K T P

I N L E N G
KTP Durtlang Branch
1955-2011
E- mai l : kt pi nl eng@gmai l . com VOL 24 ISSUE NO. 34
28th.August, 2011
KTP Thiltumte:
Isua Krista rinna leh Amah anna
kawnga thalaite hruai.
Kohhran kutke ni tura thalaite
buatsaih.
Kohhran hnathawh tihpuitlin.
Krista Chanchintha puandarh.
Kristian Thalai Pawl : Durtlang Branch
SETANAN MIN AU THIN!
- V.Lalhmingliani (Mami)
Pathianin hlauhna thlarau min pe lova, thiltihtheihna leh hmangaihna leh
rilru fel neihna thlarau min pe zawk si a.
- 2Timothea 1:7
Ka nuna thil thleng, he khawvel nuna kir leh tura min au lehtu thil tam tak hi han
share ve che u ka duh a. Nangni pawn in tawn ve ka ring a. Tu emaw talin in lo hlawkpui ve
ngei ringin ka han ziak a ni.
Kum 1994 May thla khan ka piangthar a, ka pianthar atang chuan harsatna chi
hrang hrang ka tawk hnem malh malh hle mai. Ka nun beidawn chang a tam hle thin. Ka tisa
eizawnna thlengin thiah vek ka ni si a. Khawvelah tlan leh dawn ila ngam tak tak si lovin,
Pathianah chawlhna tak tak nei thei chuang bawk si lo. Hlimna deuh a lo thleng a, Lalpa
tiin ka han lawm ve leh deuh a, lungngaihna deuh a lo thleng leh a, thlaphang lehin, engati
nge Lalpa? tiin vui rilru a lo chhuak leh a. Ti lui hram hramin Pathian lam kawng ka zawh ve
zel a. Piangthar ka ni ve tho mai, mahse, nun hahchawlhna tak tak a awm si lo. Ka hahchawlh
na chu ka tisa nunah malsawmna ka dawn leh dawn lovah a innghat a. Ka Pathian chu Bible
in a sawi angin ka pumpui a nih ber chu. Hetiang anga piangthar nih ve chu hrehawm tak a
ni. Keima lawmna kha ka Pathian a lo ni reng a, ka buainate, ka harsatnate la kiang turin
Lalpa ka au a, mittui nen, mahse, min lak kian sak duh lo. Enge a chhan ni ang le? A chhan
chu ka tawngtai ve vak a, ka dil tlut tlut ai chuan a thuawih tura ka inpek a lo nghak reng
zawk si. Kan dil hma pawhin a hre tawh a ni. Kan thatna tura reltu a ni. Misual sim a
ngaidam thin a ni. Ka mihrinna chingral vek a, khengbet turin min lo ko reng si a. Kei chuan
puhmawh tur ka zawng a. A ni erawh chuan keimah mi lo kawk a, kei leh ka chhungte
damna tur chuan keimah ngei kha khenbeh ka ngai a. Keimah ka inhmuhna zelah chauh ka
damna alo thleng a. Pathian hnena dil thin, phun thin, vui thin, sawi ve tur nei thin khan
sawi tur reng reng ka nei ta lo. Sim tur leh siamthat tur ka nunah hian alo tam hle a ni.
Kum 2009 January thla khan siamthar lehna ka chang leh ta. Pathian chuan min
pawl nasain, ka sawi hnem a, ka tuah a, ka luangliam a ni ber mai. He ka awmna stage hi
a nuam tawp a. Zalen ka lo ni ta a, ka nun chu a hlimin engpawh lo thleng thin mah se, Lalpa
min dahna zawnah ka lawm zel a. Ka innghahna chu ka tisa nuna ka lawm leh lawm lovah ni
tawh lovin, Pathian lungawina chu ka damna leh ka innghahna a lo ni ta. A hmaa piangthar
ka lo intih vena zia leh a hnua thlaraua piantharna tak tak ka neihna zia chu a inpersan hle
mai. Thlarau Thianghlimin mit min tih var sakna leh tisaa mit var ve ni a ka inhriatna chu
dang tak a ni.
Tichuan, ka phurrit ni a ka hriatte kha min lak sak tura dil tawh lovin a kutah a thu
thua min chinfel sak turin ka hlan ta zawk a. A remruatah ka kal a, ka duh dana tawngtai
tawh lovin a duhdan ang zela hruai turin ka inhlan ta zawk a ni. Mahse, a thu ka awih a, ka
lo danglam chiah atangin tisaah pawh mal min sawm nasa tawh tak em! Mahse, ka ziak lang
kher lo mai ang. Midang tan ngaihawm a lo nih loh palh takin. Pathian hian kan taksa kan rilru, kan
Tunhma-a Synod Printing Press
MEMBER TLAWHCHHUAH
KTP Durtlang Branch Committee
member leh Group O.B ten Branch
huamchhung member tlawhchhuah
programme a hman chu kalpui chhoh
zel a ni a. Bial tam zawkin an
tlawhchhuak tawh hlawm a. Hetihlai
hian bial la tlawhchhuak lote pawhin
hma la chho zelin, tunkar chho-ah
pawh a remchang angin chhunzawm
leh a ni dawn a ni. Heng kan hruaitute
hi chhungkaw tinten lawm takin an lo
dawngsawng a, hun tha tak an lo
siamsak thin avangin lawmawm an ti
hle a ni.
KTP INKHAWM HNUHNUNG
September thla hi beihrual thla anih
avangin KTP inkhawm neih theih a ni
dawn lova. Naktuk thawhtan zan
inkhawm hi KTP puala inkhawm hun
hnuhnung anih dawn hrih avangin
Branch hruaitute chuan Centenary Hall-
ah hun hlimawm tak hmanho turin a
rel a. Inkhawm tan hun pangngai-ah
Centenary Hall-ah Fellowship neih a ni
dawn a. Group hrang hrangten Items
hlimawm tak tak an hmang dawn a ni.
He hunah KTP member a tam thei ang
ber inkhawm turin kan insawm a ni.
BRANCH COMMITTEE
September thla hi Kohhran beihrual
thla a nih avangin Branch Commit-
tee neih theih anih dawn loh avangin
September thla Committee hun aiah
August 30 (thawhleh zan)ah Commit-
tee hi neih ani dawn a ni. Thu thehluh
duh nei chuan hemi huna ngaihtuah
hman turin thehluh tur ani e.
KEIMAHNI
Kan chanchinbu la thin, rokhawlhna
avanga pek zawm loh, la duh si in report
kan awm a. A semtu lamte hnenah in
remchan anga lo ngaihven turin kan han
ngen che u a ni. Tin, kan chanchinbu min
sem saktute pawhin a la thar duhte han
ngaihven zui kawngah mawhphurhna kan
nei tih hria ila. A copy kan indaih lo a nih
chuan a rang lamin Editorial Board hnenah
hriattir thei ila, a lawmawm hle ang.
> > Kristian Thalai Pawl : Durtlang Branch
DDDDDDDDD DDDDD
KTP Inleng 2011 KTP INLENG KARTIN CHHUAK VOL 24 ISSUE NO 34
Editor in Chief
C.L.Biakhlua 9856878819
Editors
C. Zoremsanga 9612297009
Samuel Ramengmawia 9862378735
Joint Editors
C. Zarzoliana 9436197307
C.Lalthanzuala 9862363844
C.Lalfakzuala 9436365052
Vanlalpeka Kawlni 9862357170
Correspondent
C. Lalthanpari 9615492737
Vanlalchhuani 9862368776
H.Hmingthansangi 9856344441
Circulation Managers
Lalbiakmawia 9862340399
R.Lalengkima 9612862398
Benjamin Rosangzuala 9862494499
Lalremruata 9862614326
Joseph Vanlalremruata 9862360748
2
KTP INKHAWM INCHHIARNA
22 Aug, 2011 (Mon)
Andria 21
Jakoba 20
Johana 18
Matthaia 21
Petera 19
Philipa 29
Midang 1
Total 129
PATHIANNI (28/Aug)
SS Tantu : Pu Lalthakima, B-13
Chawhnu : Pu Lalbiakzuala
Zan : Upa R.Vanlaldika
MASHIHI SANGATI
PATHIANNI (28/Aug)
Hruaitu : Pu Lalhmingliana
Tantu : Pu Mangal Thapa
Thuchah : Nl Thangzingi
KTP TAWNGTAI INKHAWM
A hmun : Centenary Hall
Hruaitu : Pu Lalhruaitluanga, Asst Secy.
Petera Gr
Tantu : Nl.Lalhruaitluangi, Andria Gr
THAWHLEH ZAN (30/Aug)
KOHHRAN HMEICHHIA
Hruaitu : Pi Lalhmunsiami
Tantu : Pi Zirkungi, Pi Zaii Gr
Thuchah : Pi Tlangthangmawii
Special Item : Pi Muani Group
NILAI ZAN (31/Aug)
RAMTHAR NI
Hruaitu : Upa Lalbiakkima
Tantu : Pi Lalsangmawii
Thupui : Lal hna i thawk ang u
Sawitu : Upa Lalhmuaka
PANGPAR KHAWITU (4/Sept)
Pi Lalruatkimi - Kawn Veng
Pi C.Thanpari - Kawn Veng
ZING TAWNGTAI INKHAWM
29/8 - Upa Hranghleia
30/8 - Pi Rothuami
31/8 - Dr.Lalrammawia
1/9 - Pi Kapthangpuii
2/9 - Pu Thangzaliana
3/9 - Pi Kaptluangi
4/9 - Pastor Z.D.Lalhmachhuana
thlarau a tidam ngei a ni. Mahse chumi a taka nei tur chuan midang ni lovin, keimahni ngei hi kan in
man chat chat a ngai a ni.
Chhungkua hi Lalpan a ngai pawimawh hle a, chu chu kan bul tanna leh tawpna pawh a ni
reng a ni. Ka chenpuiten ka nunah Krista hmel an hmuh ngei hi Lalpan a duh tlat a ni. Thenawm
khawvengah chuan a der pawn a that theih, mahse, kan inchhungah ngei ral ngam turin min ko a ni.
Tih tawh a awm thei lova, nitin hian kei pawh zirlai ka zir reng a ni. A chang chuan ka lo bawhpelh ve
fo thin a ni. Midang huatnate, mi sawichhiatnate, chaponate, midang hmuh dik loh tlat nate, heng
ang nei chung hian Thlarau Thianghlimin min pawl theilo tih kan hriat a tul. Chumi pai reng chung
chuan chinralna nun tak tak a neih theih loh a ni. Chin ral kan nih hma chuan kan buaina khan min
kiansan thei tak tak bawk si lo. Chuvangin kan inhmangaih tak tak anih chuan Pathian thuawih a, A
pawl theih thin nun kan neih a ngai ta a ni. Tah chuan Lalpa a lo che a, min tidam ta thin a ni.
Mahse, hetih lai reng hian Setana hian min hua a, min ui a, a theihna chi hrang hrang in auh
let min tum a. Thlemna chi hrang hrang hmangte in min au reng a. Mahse kir leh thei ka ni lo tiin ka
Lalpa aiin thlan zawk ka nei tawh lova, da thei ka ni tawh lo tiin a tan ka inpe a. Rinawm tlat turin ka
intiam tawh a ni. Thutiam hi ka ngai pawimawh a, ka thutiam tawh chu tihhlawhtlin tumtlat mi ka ni
a. RIlru nghet tak pu mi ka ni a, dazat taka nung hi ka huat zawng tak a ni a. Dikna pawh huaisen tak
a tan thin mi ka ni. That der hi ka thiam lova, ni chu ni, ni chu nilo a ni mai a ni. Chu chu tunhnu zelah
pawh ka rilru a ni. Ka intiam tawh a, ka thihni thlengin ka rinawm dawn a. Lal Isua ka duhzia hi
Setana hian a hrechiang em em a, min thlem lam ni lovin, min tihmualpho a, ka thusawite miin an ei
lohna turin min bei leh a. Min tihmualpho a tum ta ran mai a ni. A chang chuan a ruahman fel em
avangin a thangkamah ka awk ve fo mai. Mahse, tunge ka nih, ka tih loh tur a ni em? ka sawi loh tur
a ni em? tih hi Lalpan min ngaihtuah chhuah tir leh vata, a tel lo chuan dai pelh ve leh mai thin ka nih
te, a tel lo chuan engmah ka ni lo a ni tih min hriat nawn tir leh thin a ni. Ka tih ve loh tur ka tih chang
chuan Pathian hi ka lakah a thikthu a chhia a, min thamna thei khawp mai. Mahni inhmu chungin
Lalpa mi man chhan chu a umin ka um thin zawk a ni. Mi rilru dik lovah hian Thlarau Thianghlim a
cheng thei lova, chuvangin lo tisual ve palh thin mah ila, ka thova ka inbengfai vat thin a ni. Mihring
hlui chin ralna hi Setana huat a ni a. Chu chu Lalpan min vei tir tlat si a. Chuvangin hmanraw hrang
hrang hmang hian min bei a. Kan sawi ngam lohna turte, kan thusawi miten an rin lohna tur ten
midang hmangin min bei thiam em em a ni. Keimah anga lo tawk ve in awm chuan Lalpa lam en tlat
ula, Setana min au letna a ni tih hria in hnungtawlh lovin i kal zel ang u. Kan hriat reng tur chu mi dik
lo hi Lalpan a pawl thei tak tak lova, miin nung taka thu a sawi a, Pathian a a hlim tlat theih chhung
chuan Lalpa mithmuhah a thianghlim a, a fa duhawm berte zing ami a ni tlat a ni tih kan hriat a tha
a ni.
Kan rilru kan taksa, kan thlarau dam nan, mahni theuh i in man chat chat ngam zel ang u.
Chutah chuan i in chhunga ruihhlo atang khan damna an chang ang, i eizawnna a i tluan lohna leh
retheihnate leh i hrisel lohna leh i nun tihrehawmtu khan a kiansan ang che. Ringtu ni si, heng
harsatna kan chunga awm reng hi engvang nge kan tih chuan sim ngai, ral ngai, kan nunah hian a
awm tlat atin a ni.
Chuvangin, damna famkim i chan ve theih nan, midangah ni lovin, nangma nun ngei kha
han X-ray ve teh. Fel kan intihna thleng pawh hian khenbeh kan ngai a ni. A nun humhim duh apiangin
a chan a, a nun chan ngam apiangin a humhim thin a ni. Lalpa chu fakin awm rawh se.
BEIHRUAL THLA
Kan hriat angin September ni 1 atang
hian beihrual thla kan hmang leh dawn
a ni a. He hun hi tunhma atang tawhin
kohhran hote tan hun pawimawh leh
danglam bik a ni a. Kohhran mipuite
pawhin hlawkna tam tak an lo chhar
tawh thin a ni .
Kumin Beihrual-ah hian kan
kohhran chuan Ramthar Pual hapta 4-
ah chi hun hrang hranga thenin hun
kan hmang chho dawn a. Hapta kar
tawp lamah hian Ramthar pual crusade
-ah speakerte neiin hun kan hmang
dawn a ni a. Kohhranhoten hetiang
hun pawimawh kan hmang thei tur
lawmawm zia leh a hlutzia kan hriat
thar a pawimawh hle ani.
Kum kalta te kan ngaihtuah
chuan a bik takin thalai lamten
hetianga beihrual thla kan hman hi kan
hlut tawk lovin kan ngaipawimawh
tawklo hle thin a. Hemi chhunga kan
inthlahdahna hian beihrual zawh a
KTP inkhawm te pawh min nghawng
ziah thin a, inkhawm kan chhiat chhoh
phah fo thin. Chuvangin tun tum
beihrual hi kohhran pumpui leh a bik
takin thalai lamten kan ngaihhlut a,
kan ngaihpawimawh thar a pawimawh
tak zet zet a. Beihrual hlawhtling tak
leh hriatreng tlak kan hman ngei theih
nan inbuatsaih ang u.
KTP INLENG KARTIN CHHUAK VOL 24 ISSUE NO 34
> > Kristian Thalai Pawl : Durtlang Branch
PASTOR ZIN MEK
Durtlang bialtu Pastor ZD Lalhma
chhuana chu Synod Ramthar Board
programme-in, Ramthar Field
hrang hrang Budget Committee
neihpui turin Synod hruaitu then
khatte nen an zin mek a. Nepal
Field an tlawh hnu-ah Siliguri leh
Kolkatta Field an rawn tlawh haw
leh dawn a ni. Ruahman anga an
awm anih chuan naktip thawhlehni
hian an lo thleng leh ang.
RAMTHAR PUALIN
Durtlang Kohhran hnuaia Ramthar
Committee bultumin kumin Octo-
ber thla hian Jeribam, Cachar-ah
Sunday School Hall sa-a work camp
neih turin hma lak mek a ni a. He
mi pual hian ni 31.August, 2011-a
Ramthar Ni lo thleng tur den
chhenin Ramthar Zin prog
ramme siam a ni dawn a. Biakin
kawngkhar bulah Ramthar Zin
Bawm hun a ni dawn a ni.
Kohhranhoten he hun ngai
pawimawh a, thahnemngai taka
rawng bawlna pawimawh atana
tlem lua awm lova thawh turin min
ngen lawk ani.
BEIHRUAL PROGRAMME
Durtlang Kohhran Committee chuan
kum 2011 Beihrual Programme hun
hmandan tur kimchang a duang
chhuak ta a. Tunah hian kohhran
intin-ah copy pek chhuah mek a
ni. Ruahman dan chuan hapta
karkhatna(1-4Sept) hi Ramthar
Hapta, karhnihna ( 5-10 Sept) -
In lam prog rame, Hapta 3na (12-
17 Sept) - Biakin-ah,Hapta 4na (19-
30 Sept) chhung Ramthar Crusade
neih a ni dawn a ni. Crusade
Speaker tur hian Rev ZD
Lalhmachhuana leh Upa
R.Lalmalsawma, Coordinator,
Synod Ramthar Board an ni ang.
NAUTE NEI THAR
Pu Vanramengmawia leh Pi
Lalremruati-te nupa, Durtlang
Venglai-te chuan ni 20.8.2011
khan Presbyterian Hospital-ah a
hmasa ber turin fanu thar
duhawm tak, 3.100 kg a rit chu
an nei ta. Kan lawmpui a, duhsakna
kan hlan e.
EVANGELICAL HUANG
3
LUNGLEI TLAWH DAWN
Durtlang Branch kumtir
Committeein kumin chhunga
Lunglei Chanmari Branch tlawh hun
tura a ruahman October ni 21-23,
2011 Programme chu Programme
Sub Committee-te kuta dah anih
angin duanchhin a ni tawh a.
Ruahman chhin dan chuan
zirtawpni zing dar 8:00-a chhuah
tur a ni anga, hemi ni tlai lam hian
Lunglei khawpui chhunga hmun
pawimawhte tlawh kual a ni anga,
a tuk Inrinni-ah Bethel neih paha
Sport neih tur ani ang. Pathianni
nileng leh zan Pathian Biak Inkhawm
bakah Pathianni tlaia Open air
programme hlimawm tak hman
turin a ruahman a. Heng
ruahmanna te hi Branch Commit-
tee in a thlir leh dawn a ni. Mem-
ber kal thei turte lo inbuatsaih lawk
tur in kan inngen e.
PUITLING SUNDAY SCHOOL
ZIRTIRTUTE HRIATTIRNA
Durtlang Kohhran Puitling
Sunday School-a zirtirtute-ah
ruahmanna felfai zawk leh
kalphung awmze nei leh awlsam
zawk a awm theih nan Pathianni
Sunday School inkhawm rem
chang theilo turte chuan a hnuaia
Secretary-te contact No tarlan-ah
hian a hma lama inhriattir thin
turin kan inngen a ni.
Pu Lalhuliana - 9436199427
Pu Lalhmingthanga- 9436351437
Pu C.Lalbiakhluna- 9612162650
Pu Rohmingthanga- 9436365196
Pu Lalbiakdika - 9862356853
Tv C. Zoremsanga - 9612297009
HARSATNA NEI TAN...
- 9856343204 / 9612144132
Mahni ta pawh nilova, mana lei in ni tawh asin!
Chuvangin in taksaah chuan Pathian chawimawi rawh
u. I Korinth 6:19-20
Thil engkim tih ka tan a thiang a, nimahsela
thil engkim tih a tha kher lo; thil engkim tih ka tan a
thianga, nimahsela eng bawihah mah ka inphal lo, (I
Korinth 6:12) Tirhkoh Paula chuan a ti a. Mitin ei zawnna
kawng hrang hrangah te kan buai em em a, hah pawh
kan inti thei hle thin. Mahse zan a lo thlen chuan
inkhawm kan peih lo leh mai thin. Kar tluanin hna thawh
theihna min petu chu Pathian a ni. Inkhawm hun a lo
thlen chuan kan phatsan leh mai thin. Hnathawh
theihna min petu, a thisen hlu taka min leitu thinlung
chu a na ngei ang. Kan Pathian thu chuan in taksaah
chuan Pathian chawimawi rawh u a lo ti a. Kan taksa,
rilru, thlarau hi a ta a ni tih hre lovin kan nun hi kan lo
hmang ang tih a hlauhawm hle mai.
PAWNGSUAL CHUNGCHANGA
DURTLANG LOCAL COUNCIL & NGO
JOINT MEETING THUCHHUAK
1. August ni 24 tlaia kan khawthlenga naupang
kumtling lo pawngsual rapthlak tak a thleng hi pawi kan
tiin kan rilru a na takzet a. Tun hnu-ah hetiang thil
rapthlak leh rawng tak hi thleng tawh lo se kan ti.
2. Pawngsualtu Tv K.Laldinthara s/o
K.Laldingliana, Durtlang Mualveng man tura theihtawp
chhuahtu Sihphir mipuite chungah lawmthu kan sawi a.
A bik takin ramhnuaia naupang thlabar taka an awm
laia hmangaihtaka lo tuamhlawm a, huaisen taka misual
lo umtu Pu Thuamlianate nupa Sihphir chungah
lawmthu kan sawi a. Duat taka naupangte lo
bawihsawmtu leh misual min lo man saktu Sihphir Vil-
lage Council, YMA Sihphir, VDP leh mipuite chungah
lawmthu kan sawi tak meuh meuh a ni.
3. Hetianga naupang pawisawi lo lainatna chhete
mah nei loa khawihchhe duhtu Tv K.Laldinthara hi
thuneituten a na thei ang berin hrem se kan ti a. Driving
License a nei anih chuan a damchhunga motor khalh thei
tawh lo tura hremna pek ngei kan phut a ni.
4. K.Laldinthara-te chhungkua hi an hmalam hun
kal zel tur kan ngaihtuahin, Durtlang khawthlenga an
awm reng him lo leh an tan pawha pawi thleng thei ni-a
kan hriat avangin a rang thei ang berin inthiarfihlim se
kan ti a. An inluahna neitu Pu B. Dawngzela, Chanmari
hnenah hriattirin, a chhuah tir lo a nih chuan a in leh
lovin a tuar anih pawhin khawtlangin mawh kan phur
dawn lo a ni.
5. Tawhsual tawkte thlavang hauha chechhuak
Durtlang thalaite chetdan-ah khan lawmawm kan ti a,
kan chhuang tak zet zet a ni. Khawtlang hruaitute thu
ngaichang thiam tak leh zah tak chunga khawtlang nun
siamthatna tur leh khawtlang tihmelhem zawnga khawsate
laka huaisen tak leh lungrual taka ke pen zel turin kan
insawm e.
NAUPANG KHAWMPUI
Durtlang Pastor Bial Naupang Sun-
day School khawmpui chu Septem-
ber 11 hian hman a ni dawn. Tunlai
hian naupang department hrang
hrangten intihsiakna tur zirin tlai-
ah ngawr takin an inbuatsaih mek
a ni. Kumin-ah hian Primary leh
Intermediate department-te
Durtlang North Biakin-ah an hmang
anga, Beginers leh Junior Depart-
ment-ten Durtlang Biakin-ah an
hmang thung dawn a ni. Tin, a kar
leh Pathianni (18.Sept) hian Senior
Department ten Durtlang Biakinah
khawmpui an hmang thung ang.
9856878819 / 9862363844 / 9436197303 KTP INLENG KARTIN CHHUAK VOL 24 ISSUE NO 34
> > Kristian Thalai Pawl : Durtlang Branch
^
INLENG PIKSSS!
August ni 24.2011 tlai dar
4:00 vel-a naupang pawisawi lo 2
hruai bo-a pawngsual tu Tv
K.Laldinthara s/o K.Laldingliana,
Durtlang Mualveng chu hemi ni tlai
vek khan Si hphi r khawtl ang
tangrual i n an man a. Durtl ang
khawtlang hruaitute hnenah hlan a
ni a. Durtl ang mi pui tam taki n
hetianga rawng taka suahsual rawng
bawltu hi hmuh tumin an lo hmuak
a, Pu H. Zathuama, Local Council
President in-ah thlenpui niin, heta
tang hian Police kutah hlan a ni.
Hetianga pawikhawihtu man
anih hian Durtlang mipui thinrim a
sosang hle a. Police in an lakthlak
dawn l ai hi an thal ai tam taki n
kawngpuiah an lo dang a. Hun rei
vak lo chu mipui nen an innawr buai
nghe nghe a ni. Amaherawhchu,
NAUPANG PAWNGSUALTU MAN A NI
Harhna awmzia chu kan hre vek awm e. Harhna in kohhran leh mimal
nun a nghawng dante, Harhna a lo thlena kohhran inkhawm, thiltih engkim a
nawmzia chu kan hre theuh awm e. Keini kohhran pawh thlathum vel liam ta
mai khan Camping chhawng thum lai kan buatsaih a, kohhran inkhawm, zai
boruak pawh a nuam hle mai; chumi belhchhah nan tunhnai maiah naupang
school chawlh remchang lain naupang lang campte kan han buatsaih bawk.
Tin, kohhran committee pawhin heng kan harhna chante a mih mai loh nan
follow-up ningani zanah bethelte, chawlhni zan inkhawm banah kohhran
lengkhawmte pawh a siam thin a.
Heng follow-up te hi kohhran mipuite pawhin kan ngaipawimawh viau
thin. Mahse, hun a kal zel a, harhna boruakin min kiansan mek niin a lang a,
zaikhawm leh bethel thin pawh an kiam mek zel. Chutih rual chuan kohhran
mipui leh kohhran hruaitute erawh chuan harhna kan chan mek hi tih nun zel
chu kan duh niin alang. Ni e, harhnain kohhran hi min chhuahsan lo se a
duhawm hle, chumi tur erawh chuan tunge mawhphur ang le? Kohhran mipuiten
kohhran committee follow-up an siam te hi ngaipawimawh theuh ta ila, tun
aia nasa pawh hian Harhna pawh hi a thleng thei a ni.
Amaherawhchu, kohhran mipuite ringawt hi a mi kan chettir reng
ang? Heng Follow-up hun hrang hrangah hian kohhran committee memberte,
kohhran hmeichhe hruaitute, KTP hruaitu thleng hian hruaitu kan nih ang ngei
hian peih lo chung leh chak lo viau chung pawha hma hruaitu kan nih hi a hun
viau tawh lo maw? Hruaitu bawrte hian hma kan hruai ngam phawt chuan
kohhrana hrahna kan chan mek hi tun aiin a la alh nasat leh theih ngei ka ring.
Tin, follow-up programme chikhat zaikhawm pawh hi a tha viau mai,
mahse camping chhuah hlim nen erawh kan zai boruak pawh in tlakhniam lam
a pan mek zel a, zaikhawm thin kohhran mipuite pawh kan kiam tial tial niin
a lang. Heng kan zaikhawm boruakte a lo that zel a, memberte pawh kan lo
tam zel theih nan kohhran hruaitute lam pawh hian thlakhatah hian vawikhat
emaw chu thalai lam leh naupang zawkte hip nante pawh kan music instru-
ment kim nen hian thalai hlate hi han sa hup hup ta ila, kan zaikhawm
boruakte hian hma a sawn leh zual thei angem? Harhna kan chan mek pawh hi
tun aiin nasa zawk hian a lo thleng thei ngeiin a rinawm.
Harhna
(Durtlang thalaite chetdan an fak rawn!)
QUESTIONNAIRE CHHANGTUTE
HRIATTIRNA
KTP Durtlang Branchin member
tlawhchhuah a hman mek-ah member
remchangte chhan tur Questionnaire a siam
chu memberten tlawmngaia chhang theuh
turin kan inngen nawn leh a. Heng chhanna
te hi Biakin kawngka bulah KTP inkhawm
zanah bawm hun ani thin dawn a, hetah
hian thehluh tur a ni. Helai hmuna thehlut
remchang lote pawhin hruaitu hnenah
thawn theih a ni bawk e.
DURTLANG KOHHRAN
AUGUST THLA
PATHIAN RAM DINHMUN
B i al
No
Thawh
Zat
Ip Lut
Ip Lut
l o
1 71, 390 29 6
2 47, 870 35 6
3 50, 685 41 4
4 34, 410 34 2
5 29, 560 40 8
6 68, 950 34 9
7 57, 660 32 9
8 109, 600 35 4
9 53, 905 33 14
10 90, 895 36 9
11 64, 840 35 3
12 45, 335 42 5
13 55, 630 35
14 51, 440 29 5
15 97, 850 28 3
16 117, 300 26 3
1, 047, 320 544 90
P at hi an ram 39 9220
Ram t h ar 30 2120
Tual c h hung 34 5980
B uhfai t ham 5 4795
M i s s i o nary 55 , 000
K ri s m a s l eh K um t har46 , 480
G RA ND TO TA L 1, 203 , 595
4
Nihawichi lo chhuah hma hret,
Kungfu Shoe lar hma si !
khawtlang hruaitute ngenna avangin
Durtlang thalaite chu inbengdaiin,
Police station thlenthlak pui a ni ta
a. He thu kan buatsaih lai hian Po-
lice Thana -ah an la kawl a, Central
Jai l l amah thawnthl ak turi n an
buatsaih mek niin thu dawn a ni.
Hetianga pawikhawihtu mipui
thimrim sosang tak hnuaia a awm
laia nungdama a chhuak thei hi mi
tam tak chuan vannei an ti hle a.
Chutihlaiin, thuneitute, vengdang
leh Media lama thawkten Durtlang
mipuite chetdan chu zahawm an tiin
an fak hle a, vengdang thenkhat chu
nise, mipuiin an chilhlum mai an ring
a. Hetih laia Durtlang thalaiten
khawtlang hruaitute leh thuneitute thu
ngaichang tak chunga an che thei hi
vengdangte tan pawh entawn tlak an
ti hle niin thu dawn a ni.
ZR Chawngthu