The Gospel Echo

Tatkhiatna Tangthu - the Story of Redemption

Series # 01
Zingsol-Lucifer Kiatna Khen 1 LST Bulphuh: Nang, Khuavak ta, Zingsol, Babylon kumpipa aw, vantung panin nang bangci kiat na hi hiam? Minamte a niam koihpa ahi nangmah lei lak dongah hong bangci kiphukpai ahi hiam (Isaiah 14:12)? Zingsol Akiatma 1. Lucifer in vantungah a langpan ma in, lianpha mahmah a, minthanna lamah Pasian Tapa zompa ahi hi. Ama mel zong vantung midangte mah bangin migit meel pua-in lungdamna lim a lak hi. 2. Ataltang zong peekin, sanga, lungsim pilna thukpi a lak hi. Ama lim le melte genban nang om loin hoih kim a, a om zia peuh mahin liatna leh zahtaak huaina lim a langsak hi (Ezekiel 28:15). 3. Ama kimkotah vangtang tuam mah mah khat in tangin, akim apaam teng tan a hihmanin, vantungmi dangte sangin vang nei zaw in, et lawm zaw hi. Pasian Tapa Christ Lianzaw Ve Ve 1. Tua bang ahih hangin Christ Pasian Tapa in, vantungmi honpite tungah tungnun zawkna zaa anei ve ve lai hi. 2. Amah in vangtungmite a ki pian sak ma-in, Pa tawh a om khawm ngei sa a na hi hi (John 17:5). Lucifer in Pasian Tapa Haza 1. Lucifer in Christ liatna haza a, 2. Christ bek neih theih ukna zaa-te neukha kha in zang dingin hong kipan hi. Pasian in A Tapa Pahtawina Pia 1. Na khempeuh a piangsak-Pa in, Ama Tapa tungah minthan na tuam vil vel khat pia nuam ahih man in, vantungmi honpite in amuh kim theih nading kihop na pi khat a om sak hi. 2.Tapa in, Pa tokhom kiangah Kumpi-tokhum tungah tu in om a, Amaute vantungmi siangtho honpite in a kiim-um uh hi. 3. Tua ciangin, Tapa in Pa thupiakna tawh amah mah tawh a ki za kim ahihna thu ahi zongin, Tapa omna mun khempueh ah Pa zong om ve ve ahih thu ahi zongin, Pa thu a ki man pah pah ding ding zah khat in, Tapa thu zong a ki man na thu ahi zongin, Ama Tapa sungah vantungmi honpite uk zawh nang zia ahi zongin a piakna thu a pulak hi. 4. Leitung le a tunga om a nungta thei na khempeuhte ahi zongin, Pa le Tapa in kikum in, a pian khiat sak nadingin seem khawm ding a hi uh hi (Gen 1:26).

5. Tapa in pha asak na bang bang Ama deihna bangin bawl dinga, ahi zongin, Amah guak thu tak tak tawh nate tuam bawl ding hi lo hi. Pa deihna, Ama sungah a kicing ding kisam hi (Zom to lai ding). Tedim pau a, Spirit of Prophecy a ki nei masa pen ahi, Ellen G. White at The Story of Redemption pan Tatkhiatna Tangthu ci-in ong nusia sa ahi Saya H. Go Suan Nang tei, Pastor Ngul Khaw Pau in Foreword-Thumasa ong at sung pan hi a, LST mun kim khat kong behlap hi. Zomi SDA te bek hi lo, a sim khempeuh TOPA in thupha ong buak tek ta hen! Amen. Lai puak Kenneth Htang Suanzanang, Apt # 304, Thazin Condo, 56 Boyarnyunt Road, Dagon Tsp, Yangon 11191, Myanmar. Direct Telephone 38 40 44; PABX Phone: 25 55 12; 25 55 13; 39 34 82 (Extn. # 304) Email: kensznang@mail4u.com.mm; kensuanzanang@gmail.com Website: http://www.thegospelecho.net