BMA AW

An Official Organ of The Bangalore Mizo Association Registered Under Societies Act of Karnataka No. BLU-S188-2007-08 Date 7 May 2007
Vol. XVII Issue No. 20 Bangalore Mizo Association Pathianni Tin Chhuak Chanchinbu Date: 28th August 2011 Phek Khatna

TUALCHHUNG

Thlirletna

Memorial HVLT Mawia Memorial Trophy && Nimin Inrinni khan BMCF chuan retreat hun nuam tak Vishranty Nilayam, Infantry Road Champion 2011 chu Chingsui FC ah a hmang. Member 40 vel an kal a. Rev. Dr. F. Hrangkhuma leh Kum 2005 ah he memorial Trophy hi buatsaih tan a ni a, chuta Rev. Athang Leivon te chu thuchah tang chuan kumtin khel loin la buatsaih chhoh zel ani. He trophy (a an sawi a ni. Sawihon ahun pawh pasal hriatrengna atana) thawhtu, BMA dintu te zing ami, Dr. hman a ni. Lalrinawmi Ralte chungah lawmthu kan sawi e. He tournament hi Vawiin hun tawp tluang takin BMA Directory a hming dah Independence Day luhna atana membership form (August 15) khan khelh thehluh theih hun tawp zawh a ni ta a. Kum vawiin hi a ni ta. La thehlut lo dang ang lo deuhin ten vawiin ni ral hmain kumin chu ni hnih membership form i thehlut chhungin match tam tak theuh ang. khelh zawh a ni, a hahthlak deuh a niang, a zawh meuh chuan damlo pawh an awm nual Article a ziah theih e! mai. Team 11 inziaklut an awm a, team thenkhat chu inkhel thiam tak Kuminah Chhinlung tak an nih laiin team thenkhat erawh chu inkhel thiam vak lo te an ni magazine tihchhuah leh tum a a, chu chu he inkhelh buaipuitu lamten thiam takin team dinhmun hre ni. Zofate leh hriselna tih ranin group an siam hrang a, a thiam deuh ho inkhel tlang thei tur leh chu thupui a ni a. Ziak ve a thiam lo deuh te pawh chu inkhel tlang ve thei turin ruahman a ni a, turin kan sawm a che u. chuti ang chuan group thum laiah then an ni. Inkhelhni hmasa chu 13th August (Inrinni) ah a ni a, hawnna neih a nih hnuin nilengin inkhelh a && K.L.E. College-a Mizo Zirlaite ni a, a ni hnih ni ah chuan exhibition match te pawh ropui takin khelh chuan tun kar ni 30th August 2011 a ni. Kumin Football Tournament ah hian kan senior leh member tam (Thawhlehni) zan hian Rejoice takin tanpuina leh thildang tam tak atan sum min pe a, BMA chu kan Party Hall, Malleshwaram 8th lawmin inchungah lawmthu kan sawi tak meuh meuh a ni. Cross-ah Fresher Social hlimawm Kumin tournament ah hian mipui kan kal tha a, infiammi te pawh tak hman an tum. an discipline a tha hle ani. Tin, a buatsaihtu sub-committee te an Tunlaiin college thenkhat pawhin thawk rimin an tangrual em em mai a, hei hi a hlawhtlinna chhan tam an college-ah Freshers Social an tak zing ami a ni thei ang. Mipui lam pawhin kan hruaitute kan thlawp hmang hlawm bawk. tha hle a a lawmawm tak meuh meuh a ni. -----------------------------------------------------------------------------------

BMA Football Tournament

BMCF INKHAWM
4th September 2011, 3:00pm
Hruaitu: Rev. Dr. K. Sapthanga Tantu: Nl. Ramniengi Ralte Thawhlawm: Tawngtairual Special No.: BMCF Zaipawl Thuhriltu: Rev. Dr. F. Hrangkhuma Changvawn: Galatia 6:15 Siamthar lehna chauh lo chu

Vangpui Kut 2011

Ropui Taka Hman Tum A Ni!
Kumtina kan lo hman chhoh thin Kutpui nuam tak Vangpui Kut chu kumin hian hman leh tura ruahman a ni. Kumdangah pawh nuam tak leh hlim takin kan lo hmang tawh thin a, kumin pawh hian chuti ang aia nuam leh hlima hman tum a ni. (phek nga naah hriattur pawimawh ziah chhunzawm a ni)

Vol. XVII Issue No. 20 Bangalore Mizo Association

Editor Mdawnga Hauhnr Joint Editors Dr. Lalhmingmuana Sailo MC Zirsangzela Contributor Amos Lalremtluanga Circulation Managers Lalnunfeli A.Hmingthanzuala BMA AW lak man: Thla khat Thla thum Thla ruk Thla sawmpahnih Rs.20 Rs.50 Rs.90 Rs.180

Pathianni Tin Chhuak Chanchinbu

Date: 28th August 2011 Phek Hnihna

Article

Hmeichhia Leh Uite

- Dr. Mahminga Sailo A ngai bawk Hmeichhia leh Uite chanchin sawi lo hian kei zawng ka awm thei hlawl lo a ni e Bangalore ka awm tirh khan he thupui hmang hian thu ka ziak tawh a; mahse ziah hmaih ka nei tam hle mai lo niin! Thupui dang nei tawh lem lovin, a chhunzawmna te pawh kan ti thei ang chu. A thupui bultanna Hmeichhia chungchang erawh kan sawifiah tawk tawh ah ngai ila; hming pakhat ve mai a ni kan tih tawh kha. Rs. 420 man chauh maw..?? Aw ni e, tlawm tak an ni.., hmeichhia chu, I ti ngawt elo? Nia, sum/pawisa hmang a thil hlutna chhut mi I nih ngai chuan Rs 420 man chu a tlawm reng ang chu. Mahse han dawn chiang deuh teh thiana. Isua Krista, kan sual tlan nan a thihna khawp hial tuar a; anchhedawng kraws a nghaisak leh endawng tuartu kha, Rs 30 chiah in a zirtir pakhat in a hralh a ni lom ni? Rs. 30 man lek a chatuan nunna kan neih theih tluka hlu leh ropui hi lei leh van ah hian a awm leh tawh ngai long.., kumkhua in Sum a leizawh rual loh Hmeichhia A zawng a za in sawi thei lo mah ila (sawi tur in ka hre vek hek lo), vanneih thil thu ah nupui nei ve dawn ta ni ila tiin, ka phak tawk a nupui (hmeichhia) hlutna hi ka chhut mai mai thin. Kei aia hrechiang leh tawng tawh tam tak pawh in awm tih hre reng mah ila, tlanchhe chungin kan hnutchhiah teng che u.., thaibawih (chhungkaw tangrual..?!) tura infuihna lam ni lem lovin.. Insukna khawl power supply awm loh chang pawh a hman theih, bill san phah lem si lo; a tul hun apiang a insu thei, duh hun hun a inkhawmpui theih, hmeltha bawk si..,a si hlir mai, inchhungkhur a kan kawl rup tur hi vanneihna kawng khat a ni hrim hrim ka hria a. Keini ang duang tan, washing machine te han lei ve dawn ngawt ila, chhungkaw budget a buai vek dawn leh nghal. Chutih kar a Rs 420 lek a insu thei, inchhungkhur a tangkai em em mai ka lei nghal mai tur hi vannei ka in ti. Tanpui vartu hnai reng ka theihnghilh ngai lo; hman lo chung chung a ka nun rawng a bawl emaw a insuk lai in; ka pa ho vin kan thuamhnaw emaw mamawh dang kan zawng hmu zo lo fo. Beidawn hnu a pa berin, Nui, khawnge a awm le? a tih hnu rei lote chhungin, Hei he ta hi a ti thei zel kha. Nu hian inchhungkhur thil dah leh rem dan an va hrechiang tak em! Heti khawp a pasal-fanau te tana tangkai leh inpe zo I neih hnu hian, nupui man atan a Rs 420 i pek kha i la sawi lang fo dawn em ni thianpa? Kei zawng, lawm vangin tuk tin tawng tur ka haihchham fo ka ring asin!! (phek nga naah chhunzawm a ni)

E-mail: bmanews@gmail.com Website: www.bangaloremizo.info

I mobile-ah khan JOIN BloreMizo tih type la, 567678 ah thawn rawh. Bangalore Mizote tana Hriattirna leh thutharte ilo dawng thin dawn nia.

Editorial

Piangthar da lo
Kan sakhua Christianity ah hian buai theihna tur leh ngaihdan inanlohna tur thil tam tak ah, a eng hi nge kan Pathian duh zawng chu ni ang tih hi hriatthiam a har thin! Kristian te hi Isua Krista anna kawnga in zir tur kan ni a, chu chu kan tum ber tur pawh niin a lang. Biakina hlim taka zaia lam mup mup a, khawvel a thil thar lo chhuak ang zela kal a insiam rem a, hmanrua pawh lakluh zel mai duh an awm laiin, fim tak leh khunkhan tak, zahawm taka Biakin chhunga Pathian be duh an awm bawk. Khawvel hmasawnna hi engkimah a thang chak em em a, chuti ang rem zawnga kan Kristianna hi lak a, khawvel mite nungchang ang rem zawng leh an mahni kan hip theih dan tura insiamrem hi tihdan tur tha ani ber dawn em ni ka ti. Kristian nun leh khawsak dan te, awmdan leh incheidan te hian nihna bik nei se la a him ber lo ang maw? Kan inthlahdahna hian kan rinna hi a tinghet lo niin ka hria. Enge in ngaihdan ve le?

The great hope of Society is Individual Character

Vol. XVII Issue No. 20 Bangalore Mizo Association

Pathianni Tin Chhuak Chanchinbu

Date: 28th August 2011 Phek Ngana

(Article chhunzawmna) Evi, Sual na bul kan ti maw..?? a dikmai thei, mahse chhut chian deuh a ngai long maw? Evin, Adama a thlem vang khan hmeichhia kan deusawh in kan elsen ngawt hi a fuh ber em? Adama, thil ngaihtuah chiang mang lova Evi thusawi awih vang a mihring te sual a tlu a Pathian anchhia lawh ah puhin kan sawi tlawr hluak hluak thin em? Sualna laka min chhandam a, khawngaihna leh hmangaihna sawifiah phak loh a min chhandam tu: Lal Isua Krista lo pianchhuahna kha Mari, hmeichhia a ni asin. Chuvangin, hmeichhia te hi Pathian rorel tihlawhtling turin an pawimawh hle. Tlipna Enge kan sawi tak ang? Sawi sawiin, ziak kur duah mah ila, Hmeichhe hlutna hi zawng sawi a ziah sen a ni dawn chuang lo. Kei zawng kan pi leh pu te hi an fing ka ti thin. Hmeichhia leh Uite an lo tih hi, ngaihtuah thui lem lo tan chuan ngaihkawih awl tak a ni nang in; ngaihtuah thui tan erawh a awmzia hi a thuk tlat! Ui, a neitu te tana a rinawm zia, a neitu te bawkin an hrechiang. A neitu te chhung a hria in, an rim leh an aw a hre hrang thei. Hnamfing te hian Ui, a pi/pu tan a a rinawm (faithful) dan hi, rinawmna sawifiah nan an hmang chawk thin. Chuvangin, Hmeichhia te u, in pasal fanau te tana in rinawmna, in hmangaihna sawifiah rual loh leh, in inhlanna leh in inpumpekna hi a va hlu in a va ropui em! ****************************************** HRIATTIRNA Bangalore Mizo Literature Club bultumin karleh ni 4th September 2011(Pathianni) inkhawm ban hian Rev. L.H.Rawse-a chenna In, UTC Quarter (near ERC) ah Zoram Political History chungchanga thu inchuh chungchang x-ray-na, Zoram Political History Bihchianna tih chu Tv. K.Remruatfela`n paper presentation a nei dawn a. Hemi huna tel tur hian Bangalore Mizo Literature Club chuan Bangalore-a Mizo awm tupawh a tam thei ang ber min sawm e. Tin, kan lo inhmakhua lawk theih nan leh sawihona hun hlimawm zawk kan hman theih nan kal tur chiang sa ni-a inngai chu Mob. 9036515569-ah kan email id thawna in report hmasa turin min ngen bawk a ni. Come one, come all ---------------------------------------------------------------

(Vangpui Kut 2011 chhunzawmna) Vangpui Kut chu October ni 6 (Ningani) leh ni 15 (Inrinni) ah hman tura ruahman a ni a, a buaipuitu sub-committee te an tang nasa tan hle ani. 6th October hi Ningani a niin chawlh a ni a, 15th October ah hian Kut Ni hman tum a ni. Hengte hi kan infiamna tura ruahman chin te an ni e Volleyball, Basketball, Tug of War, Balloon Shotput, Football Passing, Lawngkar, Arm Wrestling, Insuknawr, TT/Badminton, Water Race, Inkhawibah, Opposite Shotput, Slow Motion Race, etc. Vangpui Kut kan hmanna tur atana items chi hrang hrang ruahman lawk te ilo thlir teh ang Cultural Items: 1. Essay Writing Thupui: Mizote leh Thianghlimna. Thehluh hun hnuhnung atan October ni 9, 2011 a ni. 2. Solo Mipa: A teuh lo mai (Sanglura hla) Hmeichhia: Aw Zoram nuam suihlung phang lo la (Daduhi hla) 3. Hla phuah: Sual dona lampang hla Essay leh hla phuah a pakhatna te hi Chhinglung Magazine-ah dah telve an ni ang a. Tin, Chheih lam intihsiak hlimawm tak mai kha a awm leh anga. Kan la neih ngailoh Comedian Search pawh Section tin atangin pahnih theuh neih theih tura ruahman a ni. Heng bakah hian chanchin chiang zawk chu remchang veleh kan rawn tarlang dawn nia. ---------------------------------------------------------------

FIAMTHLALANG
Kimtea Pa Inkhel zawh rawl-sil thum hi BMA aftershock an ti. Tlangval senior-in tleirawl a rim hi a tenor an ti. Chaw nghei meuha han tawngtai chuan Hazarre lo fit zia a chiang bik an ti. SMS kaltlanga Bible chang dawn hi SMS manna an ti. TV te tak te hi a khawi chi an ti. Airport-a mi hmuahte hi kan thlah leh kher chuang lo an ti. SMS hmanga inrel hi ungthlun an ti. MIFCO hian Rawtuai tin aiin Kuhva hring tin siam se an hlawk zawk ang an ti. Mahni pawl chanchin aiin mi pawl chanchin sawi nuam kan ti zawk an ti. Miss Call kan dawnna number va call hi Taitesena dial an ti.

Dikna hian hmel tha tak a nei a, incheina erawhchu a nei chhia.

Vol. XVII Issue No. 20 Bangalore Mizo Association

Pathianni Tin Chhuak Chanchinbu

Date: 28th August 2011 Phek Rukna

INFIAMNA
UEFA Champions League
European club level in elna sang ber leh boruak nei ber, leh proffesional footballers ten an tel chakna ber UEFA champions league a vawi 57-na group stage a tling tur zawn na play-off round chu khelh zawh fel ani ta. Hemi a tan hian European club hrang hrang thiam filawr, mahni league theuh a che tha ber ber teams 32 te chu an in puahchah tan mek ani (a tling tawh sa leh group stage draw fixture chu a hnuai ah tarlan ani). Tunlai a club chhung boruak nei chhe tak Arsenal chuan group stage a in hlang kai tur in Italian club Udinese aggregate in 3-1 in an hneh ani. Villareal in Danish club Odense chu 3-1(aggregate) in an hneh a, Benfica in Dutch club FC Twente chu 5-3 (aggregate) in an hneh a, Lyon in Russian club Rubin Kazan chu 4-2 (aggregate) in an hneh a, tin, German giant Bayern Munich in FC Zurich chu 3-0 (aggregate) a hneh bawk in an in hlang kai theuh bawk ani. Tin, kum 1970 a European cup (UEFA champions legue ti a an thlak tak) lo la tawh, hun rei tak an reh vang vang tawh hnu in, sum ngah tawntaw Abhu dabhi Group in an leina a zar ah Manchester City chuan harhna an rawn chang thar leh a, sum renchem miah lo a khawvel players tha ho an hui khawm teuh hnu in an pu Roberto Mancinini a ho na hnuai ah an lo thawk chhuak dawn ani. He in elna ah hian play off round thleng hrim hrim club te hian 2.1 millions an hlawh dawn a. Tin, Group stage a team tin te hian 3.9 million leh bonus 550,000 an hlawh theuh bawk dawn ani, he stage a match a chakte hian 800,000 leh a draw in 400,000. Tin, Knock out stage thleng team tin te hian 3 million, quarter finalist ten 3.3 million, semi finalist ten 4.2 million, leh runners up in 5.6 million, tin a champion team in 9 million te a ni. A final match hi Bayern munich khelmual Allianz Arena, Germany ah khelh ani ang. MC Mama English Premier League: Nizan inkhel result thenkhat: Liverpool 3-1 Bolton, Chelsea 3-1 Norwich Zanin inkhel turte: Tottenham vs Manchester City 5:55pm ESPN Manchester United vs Arsenal 8:25pm ESPN 10th September 2011 a inkhel tur thenkhatte: Arsenal vs Swansea Manchester City vs Wigan

Sunderland vs Chelsea
Wolves vs Tottenham Bolton vs Manchester United

Transfer August ni 31 hian European football transfer market chu khar anih mai dawn tawh avang in club lian te boruak a na in rin loh tak tak in thil a thleng leh ta zut zut mai. Transfer langsar zual 15 te rawn tarlang ila.
1. Gervinho from Lille to Arsenal( fee-undisclosed) 2. Alex oxlade-chanmberlain - from southamton to Arsenal(17 million) 3. Charles nzogbia from Wigan athl to aston villa (10.8) 4. Shay given from man city to Aston villa(undisclosed) 5. Juan mata from Valencia to Chelsea (27 million) 6. Romelo Lukaku from Anderlech to Chelsea (20 mllion) 7. Charlie Adam from Blackpool to Liverpool (free) 8. Jordan Henderson from Sunderland to Liverpool (22.5 million) 9. Steward Downing Aston villa to Liverpool (22.5 million) 10. Samir Nasri from Arsenal to Man city (26 million) 11. Sergio Aguerro from Athletico Madrid to man city (45 million) 12. Gael Clichy- from Arsenal to Man city (7.8 million) 13. David de gea- from Athletico to Man utd (19 million) 14. Ashley Young from Aston villa to Man utd (18 million) Phil jones from Blackburn to Man city (18.7 million)

English Premier League point dinhmun:

(as on 5th December 2010, 08:00am)
Position 1 2 3 4 5 6 7 8 9 10 Club Liverpool Chelsea Wolves Manchester City Manchester United Aston Villa Wigan Athletics Newcastle Bolton Everton Played 3 3 3 2 2 3 3 2 3 2 GD 4 3 3 5 4 2 2 1 1 0 Point 7 7 7 6 6 5 5 4 3 3

HVLT Mawia Memorial Trophy pawh khelh zawh a lo ni ta a. Inkhel en a nuamin a kheltute lam pawhin nuam an ti hle. Kumin 2011 BMA Football Tournament ah chuan Chingsui FC an champion a ni. FC Kan Veng lam pawhin an team tana sponsore tute Pu Zoramchhana leh Rubys Kitchen te chungah lawmthu an sawi a ni.

Vol. XVII Issue No. 20 Bangalore Mizo Association

Pathianni Tin Chhuak Chanchinbu Date: 28th August 2011 Phek Thumna

Dr. Mahminga Sailo

Sakhua

Uite leh pheikhawk bo

Uite vulh thang inchhungah chuan; pheikhawk, slipper leh thil dang dang, hriat loh laiin a lo bo daih thin. Zawn zawn hnu ah, rin lohna hmun ah khel khem/pawr nuai in in hmu fo thin tiraw? I pheikhawk a uih vang in i uite khan a khel duh a ni hran lo, an thanlenna tilang tu pakhat mai a ni. Uite hian, an pian tirh in ha 28 an nei a; an ha thar a to kim meuh chuan ha 42 an nei thung. Sa ei chi (carnivores) an nih vangin an ha mai bakah an biang leh khabe tihrawl tichak turin thil thial/khel an mamawh. Thla 3 atang a thla 7 a upa an nih thleng in, an ha hlam tla in, ha thar a to thin a. Hetia an ha thar a to hian an ha ziau in thil thial leh khel tur an zawng ruai thin. Chuvangin, i uite duat tak in, i pheikhawk/slipper duhlai a khel chhiat fo pumpelh dan chu maw 1. I hmuh laia an chaw nilo ei an tum hlauh chuan kut beng pah in No han ti tuar la. An zah ve ang che. Mahse i awm loh hunah engtingnge ni ta zel ang? 2. Thil thial lova an awm theih loh tlat vangin, an thial tur (saruh/toys) i lei sak a ngai. Saruh pek hi a tha, mineral a ken tel vangin; mahse ruh them an lem sual palh in a buaithlak thin. 3. Ui hian thil kha (bitter) leh hmarcha hi an ti thei thak lo. An thil khel thin ah damdawi kha emaw hmarcha tah pawn kawng thenkhat ah chuan a ven theih laiin, slipper/pheikhawk a heng han tah luai erawh a tih chi ber lem silo. 4. Chuvangin, ran damdawi zawrhna dawr ah uite thial tur bik (toys) lei a tha ber. Tin, uite hi ran fing tak an nih vangin, an thil thial (toys) kartin i thlak theih loh pawn thla khat ah vawi hnih tal i thlak thin dawn nia. A ngai ringawt chu an ning thuai a, i bungrua duhlai bawk an lo seh chhe leh mai ang. ---------------------------------------------------------------

Nun Nghet
Rawngbawltu hriat hlawh tak pakhat chuan Mizote miziaa nghet ber chu ngheh lohna hi a ni a ti. Kan ram han thlir ila, thal khaw nawm laia lei nghet tak anga lang pawh furpui a lo thlen meuh chuan a min leh hum hum mai thin. Chutiang deuh chuan hlimna leh lawmna a lo thlen lai chuan ngheh hmel takin kan ri bung bung a, kan sawi pap pap a, hnungtawlh leh thei tawh lo tur ang maiin kan hawi deuh ar ar thin a ni awm e. Mahse hun hrehawm a lo thleng a, thih thlenga rinawma awm chu sawi loh (Cf.Thup.2:10), fur ruahtui tla te hian min nan da leh ta mai mai thin ni te hian a lang thin! Luang thli chhem len an sawi ang maia thliin a lenna lam apianga thle tawn mai mai, Hei hi ka dinna a ni tih tur nei hauh lo hi lungkuna zawng zat zet kan awm hial awm asin! Kan Pathian thu hi han thlir ila, nghet taka ding tura fuihna thu hi hmun tam takah kan hmu a. Kohhran tiak tirah pawh khan ringtute tihngheh kha an hna pawimawh tak niin a lang (Tirh.9:31; 14:22; 15:32,41; 16:5; 18:23 adt.). Paula chuan Chuvangin ka unau duh takte u, nghet takin, tihchet rual lohvin Lalpa hna thahnemngai taka thawk fovin awm rawh u, in thawhrimna chu Lalpaah chuan a thlawn ngai lo tih in hre si a (I Kor. 15:58) a ti. Pathian rinnaa nghet taka din leh rawngbawlna kawnga thahnemngai taka ke pen zel hi ringtu zawng zawngte mawhphurhna a ni. Lal Isuan in satu pahnih tehkhin thu a sawi hi ringtute inenfiahna atana darthlalang tha tak a ni (Mt.7:24-27; Lk. 6:46-49). In satu pakhat chuan lungpui chungah a sa a, thuk taka laiin ngun takin a rem a, tui te lianin thli ten nam sawk sawk mah se nghet takin a ding tlat thei a. Tiauvut chung maia in satu chuan awlsam te-in a sa zo thuaiin a rinawm, mahse nam sawk sawktu a lo awm ve leh a chim nghal ta rup mai a ni. Rinna leh beiseina chu kan nei theuh a, mahse kan innghahna hmun chu lungpui nghet Krista a nih si loh chuan kan hmabak chu chim rup a ni leh mai thin. Pathianin Missionary te hmangin Krista Chanchin Tha min pe a, Krista taksa Kohhran min dinsak bawk a, chu chu nghet taka kan awmna hmun tur a ni. A sawi tlawr thiam apiang um a, a theology hahdam apiang zui a, mahni lawmna ringawt zawnga phet phet hi hrehawm tinreng min tuarsaktu Krista zuitute zia tur niin a lang lo.

Mi chu a rinawmna a bova, a zahawmna a ral chuan, a thi a ni. - Whittier

A hniaka kan zuina tura entawn tur min hnutchhiahtu Krista hi hrehawmna karah pawh nghet taka zui zel tur kan ni (Cf.I Pet.2:21). Krista lungpui nghetah ka ding, hmun dang zawng chu tiau dup a ni tih hi kan hla lo ni theuh rawh se. Amen. - Lalawmpuia Hauhnar
Vol. XVII Issue No. 20 Bangalore Mizo Association

Pathianni Tin Ch

YMA DAY KA HMANG VE E

Lalhmingliana Saiawi
Cheraw kan ka hmuh tawh zawng zawnga hmuhnawm ka tih ber leh ka ngaimawh zawng tlem a thawi deuhin, YMA day ka hman ve dan nen ka sawi dawn a, khawhar ina tute emaw tih dan takin, Tawi tein, thiam lo takin fiamthu ka thawh pah dawn a ni. Kumin YMA day kha Kawlkulh YMA-in an golden jubilee lawm ni atan an hmang a, ka tel ve a. Sa quintal sarih velin khawtlang ruai kan theh a, nuam kan ti tlang ngei mai. Thusawitu tura ruat dang zawng zawngin an sawi zawh hnua ka duh duh ka han sawi ve chu zep nak emaw, Mizo pa nih manah nuam ka ti a, ka sawi uar ngang mai. TV-a chanchin thar chhiartuten Thu tha tak tak a sawi an tih fo angte hi sawi dawn ila, Sunday school naupang inkhawmpuia khuangpute leh inkhawm hruaitu kohhran upaten an hla sak duhzawng tur ngaihtuah lova khuang hnih hla an thlang miau thin ang hi ka ni dawn a, a zangkhai deuh zawnga thusawi hunin ka hria a. Ka sawi chiah chiah aia tawi fel deuh zawkin, ka sawi tum ka sawi tel nge tel lo ka hriat tawh lohte nen hetiang hian ka sawi a ni. YMA day ka hman ve tawh zawng zawngah Kawlkulh YMA golden jubilee kan hmang hi nuam ka la ti ber. Pathian hla ni lo saa zai ho nachang hre chhun kan ni. Inkhawm hruaitu ka nau Laldinpuia Saiawian tawng tuitam diahduah lovin chanvo changtute a ko mai thin hi a tha. Zai ho nachang hriatah leh inkhawm hruai danah hian entawn tlak kan ni. CYMA rawn thawh Aizawl nula Baby Malsawmtluangi leh Sub Head Quarters Champhai rawn thawh Tlangsam nula Zonunmawii zai kha thiam ka la ti ber. Kawlkulh MHIP cheraw kan kha cheraw kan ka hmuh tawh zawng zawngah hmuhnawm ka la ti ber. Kawlkulh Mizo tawng hi tha ka ti a, ka chhuang thin. A la tha em? Gallery-a naupangte kha Mizo tawng ka zawt dawn che u. Min chhan thuai loh chuan keiman ka chhan khalh ang che u. Bane in hria. Chi engzatnge in hriat? Kei chuan chi li ka hria. Bal te tak te te ke zungpui tiat lek lek hi bane a ni. Chu lo pawh a la awm. Chhang hi a ban em? Ban e. Minister Pu H. Rohluna khan Vanchengpui a ban em? Ban e. Thing kungah zawng a ban em? Ban e, tihte hi, ka ti a. Kawlkulh MUP president Pu R. Huallianan, A dang pakhat ka la hria, a ti a, a sawi a. Keiin, Ka hre reng. Ka lo theihnghilh mai mai alawm mawle. Thil i lak dawn hian i ban em? Ban e. Kum 60 aia rei tawhah khan Kawlkulhah hian primary school ka kal a. Zirtirtu pakhat chauh kan nei a, B pawl ka nih laiin a len sak lai school-ah a rawn keng a, bangah a thlung a, a sa duai duai a, chuti chung chuan pawl thumho a zirtir zut zut ka mitthlain ka la hmu. Min zirtir vek tur chuan a indaih chuang lo a ni. Naupang hrisel lo, tawp hnehnaw ka ni thin. Hla phuah thiam Keileta kan ina rei lo te a rawn awm laiin ka puin ka zilh e a ti a, Leta. Ruai theh nikhuaah sa i heh miin a ti a

nia. A mawi ngai lo ve, a ti rawk mai a. Leta chuan kei leh ka nau Rothinga leh Rochila kha sa heh min ti ve si a, hlaa ka pu a an khum hnuah keini a tute min phuah a, A ti hriau tia lek leka ka sih chhungin In hmaah ruh sawm a lo tla e, min ti a. Chutiang naupang Kawlkulh primary school changkang lo taka zir chhuak chuan BA ka pass a, UPSC exam pawh pass-in IAS ka ni a. Mizo zingah My Lord Your Lordship tih hlawh chhun ka ni mawle! IAS ka pension hun hmain hna dang thawh zawk ka duh avangin ka chawlh san a, Administrative Tribunal member hna ka thawk ta a, court room-a sawrkar hnathawkte thubuai ka ngaithla hi ukil man tam tak tak ka hmaa dingten My Lord Your Lordship min ti thin a ni. Nangni naupang te tete hi keia naupan lai aiin in hmel a mawi zawk. In school a changkang zawk. Zirtirtu in nei tha zawk. Kei ang tluk talin in thleng sang tur a ni.
MHIP cheraw kan tur kha ka tan ve a, ka lo huphurh pui si. Aizawla nula nalh nalh thlan chhuahten an kan TV-ah in lo hmu thin ang a, a hmuna hmute pawh in awm ang a, Kawlkulh MHIP nuhovin an kan ve khanglang tur chu zaktheilo pawh in ti mai thei. Kei pawhin ti ve lo se aw, ka lo ti hman. A kan turte an lo chhuak ka han hmuh khan Uai! ka ti ta si. Tleirawl tuai te te khup chunga chuang pawnfen tawt deuh feng an ni ta a, an kan hma pawhin an hmuhnawm pang a. Inthazo taka an han kan zek zek mai a, Aizawl nulate ke chheh dan ang ngawt aia nalh zawk leh chi dang deuha an ke an han chhepte kha a nalh riau a, ban lah an phar vak vak ve lo deuh a, mit tla dawnin ka en a ni. Aizawl nula hleitling nalh pui pui kawrchei leh puancheia inthuam sen chhuai maiten an han kan a, ban an vai vak vaka an han thle velte hi kei chuan saron par vul a kunga sawi nghin lawp lawp ang deuhin ka hre thin.

YMA golden jubilee lungphun in branch founder president Pu RK Romana, tuna Aizawl Electric Veng pain a hawng kha ka hmu ve hman lo va. Ani hova kum 1961 February ni 21-a Kawlkulh YMA branch an din khan tuna a tam ber hi in la piang lo va, in hruaitu tam ber pawh hi an la piang lo. Khang lai khan Sawleng pa Pu Romana kha Kawlkulh middle school zirtirtuah rawn awm lo na se chuan Kawlkulh hian YMA hi in nei lo rei viau mai thei a nia. Chief guest Pu H. Rohluna, Minister for Supplies & Forest khan Vanchengpuia kal turin min chhuah san ta a, a thusawi ka ngaithla ve hman lo kha ka ui hle. A thusawiah tuihnih duh ka neih dawn vei nen, tih angte ka sawi a ni. Mizo tlawmngaihna thilah tlangval an hah em em. Nula chuan tih ve tur an nei tam lo: tlangvalte tawiawmtu leh hlimchhuahtu an ni deuh mai a, an tih ve tur an la ti tawk lo ka tih pakhat ka sawi a, Mizo nula tlangval nuna thil mawi lo ngaimawhawm YMA leh MHIP-ten do se ka tih ka sawi bawk. Chung chu tuna sawi tel lovin ahrana la sawi leh ka duh zawk ang. Khawtual hruaitute thusawi ka kal ve hmain an lo zo hman a, Pu Romana leh CYMA committee member Pu RL Rindika leh YMA Sub-HQ, Champhai vice president leh Kawlkulh khaw chhuak ve bawk tuna Electric Veng pa Pu JH Biakmawia, Mizoram sawrkar high school pui ber leh tha ber Govt Mizo HS School, Aizawl principal thusawi ka ngaithla hman a, ngaihthlak manhla ka ti. Kei ang chuan an sawi uar ve lo deuh. 21.6.11