LESSON 13

*September 17 23

Mangmuhna Bu Sunga Biakpiakna

SABBATH NITAAK
Tukaalsung Simding: Job 42:1 6; Mang 1:13 18; Mang 13; 14:6 12; 19:1 5. Kamngah: Tua mite in tokhom mai-a ganhing lite leh upate mai-ah la thak a sa uh hi. Tua la thak zong leitung pan a lei khitsa tua mi sang khat-thenli-tullite sim loh kuamah in a sin thei kei uh hi. (Mang 14:3) ai Siangtho sungah mangmuhna bu dan-a thu simte tawh a kidim bu tawm mahmah hi. Mangmuhna bu pen Sapi milim (image of the beast), gulpi, mei, ziinliing, kial, gal kap hon, uiphuk, khuapite, aksi kia cihte tampi om hi. Tua lakah a kidawk kikkik thu pen biakpiakna hi. Hun nunung teh sapi abiate thu ahi zong, vantung ah Pasian phatna la kisa ahi zong, biakpiakna thu mah tung kikkik hi: A nungta tawntung Pa bia un, Tu lai takin a om, a om ngei zo, a lian bel vangliatna a la Pa bia un (Mang 11:17), minthanna, pahtawina leh vangliatna a ngah ding pa bia un. (Mang 4:11) A tom in ah, Mangmuhna in tu kuata bup-a i et sate hong lak hi: ei hong Bawlpa, Gumpa, eite thukhen mang pa, Topa bek in ei biakpiakna leh phatna a ngah dingin a kilawm Pa hi. * September 24, Sabbath ading kigin kholhna in tukaal lesson sim in.

90

SUNDAY

September 18

A Khe Kiangah Misi Bangin Ka puk Hi

Pasian thupiitna leh vangliat nate i telna pen aksi te thu suutna sinna pan hi kha ding hi. Taanglai mite in khuavaannuai pen bangzah zai hiam cih thei lo uh hi. Kum zalom 20 takteh, aksi et theih nate ki neita ahih manin taanglai mite lungman theihte thei khiata hi hang. Ei nangawn zong khuavaannuai ii zaina, gam laatna, aksi mal tampi a om lam i theih teh lungmang veve hi hang. Hih takah thu lamdang om hi: khuavaannuai sangin a lianzaw khat bek in khuavaannuai piangsak zo ding hi cih thu hi, a kisuai lim sangin a lian zaw khat in lim suai zo bek ding hi cih tawh a kibang hi. Tua hi-in, i biak, ana i sepsak Pasian pen khuavaan nuai a Piangsakpa hi; tua ahih manin tuate sangin Amah lian zaw hi. Tua hi-in, Pasian tawh koicih kikim thei mawk ding i hiam? Sim in, Mang 1:13 18, Johan in Zeisu meel a kilah dan in a gelh na hi. Johan in bangci thuk hiam, bang hangin tua cih thuk hiam? Singlamteh pen hih takah koicih kilah hiam? ____________________________________________________________ ____________________________________________________________ Sim in, Job 42:1 6. Job thuk kik nate Johan thuk dan bang ci saaikaak diam? ____________________________________________________________ ____________________________________________________________ A nih un Topa kilahna themno khat tek kipia hi, tua in amaute kiniam khiat nading cing sak hi. Amau thuh kikna ah, launa, zahtakna, lipkhapna leh kisik ding phawknate om hi. Bang hangin tua dan omlo thei ding hiam? Khuavaannuai a Piangsakpa a mu hi uh in, mawhnei khat in mawhna neilo a Siangtho Pasian mu uh hi. Topa mai-ah mawhnei ahih na uh, a dik lohna uh, a thanghuai na uh a lungsim uah na dawk mahmah ding hi. I hun bawlna in koicih leh tuadan lungsimte suak khia sak zo ding hiam? Hong kiniamkhiat sak Pasian hiah om hi cih lungsim i guat theih ding kisam lo ding hiam? Tua laitak mah in, Singlamteh pen gupna i ngah nang i lamet pi hi ci-in, i laptoh ding bangzah in thupi hiam?

91

MONDAY

September 19

Siangtho, Siangtho, Siangtho .

Mangmuhna bu pen thusim tampi a nei zongin, gennop thupi adawk kikkik pen biakpiakna hi. Mangmuhna bu bup pen hinna anei tuamtuam te in Topa a biakna ngen hi. A nuai-a Lai Siangtho munte sim in. Hih munte pan in biakpiakna thu bang i la thei diam? Tu kuata ah i muhsa thu paipi te hih munte ah bangte kidawk hiam? Mang 4:8 11 _______________________________________________ Mang 5:8 14 _______________________________________________ Mang 7:9 12 _______________________________________________ Mang 11:15 19 _____________________________________________ Mang 15:1 4 _______________________________________________ Mang 19:1 5 _______________________________________________ Mangmuhna bu in thu hong hilhna te lak pan in, thu khat i theih ding ah: leitung-a thupiang pen vantung in na thuakpih in, vantung-a thupiang pen leitung in thuakkpih hi cih thu hi. Vantung leh leitung pen i ngaihsutna sangin naizaw hi. Mangmuhna bu in bangzah in kinai hiam cih hong lak hi. Gen phapha lehang vantung mite in Pasian in leitung aading na asep sak na hangin Amah na bia uh hi. Tu kuata bup ah i etsa thu paipite, phatna leh biakpiakna ii thu paipi bangte kimu hiam? Topa pen Piangsakpa hi, Honpa hi, Thukhenmangpa hi. Ama sianthona hangin Amah kiphat hi, A sisan a luan khiat sak manin Amah kiphat hi, Ama vang, Ama haatna, Ama ngah pahtawi nate hangin Amah pen kiphat kibia hi. Ama thumaanna leh thu khenna leh gupna a piakkhiat manin Amah kiphat hi. Gupkhiatna ngiimna thu ngaihsun kik in, bang a khiatna om in Pasian in bang hong pia a hiam. Amah i phat ding thu tampi hilo a hiam? Haksatnate natuak zongin Topa tung lungdam a ko dingin nisimin hun la in. Tua in na nuntakna hong kheel ding hi.

92

TUESDAY

September 20

Mangmuhna 13
Tu kuata lesson kipatna pan-a kipan hun tawpni teh biakpiakna thu tuah a kibuai ding lam mu khin hi hang. Biakpiakna thu pen a thu neu hilo hi. A tawn tung-a i man ding thu biakpiakna thu ah na awk lingleng hi. Hih thu pen Mangmuhan 13 leh 14 ah kilangh zaw hi. Mang 13 sim in la a nuai-a dotnate dawng in: 1. Thupiang sa leh genkholhnate tawh kisai bang gen hiam? Thupiangsa bang om hiam? ____________________________________________________________ 2. A lian 13 sung ah biakpiakna thu bangci dawk pah pah hiam? Tua in biakpiakna pen bangzah takin bul hi cih hong gen hiam? ____________________________________________________________ 3. Khirst sungah gupna kipiakna thu a lian 13 sung koi mun ah kilak hiam? ____________________________________________________________ Kidona Lianpi a kipat pekpanin, Satan in Pasian thu neihna leh a vangte lumlet sawm hi. Vantung ah aphuan khiat gal pen tun leitung ah kizom hi. Mangmuhna a lian 13 in galpa in leitung ah a nasep nate huntawp niteh biakpiakna thu tawh a kalsuan tohtoh nate leitung gam a kisuutnate tawh hong lak hi: Sapi leh a lim a bia lo ten van lei thei lo, zuak thei lo ding, bawlsiatna thuak kha ding uh hi. Satan in Singlamteh pek pan in a gual lelh lam a thei khin zongin, galdo suak lai hi, a khem zawh zahzah khem sawm lai hi, huntawp dongin tua cih tat ding h.

Tua bialbualte lakpan mah in, Mang 13:8 nei hi hang, tua tak ah Zeisu pen Leitung a cil pan in thahna a thuak khin Tuuno na ci hi; Leitung ah hih buaina thute a om ma pekin a tawntung kiciamna (Heb 13:20) kigeel khin hi, mi khempeuh gupna ngah theihna khuan kipia hi. Tua gupna a ngah takpite, nuntakna laibu sungah a min uh a kikhumte in sapi leh a lim na bia lo ding uh hi. Tuate in a sisan tawh eite mawhna hong sawpsiang (Mang 1:5) sak pa bia zaw ding uh hi, vantung ah zong na biaksuak ding uh hi.

WEDNESDAY

September 21
93

Mangmuhna 14
Mangmuhna 14 pen bang tawh thu kong hong hiam? Leitung pan a lei khitsa (n. 4) 144,000 te thu tawh kipan hi. Mailam ah a piang ding thu tawh kipan hi. Hih Lai Siangtho mun in a tang cih pah loh hangin vantung a biakpiakna dan lah khiatna hih tuak hi. Tua hi-in Mang 13 pan a kipan biakpiakna thu Mang 14 dong kizom lai hi. Amaute in sapi leh ama lim bia lo-in vantung-a a Topa a biak lam uh kimu hi. Tua khitteh Mang 14 leitung ah thupiang thu lam hong hei hi, sapi leh a lim a biate, sapi a bia lo nuntakna laibu sungah a min uh a kikhum te kikaal a kikhaih zia hong lak hi, Mang 13 ah adawk lo thu hi. Sim in, Mang 14:6 12. Hih mun pen bang hangin SDA te aading thupi phadeuh hiam? Tu kuata bup ah i sinsin bang thu paipi hih tak ah kidawk hiam? Bang hangin hih Lai Siangtho mun pen tu lai thu man (present truth) hi ci i hiam? ____________________________________________________________ ____________________________________________________________ Hih Lai Siangtho mun pen thuman tampi tawh kidim hi: Piansakna hotkhiatna, thukhen na, gupkhiatna, lungdamna thu, thuman na, upna, thukham sawm, sepding vaipuak cihte hi. Lai Siangtho bup en lehang a lauhuai pen vauna hih mun ah kimu hi, tua pen biakpiakna thu tawh kisai hi: Tua mite gimna a thuakna meikhu in a tawntungin a kahto hi. Sahang leh ama milim a bia mi, sahang min ciaptehna a ngah mite in, sun tawh zan tawh khawl hun nei lo-in a om uh hi. (Mang 14:11). SDA khat i hihna tawh, piansakna leh biakpiakna tawh a hual khawm Sabbath ni pen bangzah takin thupi hiam cih tel hi hang. Topa pen Piangsakpa ahih manin Amah bia hi hang, Sabbath zong Piangsakpa ahih na kilahna tu dong mah a hisuak hi.

Hih Sabbath thu bang hun teh koicih kibuai ding hiam cih i thei nai loh hangin, a kibuai pih ding lam thei hi hang. Tua ni ciangin thuman lam ah kiptakin i pan nang a kiging sa-in i om ding a thupi bek hilo-in Note lametna thu hong dong mi khempeuh kiangah lungnemna tawh, thu simna lungsim tawh na genkik theih nading (1 Pet 3:15) thupi hi.

THURSDAY

September 22

94

Pasian Bia in
Tua nate a za, a mu mi in keimah Johan ka hi hi. Ka za ka muh lai takin a hong lak vangtungmi bia dingin a khe kiangah ka bok leh, vantung mi in, kei hong bia kei-in! kei in nang a kipan na u na nau kamsangte tawh ahi zongin, hih laibu-ah a om thute, azui mite tawh ahi zongin a sila ka hi khawm hi. Pasian bia in hong ci hi (Mang 22:8, 9) Hih atung a thu ah biakpiakna tawh kisai a thupi bang om hiam? ____________________________________________________________ ____________________________________________________________ Tu kuata bupah thu paipi a kibang khat kimu hi: mihing in khat teei teei biak ding kiphawk na nei hi. Hih takah Johan in thu man a hong pua vangtung pan hongpai kamtaipa hong bia nuam hi. Ahih hangin tua bangin a tat loh nang leh Pasian a bia dingin ki sawl hi. Hih pen a tuah masakna hilo hi. Mang 19:10 ah, amah tua dan in hong biak sawm hi, tua dan in a hih loh nang leh Topa abia dingin kisawl hi. Hih in Satan tungah Khrist kampau hong phawk sak hi: Na Topa Pasian na bia ding hi; ama na bek na sem ding hi. (Mang 4:20). A nih vei mah in Johan in a biak sawm pa mai ah bok sawm hi, hih pen ki-ap na, zahtak na lim hi. Tua lote pen biakpiakna in kisim lo hi. Kaal sim a Sabbath ni-a nai tawm no sung i gamtatnate lel pen biakpiakna bu cing hilo hi. Biakpiakna i cihpen hun khempeuh ah Topa mai-ah i ki-apna hi. Pasian tungah i lungsim puakzia thu hi. Biakpiakna i cihteh ni khat nai 24, ni 7 bup i bawl ding hi; Topa tungah upna, thumanna leh ki-apna tawh nuntakna hi. Biakpiakna i cih pen i sep, i bawl, i ngaihsut khempeuh ah Pasian i masak na hi. Biakpiakna i cih pen i it te tung, i it loh te tungah koicih bawl i hiam cih thu hi. Biakpiakna i cih pen thukhamte zuih na, a dong tuakte va huh na, ei leh ei kinialna leh lungdamna thu taangko na hi. Piansakna thu ngaihsun kik in, nate a piangsak Pasian ngaihsun in. Tua khitteh singlamteh thu, abawl sa mite mawhna aading a hong si Piangsakpa thu, van thak leh lei thak ah a kithak suak theih nang un amau thuak ding un a kilawm mawhna daan Amahn a thuakna thu ngaihsun in. Nate hih dan in a om theihna pen Pasian in a piansak man bek hi. Na dang i biak pen piansa nate a ki biakna hi, ahong gum zo lo te peuh ih biakna hi. A lang lam ah, singlamteh tungah Piansakpa kikhai hi ta hiin na dangte bang hangin bia ding i hiam?

FRIDAY

September 23

95

Simbeh Ding: Ellen G. White gelh Kidotna Lianpi bu sung-a, Hong tung ding A Lauhuai Kidona Lian laimai 539 604; Patau Kona Nunung laimai 616 625; Gal Vengta laimai 627 696 te sim in. Biakpiakna pen hong Bawlpa mai-ah kuunna, ama sianthona leh ama bawlsa hi cih i theih lam i koh kikna hi. A ukna ah ki-apna, Ama omna i thuk na hi Richard M. Davidson, Worship in the Old Testament, p. 3. David in: launa tawh Topa na sem unla, liinna tawh lungdam in (Late 2:11) ci hi. Biakpiakna ah kumpi Pa ii thupiitna leh vangliatna te simsak hi hang, Pasian pen hong kang tum thei mei (Thkna 4:24; Heb 12:29) ahih lam phawk hi hang ei mun tangin Kalvary ah Zeisu hong kipia hi kei leh ei teng hong kang tum pah ding hi.. Tua in ei biakpiakna pen lungnopna leh lipkhap na kikaal kikhai kim sak ding hi. I biakpiakna pen lipkhapna thuuk a om loh a phamawh mah bangin.. lungnopna zong a om loh phamawh hi Richard M. Davidson, Seminary Professor, Andrews University, worship in the Old Testament, p. 30. Hotkhiat mite sak phatna la-aw in vantung innpi thawn a, a thawn nawn nawn hi. Hotkhiatna in tokhom tung a tu i Pasian leh Tuu no aa hi ci uh hi Hotkhiat mite lakpan in kuamah in amah leh amah hotkhiat tham hing a ci omlo uh hi. Amaute nasepte leh thuaknate bangmah gen tham ding omlo a, a la saknate uh leh a lapite uh in zong, Hotkhiatna pen Pasian leh Tuuno aa hi cih phuahna ngen ahi hi. Ellen G White, Kidona Lianpi, laimai 682. Kikupding Dotnate: 1 Na Sabbath sang ah, Gupkhiatna ding ngiimna, mihing a hong suahna, Zeisu mawhnei lo-a a nuntakna leh ei tangin a sih na, Nihvei na a hong pai kik ding kam ciam na cih thute kikum beh lai in. Tuate in Khrist pen biak dingin kilawm kituak sak hiam? 2 Biakinn ah i om loh laitak in Topa i biak theih dante bangte hiam? Topa pen hun khempeuh ah i biak kei leh Sabbath ni-a hun tom no sung ah zong i bia takpi thei mah hiam? 3 Biakpiakna ah ei hong puuksak thei thu hoihte bang te a hiam?

96