Email : dawrpuinews@gmail.

com
MOTTO 1. Hunawl hman\hat 2. Zofate hmasawnna ngaihtuah 3. Kristian nun dan \ha ngaihsan

Visit us at www.dawrpuiveng.com

YMA chu \anpui ngaite \anpuitu a ni

Vol : XXI Issue No 31 Dawrpui News Kartin Chhuak Pathianni July 31, 2011

TUALCHHUNG
D AMLO : Pi Zothansangi w/ o Malthantluanga. Bara Bazar (V. Sect) Delhi -a zai chu July 26, 2011(Thawhlehni) khan alo haw a, in lamah enkawl zui mek a ni. Pu Lalthanpara (Partea), Zion Street (V. Sect) chu July 26, 2011 (Thawhlehni) khan Vaivenga Hospital-ah Mit (bile)-a lungte awm hlawhlting taka zai a ni. Pi Roziki w/o V. Lalliana, New Market (V. Sect) chu July 28, 2011 (Ningani) khan Chenai-ah Laser-a enkawl turin an kal. s/o Lalrinhlua Lalnunmawia, SI of Police, Thana Tlang (T. Sect) chu July 27, 2011 (Nilaini) khan Guwahati -ah checkup turin hruai a ni. Amah hi naupang niin, engmaw thisen a chhuah laklawh tawh chuan a reh mai thei thin lova, a enkawlna a hautak hle a ni. LO HAW : Nl. Lalpekthangi (Thangtei), (Thangtei) Dawrpui West (Ch. Sect) Vairawkai-a Evan. Teacher-a Missionary chu School c h a w l h hmangin alo haw mek. P A S S T H A : Lucy d/o John Ngaihbanglovi Rotluangliana, Zion Street chuan M.Sc (Nursing) LA Trope University, Melbourne, Australia a\angin Honours A-ah a pass. Mizo zinga Foreign-a hetiang Master Degree nei hmasa ber nia hriat a ni. Dawrpui nula, hetianga kan nei hi a chhuanawm a, kan lawmpui tak zet a ni. Tv. Lalthanzama leh Nl. Lalkhawngaihi c/o L.T. Siama (L), Vanapa Sect. te chuan tha takin B.A. an passed ve ve. Kan lawmpui tak zet. K A N L A W M E : John Lalthangfala Hauhnar chuan July 28, 2011 zana vantlang Inkhawm Video Coverage min tih sak a, a Disc-a tha taka (Edit fel sa thlap) siamin YMA-ah min hlan nghal a, a chungah hian Branch YMA chuan lawmthu a sawi e.

VANTLANG INKHAWM PAWIMAWH TAK NEIH A NI

Dawrpui Branch YMA Executive Committee in a lo rel tawh angin, kan vengchhung mithi an awm changa thlanlaih dan chungchangah Vantlang inkhawm koh tha a ti a. He inkhawm hi Branch YMA chuan a ngaih pawimawh em avangin kan veng chanchinbu Dawrpui News ah leh tlangau hmangte in veng chhung mipuite a hriattir a. Tichuan, ni 28.7.2011 (Ningani) zan dar 7:30 khan kan Local Council te hriatpuinain Vantlang inkhawm chu neih a ni ta a. Committee in a lo duanlawk angin Pu Chhawnkima Pachuau, Branch YMA President in inkhawm a kaihruai a. Pastor R.Vanlalnghaka, Dawrpui Presbyterian Church in Pathian thu thianghlim hmun thum atanga chhiarchhuakin, inkhawm Pathian hnenah a hlan a. Prorgamme duan lawk angin, YMA in kumpuan kan kalpui mek Khawtlang Nun Siamthat tih thupui hmangin Pu M.S.Dawngliana (Nanoa), Branch YMA Finance Secretary in thu a sawi a. Inpuahchahna tha tak nen kan khawtlang in Kumpuan kan kalpui mek dan leh CYMA in kumpuan inkaihhruaina dan a siam zulzui a hmalak dan te min hrilh a. Kan khawtlang a lo nawm a, alo muan deuh deuh theih nan mitin leh chhungtin tanho a pawimawh thute, midangte tana harsatna siam zawng nilova midangte tan malsawmna ni zawk tur kan nih thute, ngaihsan tur thlan thiam atul thute leh midik leh rinawmte chawimawi thiam atul thute thiam takin a sawi a. Vantlang inkhawm a kan thupuiber Thlanlaih dan chungchanga Committee in chhawpchhuah tura a lo rel tawh 1. Tuna kan thlanlaih kalpui mek ang hian kalpui zel nise; 2. Mi an boral veleh thlanlai tawh lovin hnatlanga thlanlaih lawk tawh nise, a chhinna tha tak siam nise; 3. Hlawhfa rawiha thlanlaih tawh nise; tih point hrang hrangte sawi hawng tura ruat Pu Lalhmingliana, Branch YMA Senior Adviser in kan khawltlang dinhmun leh kan thlanlaih mek dinhmun te fiah fai tak in min hrilh a. Kan vengchhunga thlanlaih leh thil danga mipuite ngaihdan (questionnaire) tum hnih ngawt kan lak tawh thute, kan vengchhunga chhungkaw awmzat a chhuta thlanlai kan tlem tak ziate, uluk taka hemi chungchanga lokal khawmte ngaihtuahna seng tura a duh thute thiam takin a sawi a. Mipui lam atanga ngaihdan sawina hun Chairman-in a hawn hnuin, mi thahnemngai leh khawtlang thatna duhtu tam takte ngaihdan sawi ngaihthlak a ni a. Kan recording Secretaries-ten kan thusawite uluk takin an lo chhinchhiah zel a. Sawitu tam berin kan sawi point No. 3 na Hlawhfa rawiha thlanlaih tawh nise, nise tih chu kan thutlukna a lo ni ta a. Hemi kalpui a nih dan tur chu Branch YMA Executive Committee in ngun zawk leh felfai zawka a relfel tura dah a ni ta a. Executive Committee-in a rel hma a kan vengah chhiat tawk an awm anih chuan kan tih dan pangngai angin thlanlaih tho tur a ni ang. Hun hnuhnung lamah Pu H.Dingluaia, Branch YMA Vice President in kalkhawmte khawtlang tana ngaihtuahna senga lokal khawmte hnenah lawmthu a sawi hnuin Lal tawngtaina in kan Vantlang Inkhawm chu tihtawp a nita a ni.

Committee Kohna
A hnuaia hun leh hmun tarlanah hian Branch YMA Executive Committee Meeting pawimawh tak neih tur a ni a, Member ten i ngai pawimawh theuh ang u. A hun : August 2, 2011 (Thawhlehni) zan dar 7:30 A hmun : YMA Committee Room, Dawrpui School Building.

Dawrpui

News

Kartin chhuak

Pathianni

July 31, 2011

Editor Co Editor Jt. Editors News Editors

: Ziakkima Pachuau 9436141408 : Kapchhunga Pachuau 9862399954 : H.Dingluaia Lalngaihawma (Angaiha) : Lalhlimpuia Khiangte Lalrinsanga(Asanga) David Lalhlimpuia(SKA) Members : Vanlaldiki Sailo Lianzama Pachuau Lalnunmawia (Mawia) Rosangliana H. Lalchhanhima James Thanmawia Columnists : Dr. Thangchungnunga Vanhmingliana Aldrin Lallawmzuala Cir. Manager : Vanlalhuma Correspondents: Jonathan F.Zomawia Ramherliana P.C. Lalrinchhana 9612225812 9862404739 9862357024

Kum Puan Huang

July 23, 2011 khan Kumpuan hnatlang Duty nilengin neih a ni a, New Market leh a chhehvel a, Zu zuar Mi pathum man an ni. Dawrpui South-ah Tlangval pathum Drug addict man an ni a, an hnen atang hian Syringe tam tak leh Parvon 20 lai man a ni. Central YMA CADS hruaitute hnenah hlan nghal a ni. Zion Street Exodus Watch House atangin Zu Fun 30 man a ni bawk a, Dawrpui Taxi Stand a standing zu zuar pawh man a ni a, a kut atangin zu fun 19 lai man a ni bawk.Upper Bazar atangin Drugs addict mi pahnih man an ni a, an hnen atang hian Alprozolam Strip hnih man a ni a, an lei na Drugs Dawr pawh man chhuah nghal a ni a, Warning pek nghal an ni.Tin Duty te hian Dawrpui Vengchhunga Kutdawh awm Survey an nei a, an awmna veng leh an address te lak an ni a. Central YMA hruaitute hnen ah thlenin hma min lak sak turin ngenna leh kha pek an ni ang.Nimin nileng khan hnatlang neih pahin Duty hi chhunzawm zel a ni. YMA Kumpuan bawhzuina a hmalatu CADS ten ruihhlo chi hrang hrang an man khawm Rs. 16,58,680/- man hu chu July 24, 2011 (Inrinni) khan Central YMA Hall kawtah Pu Lalthanzara, Parliamentary Secretary chuan a hal ral. Ruihhlo hal ral takte chu :Parvon Spas/Proxyvon - Mum 38,436, Herion - Hawng 4, can 105, Capsule - Mum 62, Nitrosun/Alprozelum- Mum 2,043. Ganja- Kg 2, pocket 1. Cough Syrup - Bur 62 May 29, 2010 a\anga tuna hal ral tak ruihhlo chi hrang hrang man hlutna hi Rs. 2,08,78,552/- a tling tawh a ni. Pawl hrang hrang leh kohhran a\anga \anpuina dawn tawh zawng zawng chu Rs. 11,71,505/- a tling tawh bawk. Thla thum dan zela CADS Convener in thlak \hin chu Pu R. Lalngheta, Treasurer-in mawhphurhna a la ve leh ta.

Thlan lai hlawhfa lak

Tunlai khawvel changkang zelah chhung tinte mahni eizawnna kawngah kan buai ta theuh mai. Chhiatniah thlan lai tur kan thahnem thei ta lo tih hria-in Branch Committee chuan ngun takin a ngaihtuah a, mahnia thuthlukna siam mai chu dik lo deuha hriain, khawtlang mipuite a ko khawm ta a ni. Khawtlang mipuite chuan thuthlukna fel tak siamin Thlan lai tur hian hlawhfa rawih ni tawh rawh se tih chu an pawm tlang ta. He thuthlukna hian chhiatni a mawhphurhna/tih tur kawng dangah rah tha tak chhuah se a duhawm hle mai. Mitthi vui nia thingpui sem tur nula kan neih loh avanga veng dang nula ten min sem sak te, mitthi lumen zana tlaivar thalai kan tlem thin zia te hre thar lehin helamah hian tan kan lak thar a va pawimawh em. Tlawmngai taka thlan lai thinte pawh thil dangah an hun an pe thei tawh turah ngai ila. Thlan lai tura hlawhfa kan lak tur hian YMA member-teah rah tha tak chhuahin tlawmngaihna kawngah hma min sawn tirtu ni mawlh rawh se.

HRIATTIRNA
Agriculture Extension Officer, Aizawl North Circle 1. hnen atanga thu kan dawn angin - India Sawrkar laipui leh Mizoram Sawrkar chuan Rannung thahna damdawi ENDOSULFAN (Thiodan etc.) hralh leh hman khap tlat a ni. Lo leh huan neitu zawng zawngte chu damdawi hralh/lei leh hmang lo tura hriattir an ni e. 2. District Civil Supply Officer (East) hnen atanga kan thu dawn mipuite hriattirna :FCS&CA-in Information & Public Relations, Govt. of Mizoram thuchhuak angin RTI hmanga DCSO(E) huamchhunga zawhna zawt duhte tan a hnuai mi hi hriat tur a ni. 1. RTI Rules 2010-in a sawi angin Department-in a chhanna man chu pawisa fai emaw demand Draft emaw, Bankers cheque emaw Indian Postal Order (IPO) emawin pek theih a ni. 2. RTI hmanga zawhna zawt duhte tan DCSO(E) Office-ah zawhfiah theih a ni a, a zawhfiahna tur hmunah RTI (Logo) pawh tar a ni. 3. BPL&AAY (2010-2011) chu Ni 1.7.2011 atanga hman theih a ni. List hlui anga allotment siam a nih tawh avangin thlan tharte hian August, 2011 atangin List thar angin Buhfai an la thei tawh ang. Retailer ten anmahni bial chhung BLP/AAY Card hi Inspector, FCS&CA atangin lakchhuah tur a ni. Sd/- Member Secretary Dawrpui Local Council

Committee kalphung leh khawtlang Inrelbawl dan

- Awmawma Pu Hun rei tawh tak ata ka vei em em hi kan puah chhuahpui ve teh ang. Kan khawtlang inrelbawl dan tun hma District Council hun lai atang tawha lo hre pha ve ka ni a, kan tunlai thangtharte hian kan ngaipawimawh ta lovin kan zir thar a ngai hle in ka hria. Dawrpui New Issue No. 29, July 17, 2011 chhuak a JOINT COMMITTEE tih te kha, Joint Committee hi amahin a awm thei lova, khawtlang NGO hrang hrangte leh khawtlang huap thil tih dawn reng renga thu neitu leh Committee ko theitu chu Village Council/Local Council chauh hi an ni. Engtiziange ni zo ta, khawtlang pawl hruaitu hrang hrang zinga a khaipa ber VC/LC hi Committee-a telve pakhat ang leka kan chhuah tak fo mai thin hi, a pawi hlein ka hria. Khawtlang thuneihna indawt dan te hi kan hre ta lo em ni aw! Khawtlang hruaitu hrang hrangte Joint Committee emaw, vantlang inkhawm leh khawtlang huap hnatlang thlengin neih a tul chuan a kotu awm lovin hma a lak theih loh a, a kokhawm theitu chu VC/LC chauh hi an ni. Kan Dawrpui News thuchhuah reng rengah hian Committee peng khat ang lek hian kan ngaiin kan dah pawimawh thiam lo khawp mai, kan inenfiah a ngai hle in ka hria. Tun tum kan Local Council hruaitute phei hi chu mi lehkha thiam leh mi puitling tak tak thil kalphung hre chin an niin ka hre ve a, a ruk tak hian an rilru pawh hi a nat ve ka ring tlat. Kan NGO te hian thuneih khalh te hi kan tum ta lutuk em ni te ka ti deuh rum rum thin.
(Phek 3-na ah chhun zawm ani)

Dawrpui

News

Kartin chhuak

Pathianni

July 24, 2011

DAWRPUI MULTIPURPOSE CENTRE-AH HRISELNA

KAN HNATLANG
BigDaddy Pachuau, Dawrpui Dawrpui khawtlang mipuite duh ang ngeiin Zoram mipuiin tangkai taka kan hman theih nan Dawrpui Multipurpose Centre chu kan sorkar chak tak chuan min ruahman sak ta mek a. Hemi kutthlak bul tanna atan hian ni 16.7.2011 (Inrinni) chu ruat a ni a. Nghakhlel takin zirtawp zan vuiliam in, Inrinni tuk kan han thova, khua a chhia in ruah a tla duh hle mai a. Hetiang chuan hnatlang chhuak kan va tha awm love aw ka ti rilru a. Hmanhmawh vak lovin tuk thuan eikham a hnatlang tura ka chhuak phei chu, kan thalaite leh veng nu leh pa khati zat mai hnatlang tura thawk chhuak an lo awm thup mai kha mak ka ti zawk hle mai a. Remruatna fel tak hnuaiah kan Local Chairman Pu Zosangzualan hneh takin min kaihruai. Dawrpui Presbyterian Upa Rokamlovan kan Multipurpose Centre leh hnatlang Pathian hnenah a hlan hnuin, kan Bialtu MLA, Minister, H&TE etc. Pu Lalsawta thusawi thatak leh kan veng inlungrualna thatzia a rawn sawi chhuak khan Dawrpui veng min hriatchianzia leh min ngaihtuahzia a tilang hle mai. Kan Multipurpose Centre din theihna atana kawngtin renga ahmalak dan leh thahnem angaihdante sawi kim vek lo mahse kan hriatthiam pui e, thutam sawina hun a ni tlat lova tin ni.Ava thlamuan thlak in ava lawmawm em. Kan veng pa MLA, Deputy Speaker, Pu John Rotluangliana, Multipurpose chungchanga a bul atanga engkim hrechiangtu leh thahnemngai em em tu in kan hnatlanna hmun history tlem sawi langin Tun hma a pipu tlang kan tih, thenkhatin Virmep tlang kan tih bawk kan ngaihhlut em em hmun ngeia zoram mipui ten tangkai taka kan hman tur Dawrpui Multipurpose Centre an ding tur alawmzia a rawn sawi chhuak ve bawk a. Ava nuam in kan va tui tlang tak em! Khawchhia leh ruah tla reng kan hre chang tawh lo. Chutiang a hunserh tawi kan hman hnu chuan kan bialtu MLA in Bawngtuthlawhin hma a hruai a. Hnatlang kan tan ta a. Kan bankhur laih dan leh laih zawh vek tawh hnua vur leh angaih maitheih dan te kha aw.. sawi tur atam.. a va nuam tak em. Kan Work Supervisor Pu VLT Muanan hneh tak maia min han vil te chu ava thlamuan thlak em. Kan Multipurpose Centre Demand Committee Chairman Pu Chhawnkima Pachuau zirtawpzan pawh mu mumal tawh lo khawpa helhhawlh tawh kha thu tlem tal kan sawitir ta lova, a pawi em lovang chu maw. Ka sawi hmaih phal reng reng loh, choka lama kan fatu buaichar char mai kha an va fak awm em! Hnatlangte riltam hlauvin Thingpui/Sawhchiar, min va hrai hnehin an va siamthiam em! Veng dangah Dawrpui veng anga Sawhchiar siamthiam awm ve tak maw! Hnatlangte hian Dawrpui veng Thingpui leh sawhchiar ngat ania kan ei a kan in. Sawitur atam sawi hmaih atam duh tawk phawt mai ang. Dawrpui Multipurpose Centre hi Dawrpui veng mipui ten zoram mipuite tana Malsawmna kan nih theihna a ni tih i hre reng ang u.
(Phek 2-na chhun zawmna)

INTENSIVE CARE UNIT (ICU)

- Dr. Thangchungnunga MS (Ortho)
Intensive Care Unit (ICU) hi Aizawl Civil Hospital-ah kan lo nei ve ta a, damlo thih mai hmabaka lang chhanchhuah pawh an tam ta hle. A mah hi mi nazawng luh theih loh anih avangin a awmzia pawh hre vak lo kan tam hle. Thil mak ve tak chu, kan naupan lai chuan Betnesol an pe tawh an tih chuan a thi tep tawh tih sawina ang deuh a ngaih a ni. Kum 1980 hnu lamah erawh chuan Oxygen an pe tawh an tih chuan thi mai thei tihna-ah kan ngai hmiah. Kum 2006 atanga ICU kan neih hnu hi chuan, ICU ah an dah an tih chuan a thi tep tihna ang alo ni leh ta a, kan changkang ve sawt viau e. ICU hi Intensive Care chhum lo chat lova Doctor leh Nurse te awmchilha enkawlna hmun, mi thi tepte chhan theih beiseia dah luhna a ni ber reng a ni. A chhungah hian khawl chi hrang hrang damlo lu bul, bangah leh a sir velah a awm teuh a, khawlah chuan a thawk ran leh muan te, a blood pressure-te, a taksa-a oxygen tam leh tam lohte, a lungphu-te a lang nghal vek a. An thaw theilo anih pawhin hrawkah pipe an vuah a, khawlin a thawk tir mai a ni. A lung a phu tawp a nih pawhin lung tiphutu a awm a, khawlin lung chu a tiphu leh mai a ni. Tuna kan neih aia tha phai ramah phei chuan darthlalang bawm a awm a, a chhungah chuan taksa lum dan tur tawkin an tilum a, a thih theih loh a ni ber mai. Specialist ka zir lai khan kan zirtirtu pakhat fapa, a sikul kal haw engmah hre lovin a awm thut mai a. Chutiang bawmah chuan an dah a, mahse a thluak a lo chhe hman tawh a, khawl ringawt chu a nunna a ni ta a ni. Ni 4 hnu chuan tih tawp mai tur an ti a, titawptu tur an inhmu zo lo a ni ber. Khawl off tu tu kha a thih tirtu ang deuhin a lang tlat. A tawpah ni 7 na-ah Orthopadic a kan Lecturer-in a off ta a, a thi chu a ni mai. A hma pawh khan a thi tho a, khawl hmangin a thaw a, a lung pawh a phu a, a zun pawh a inmil tawkin drip an pe a, a kal ve zel bawk. Hetiang deuh hian ICU ah chuan boruak leh a chhung thianghlim a ngai a, mi nazawng an luh tir lo reng a ni. I thawk a apiang khan natna hrik 80 aia tlem lo i thaw chhuak a, chutiang vel tho chu i hip lut bawk tih hria ang che. Mitthi In-a kan han thu khat hmur mai te hi chu natna hrik chi hrang hrang TB telin boruakah a za tel a leng nuai nuai reng a ni. Mahse Pathianin kan taksa hi natna hrik laka dotu (Immune) a nei tam em em a, na lovin kan haw leh mai zawk a ni. Hemi natna dotu hi AIDS veiah chuan a chhe vek a, chuvangin natna hrik an kai hlekin an thihpui nghal mai thin. AIDS thihna tam ber chu TB, Pneumonia leh kawthalo an ni ber reng a ni. Chuvangin i taksa hi mak taka siam a ni Biblein a tih hi a dik reng a ni. Tun Computer Age ah pawh hian A then pawh kan hre thei lo tih hla ang deuhin kan la hriat loh tam zia hi kan la hre lo, chu chuan a siamtu ropuizia a lantir a ni.

Pathian khawngaihnain Dawrpui Vengah hian kum 50 chuang ka lo khawsa ve tawh a, tun tum kan Local Council te hmalakna hi ropui hle-in ka hria. Dawrpui veng tana hriat reng tlak Development ropui tak tak min tih hlawhtlinsak a, a hma lama mite an tha lo tihna ni lovin. An vision a thuiin veng tana an thawh ropui tak tak Thlanmual thar te, veng mamawh Multipurpose Centre kan han nei ta te leh thil dang dang, Dawrpui veng hmangaihtu an niin ka hre ve tlat a, khawtlang mipuite pawh hian kan chawimawi an phu in ka hria. Tun hnu zelah pawh khawtlang inrelbawl dan hi uluk zawkin kalpui zel tum ila, chanchinbu-a kan thu chhuah te pawh hi i fimkhur thar teh ang u.

Dawrpui

News

Kartin chhuak

Pathianni

July 31, 2011

INFIAMNA

SK-A

PRESBYTERIAN
July 31, 2011 (Pathianni)

Tunlai hi football transfer hunlai a ni a infiamna dang duh thalin kan thailang thei lo, chhiartute hriatthiamna kan ngen e. Transfer chungchang hi Internet media atanga kan lak a ni a, thu chiang fek fawk leh mumal tak hi a vang duh phian, chuvangin medical test etc. an paltlang hma chuan thil a la chiang fak lo tih hriat phawt a tha. Manchester United defender hlui Argentine player, United atanga a chhuah dawn pawh a boruak siam hat pha Gabriel Heinze chuan a khelhna Marseille chhuahsanin Luis Enrique hnuaia in la thar nasa em em AS Roma a zawm fel ta. AS Roma hian Barca a hmun chang mumal lo Bojan pawh an la fel tawh a, Argentine rawlthar Eriko Lamela pawh an lo senglut tawh bawk. Coach Enrique hi a vanglaia Barca player pawimawh tak a ni thin. Chelsea lak thar Oriol Romeue hian season liam ta FC khan Barca B team chu 3-na a nih pui a, World Club Championship ah senior team zingah Senior Coach pawn a khelh tir nghe nghe. India striker kan neih zinga tha bera ngaih Zotlangval JeJe-a attacking partner Sunil Chhetri chu a khelhna Chirag United atangin Mohun Bagan in an la lut. Chhetri hian hnuhma a nei chhe lo hle mai, JCT, East Bengal, Dempo leh USA club tha Kansas City Wizard-ah alo khel tawh a, India tan game 48 khel tawh in goal 24 a thun tawh bawk. Copa America-a mualpho hlimhlawl Brazil chuan 10th August hian German nen an khel dawn a, Coach in mi thar pathum; Vasco Da Gama defender Dede, Corinthians midfielder leh Bayern Munchen midfielder Luis Gustavo te a dah lut. Europe, Asia, America kawmual pui hrang hranga Jersey hralh hnem tarchhuah niin rinloh takin Wayne Rooney chu 1-na niin, 2-na ah season hmasa lama 1-na ni reng thin Fernando Torres. 3-na chu Steven Gerrard a dang te chu an sandan indawtin, Chicharito, Van Persie, Lampard, Drogba, Luiz Suarez, Arshavin leh Ryan Giggs.

Sunday School
|antu : Pu Varliankhuma, B-I

Chawhnu Inkhawm
|antu : Pi Lalropuii, B-II T h u s a w i t u : Pi Laithuami, B-VII

Zan Inkhawm
T h u s a w i t u : Upa R. Zodingliana

K.T.P.
July 31, 2011
A hmun Hruaitu Tantu Thuchah Bible chhiar

Tawngtai Inkhawm

: Fellowship Hall : Pu Lalchhanzova, Khawngaihna Gr. : Nl. Hannah LAlhualhimi, Chhandamna Gr. : Pu PC Malsawmdawngliana C/m : Hebrai 10 : 22-25

Aug 1, 2011

Thawhtanni zan

Hruaitu : Dr. Zothansanga, c/m |antu : Nl.Abisac Lalhruaitluangi, Chhandamna Gr. Thilpek : 1. Tv. Hmingthantluanga, Hmangaihna Gr. lakhawmtu 2. Tv. Lalmuanpuia, Hmangaihna Gr. Kumpuan thupui:Thuawihna (Thuawih loh pawi zia) Hawngtu : Nl. Vanlalhruaii, Asst Leader Chhandamna Gr.

SALVATION ARMY
July 31, 2011 Hruaitu Thusawitu Hruaitu Thusawitu Thianghlimna Inkhawm : K. Rothanga, VS : Maj. F. Remthanga, DXS

TRANSFER LANGSARZUALTE :
Dorin Goian - Palermo to Rangers Jay-Emmanuel Thomas - Arsenal to Ipswich Town Pajtim Kasami - Palermo to Fulham Oriol Romeu - Barcelona to Chelsea (4.5 million) Danny Gabbidon - West Ham to QPR Alex Sandro - Santos to FC Porto (9.6million) Thibaut Courtois - Chelsea to Atletico Madrid Arturo Vidal - Bayer Lever to Juventus (12.5million) Gabriel Heinze - Marseille to AS Roma Alexis Sanchez - Udinese to Barcelona (26million) Bojan Krkic - Barcelona to AS Roma (12million) A man tar lan loh hi Undusclosed an ti a, player,agent leh club pahnih inbiakremna ani e.

Chhandamna Inkhawm
: Nelson Lalthanpuia : R. Vansanga, RS

S.A.Y.
Aug 01, 2011 Hruaitu Host Solo Dress

Thawh\anni Zan
(Literature Nite) : R. Lalremtluangi Lit. I/c : C. Ramropuii, Asst. Lit. I/c : Lalthansanga : Hmeichhia-in Puan bih vek tur

Chapchar Kut-a lamte Hriattirna

Chapchar Kut-a Branch aiawha lam te Aug. ni 6 hian Chawhlui kil hona neih tur a ni a, member tel tur zat kan in hriat theih nan Aug. ni 4 hma ngeiin a hnuaia hming leh phone no. tarlan ah hian in report tur a ni. In report lo chu tel lo tura ngaih an ni ang. 1) Pu Lianzama Pachuau - Ph. 9436965574 2) Pu Lalchhanhima - Ph. 9862363630

Hriattirna
August 5, 2011 (Zirtawpni) hian Dawrpui News Editorial Board Memberte zanriah kilho tur a ni a, Member-te kim taka kal tura hriattir kan ni e. Kum chanve kan kan lo chuangkai ta a, thahnemngai zawka kan intawiawm that theih nana buatsaih a ni e. Tlai dar 5:30-ah Hotel Ritz-ah kim tur a ni e. - Editor

Published by Y.M.A., Dawrpui Branch, Printed at G.S. Offset Printers, Treasury Square