in nikhat sung nai 8 val mawtaw hawl leng zong cidam na sukha in hoih lo.Mawtaw tuangta ding zong hoih lo ,lauhuai lua ZHS : Hi mah ei maw mawtaw hawlte bel kidop huai mahmah .Nung kum bang kawlgam ah mawtaw tuah siat na 795 vei tak piang ci hi ven.A si pen 200 dektak bang om in a liam a bai 1215 tak om ci hi veh aw TSM : Mawtaw tuahsiatna hang mihing nuntakna tampi tak a ki suplawh ai ve maw

ZHS : Tuhun ciang leitung hongkhang to semsem na tawh ki zui in Kawlgam zong hongkhanto mahmah ta ai tak ciang a Zangkong ah bang mi hi ta leh mawtaw hi ta leh hongtamlua ta in kidophuai mahmah. A beisa February kha bekbek sung ah zong Zangkong khuasung bekbek ah mawtaw tuahsiatna 90 vei piang ci veh aw.Mawtaw tuahsiatna a tamvei paing pen kha hi pah TSM :Lauhuai tak tak ei mete Tua laitak in Penglam zong hong tunghak na kisuang pian a hih man in PL : I ki ho zong nuam in i hun zong hong cingta a hih ciang i vai kipan ta leng hoih in teh hun khempeh ap na ding in kei man thungetna hongnei ning ci-in thunget ding a kikun zo lo penpen in thuhongngen vat hi..Tua khitciang in siamsin mimal kim zong hongtungding summit leh hong pai ding taang paal leh lia paalte lungngai kawm in lawptak in kikupna hong kipan ta uh hi . Siamsin sangnaupang teng zong kikupding teng hong kikup khit ciang in innteekte piakkhiat nek leh dawnte a nek khit ciang un ah ciah ding hon kithawi ta uh hi.Tua lai takin Penglam zong a pat ka tungbaih zawh loh hang a ciahlam ah bel a khatna ka ngahnang paimasa ning ci-in lawmteng mangpha a cihkhit ciang in kuamah zong en lo in hongciah vitvet ta hi.A hangpen a ki Kankan tak teh tuani nitak in Premier Legue a om lam kithei hi. Nu leh pa u leh naute zong Topa thupha maw. Kimnu (siamsin)

MOMNO estd-1993

Momno tawh kizop na ding, suankap@gmail.com,tsmuan14@gmail.com, estherkimnu14@gmail.com Ph.299405,0973150570

Momno laihawm pen Siamsin Media Group pan akong(manpiakloh ) in kihawm a hih manin a kua mapeuh in sum leh paai tawh panpih in thapia ciat ni. Limited in Church
8