Good News From Afar (Proverbs 25:25)

SIYIN REGION BAPTIST ASSOCIATION

September 2011
LEPROSY SUNDAY Kumsim in akiawt miphak nipi sia tukum zong Pawlpi tek pan thungetsakna le piakkhiatna taw kivawttek thei ahikom kilungdam mama hi. Sumpi sia SRBA ah kipuak tek hi. Pathian hesuakna taw ei khamtung ngam sungah miphak ci kimu ngeingawl hi. Ahizong Kawlngam le ngam tuatuam, India khawngah tamma kimu thei hi. Miphak damkik cisia om lei ngawl hi. LTT thuciam lui sungah Ngalkap Mang Naman sia Kamsangpa Elisha tungtawn in dam a, thuciamthak sungah Topa Jesu hunlai in aphaak khat damsak hi. LTT sungah aphak mi (2) bek dam hi. Ei heak zawk in miphak omnawnngawl ahikom Topa min ihpok hi. A damngawlte atu in thungetsakna le piakkhiatna ih piak theisia kihampha hi. KUMLANG CIN EC MEETING Topa ih hong tonpuina tungtawn in kumbul pan kipan kumlang cindong hongtonpui ihbiak Topa tungah lungdamna ihko nuam masa hi. Kumlang cin Meeting anuai abang in kivawt thei ahikom Pathian minthanna hi zaw tahen.Amen 01. WF & CE 06/9/2011 (Tuesday) 02. YF & SCLD 07/9/2011 (Wednesday) 03. E&M cum MF 08/9/2011 (Thursday) 04. MC Workshop 09/9/2011 (Friday) 05. MC 10/9/2011 (Saturday) MC Workshop sungah .. Not to be served but to served... Mk.10:35 bulphu in MC te atu thu manpha tam mamate Rev.Hang Khan Nang (Thuklai) tungtawnin lampui in Workshop kivawt thei cithu kiza a, MC te zong thanga thei mama cithu kiza hi. MIT SUNDAY 18 September 2011 ni in Kawlgam bup ii LTT Sangpi ahi MIT nipi sia Pawlpi theampo pan in thanop huaitak kivawt thei a, MIT ih thupina zong tampitak kihethua cithu kiza hi. Tu kum MIT sang inn thak dawlnga akisa sia, atu in SRBA min taw Ks.200,000/ - kipia a, Zomi Baptist Convention mintaw Ks. 3,500,000/- kipia hi. ECCD TINTAN 19-22 September 2011 hunsung teng ZBC-CE Department lampuina tungtawn in Hiangziing Baptist Church ah ECCD Tintan thanop huaitak in kivawt thei cithu kiza a, Khuasim pan Mucu Sya/ma ( 2 ) le Lettama sintu mi ( 21 ) Tintan kathei a, thanop huai mama cithu kiza hi. Tintan Sya/ma teng:Pr. Rem Za Khin (CE Secretary, ZBC) Pr. Awih Khan Cing (Asst. Pastor, Teaklui) PAWLPI KIVAANTHEI 18 September 2011 ni in Rev. Langh Go Laang (E&M Secretary) Takkhawl Pawlpi taw thu kikupna, biakpiakna le Topa zan an nekhawm thei cithu kiza a, thungetna ah phawktek tawng. NANPHALONG HOSTEL Nanphalong Hostel sia Foundation teng kimanzo hikale thingset akikhak hu in maban kizom thei ngawllai ci thu kiza hi.

2011-2012 / 07
PASTOR QUARTER CUM PRE-SCHOOL Pr. Kim Khan Pau (Field Pastor) Sualiim Baptist Church, Pastor Quarter le Pre-School atu Fund kaikhawm in Yangon Siyin Baptist Church ah paisuk a, Topa a itna tungtawn in Sualiim Pawlpi te atu in Ks.684,000/- valtaw cidamtak hong thengkik zo cithu kiza hi.Thungetna taw panpui tektawng. ZBC-CSSDD THU 5 September 2011 hunsung Rev.James Nang Khai (CSSDD Secretary) ZBC, Falam ah Project Plan Meeting kathei cithu kiza hi. 6-10 September 2011 hunsung teng SRBA luangin Pr.Thawng Lam Mang (CM) Bekan sia, ZBC ah Proposal cum Reporting writing tintan ka in paithei cithu kiza a, mailamsang ihngam ihminam atu phattuamna tampitak hongpiangtu lametna kinei hi. SHORT COURSE TRAINING 22-25 September 2011 hunsung teng ZBC Youth Fellowship pan Pr.James Khai Tual (Youth Secretary) lampuina taw Short Course Training (Hiangziing Baptist Church) ah vawtthei a, Tintan ka mi (30) bang vo phathei a, thuthak, lathak tampitak le khantona tampitak nga cithu kiza hi. Tintan Sya teng :Pr. James Khai Tual (Youth Secretary,ZBC) Khangno le A muibun lampui Rev. Mang Kap (CSSDD Secretary,ZBC) Pawlpi le Khantona SRBA-MC INNKUAN TELEPHONE NEITE SRBA Sung MC te sungpan Rev.Son Cin Pau, Pumva, Rev. Lian Khua Hau Limkhai Zo, Rev. Hang Khan Nang, Thuklai, Mrs.Rev.Joseph Pum Hau Khuasak, Rev.Vum Khat Pau YSBC, Pr.Ruth Dim Kaang YSBC le Pr.Niang Khua Huai YSBC te in CDMA Mobile phone hong toai uh a, MC te zong neithei hita kici tek hi. Adangte zong kisam mama hikale alei zotu ki omngawl zen hi. Zanghtu a kilawmbelte in neizo ngawl uh hi. Hongkihawm tu GSM Mobile phone sia peuma ci a, hanciam sawm tek uh hi ci thu kiza a, ih Pastor tek atu khat le nii kikum in vaihawm sak ngawl tu hi ziam? LSBC TE INNMUN MAN KIPIA Leipui Siyin Baptist Church biakinn munleina, Upa Dr. Thang Za Lian YSBC te innkuan in, a innmun pan anga sum Ks.2,500,000/- sumpi in pia ci thu kiza a, kilungdam pui mama a, apia Dr. pate innkuan zong hampha mama kisa hi. Ih minam sungah hibang mihing tam mama kisamlai. BAWLUNG SUI KIMAN ZO 1-3 September 2011 hunsungteng Thuklai ah Bawlung poai kivawt in, Team (9) kipha thei a, anuai abang in tel kinga hi. Thuklai - First Prize Siyin - Second Prize Voklaak - Third Prize cibang in telnga tek cithu kiza hi.