Professional Documents
Culture Documents
Issue: 7th August 2011
Issue: 7th August 2011
Issue: 7th August 2011
V o l u m e X I.
I s s u e N o . 29.
P h k Khatn a
K. Lalrinthari
C. Lalthanzama
Lalremsanga Sailo
V o l u m e X I.
Website
I s s u e N o . 29.
Phk Hnihna
http://www.mizobaptist.org
Vawiin hi kum khat chhunga BCM ni pawimawh pakhat hun rei tak Email: a\ang tawha kan lo hman \hin Thlai thar hlan ni a ni a. Headquarters dawnglianakms@yahoo.com lam a\angin thupui atan Rinnaa Thilkp>k tih thlan a ni a. Programme chipchiar dang siam a ni lo va; chawhma inkhawmah thupui hmang Chief Editor hian thusawituten thuchah sawi tura beisei an ni a; \awng\airualna pawh Rev.R. Lalchamliana hman tura tih a ni.
Executive Editor Rev.C. Lalbiakzama Editor K.M.S.Dawngliana 9436371385 Circulation Manager H. Lianchhngi 9436370532 Address: Baptist Today BCM Office Srkwn, Lunglei P.O.Zotlng- 796691 Mizoram A man Thla khatah ` 5/Kum khatah ` 60/-
Appointment Thar
BCM Administrative Department Committee chuan Finance lam changtu BCM Office-a thawkte hna chanpual a sawi danglama, Pu K. Lalrohlua (Valtea) chu Finance Manager thar a ni a; Asst. Account Officer atan kan Accountant senior, Upa H. Zadingliana chu ruat a ni bawk. An hna thar hi August 1, 2011 a\ang khan an zawm tawh.
President Kohima-ah
BCM President, Rev.Dr.K.Thanzauva leh Education Director, Rev.H. Sangchema te chu August 9, 2011-a Nagaland Baptist Church Council (NBCC) in Kohima-a Baptist Kohhran kalphung \ha zawk zawnna inrawn khawmna an buatsaihah BCM aiawhin an kal dawn. President hian August 11 (Ningani) a Aizawl Vanapa Hall-a South East Asia Mission Society (SEAMS) seminar-ah thu a sawi bawk ang. Mission Committee August 10-11
Thusawi Ropuite @ Hmeichhe mamawh- kum 18 anih thlengin nu leh pa \ha - kum 18-35 inkarah pasal - kum 35-55 inkarah hna \ha - kum 55 hnu lamah pawisa - Sophic Tucker @ Hlimna hi thil thlengah a innghat lo va, rilruah a innghat zawk a ni. - Alice Meyneu @ Khawvel hian a taka thil titute avangin malsawmna a dawng \hin.; sawi chauh duhtawkte avang ni lovin. - James Oliver
Edited by K.M.S.Dawngliana and Published by Communications Department, BCM; Printed at BPP, Srkwn,Lunglei. 8800/c
V o l u m e X I.
I s s u e N o . 29.
P h k Thumna
Mission News
Samuksuri-ah Rahsiveng Kohhran
Lunglei Rahsiveng Kohhran chuan Chakma mission-a kan rawngbawlna hmun pakhat, Samuksuri-ah Salvation Camping an buatsaih sak a; speaker atan Upa Lalsenglova an hmang a, member 24 an kal
ADVERTISEMENT
Nursing School, Christian Hospital Serkawna thawk turin Librarian (Substantive post) pakhat a ruak a. B.Lib.Sc. chinin dil theih a ni a. Dil duh chuan plain paper-a ziakin Kohhran lehkha leh Certificate thil telin a hnuaia hming ziak hnenah hian August thla chhungin dil theih a ni e. Hlawh chu BCM Pay Rules ang a ni ang. Sd/Dr. LALRAMZAUVA Secretary, Medical & Health Department Committee (4-1) Christian Hospital Serkawn
|AWNG|AI TURA NGENNA August 15, 2011 hi India ramin zalenna a neih champha vawi 63na (63rd.India Independence Day) a ni a. He India ram tana ni pawimawh leh chhinchhiahtlak tak hi buaina leh harsatna dang awm lova kan hman theih nan sawrkar lam chuan Kohhrante \awng\ai turin min ngen a. Hei hi Mizoram Baptist Kohhran pawhin ngai pawimawhin mahni hmun \heuhah ram tana \awng\ai \heuh turin kan inngen a ni e. Rev.H. Lianngaia General Secretary, Baptist Church of Mizoram APBF Congress kal tumte tan
Baptist Kohhrante Asia khawmualpui huapa kan inthlunkhawmna, Asia Pacific Baptist Federation (APBF) inkhawmpui lian (Congress) chu September 4-8, 2012 hian Kuala Lumpur, Malaysia-ah neih a ni dawn a. BCM in palai leh Zaipawl intirh a tum bakah mahni insensoa kal duh an awm chuan an kal phalsak a ni a. Air ticket leh Registration pawh mahni inbuaipui tur a ni ang a. Kal tumte chu headquarters office-ah in report tur a ni tih kan inhriattir e.
Mission Convention
Vawiin Pathianni hmang hian Upper Republic bial Bethel Kohhranah Mission Convention an nei mek a; bialtu pastor, Rev. Vanlalchhunga chu speaker a ni. Kar kal ta Weekend khan Rev.Dr.K. Lalrinthanga chuan Zotlang(Aizl) Kohhranah Mission Convention a neihpui.
(4-4)
Thufingte 11:24-25: Sem darh chu pun lehzualna a ni a; mamawh tawk aliam kawmpui chu tlakranna a ni. Mi thilphal nunna chu tih thauvin a awm a, tui leih \hintu chuan mahni pawh a inleih a ni. Heng thute kan chhiar hian mihring ngaihtuahna pangngaiah chuan sem darh chu kawn kawna a ni ngei tur a ni. Mahse a ni tlat lo. Mihring thluak hisap nen chuan a letling hlauh. I neih ang ang i hman chhuah a, phal taka i pek chuan a aia tam i nei dawn zuk nia. Amaherawhchu i kawmpui a, mi dang tana i ui tlat chuan i nei tlem tial tial ang. A telent te hmang chhuaktu chuan a len hnih a hmu chhuak a, leia phumtu chuan a neihchhun pawh a chan ta a nih kha. Mi thilphal nunna chu tih thauvin a awm mai zawk a ni. Rinnaa thilpek chungchanga Toronto pastor, Rev.Oswald J. Smith-a testimony hi a ropui teh asin. Vawiina kan thupui nen hian a inhmeh riau va, thusawitute \anpuitu pawh a ni thei a; a hmang \angkai duh apiangin lo hmang \angkai mei teh u. Khai le, Pastor Oswald J. Smith-a thusawi i lo ngaithla ang u. Thilpek pe ve thei tura rinna avanga ka intiamna hmasa ber \um hi ka theihnghilh thei lo. Toronto khawpuia Kristian and Missionary Alliance Tabernacle Pawl Pastor ka nih tantirh lai a ni a. Ramthim khawmpui an beih mup mup lai a ni a. Pulpit vela dawhsan chinah chuan ka thu a. Thawhlawm card (Rinna thutiam lehkhaphek) chu min han pe ve ta ngei mai a. Ka han en a, chutah ka rilru in ka tawngtai ta a, ka tawngtai dan pawh a la diklo hle mai. Pathiana innghatin Missionary hna atan ka thawk ve ang, Lalpa, engmah pek tur pawh ka la nei ve lova, chawlhkar khatah dollar 25 chauh ka hlawh si a. Nupui leh fa pakhat ka nei tawh a. thilman te lah a to tial tial. Pawisa nawi pahnih khat takngial pawh ka ipte han luahlum tur thla a han tawp hi chuan ka neih hauh tawh loh hi, engtinnge ka pek theih ang tiin ka tawngtai ta a. Mumal nei taka thawh dan ka la hre phak hauh lova. A tangka faia ramthar tana dollar 2 emaw, a chang chuan dollar 5 lai pawh ka han pek hi chuan thawh ta lua ah hian ka inngai thin a. Hetih lai hi chuan rinna hmanga thutiam hun siama, awmze nei tak leh mumal taka thawhlawm han thawh hi a awmzia ka la hre phak rih lova. Ka tan chuan thil thar tak a ni. Nimahsela Pastor berin a mumal nei lo taka thawh reng mai chu, mite tana entawn tlak ni zawk tur si, tiin ka ngaihtuah ta a. Eng emaw ti ve tur niin ka inhre ta tlat mai a. ka \awng\ai ta a, Lalpa engmah thawh tur lah ka nei hauh si lova, eng nge ka tih tur ni ta ang? tiin Lalpa chuan ka thinlungah heti hian thu a rawn sawi ta hian ka hria a. I neih sa a\anga pe chhuak turin ka phut hlei nem che, rinna avanga eng emaw zat pe turin ka ti zawk che a ni, eng zata tam pe turin nge rinna i neih ngam tiin. Chu veleh chuan a awmzia chu ka hre ta chiah mai a. Tun hmaa thawhlawm thawh ka lo tum dan nen chuan a lo inang lo tawp ta mai a, Aw, ava danglam ta em! Eng zata tam thawh tur hian nge rinna chu ka neih ngam ang, han tih daih mai chu ka inti a. Mahse Pathian chuan, dollar 50 rawn ti hian ka hreh ta tlat mai.. Heti zat zat chu tu mahin an thawh pawh ka la hre ngai si lo, engtin tak chuan han pe thei dawn
V o l u m e X I.
I s s u e N o . 29.
P h k Lina
RINNAA THILPEK
chu ni ang i maw ka ti rilru ta a. Mahse Pathian aw ngei niin ka hre si a. Ka rilru ah chuan a cham nghet tlat mai a. Tichuan khur chungin card-ah chuan dollar 50 tiin ka ziak lut ta a, ka hming chu ka ziak nghal bawk a. Chuti zat atan chuan ka tawngtai ta a; engtinnge ka neih leh theih mai thin tioh hi keipawhin ka sawi thei lo. Pathianin a rawn ngaihtuah leh mai thin ni berin ka hria. Ka lawm nasatzia mai chu, hrilh che ka chak a, ka han ziak anih hi. Malsawmna chu a nasa tial tial a, a kum lehah chuan rinna thutiam chu ka ti double ta a, dollar 100 ka ziak leh ta chat mai a. A kum lehah chuan a letin ka tipung leh ta a, chumi hnu chuan a let bawkin ka tiam chho leh ta a, hetiang a ti hian kum 30 lai chu ka ti chho thei zuk nia. Annual Conventionah hian pek tur zat han sawilan hi ka awmdan phungah ka neih ta a. Tichuan pek chhuah dan mumal takin ka pe reng thei ta a,dollar sang tam thawhlawm theia min siamin, min ti hausa chho ta zel a ni. Ka sulhnu han chhui chho zel tur hian ka duh che. Pathian tana pawisa han dahluh awmzia hi ka hrefuh ta, Hmuh dan dikin ka hmu ta e, ka tan chuan ka nung thei ta lo, ka engkim ka puma ka pek loh chuan nun hi engmah a ni lo. Tichuan kei ngei pawh chu Ama ta ka nih si chuan ngaihtuah dan dik chu Kapawisa atang hian engzatnge Pathian tan ka pekchhuah ang tih ni lovin, Pathian pawisa atang hian engzatnge kan chhungkaw tan hian kan hman then sak ang tih hi a ni zawk e. Lak aiin pekin lukhawng a nei zawk tih hi ka hmuchhuak fuh ta a ni. Ka thiante u, ramthim tana in pek loh chuan thilhlu tak in chan a ni, malsawmna hlu tak chu i dawng thei lovang. I thawhlawm chuan hna a thawk ngei em? Mission Board chuan Missioanry eng zat nge a chawm theih tih hre turin i thutiam zat chu kum bul atangin ka lo hriat tawh a tul si a.Khawvel huapa Chanchintha hril darh programme ah hian chanvo neih ve i duh chuan rinna hmanga thawhlawm thutiam zat chu ramthim board/committee hrilh la, an nin Missionary tirh theih zat tur an lo hisap thei ang; chuti lo chu thim zingah anni chu i dah tihna a ni. Tuna i hlawh chhuah zat atanga i remtih zat i pek chhuah mai mai chuan rinna hman pawh a tul tehchiam hleinem. Pathian puihna tel lova awlsam taka i han sihchhuah theih mai kha a ni a. Kan Kohhran Office hnathawk tur pawh hian kei chu ka duhtui khawp a, hetia ka tih ang a tih loh hi chuan ka ruai duh hauh lo a ni. Hetiang mi, rinna hmanga thawhlawm thutiam nei mi khar hi ka ruai thin a, tichuan tihdan thuhmunin kan thawkh o thei thin a ni.Hetia rinna thutiama pek duh lo leh ringlo tute hian an rin lohna chhan an sawi hi dik ka tihpui ang reng hle. An kut vei lamin hriat ve an duhloh vang a ni. A vang diktak phei chu an thawhlawm pek chu a tlem khawp a, an kut ding lamin a pek chhuah chu an kut vei lamin a lo hre ve ang tih an hlau a ni. Fimkhur teh ka thian, he khawvel piahah hian pawisa hman zawh sen loh ziakna bu nen hian roreltu hmaah i la ding palh ang e. Ramthim tana hman theih ngei si hman lohva dahkhawm zat ziakna bu chu hnawksak i tih hun a la awm palh ang e.