Email : dawrpuinews@gmail.

com
MOTTO 1. Hunawl hman\hat 2. Zofate hmasawnna ngaihtuah 3. Kristian nun dan \ha ngaihsan

Visit us at www.dawrpuiveng.com

YMA chu \anpui ngaite \anpuitu a ni

Vol : XXI Issue No 27 Dawrpui News Kartin Chhuak Pathianni July 03, 2011

TUALCHHUNG
DAMLO : Pu Lalnuntluanga, New Market, Vanapa Section Treasurer chu Chuap lam \hat loh avangin Aizawl Civil Hospital-ah enkawl mek a ni. Pi Lalthlamuani W/o Lalbiaktluanga (Upa) chu June 30, 2011 (Ningani) khan New Life Hospital-ah a mit (Gall Bladder) a lungte awm hlawhtling taka zai a ni. Pi Roziki W/o V. Lalliana chu phai lama in check-up a neih hnuin June 28, 2011 (Thawhlehni) khan tluang takin a lo haw leh ta. Pi Sang\huami W/o Lalthansanga, Zion Street chu Kolkata ah check-up in a kal mek a, dam taka an lo haw leh kan beisei. Pu J. Challuta Zion Street luta, Pu Challuta (Pu F. Lalengmawia YMA hruaitu hlun chawimawina dawngtu pa) chu hunrei tak taksa chaklohna hrang hrang avangin in lamah a inenkawl ta. Pi Pi Lalrinmawii (Ma-i) w/o Zoremmawia, Dawrpui South chu June 28, 2011 (Thawhlehni) khan Durtlang Damdawi inah hlawhtling taka zai a ni. T HING PHUN : Dawrpui Sanitation & Beautification Committee chuan June 30, 2011 khan Remna Ni denchhenin veng chhung hmun hrang hrang - Jail Veng, Millenium Centre bulah leh Civil Hospital pengah Thing phun hnatlang an nei. | ANPUINA P E : Dawrpui PresbyterianKohhran Hmeichhia te chuan June 30, 2011 (Ningani) zan khan Chaw nghei \awng\ai an nei a, a chwei ai thawhlawm an thawhkhawm Rs. 18,016/- chu Ruihhlo ngaite leh Hmeichhe rahbi tleu tawhte puala CYMA buatsaih Chhandamna Camping neih mek tan an hlan.

Vengchhung Cheimawi leh Vawn Thianghlim

- Vanhmingliana, Chawngbawla Section Mizote hi kan lo changkang chho ve tial tial a, khua leh veng vawnfai-ah kan inel nasa ta hle a, Sorkar pawhin tan a la mek niin a lang. Khaw fai, veng fai lo kat nuk pawh nise, Dawrpui veng ber hi tih mawi leh tih changkan, tih fai anih loh chuan kan Zoram hmel hi a mawi kim thei chuang lovang. A chhan chu Dawrpui hi zoram khawpui Aizawl laili takah a awm a, sumdawnna hmunpui ber leh Bazar lian ber awmna hmun a ni miau a. Mi ramah chuan an hetiang hmun hi asin an uluk a an chei nasat lai ber pawh a ni thin. Bal leh tawp taka a awm reng chuan kan zoram hmel a tichhia a, a mawi leh zahawm chuan kan ram hmel timawitu leh ramdang mite hiptu pawh a ni ngei ngei dawn a ni. A veng chhunga chengte mai ni lovin, sumdawng tura rawn lutte, a dawrtute chenin a thianghlim leh faina-ah hian mawh kan phur tlang vek mai, kan ram hi tu ta mah ni lovin kan ta vek a ni si a. Dawrpui hi Model veng, mi pawhin an tlawh chak hmun, hmun hlua kan siam theih chuan zoram hi a nghawr nghing laih anga, midangte hipna pawimawh tak chikhat a ni dawn a ni. Hei tak hi veng dangte pawhin min hlutpui sela, bawlhhlawh te rawn hnutchhiah a kalsan leh mai lo turin leh faina kawnga thahnem min ngaihpui turin kan sawmin kan ngen tak meuh a ni. Tumna a awm chuan Kawng a awm : June 23, 2011 chawhnu dar 1:00 khan PHE Dept. hmalakna-in Nirmal Gram Puraskar (NGP) Ceremonial Function a awm a, tah chuan kei pawh ka tel ve a. Hei hi a tawi zawngin, Khaw fai lawmman semna an ti mai a. Sanitation, Drainage tha zawkin a hriselna tha leh thianghlimna a thlen theih dan leh natna chi hrang hrang Malaria, Santen leh Tuihri laka invenhimna leh pumpelhna kawng tha a nih thu an sawi tha em em a. An hmalakna-in zoram dung leh vang a thingtlang mite tana hlawkna a thlen nasat zia leh Video flipps te tihlan a ni chuan entute mit a titlai hle. Chuta lawmman dawngtu pakhat, H. Thantluanga, Hliappui VCP (NE Bualpui tia koh thin) thu sawi chu ka rilru-ah a cham reng a. Pu Tluanga chuan, Kan khua hian Bawng vulh hi kan uar thin khawp a, a lo kalte reng reng hian kan khaw chanchin an sawi chuan, an khawlai chu bawng ek hring kan kan a, a ro kan rap an ti thin a ti a ni. An khawlai chu kan mitthla pawhin kan suangtuah thiam mai awm e. Kum 2006 vel atangin tan an han la tak tak a, fai ber lawmman an dawng thei ta tlat mai. Tumna a awm chuan kawng a awm tih chu a tidiktu an ni ta reng mai. Kan tuma kan tanrual chuan kan veng hi veng nuam leh hmuhnawm takah kan siam thei ngei ang.
Dawrpui Sanitation & Beautification Committee: Vanneihthlak takin kan sawi tak Veng chhung cheimawi leh vawn thianghlimna hma la turin veng chhung Committee pawimawh tak a ding a. Tunah he pawl hi Pu Ro\huamliana Chairman-na hnuaiah chak takin a kal mek a ni. Councila thurawn pek turte, lang vak hrih lova hnatlanna te, Dawrpui veng chhung dawr leh In thing thuap tawh mai rawng nalh tak hnawih an nih vekna tur te leh thil dang tam tak ruahmanin hma a la mek a. Kan sawi tawh angin a rah leh hamthatna dawngtu tur chu mipui bawk kan ni a, thu awih leh tihnuam taka faina leh thianghlimna kawnga ngenna an rawn siam turte pawh thinlung leh tihtakzeta lo zawm sak i tum hram hram ang u. Singapore-ah chuan khawlaia Sikret bung paih hrem theihna Dan an tichhuak tawh a ni awm e, a \ul anih chuan Dan hriam deuh hlek pawh kan lek a ngai ve ngei ang. Car nalh ber bera chuang a, Fashion up to date ber ber inbel a, kawmkar leh khawlai bal deuh atanga lo chhuak nih leh si te hi thil inhmeh lo leh hnam dangte nuih tizatu mai kan lo ni palh ange. Thlan lung hnawih var ang - pawn lam lan dan chauh nilo, kan chenna In thleng pawhin fai entawn tlak nih i tum theuh ang u khai!

Dawrpui

News

Kartin chhuak

Pathianni

July 03, 2011

Editor Co Editor Jt. Editors News Editors

: Ziakkima Pachuau 9436141408 : Kapchhunga Pachuau 9862399954 : H.Dingluaia Lalngaihawma (Angaiha) : Lalhlimpuia Khiangte Lalrinsanga(Asanga) David Lalhlimpuia(SKA) Members : Vanlaldiki Sailo Lianzama Pachuau Lalnunmawia (Mawia) Rosangliana H. Lalchhanhima James Thanmawia Columnists : Dr. Thangchungnunga Vanhmingliana Aldrin Lallawmzuala Correspondents: Jonathan F.Zomawia Ramherliana P.C. Lalrinchhana 9612225812 9862404739 9862357024

YMA Kumpuan Huang

YMA Dawrpui Branch Kumpuan Sub-Committee chuan Ni 29 June 2011 khan Committee an nei a, member tha hnem tak an tel thei a. Vengchhung a lo thianghlim a a lo him zawk theihna atan thu tam tak an rel.Committee zan hian Khawtlang Duty tan nghal a ni a, Mellinium Centre bula hmeichhe awm tha duhlo te an zilhhau bakah Motor Sumo leh Bus ding te zanlam ah dah tawh lo turin an hrilh nawn leh an ni.A tuk ni 30.June 2011 khan nilengin Duty vengchhungah neih nghal a ni a, Mi engemaw zat zilhhauva Dawrpui vengchhungah an thil chin thin tha lote rawn ti tawh lo tur a, hriattir an ni. Dawrpui Vengchhunga khawsa Khawtlangin a phalloh thil zuar thin tute zawng zawng chu ngawrh takin YMA duty an rawn chet leh tan tawh dawn avangin in thilzawrh thin in bansan thei loh anih chuan Dawrpui khawtlang lo chhuahsan turin kan hriattir nghal bawk e. June ni 18, 2011 khan Pu Khualluna (L) Upper Bazar dawr luah H.Ramzauva Bethlehem in a dawr luah atangin Zu hun reitak a lo zawrhtir thin chu man a ni a, a zuar thin Lalmuanpuii Dinthar I pawh man tel a nih bakah a hnen atang hian Zu fun 5-a hralh bang chu man sak a ni. Hengmi 2 te hi an veng YMA hruaitute hnenah lo zilh hau tur a hriattir ve ve an nih bakah lehkha ziaka Intiamkam tira bakah zilhhauva chhuah tir an ni. June ni 29, 2011 khan Vengchhung Damdawi zawrhna Dawr hrang hrang leh Hotel leh Restaurant hrang hrangahte Dawrpui Khawtlang Dan Dinglai, Khapna thuchhuah lehkha chu YMA Kumpuan Sub-Committee te chuan an semkualin an an hmu ngei a ni tih finfiah nan Dawr nghaktute signature lak nghal vek a ni.

Mut thlahlel suh!

Khawvel hnam hrang hrang zingah Mizote hi hnam intodelh lo ber e ti lo chuan mut thlahlel tak hnam kan ni mai angem? A bikin kan \halaite zingah zing dar riat dar kua thleng thlenga mu vum thur, kaihthawh dawn a \eu hlur, a kaithotu nih inchhirawm rum rum khawpa beidawnthlak, khum laizawl a\anga insual lo ngam em em, hetiang mi hi kan tam ta hlein a lang. Hei hian pachhiatna leh tlakchhamna khur puiah min hnuk lut mek zawng a nih hi le! Sazupui leh Satel intlansiak \uma Sazupui chak loh zawkna chhan kha mut a thlakhlelh vang a ni. Kan mizo nula leh tlangval tlawntlai \ha tak tak, chak hmel deuh deuh hote pawh hian mut kan thlakhlelh chuan thir chhe zawng vai ngal ria te te ho hian min len khal zung zung mai dawn a ni. Ram changkang, darkar bia inhlawhna tur an neihna ramah hna avanga zan lama meng rei an tam a. Keini ve chu cheng khat mah hlawh ve lohna turah TV leh Computer avangin kan meng vak vak a, zing lamah kan mu leh tluk tluk si \hin. Hei hi chu retheihna hri, Setana min bumna mai a ni tih i hria ang u.

|anpuina pe
June 27 - July 9, 2011 chhung a Ruihhlo ngaite leh Hmeichhe rahbi tleu tawhte tana Central YMA-in Chhandamna Camping Krista Hnungzuitute |awngtai Bethel Camping Centre, Chawnpui-a a buatsaih mek \anpui nan Dawrpui Branch YMA chuan Rs. 5,000/- a pe.. He Campingah hian Campers 498 (Mipa 392 leh Hmeichhia 106) an lut a, Speaker atan Lalsanglura Ralte, Sons of God Ministry chu hman a ni. He Camping hi a hlawhtlin ngei theih nan mimal, chhungtinte leh Kohhran hoten \hahnemngai takin i \awng\aipui ang u.

MHIP- Ten Day An Hmang Dawn

July 6, 2011 (Nilaini) hi MHIP Day a ni a, he ni denchhen hian MHIP Dawrpui Branch chuan Home hrang hrang leh Hospital hrang hrangah hetiang hian thilpek an pe dawn. 1. Civil Hospital, Aizawl - a damlo harsa zual mi 15 hnenah Rs. 1,000/- \heuh an hlan dawn. 2. Krista Hnungzuitu |awng\ai Bethel Camping Centre, Chawnpui \anpui nan Rs. 10,000/3. Cancer Khualbuk, Zemabawk-a damlo mi 7 hnenah Rs. 1,000/- \heuh. 4. Hermon Children Home, Durtlang-ah Rs. 10,000/Heng kan tarlan tak hmun hrang hranga thilpek pe tur hian July 6, 2001 (Nilaini) zing dar 10:00 hian Millenium Centre kawt a\angin Bus hire-in an chhuak ang. MHIP Member zawng zawngte kim taka tel turin an sawm. Tin, July 1, 2011 khan MHIP Kumpuan Mizo Hmeichhe nunmawi chawi nun tih chu Archive Hall, Babu Tlang-ah hawnna hun an hmang bawk.

Hriattirna leh Ngenna

Dawrpui Sanitation & Beautification Committee chuan mitinte kan lo hrisel zawk nan leh kan in\henawm khawvenna kawnga kan lo hlim tlan zawk nan chhungte mahni Septic Tank rimchia midangte tana hnawksak lo tura enkawl ngun leh siam \hat ngaite siam \ha vek turin kan inhriattirin kan inngen a ni. Sd/- Secretary
LO HAW : Pu Malthantluanga, YMA Ex, Member chu hun rei tak a fate tlawh a Foreign lamah a thangbo hnuah dam takin alo haw leh ta. PASS : Pu VR Hmachhuana, Fin. Secy. chuan \ha takin MA \ha takin a passed a, kan lawmpui em em a ni.

Dawrpui

News

Kartin chhuak

Pathianni

July 03, 2011

KHAWTLANG NUN SIAM THAT (REFORMATION OF SOCIAL LIFE)

- BigDaddy Pachuau Kan thupui Khawtlang Nun Siam that (Reformation of Social Life) hi kum 1994 khan CYMA General Conference Mamit a neih chuan a lo puang tawh a. Chumi hnu 1995 kuma General Conference Lungleia neih khan a lo puang nawn leh tawh bawk a. Tun hnai 2009 CYMA General Conference Darlawn-a neih chuan thupui atana thlang leh in, nikum 2010 a Lunglei khawpui a Conference in 2010-2011 chhung thupui atan a thlang nawn leh ta a. Chutiangin CYMA in inkaihhruaina fel tak nen he kumpuan hi hmang turin min beisei a. Inkaihhruaina dan a siam a\ang te hian kumpuan tih hlawhtlinna bul in\anna pawimawh ber a ka hriat chu CHHUNGKUA ah a ni tih hi ka hmu chiang in ka in hria. Kan inkaihhruaina in min beisei ruihhlo do mai bakah hian midangte phurrit siam lo turte in min duh a. Kut tling lova thil nei lo turte in min duh a. Mipat hmeichhiatna hman khawlohna laka inthiarfihlim turtein min duh bawk a. Heng kan sawi tak kaihhruainate a ler a\anga beih chuan khawlaia duty nilen \hak \hak pawh hian a hlawhtlinna hi beisei a sang vak lo thei a. Chuvangin, CHHUNGKUA a\anga bul kan \an erawh chuan tam tak hi chu kan sukiang thei dawn a ni. Kumpuan inkaihhruaina \hen hnihna in min beisei angin Mizo nun zemawi leh nunphung \ha te ngaihlu a chhawm nun te, Khua leh tui \ha nih te, Mahni \heuh Intodelh leh taimak te, Ngaihhlut tur thlan thiam te, Zirna leh thiamna kawnga rual el te, Khawtlang, ram leh hnam hmangaihna thinlung neih te pawh hi ngun taka han chhut chuan CHHUNGKUA bawk a bul \an fuh hi kei chuan ka la rawn cheu a ni. Chuvangin, kan kumpuan thupui Khawtlang Nun Siam that (Reformation of Social Life) a hlawhtlin tak tak na tur chuan hawh u chhungkuaah \heuh ah bul i \an ang u. Hetih mek lai hian kan khawtlang a lo nawm a, tihfelloha awm tawhte nunkawng dik an zawh leh theih nana CYMA in 27th June - 9th July, 2011 chhung a Ruihhlo ngaite leh Hmeichhe rahbi tleu tawhte Chhandamna Camping Krista Hnungzuitute Tawngtai Bethel Camping Centre, Chawnpui buatsaih chu a kal mek a. He Camping- neih mekah hian Campers 498 (Mipa 392 leh Hmeichhia 106) an lut a(src -http://centralyma.org.in) Speaker atan Lalsanglura Ralte, Sons of God Ministry chu hman a ni. He Camping hi a hlawhtlin ngei theih nan mimal, chhungtinte leh Kohhran hote tawngtaipuina kan ngen a ni.

HRISELNA

Khupkawi
- Dr. Thangchungnunga, MS (Ortho) Tunah chuan kan chang kang ta deuh a ni ang, kawi hre lo leh hmu lo hi naupang an tam ta viau mai a.Khupkawi tih pawh hi an hre thiam lo. Kan khup a ruh bawk, nem sawn theih hi khup kawi a ni a, inbah nana kawi an hman nen a in an deuh avanga phuah a ni ber awm e.Khupkawi hi a pawimawh em em mai a, kan ke lek kawh tur a \anna petu (Lever) a \an chhan ber a ni a.Thil kan kar kau dawn a a hnuai a lung emaw thing bung emaw kan dah a, awlsam taka kan kar kau ang hian atang ve a.Chuvangin khup kawi keh reng reng chu zai a zawm leh anih loh chuan an ke tlawn kal ut ut \hin a.Tin, kan hriat fo tur chu, kan taksa ruh chuktuah emaw, kawng emaw, na taka (hriat reng tham) tleirawl emaw nulat tlangval laia tihnat, inherh etc.. ang reng reng hi kum alo upat hnu kum 50 han pelh meuh hi chuan a rawn lang chhuak leh ngei ngei \hin. Khup hi a bikin kan taksa rihna dotu anih avang hian a ruh chuktuah hi a hrisel leh a chak a ngai em em a ni. Nu \henkhat phei chu, ke kual phah khawpin an khup ruh hi an rap ral thei a, kan kal hian a chhung lam hi kan rap nasa bik a, a ral tak tak \hin ani. Hei hian a entir ta ber chu khup chak \ha i mamawh reng a, chhuk kal hian khup tihrawl a chak loh chuan a harsa hma em em a, khawn phei deuh a ke chheh te a ngai \hin. A venna \ha ber chu - Ke, Malpui tihrawl tih chak hi a ni mai a. Exercise lak a, kalte hi a \ha a, a nat hnuah erawh chuan a ngeih loh ber a ni thung a. Kan kal hian sipai kal ang deuh a khup tisek \anga kal hi zirtur; chuti a nih loh chuan awmzia a nei tlem a. A nat tawh hnu rau rauah chuan muchunga exercise lak tur a ni a. Ke hi a pahnihin zung\ang li bawk lek a sang in lek kawh la, second 10 (sawm chhiar la) i dah thla anga i ti leh ang a, mut dawn leh thawh dawn ah vawi 20 tal tih han tum teh. A tir chuan vawi 10 chu i ti zo lo hrim hrim ang.

Sanitation & Beautification Committee

Dawrpui Local Council-in Sanitation & Beautification Committee a siam chuan hma an la zel a, tunah hian chak zawka hma lak an tum mek a, thawhpui tur Member a hnuai a mite hi an ruat thar a, lehkha sem a mumal loh deuh avangin hei hi hriattirna a ngaihsak turin an ngen e. 1. Pi Zosangzuali 2. Pi Lianbuangi 3. Pi Vansangpuii 4. Pi Lalrengpuii 5. Pi Biakveli (Tetei) 6. Pi Zohmingliani Dp S 7. Pi Zohmingliani (Tetei) 8. Pi Thanchhingpui 9. Pi Vanlaltluangi (Nutei) 10. Pi Lalrinmawii, Dp W 11. Pi Lalrintluangi (Nupuii) 12. Pu Zadingluaia Vice. Chairman atan Pu K. Hmingthanga ruat thar a ni a, Secretary atan Pu Kapchhunga Pachuau chu ruat thar a ni bawk. Vengchhung kawngpui dung kawngkama Dawr nei zawng zawngte hnenah Bawhhlawh Bawm \ha tak nei \heuh tur leh Bawlhhlawh paih Motor-ah chauh paih \hin tura ngenna an sem chhuak mek.

Kumpuan Sub - Committee

YMA Dawrpui Branch chuan a hnuaia mi ang hian Kumpuan Sub-Committee Member a siam a, chak takin hma ala \an tan. Member-te chu :Pu Zadingluaia, Pu Laldailova, Pu Sailianthula, Pu Chawngthantluanga, Pu V. Lalawia, Pu R. Lianchhawna, Pu Johana Ralte, Pu RS Thanga, Pu Lalrammuana, Pu Malthantluanga, Pu Zosangzuala, Pu H. Malsawma, Tv Lalropuia (Dusty), Pu Zoramthanga, Pu Ziakkima Pachuau, Pu Kapchhunga Pachuau, Pu C. Lalsawivela, Pu H. Lalchhanhima, Tv. Ramherliana, Pu James Thanmawia, Pu Lianzama Pachuau, Tv. PC Lalrinchhana, Tv Jonathan F. Zomawia- te an ni.54/4,

Dawrpui

News

Kartin chhuak

Pathianni

July 03, 2011

INFIAMNA
J League club lar Gamba Osaka star Takasdi Uasami chu German Giant Bayern Munchen chuan Loan in thla 6 chhung atan an la. A khelh that dan a zirin contract an ziah pui ang . Japanese winer hian Ribery leh Robben te nen hmun an in chuh a ngai dawn a ni. CSK Moscow chuan Japs striker hriam tak Honda chu Italian club giant Juventus-in an duh thu an tarlang. Japanese international player manah hian euro 10 mktd. vel a chhut a ni.

SKA

ZUALTE TRANSFER BAZAR LANGSAR ZUALTE :

PRESBYTERIAN
July 3, 2011 (Pathianni)

Sunday School
|antu Thupui Thusawitu Health Sunday : Pu B.L. Zikpuia, Bial - VIII

Chawhnu Inkhawm
: Hrisel nan ei leh in : Upa Dr. C. Zarzoliana

Zan Inkhawm
(Hospital Sunday)

Thusawitu

: Dr. R.L. Sanghluna, Durtlang Hospital.

K.|.P.
July 03, 2011

Manchester winger Nani chuan United in Ashley Arsenal chuan Barcelona lamah Fabregas an chhuah a
Young la lut mahse Utd. chhuahsan a duh loh thu a sawi. Nani hi a pu Alex hian a ring vak tawh lo pawh a ni thei tho mai, UCL final ah pawh a start lo nghe nghe. ngaih hmel si a, chuvang chuan Spain U-21 star Valenca player Juan Mata chu Arsenal club record fee-in an la lut dawn a ang riau! Tunhnaia khelh zawh tak UEFA U-21 champion team Spain tana khel tha tak Bronze boot dawng pha hial. Mata lak nan hian Gunners hian pound maktd. 18 in an in be mek a, a lut a nih chuan record a siam dawn.

|awng\ai Inkhawm

A hmun : Fellowship Hall Hruaitu : Nl. Lalthlangliani, Hmangaihna Gr. |antu : Nl. Ramtharnghaki, Chhandamna Gr. Bible chhiar : II Tim 2 : 3-6

July 04, 2011

Thawh\anni Zan

Man Utd chuan Van Der Sar thlak turin Athletico U-21

Hruaitu : Pu Lalruatfela, C/m |antu : Pu Kenneth Liantluanga, Khawngaihna Gr Thilpek : Tv. David Zothansanga, Hmangaihna Gr Lakhawmtute : Tv. C. Lalremsanga, HmangaihnaGr. Thupui : Kristian Moral Reformation chungchang Sawitu : Nl. Lalhmachhuani, C/m Bible chhiar : Thuf. 20 : 13 II Pet. 1 : 10-11

Spanish GK De Gea chu an ti fel ta. He keeper man hi 18.9 niin Utd hian a hma in Phil Jones leh Young lo la lut tawh in an 3 man ah hian 50 chuang an sen a ngai. Gea hi football history a Keeper to ber 2-na niin, man to ber chu Italian club Juventus Keeper Buffon niin 32.6. Sir Alex chuan a nau thar hi fakin A che rangin a timing a dik em em a, game liantham ah pawh hman ngam tur nghal a ni a ti.

SALVATION ARMY
July 3, 2011 Hruaitu

Thianghlimna Inkhawm Divisional Commander thlahna Hun

A club hmasawn tak Palermo chuan Argentine Serie

playmaker Ricardo Alvarez,Veles Sarlfield tana khel mek Attacking mihfielder kum 23 a upa hian a club a chhuahsan dawn chuan contract a ziah ang ngeiin 10.6 a in lei chhuah a ngai ang.

: Major R.Lalbiakliana Divisional Secretary Thlahna thu : Major F.Remthanga, DYS Pathian Thuchah : Major Sangchhunga, D.C

Chhandamna Inkhawm (Bible Society Campaign)

Hruaitu Thusawitu : C.Lalhruaitluanga,V.S. : Rev.Dr.F.Sangkhuma, C.L.S.

Centre Back mamawh em em

Arsenal chuan Bolton Defender Gary Cadill chu he thu i chhiar lai hian a la lut fel tawh tur ngaih a ni. Cahill hian Bolton a a contract ziah lai neiin a chhuah dawn chuan 15 a a in lei chhuah a ngai dawn a, mahse Gunners hmelma lianber Spurs chuan he defender hi an lo hel ve mek avangin Gunners hian manto tak pawh a an lak ngei a rinawm. *** Thil i tih dawn reng rengin \henawm khawveng leh midang hrereng la, midangte tan a hnawk em? A ninawm em? Harsatna ka siam em? tih ngaihtuah hmasa \hin rawh.

SAY
July 4, 2011 Thawhtanni zan Hruaitu : Tanice Lalchungnungi Thusawitu : Nelson Lalthanpuia, Secy. Bible Chhiar : K.Lalhmangaihzuali (New Market ah mual inkhawm neih tur a ni)
Hruaitu Items Solo Thusawitu Sharing : Maj Vanlalhuma, C.O : Band : Vanlaldiki Sailo, TBC Zaithanpuia : Nl. C. Ramropuii : David C. Lalmuanpuia (Bible track sem tur a ni ang )

Published by Y.M.A., Dawrpui Branch, Printed at G.S. Offset Printers, Treasury Square