Email : dawrpuinews@gmail.

com
MOTTO 1. Hunawl hman\hat 2. Zofate hmasawnna ngaihtuah 3. Kristian nun dan \ha ngaihsan

Visit us at www.dawrpuiveng.com

YMA chu \anpui ngaite \anpuitu a ni

Vol : XXI Issue No 41 Dawrpui News Kartin Chhuak Pathianni Oct 9, 2011

TUALCHHUNG
DAMLO : Pi Lalremmawii w/o Dr. Thangchungnunga (Hriselna Huang ziaktu) chu alo hawn hnuah a dam \ha viau a, Biak In te pawh a thleng a. Tunah hian tlemin a chaklo deuh niin kan lo hria. A dam \hat leh thuai kan duhpui hle a ni. Kan Editor Pu Ziakkima Pachuau pawh a dam leh ta deuh a, News Room-ah a hmel kan hmu ta. Tunkar chho hian zin a tum. IN DAWN : Dawrpui Kohhran Z member 33-te chu karleh Nilaini khian Jharkhand lamah Convention hmangin an zin dawn. Zaipawl leh Hnamlam an keng ang. An zingah hian kan Editorial Board Member Pu Kapchhunga Pachuau pawh a tel ve dawn a ni. Kan Vice. President, Pu H. Dingluaia ama pawimawh thilhah phai lamah a zin leh ta. Kan Ex. Commtitee Member Pu Lalrammuana (CEC) pawh tluang takin alo haw leh ta bawk. THIL BO : Lammuala Sport \um khan Nihliap chhar a ni a. Tibo chuan Pu Nano-a (Fin. Secretary) hnenah lam tur a ni. Pu R. Dotinaia, Jail Veng te inah Beihrual Inkhawm lai khan Nihliap theihnghilh a ni a, a neitu chuan lam thuai turin an ngen e. An la dah\ha khiau a ni. K EIMAHNI : Tihsual palh kan nei leh zauh \hin a, pawi kan ti khawp mai. Multipurpose Centre Electric Wiring-te tana thingpui tui tak lum \hin kha Nl. Angela Lalmuanpuii tih tur a ni a. Centenary School Camping programe leh follow-up pawh kha tihsual a ni e, Inrinni zan atanga Pathianni chhun leh zan hi Follow-up a ni e. Chhiartute hriatthiamna kan ngen a ni. News te lua a awm lo, vengchhung inhriatpawhna a ni a, inhrilh hram hram ang u. Enkawltu lam hian kan tlin bik \hin lova, damlote pawh kan hmaih leh fo \hin.

DAWRPUI BRANCH Y.M.A RISING DAY VAWI 23-NA HMAN A NI

Branch Executive committee in a lo rel tawh angin, Kumin kan Branch Rising day lawmna chu ni hnih awh ruahman a ni a. A ni khatna leh Branch Winter Sport chu Oct., 1, 2011 (Inrinni) zing dar 6:00 A.M Branch President Pu Chhawnkima Pachuaun Marathon Race a tlan te vailiam pahin a hawng a. He Marathon race ah hian thalai 100 chuang an thawk chhuak a. Sport Sub-Committee ruahmanna in Zodin Square ah leh Tennis Court bulah te duty in siamin kan thalai marathon a tlante tuiin tur te lo buatsaihin Branch O.B te pawh an buai zak zak hle. Marathon ni a Branch President te chhungkua uniform nena rawn tlan chuan mit an ti tlai hle. Marathon a tlante hi Branch chuan lawmman tha tak a siam sak a ni. Ni hnihni Oct., 6, 2011 (Ningani) hi sorkar pisa chawlhte a ni bawk a, nilengin awmni khamin Branch chuan ruahmanna a siam a. Ruai nen a tlai Rising Day kharna leh lawmman semna neih tura ruahman a nih angin zing khawvar rualin kan fatute an thawk chhuak a. Branch Committee in ruai lam buaipui tura fatu leh mawhphurhna chi hrang hrang a ruatte chuan zingkar atangin Dawrpui School Complex an pan khawm a. Zing dar 6:00 vel atanga mei detin a ni hnihna chu bul kan han tan a. Fatu tura thawkchhuak te an fakawm hle mai. Sa lam ngaihtuah tur leh mahni mawhphurhna theuh ah kan bur nghal sang sang a. Kan nula/nu thawk chhuak te pawh Bazarpui lamah chawhmeh leh tuldang leiin an thawk chhuak nghal a. Ni a lo tlangsang a, kan Sport Sub-Committee ten ruahmanna an siam angin Sport lamin vung an rawn chhuah tak tak a. Naupang an hlimin thalai kan hlim a, a nuam a ni. Branch Finance Secretary, Pu M.S.Dawnglianan hneh takin kalkhawmte min kaihruai a. Vangtlang mipuiin kan hriattur pawimawh vawiin ni kan hmanna chhante min hrilh fiah rualin naupang lam lawmzawng ruahmanna te fel tak nen min ti hlimin awmhmunah kan then kan then mai. Tlai ni a lo her a, Branch Committee in ruahmanna a lo siam angin Rising Day closing function leh Lawmman semna neih a ni a. Hunserh hmang tura kan ruat Pu Lalremruata (Mapuia)n kan hunte Pathian hnena a hlan hnuin kan function te Branch Vice President, Pu H.Dingluaian in min kaihruai a. Sport Sub-Committee lamin ruahmanna fel tak hnuaiah Winter Sport Result puanna leh lawmman semna an rawn buaipui chu an hneh char char hle mai. Kan sawmna te ngai pawimawh a kan veng chhuang a Local Council te, MHIP, MUP lama kan hruaitu ten kan programme min hlut saka min rawn tel pui chuan lawm a ti zualin, thla an va timuang leh zual em. Dawrpui veng khawtlang inlungrualna hi veng dang te hriat a kan lo uanpui ve thin hi a ni a. Kan rising day lawmna hian nasa lehzualin kan khawtlang inlungrualna leh thawhhona thatzia a rawn lantir chiang hle mai. Dawrpui veng pa, kan MLA neih chhun Pu John Rotluangliana pawn kan programme min hlut sakin zingkar atangin min tawiawm a. Tlai kan hun tawp min kharpui bawk a. Sawi tur a va tam em! Ruai hi mi 900 vel theh angin kan hotu ten an ngai a, a aia tam pawh an ni thei. Kan fatu ho hi ka sawihmaih ka hlau a, an chawchhum thiam zia leh hmeh an siam thiamzia hi ka hrechiang viau emaw ka ti a, ka lola hre chiang lo a ni, an siam tui kher mai. Kan nula fatu te an fakawm thlawt, zan light eng hnuaia hmunphiah nen fai taka kan sulhnu an han chhui hi ka hmuh hmaih phal lo.

Dawrpui

News

Kartin chhuak

Pathianni

Oct 9, 2011

Editor Co Editor Jt. Editors News Editors

: Ziakkima Pachuau 9436141408 : Kapchhunga Pachuau 9862399954 : H.Dingluaia Lalngaihawma (Angaiha) : Lalhlimpuia Khiangte Lalrinsanga(Asanga) David Lalhlimpuia(SKA) Members : Vanlaldiki Sailo Lianzama Pachuau Lalnunmawia (Mawia) Rosangliana H. Lalchhanhima James Thanmawia Columnists : Dr. Thangchungnunga Vanhmingliana Aldrin Lallawmzuala Cir. Manager : Vanlalhuma Correspondents: Jonathan F.Zomawia Ramherliana P.C. Lalrinchhana 9612225812 9862404739 9862357024

Committee Kohna
A hnuaia hmun leh hun tarlan ang hian Branch Executive Committee pawimawh tak koh a ni a. Member-te ngaipawimawh \heuh tura ngen leh hriattir kan ni e. A hmun : YMA Committee Room A hun : Oct 11, 2011 (Thawhlehni) zan 7:00 Sd/- Secretary, YMA Dawrpui Branch

Bawlhhlawh Bawm
Faina Hapta denchhenin Dawrpui Local Council chuan Dawrpui Vengchhung hmun \henkhatah Bawlhhlawh bawm a hung a thar a. Mipui ten kal paha bawlhhlawh an paih mai theih nan a ruahhman a ni. Bawlhlawh bawm hunna bul in/dawr neitute vil tura ngen an ni a, anni hian bawlhhlawh paih motor-ah an paih ang a, zanah dawr/inah an hunglut \hin dawn a ni. Mipuite hmang \angkai ngei tura ngen leh beisei kan ni e.

KAN UPA TA HLE

Midang chu kan sawi thei hauh lova, Dawrpui YMA chuan kum 23 hmel kan lo hmu ve ta reng mai. Naupang sawngnawi ni tawh lovin, tlangval/puitling kan lo ni ve ta tihna a ni a. Nawi taka kan kalna \hin kha puitling taka kan kal alo ngai ta tihna a ni. Rising Day kan lawm a, chhun lamah mi kan tam lo hle! Tlai lamah (Ei a hunah) chuan kan lo tam ta em em a, a nuam a, a hlimawm a, kan day kha a hlawhtling hle a tih theih awm e. Mahse, YMA hi ei chauh a ni lova, thawh a ngai a, tlawmngaih a ngai a, mahni inphat fo a ngai a, teirei peih pawh a ngai hle. Chuvang chuan kum 23 kan lo nih ve tak hnu hi chuan puiltin lam pan ila, kan upa ve ta hle tih i hre thar ang u.

Winter Sports Result

Vanapa Sec. Chawngbawla Sec Taitesena Sec. Gold Silver Bronze 5 2 4 4 4 3 2 5 4 Total 11 11 11

Dawrpui YMA Rising Day Vawi 23-na Lawmna Ruai \heh

YMA MEMBER-TE HRIATTIRNA

October 25-27, 2011 chhunga YMA General Conference, Kolasiba lo awm turah YMA Member kal tum zawng zawngte chuan tunkar October 11, 2011 (Thawhlehni) ral hma ngeiin Branch hruaitute hnenah emaw, mahni awmna Section hruaitute hnenah hming pe lut vek tura hriattir kan ni e. Hei hi kal dan tur ruahman lawk a ngaih vang a ni a, hun tiam hnuah chuan hming pek theih a ni tawh lovang.

Dawrpui

News

Kartin chhuak

Pathianni

Oct 9, 2011

Lawmthu Sawina
YMA Rising Day lawmnaah lawmthu sawi tur tam tak kan nei a, Rising Day hlawhtlinna tur atana veng mipui ten kan sum leh paite ui lova kan thawhkhawm avangin ruai tui takin kan theh thei a, veng mipui chungah lawmthu kan sawi mawlh mawlh a, heng bakah hian School Managing Board ten Sikul min hmantir avangte, ruaithehna tur atana fatu te leh mawhphurhna hrang hrang chelhtu ten an mawhphurhna tlin taka an rawn tihhlawhtlin avang leh Mizo Hnamro Chawisang Pawl ten an bungrua man lova min hawhtir te leh Israel Digiport ten Banner mawi tak man lovin min siam saka, Pu Lalnunzira (L) chhungte Bara Bazar in Winter Sports Champions Trophy an rawn donate-a, heta hming man lova min chhutsaktu Mizoram Art, Dawrpui South te leh Pi Lalzami (Lalhema & Sons) ten Sepak Takhraw Ball min pe a, Dawrpui Local Council te leh MHIP ten lawmpuina pawisa min pe bawk a, heng bakah hian veng mipui ruai rawn thehtu te leh Programme rawn tihlawhtlingtute zawng zawng chungah lawmthu kan sawi mawlh mawlh ani. Sd/Secretary Dawrpui YMA

HRISELNA

Calcium
- Dr. Thangchungnunga MS (Ortho) Calcium hi kan Mizotawng hman mai loh chuan hming dang reng kan nei si lo. Calcium hi taksa engkimah tih theih deuhthawin a pawimawh a, kan taksa-a tan a Vitamin pawimawh tam tak pawh hi Calcium avanga taksain an siam a ni hlawm a. Kan chaw ei leh inah hian Calcium hi kan ei tel tlem em em a, nizung hmangin kan taksa hian calcium kan mamawh ang tawk chu a siam ve a ni.Kan taksa-a vitamin tam tak (Magnesium, Boron, Zinc) te hi a tel lo chuan taksa- in a siam thei bik si lo a ni. Kan ruh tichak leh tichangtu ber a nih avangin taksa-ah calcium a tlem chuan ruh a lo chak lova, tluk hlekin kum 60 chunglam phei chu an ruh a tlaik hma em em a ni. Tunlai a khelruh tlaik tam ber pawh hi chhuat a Glaze Tile kan phah leh calcium kan tlakchham vang a ni.Calcium hi thisenah a level tawk a awm ve a, chu chu a lo tlem chuan ruh a mi kha thluakin a la chhuak a, thisena a awm tawk awm turin a siam rem reng a ni. Hei vang hian calcium kan ei tlem chuan kan ruh a lo muat a, thawrawng lek lek khawpin a lo pan ta thin a ni. Hmanlai ti tawh mai ila, calcium mum awm hma kha chuan raipuar tam takin lungno te an ei a, meivap te an chak em em thin. Hemi awmzia chu an taksain calcium a mamawh a, calcium tamna kha thluakin a kawhhmuh ta mai thin a ni. Tunlaiah pawh calcium tlachham hi mi tam zawk la ni fo mai. thenkhat kuhva eiin calcium kan ei an ti mai thei, a dik a, chinai hi calcium hlang deuhthaw a ni a, mahse taksa tan a tha lo chi a ni. Hetiang hian iron(thisen sen siamtu) hi taksa a hip lut thei lovin a siam a, kuhva ei reng mai ho chuan iron an tlachham ngei ngei zel a ni. Calcium hi kan ei leh inah hian atel tlem em em a, mahse kan taksa hian Vitamin D nen a tang dunin nizung atangin a siam reng a, he vang a tlachham lutuk lova awm thei chauh kan ni.Tunlai pawhin upa kum 60 chunglam chu ruh chak lo hi a tam zawk an ni a, sap ho zingah pawh an buaipui ber pakhat a ni reng a ni. Chuvangin upa lam chuan ei reng mai hia him bem. Naupang lam tan chuan eng calcium pawh a pawi loh laiin upa lamah chuan chi dang deuh Vit D, Calcitrol, Zinc etc awm tel hi ei a ngai bik a ni. Zeng mu reng tan erawh chuan calcium ei vak vak hi a chi loh, kalah lungte a siam vat thin. Chuvangin kan taksa tan hian hmanna a tam lutuk a, kan ei tlem chuan thluakin kan ruh a mi hi a hmang ve leh mai a, ruh chuan Calcium a lo tlachham hret hret a, a tawpah phei chuan a lo thawrawng deuh thaw hial thin. Red Indian ho chuan Artui, Sava tui te hi a kawr an dahkhawm zel a, an rawt sawm a, an fate an ei tir thin. Artui kawr te hi a lo chan theih nachhan chu Calcium vang a ni a, chuvangin kan mamawh tawk hi kan ei meuh lo niin a lang. Thluak hi a fingin, Computer lian tak ang a ni mai a, taksa mamawh chu an ngaihtuah nghal zung zung mai a ni. Entirnan, mi, thisen hmu ngai lovin a hmuh thut a, thisuk a neih hian, taksa a thisen dawt zawng zawng kha a var (Zau) ta huau mai a, ke lamah a awm ta vek a, chu chu thluakin a thalo tih a hria a, a tluk tir vat a. Mi a khamphei a awm chuan lungphu tlem te pawhin thluak a thleng thei a, chu chu a tum ber a ni. Mi thisuk nei tlu tur hi dawm ding reng ila, a vanduai chuan thih mai theih a ni. Chuvangin thisuk neia tlute, rapthlak tak hmuh thut leh hriat avanga tlu te hi kaih thawh loh tur, an harh hunah an tho ve leh mai a ni. Kan taksa hi ropui leh mak tak mifing mihrinnain a chhut chhuah phak loh ala ni a, Pathian phei chu hisap phak a ni lo tih i hria ang u.

Lawmthu
Pu Robert Romawia Royte, Chief Managing Director NECS chuan a pa Pu Thanthuama Royte hriatreng nan Football Jersey Set khat (Fifa approved ngat) Chawngbawla Section te min pe a, a chungah hian Chawngbawla Section Member te chuan lawmthu kan sawi mawlh mawlh e. Secretary Chawngbawla Section Dawrpui YMA

Ration Card Hriattirna

Aizawl DC thuchhuak anga Family Ration Card report hun hawn laia ti ve remchang lo tan Oct. 12, 2011 (Nilaini) thleng hian heng a hnuaia hming ziakte hnenah hian in report theih a ni. A bak hun hawn a nih tawh dawn loh avangin la ti ve lo ten ngaipawimawh ngei tura hriattir kan ni. Chhungkaw hotu ber Photo ID ken ngei tur a ni e. In report-na turte : 1. Pu Zosangzuala : 9436140161 2. Pu Malthantluanga : 9436141022 3. Pu Kapchhunga Pachuau : 9862399954

HRIATTIRNA
Special Summary of Electoral Roll tih mek a ni a, Roll-a inthun thar duh, transfer leh siam that duh neite tan tih theih a ni e. Inthun thar tur tan Birth/Baptisma Certificate leh Passport Size thlalak copy 1 ken tel tur. A hmun : Dawrpui School A hun : October thla chhung (School hun chhungin) YMA Rising Day lawmna ruai theh chu a nuamin a ropui ngei mai, ruai theh tura kha ti zat kan kal khawm thei kha a lawmawm hle mai. Chhiatni-ah pawh khatiang tho kha ni thei ila, kan veng chu a nuam lehzual ngei ang. - YMA em em

Dawrpui

News

Kartin chhuak

Pathianni

Oct 9, 2011

INFIAMNA

SKA

Infiamna huang ah hian football hi kan thlur bing deuh a a chhan chu mizo thalaite zingah football hi kan hmabak beisei awm anih bakah kan ngaihven ber te zinga mi ni a ngaih a ni.

PRESBYTERIAN
Oct 09, 2011 (Pathianni)

KICKING AROUND - FOOTBALL

India rama rawn Pune FC nen a inkhel, Blackburn Rovers chu beisei angin League ah bul an tan chhe em em a, Coach Steve Keane Keane chu Fans leh Club hruaitute chuan a chungchang hi ngaihtuah mekin Villa Boss hlui Martin ONeill chu Steve Keane thlak tura beisei deh a ni.

Sunday School
|antu |antu Thusawitu Thusawitu : Pi Lalhmangaihi, Bial II

Chawhnu Inkhawm
: Nl. Lalrinzuali, Bial - II : Upa P.C. Lalhmachhuana

Zan Inkhawm
: Upa P.C. Lalhmachhuana

K.|.P.
Oct 09, 2011

|awng\ai Inkhawm

Season bul tan chhe em em Arsenal chu hmanni lawk khan an hmelma hlun Tottenham in an hneh tumin an player pawimawh zinga mi Bacary Sagna chu a inhliam avangin hun engemaw chen (thla 3 vel) a chawlh a ngai dawn. Manchester United defender kum 33 lai ni tawh Rio Ferdinand contract chu tun season hian a tawp dawn a, United hian contract an la ziah pui lova hei hi remchanga hmangin MLS club Chicago Fire in an ngaihven. Rio hi club dang Spurs pawhin an lak luh hreh loh thu an sawi. MLS club LA Galaxy tana khel mek Beckham pawh tun season zawh hian a contract a zo dawn a, Galaxy hi chhuahsan tur anga sawi thawm awmin French League club PSG chuan lak luh an hreh loh thu an puang nghal nghe nghe. Christiano Ronaldo chuan Spanish League top scorer record a siam sa (goal 41) chu tun season hian a khum theih a rin thu a sawi. CR7 hian tun season game 6 ah goal 8 a thun tawh nghe nghe. Premier League club Fulham tana tunhnaia che tha em em Andy Johnson chuan Cottagers (Fulham ) tan kum 2 dang contract a ziah belh. Andy hian tun season-ah Fulham tan a khel tha em em a, England tana koh leh a ni maithei. Kum 22 a upa Japanese star thar Shinji Kagawa chu Liverpool, Manchester United, AC Milan leh Juventus chuan lakluh tumin tunhnai hian an ngaihven hle. Tun Nipui bazar laia ngaihven hlawh em em, James Pastore chu Football Critics hovin Zidane leh Platini te nena tehkhin anih thu a hriatin a lawmin hei aia chawimawina a awm chuang lo a ni a ti Pastore hi club sum seng hnem em em PSG chuan tun nipui khan Euro maktaduai 40 ngawt in an la lut a, tunah hian game 9 khel tawhin goal 5 a thun tawh a ni. PSG hian an match hnuhnung ber ah title la tura an elpui Lyon chu 2-0 ngawtin an hneh a point 20 an hmu tawh. Arsenal Boss Arsene Wenger chuan Gunners tan Premier title beisei tur a awm tawh loh thu a sawi. Gunners hian Table hmahruaitu Manchester City leh United chu point 12 ngawtin an la pha lova, table ah 15-na niin an dinhmun a chhe hle a ni.

A hmun : Fellowship Hall Hruaitu : Nl. Lalbiaktluangi, Chhandamna Group |antu : Nl. Lalremruati, Khawngaihna Group Bible Chhiar rual tur : Rom 15 : 20 - 21 Oct 10, 2011

Thawhtanni Zan Inkhawm

(Literature Week hawnna)

Hruaitu : Pu Lalbiakdika, Leader |antu : Nl. Vanlalpeki, Khawngaihna Group Thilpek : 1. Nl. Lalmuanpuii, Chhandamna Group lakhawmtute : 2. Nl. Vanlalruati, Chhandamna Group Week Hawnna: Pastor R. Vanlalnghaka Thupui : Literature pawimawhna Sawitu : Dr. Lalrindiki, Upa Bial 1-na Solo : Nl. Sarah Lalngaihawmi, Khawngaihna Gr. Bible chhiar rual tur : Duet 5 : 8 - 10, I Tim 6 : 7 - 9

SALVATION ARMY
Thianghlimna Inkhawm Oct 09, 2011 Pu Rothangpuia Sailo, W.S Hriatrengna inkhawm
Hruaitu Thusawitu : Robert V.L. Thlamuana, Over Sixty Club Secretary : Maj. (Dr.) S.T. Dula

Chhandamna Inkhawm
Hruaitu Thusawitu : Lalmuankima, Band Master : Lalhruaitluanga, Visiting Sergeant

S.A.Y.
Oct 10, 2011

Thawh\anni Zan

Hruaitu : Dr. K. Lalhruaitluanga, Fin. Secretary Youth Congress puala \awng\ai rualna leh hla zir a ni ang B ASKETBALL : Inter Veng Basketball Tournament-ah kan veng players ten Zotlang kan hneh hnuin Champion lai Tuikual South lakah kan vanduai. Tournament khelh laia eitur tum saktu Local Council chungah Players-te an lawm hle.

Published by Y.M.A., Dawrpui Branch, Printed at G.S. Offset Printers, Treasury Square